Profesori i mirënjohur Larry Hubbell takoi kryetarin Taravari – ndau përvojat amerikane me administratën komunale të Gostivarit

18.06.2018

Administrata e komunës së Gostivarit sot pati rastin që të përfitojë nga përvoja e profesorit të njohur Larry Hubbell, i cili me anë të një prezantimi në Komunën e Gostivarit, dha detaje mbi punën e administrates në SHBA.

Profesori Hubbell u prit fillimisht nga Kryetari i Komunës së Gostivarit ArbenTaravari, ndërsa prezantimi në fjalë u mundësua nga Ambasada e SHBA-ve në Maqedoni.

Në kuadër të programit për forcimin e sistemit të menaxhimit të pushtetit lokal, Prof. Larry Hubbell ndau përvojat e tij praktike dhe teorike mbi parakushtet për ndërtimin e një sistemi të mirëmenaxhimit të pushtetit lokal duke u fokusuar në praktikat më të mira të menaxhimit me resurse njerëzore në sektorin publik, si formë që do të ndikojë shumë në përparimin e vendit drejt integrimit të suksesshëm në BashkiminEvropian”, theksoi Taravari

Hubbell tha se sot para administratës së komunës së Gostivarit do të flasë mbi eksperiencat amerikane si dhe sistemin e angazhimit në bazë të meritës.

Është kënaqësi e madhe që të jem në Gostivar dhe në Maqedoni. Këtu kam qenë edhe para gjashtë muajve kur kam ligjëruar në Universitetin e Evropës Juglindore. Planifikoj sot që të flasim për eksperiencën Amerikane, më saktësisht lidhur me “Angazhimin në bazë të meritës “, theksoi profesori Hubbell due shprehur kënaqësinë se është këtu me kryetarin Taravari dhe se shpreson që të kenë shkëmbim idesh së bashku.

Detaje mbi biografinë e prof. Larry Hubbell dha zëdhënësi i Komunës së Gostivarit, JasinDemiri. Ai nënvizoi se profesori ka 25 vite përvojë pune në shtete të ndryshme, duke veçuar trajnimet që i ka bërë në administratën e Klintonit dhe Obamës.

Ndryshe, Prof. Larry Hubbell ka qenë akademik për më shumë se 25 vjet dhe gjithashtu ka shërbyer më pare në Universitetin e Wyoming. Ka përvoja të shumta jashtë shtetit, pasi ka shërbyer si studiues në Maqedoni, Lituani dhe Sierra Leone. Ai gjithashtu ka kryer hulumtime dhe mësime në Indonezi, Rusi, Kinë, Kamboxhia, Tajvani, Dominika, Panama, Nikaragua dhe Afrikën e Jugut. Gjatë karrierës së tij, ai ka botuar literaturë shkencore në fushat e menaxhimit me resurse njerëzore dhe zhvillimin organizativ, administratën universitare, si dhe problemet me të cilat ballafaqohen demokracitë në zhvillim”, theksoi Demiri

Shërbimi për informim

Balindolli e festoi Fitër Bajramin me linjë të re të ujësjellësit

18.03.2018
Për rreth 300 amvisëri të fshatit Balindoll të cilat deri më tani nuk shfrytëzonin ujin e pijshëm nga ujësjellësi i qytetit ose kishin presion shumë të ulët të ujit, në ditën e Fitër Bajramit u vu në funksion linja e re e ujësjellësit. Ky ishte edhe premtimi i kryetarit të komunës së Gostivarit, Arben Taravari dhe drejtorit të NP “Komunalec”, Isak Lazami në ditën kur filloi realizimi i këtij projekti, respektivisht 23 maj.
Në përurimin e linjës së re të ujësjellësit mori pjesë edhe kryetari i Komunës së Gostivarit, Arben Taravari i cili nënvizoi se edhe përkundër obstruksioneve të shumta, Koumna dhe ndërmarrjet publike komunale, punojmë dhe realizojnë projekte shumë të rëndësishme për qytetarët e komunës së Gostivarit.
“Përurojmë sot linjën e re të ujësjellësit në fshatin Balindoll në gjatësi prej 2000 metra për rreth 200 shtëpi që deri më tani nuk kishin ujësjellës dhe furnizoheshin me ujë nëpërmjet bunarëve. Ndërsa, edhe 100 shtëpi tjera ku linja ekzistuese kishte shtypje shumë të ulët të ujit tash do të ketë shtypje shumë më të madhe, kështu që linja e re e ujësjellësit do tu shërbejë 300 shtëpive”, theksoi Taravari.
Krahas kësaj, kryetari Taravari njoftoi se në vijim do të bëhet asfaltimi i dy rrugëve në këtë fshat, premtim ky i dhënë në fushatën zgjedhore të vitit të kaluar.
“Jam krenar që për një kohë rekorde arritëm t’i realizojmë punimet dhe ta përurojmë këtë investim për Fitër Bajram. Prej këtu tani do të zhvendosemi në Debresh dhe në Zdunjë dhe të gjitha ato investime që i kemi premtuar do t’i realizojmë në kohë rekorde”, nënvizoi drejtori i NP Komunalec – Isak Lazami.
Banorët e fshatit Balindoll shprehën u falënderime publike kryetarit Taravari dhe drejtorit Lazami, ndër të cilët edhe ish kryetari I komunës së Gostivarit Xhemail Rexhepi dhe imami i fshatit Sead Fetai.

Shërbimi për informim

Kryetari Arben Taravari priti ministrin e brendshëm Oliver Spasovski

13.06.2018

Kryetari i komunës së Gostivarit, Arben Taravari priti në kabinetin tij ministrin e punëve të brendshme Oliver Spasovski, me të cilin biseduan mbi të gjitha problemet me të cilat ballafaqohet Komuna e Gostivarit në të gjitha sferat në aspektin e sigurisë.

Në prononcimin e tij për media pas takimit, kryetari Taravari tha se shpreson në një bashkëpunim institucional në të ardhmen, me anë të cilit do të arrihet të prevenohen problemet.

“Biseduam me ministrin për të gjitha problemet, rastin në gjimnazin e Gostivarit, kërcënimin që mu bë mua ditëve të fundit, biseduam për mungesën bashkëpunimit të policisë në nivel lokal me Komunën Gostivarit, biseduam për vendosjen e bashkëpunimit institucional dhe besoj se e kemi përkrahjen e ministrit Spasovski me qëllim që problemet të tejkalohen dhe të veprohet edhe në mënyrë preventive”, theksoi kryetari i komunës së Gostivarit, Arben Taravari.

Ai nënvizoi, po ashtu, se asistenca e policisë sidomos do të jetë tejet e nevojshme në periudhën në vijim, kur do të fillojnë edhe asfaltimet e rrugëve lokale nëpër fshatra dhe nëpër rrugët e qytetit.

To njëjtin qëndrim e shprehu edhe ministri Spasovski i cili tha se kthimi i besimit të qytetarëve tek policia mund të arrihet me ripërtëritjen e lidhjeve mes pushtetit lokal dhe pushtetit qendror.

“Është fakt se nëpër të gjitha qytetet ndodhin gjëra të padëshiruara, por esenca është që të veprohet me qëllim që të jepet mesazhi se në Maqedoni të gjithë duhet t’i respektojnë liget”, theksoi Spasovski.

Ai e cilësoi takimin si një fillim të mbarë dhe si mesazh deri tek qytetarët se institucionet janë këtu që të veprojnë së bashku për interesat e qytetarëve.

Ministrin Spasovski, në takim te kryetari Taravari e shoqëruan zv/ministri Agim Nuhiu dhe kryeshefi i SPB – Tetovë, Amir Dalipi, si dhe komandanti i SP – Gostivar, Gaz Abdurahimi.

Shërbimi për informim

Kryetari Taravari u takua me ministrin pa resor Aksel Ahmadoski

13.06.2018

Kryetari i komunës së Gostivarit Arben Taravari realizoi takim me ministrin pa resor i ngarkuar me implementimin e Strategjisë për romët Aksel Ahmedoski.

Në takim mori pjesë edhe këshilltari i kryetari Taravari për çështje rome, Bari Abduli dhe përfaqësues të Qendrës Informative Rome – Gostivar.

Qëllimi i vizitës ishte implementimi i Strategjisë për Romët dhe përmirësimi i cilësisë së jetës së komunitetit rom në Gostivar. U shqyrtuan dhe u diskutuan projektet e ardhshme në fushën e banimit, gjegjësisht përcaktimi i lokacionit për ndërtimin e banesave a për personat e pastrehë, si dhe për zgjidhjen e problemeve me infrastrukturën dhe sistemin e kanalizimit në zonat e banuara kryesisht me popullatë rome.

Kryetari Taravari theksoi se miratimi i Planit aksional paraqet një hap të madh për administratën komunale drejt integrimit të plotë të Romëve.

Kryetari Taravari dhe ministri Ahmedoski të shoqëruar nga bashkëpunëtorët e tyre, vizituan vendbanimet rome në Gostivar me ç’rast u shpreh gatishmëri nga ana e kryetarit për realizimin e projekteve të ardhshme për përmirësimin e gjendjes së romëve në Gostivar.

Shërbimi për informim

Vazhdon vendosja e ndriçimit publik në këndet e lojërave në Gostivar

13.06.2018

Pas hapjes së këndit të ri të lojërave te parku i madh i qytetit, përballë Gjykatës në Gostivar, është vendosur edhe ndriçimi.

Komuna e Gostivarit e pa të arsyeshme vendosjen e ndriçimit, shkaku asaj se këndi për fëmijë në anën tjetër të parkut, në afërsi të Kadastrës, pas vendosjes së ndriçimit shfrytëzohet edhe në orët e mbrëmjes dhe nuk dëmtohet nga personat e pandërgjegjshëm gjatë natës.

Shërbimi për informim

Kryetari i komunës së Gostivarit, Arben Taravari mbështet shahistët e rinj

12.06.2018

Synimet e kryetarit të komunës së Gostivarit, Arben Taravari për ngritjen e cilësisë së jetës kulturore-artistike, dhe rekreativo-sportive, sidomos të gjeneratave të reja, çdo ditë e më shumë po konkretizohen.

Një nga rastet e fundit është edhe mbështetja financiare nga ana e komunës së Gostivarit për Akademinë e Shahut për Fëmijë në Gostivar.

“Me zhvillimin e këtij sporti inteligjent dhe jashtëzakonisht të bukur ne bëhemi promotorë të një mënyre të shëndetshme të rritjes së fëmijëve duke i mbajtur larg nga ofertat e pista të rrugës”, thotë kryetari Taravari.       

Ndërkaq drejtuesi I Akademisë së Shahut për Fëmijë në Gostivar, Ahmet Sallmani ka falënderuar kryetarin Arben Taravari për përkrahjen e dhënë për shkollën e shahut në Gostivar.

“Kështu mundemi dhe do të ecim përpara drejt fitoreve të reja për Gostivarin dhe për gjeneratat e reja”, shprehet Sallmani.

Shërbimi për informim

Ambasadori sllovak Henrik Markush vizitoi Komunën e Gostivarit, u takua me kryetarin e komunës Arben Taravari dhe kryetarin e ASH-së, Ziadin Sela

07.06.2018

Ambasadori i Sllovakisë në Shkup, Henrik Mrkush vizitoi sot komunën e Gostivarit me ç’rast u takua me kryetarin e komunës së Gostivarit, Arben Taravari. Në takim të pranishëm ishin edhe ish ambasadori sllovak në Shkup, aktualisht drejtor i misionit të OSBE-së në Bratisllavë , Robert Krinak, si dhe kryetari i Aleancës për Shqiptarët, Ziadin Sela.

Në takim u bisedua për gjendjen aktuale në komunë dhe në shtet, si dhe për raportet e pushtetit qendror me pushtetin lokal në Gostivar.

“Patëm një bisedë konstruktive, mjaft të frytshme. Normalisht ne i kemi miq të gjithë përfaqësuesit e bashkësisë ndërkombëtare dhe janë gjithmonë të mirëseardhur në qytetin tonë”, theksoi në konferencën për shtyp kryetari i komunës së Gostivarit Arben Taravari.

Ai po ashtu ua sqaroi gazetarëve se cila ishte arsyeja që në këtë takim të jetë i pranishëm edhe kryetari i partisë Aleanca për Shqiptarët, Ziadin Sela.

“Ishte marrëveshje dypalëshe, ndërmjet nesh dhe Ambasadës Sllovake, që në takim të merr pjesë edhe kryetari i partisë Aleanca për Shqiptarët, zoti Ziadin Sela, për të bërë një analizë për punën e qeverisë dhe raporteve ndërmjet pozitës dhe opozitës. E shihni se qeveria ka një sjellje jokorrekte ndaj pushtetit lokal në Gostivar, por nga se tani janë aktuale çështja e emrit dhe integrimi i vendit në NATO, kjo e vë nën hije problemin. Mirëpo të gjithë diplomatët dhe miqtë tanë janë të njoftuar me atë se çka po ndodh në komunën e Gostivarit si një prej komunave kryesore në vend”, sqaroi Taravari.

Deklaratë pas takimit dha edhe ambasadori sllovak Henrik Markush, i cili potencoi se kjo është vizita e tij e parë pas emërimit në këtë funksion në muajin shkurt të këtij viti

“Më vjen keq që s’kam mundur të vij më herët, por jam shumë i lumtur që erdha sot. Më paraqet kënaqësi të veçantë që patëm një bisedë shumë inkurajuese me kryetarin Taravari. Këtu kemi edhe përfaqësues të OSBE-së, nga se vitin e ardhshëm Sllovakia do ta merr kryesimin me këtë organizatë. Më vjen shumë mirë që këtu me ne është edhe ish ambasadori sllovak Robert Kirnak i cili bëri një emër të mirë Sllovakisë jo vetëm në Gostivar por edhe në gjithë Maqedoninë’, theksoi mes tjerash ambasadori sllovak Henrik Markush.

Shërbimi për informim

Demant: Ministri Suhejl Fazliu nuk ka lëshuar asnjë denar për Gostivarin

07.06.2018

Me qëllim të informimit të saktë të qytetarëve të Gostivarit, Komuna e Gostivarit e jep sqarimin në vijim:

Për sa i përket deklaratës së ministrit të pushtetit lokal, Suhejl Fazliu të dhënë për TV Art Channel, në emisionin “Arti i Financës”, njoftojmë se projekti për rehabilitimin e rrugës nga lokaliteti i quajtur “Ura e Sushicës” deri në deponinë Rusino, është projekt i aplikuar nga Qendra për zhvillim rajonal të Pollogut në Programin për zhvillim rajonal të Byrosë për zhvillim rajonal, e jo në ndonjë nga programet e MPL-së dhe Byrosë ku aplikojnë Komunat.

Pra, bëhet fjalë për një projekt me interes të përbashkët për të nëntë komunat e rajonit të Pollogut, por që implementohet në atarin e Komunës së Gostivarit, sepse aty gjendet deponia rajonale. 

Ndërkohë, për sa i përket dokumentacionit të projektit, ky ka qenë detyrim i Qendrës për zhvillim rajonal të Pollogut. Komuna e Gostivarit  ka ndihmuar në mënyrë aktive në përpilimin e të njëjtit sistem dhe po me të njëjtin kompletim ka dhënë lejet e nevojshme për ndërtim, në afatet e parapara kohore.

Ritheksojmë se bëhet fjalë për një projekt me karakter rajonal, e jo për ndonjë plan që është me interes të izoluar vetëm për qytetarët e Komunës së Gostivarit.

Shërbimi për informim

Kryetari Arben Taravari promovoi këndet e reja për fëmijë

04.06.2018

Kryetari i komunës së Gostivarit Arben Taravari, sot doli në terren për të parë si rrjedhin punimet për ndërtimin e këndeve të reja për fëmijë.

Së pari ai u ndal te këndi i fëmijëve përballë Gjyqit në Gostivar, ku ky kën i ri i fëmijëve tash më është në funksion, e më pas vizitoi edhe shkollën fillore në fshatin Debresh ku në rrjedhë është vendosja e rekuiziteve te klëndi i ri i fëmijëve në oborrin e këlsaj shkolle.

Katër prej gjithsej gjashtë lokacioneve ku do të vendosen rekuizite, janë kënde të reja fëmijësh, ndërsa vetëm dy prej tyre kanë ekzistuar prej më herët dhe tani rekuizitat e vjetra do të zëvendësohen me rekuizita të reja.

“Planifikuam ndërtimin e katër këndeve për fëmijë si dhe ndërrim e rekuzitave të vjetar me të reja , në dy kënde ekzistuese. Shpresoj se brenda dy javëve do t’i përfundojmë katër kënde për fëmijë. Mendoj se fëmijët meritojnë argëtim dhe rekreacion të këtillë dhe se këto duhet të zgjerohen. Do mundohemi që në periudhën e ardhshme të ndërtojmë edhe disa të reja”, theksoi kryetari Taravari.

Banorët e fshatit Derbresh shprehen të kënaqur me angazhimin e kryetarit Taravari për investime edhe në mjediset rurale.

“Falënderojmë kryetarin për këtë investim shumë të qëlluar këtu në fshatin tonë. Këtë investim do ta shfrytëzojnë fëmijët e fshatit në këtë shkollë. Fshati Debresh deri më sot nuk ka pasur asnjë kënd të këtillë. Po ashtu falënderojmë kryetarin Taravari edhe për investimet tjera të cilat planifikon t’i realizojë në fshatin tonë”, shprehet, Senad Hasani – banor i fshatit Debresh.

Për rregullimin e këndeve të fëmijëve Komuna e Gostivarit ka ndarë nga buxheti i saj rreth 2,3 milion denarë, ndërsa punët pritet të përfundojnë brenda këtij muaji.

Shërbimi për informim

Në Ditën botërore të fëmijëve, shënohet 50 vjetori i themelimit të Kopshtit të fëmijëve në Gostivar

01.06.2018

Në sallën e mbushur përplot me fëmijë dhe prindër në Qendrën për Kulturë në Gostivar, me një program të pasur, u shënua sot 1 Qershori – Dita Botërore e Fëmijëve.

Në këtë event mori pjesë edhe kryetari i komunës së Gostivarit Arben Taravari dhe anëtraë të kabinetit të tij, si dhe përfaqësues të Qendrës Ndërkomunale për Mbrojtje Sociale – Gostivar.

“Fëmijët janë ata që na mbajnë zemrat, janë ata që për çdo ditë na dhurojnë lumturinë që askush tjetër nuk mund të na i dhurojë. Fatkeqësisht kohëve të fundit ballafaqohemi me mërgimin e të rinjve, andaj duhet që të angazhohemi që të krijojmë kushte më të mira për jetesë në vend dhe të rinjtë të fillojnë që perspektivën e tyre ta shohin në vendlindje. Uroj që sa më shpejtë t’i shohim kopshtet tona përplot me fëmijë dhe Zoti i mbajttë sa më të lumtur”, tha mes tjerash në fjalën përshëndetëse kryetari Arben Taravari.

Të pranishmëve iu drejtua edhe drejtoresha e Kopshtit të fëmijëve “Gëzimi Fëmijëror” – Natasha Sazdoska, e cila po ashtu përcolli mesazhe urimi për të gjithë fëmijët në botë.

Për festivali jubilar, fëmijët e grupit parashkollor nën udhëheqjen e edukatoreve të tyre kishin përgatitur një program të pasur zbavitës në tri gjuhë: shqip, maqedonisht dhe turqisht.

Shërbimi për informim