17.05.2012
Komuna e Gostivarit e zgjedhur si një nga komunat më reformatore në Ballkanin Perëndimor kishte nderin të ketë mysafir një delegacion të gjerë prej 60 profesionistëve të Bankës Botërore si përfaqësues nga vendet e Ballkanit Perëndimor. Në sallën e Këshillit komunal, kryetari Osmani në cilësinë e udhëheqësit të komunës dhe të profesorit universitar, prezantoi në gjuhen angleze të arriturat e komunës për periudhën kohore 2009-2012.
Ne një prezantim të argumentuar shkencor, kryetari Osmani prezantoi strategjinë e menaxhimit të borxhit komunal, të hyrave dhe shpenzimeve dhe reformat e zbatuara të cilat nëpërmjet politikave të shëndosha fiskale dhe menaxheriale mundësuan që komuna të menaxhojë në tërësi borxhin enorm dhe në vitin 2012 të transformohet në komunën me investime kapitale më të mëdha në nivel të vendit nga buxheti vetjak.
|
|
16.05.2012
Sektori për arsim pranë komunës së Gostivarit, njofton të gjithë prindërit të cilët kanë fëmijë të lindur në vitin 2006, se është në vijim regjistirmi i nxënsve në klasë të parë për vitin shkollor 2012/2013. Komuna e Gostivarit ua ka dorëzuar listat e fëmijëve të cilët në bazë të rajonizimit duhet të regjistroihen në shkollat përkatëse, edhe atë me emër dhe mbiemër, adresë dhe vitin e lindjes së fëmijës.
|
|
16.05.2012
Kryetari i komunës së Gostivarit, Rufi Osmani priti në kabinetin e tij futbollistin e mirënjohur nga Gostivari, sulmuesin e kombëtares së Zvicrës, Admir Mehmedi.
Kryetari Osmani, futbollistit Mehmedi i ndau Mirënjohje për sukseset e arritura në futboll në arenën ndërkombëtare, ndërsa Mehmedi kryetarit i dhuroi fanellën e tij.
“Sportistët janë ambasadorët më të mirë të një vendi. Qytetarët e komunës së Gostivarit, mburren që ambasadorë të këtillë kemi në më shumë sporte në vende të ndryshme evropiane. Komuna e Gostivarit vazhdimisht ka mbështetur moralisht por edhe materialisht sportistët tanë të cilët garojnë në arenën ndërkombëtare, e të cilët në këtë mënyrë promovojnë edhe Gostivarin si qytet me shpirt sportiv” theksoi kryetari Osmani.
|
|
|
 15.05.2012
Komuna e Gostivarit këtyre ditëve ka filluar me realizimin e investimeve infrastrukturore në “Zonën VII”.
Në këtë lagje e cila ndonëse gjendet në bërthamën urbane të qytetit dhe ka filluar të ndërtohet me të madhe prej më shumë se dy dekadash, ka munguar infrastruktura elementare urbane.
Pas investimeve që u bënë në dy vitet e kaluara, me ç’rast u asfaltuan dhe u shtruan me bekatonka disa nga rrugët kryesore, për momentin punohet në rregullimin e një rrjeti rrugor me gjatësi mbi 700 metra dhe sipërfaqe të përgjithshme rreth 6000 m2.
|
|
10.05.2012
Nxënësit e klasës VI-2 të Shkollës fillore “Çajla” nga fshati Çajlë, në përcjellje të kujdestares së klasës Vjollca Osmani vizituan kryetarin e komunës së Gostivarit.
Kryetari Rufi Osmani i njoftoi nxënësit e fshatit Çajlë me detyrat dhe obligimet e kryetarit të komunës, në një gjuhë të kuptueshme për ta dhe i inkurajoi ata që të bëhen nxënës të zellshëm dhe të disiplinuar dhe kur të rriten, të bëhen ekspertë në fusha të ndryshme, ndërsa dikush prej tyre të ushtrojë edhe detyra të përgjegjshme dhe vendimmarrëse siç është pozicioni i kryetarit të komunës.
Në shenjë respekti dhe falënderimi për pranimin, nxënësit kryetarit Osmani i dhuruan hartën e komunës së Gostivarit të përgatitur nga vetë ata, ndërsa kryetari atyre u dhuroi material me logon e komunës.
|
|
|
|
<< Fillim < E mërparshme 1 2 3 4 5 6 7 8 9 10 Tjetra > Fund >>
|
| Rezultatet 1 - 9 nga 885 |
