Hapet këndi i ri fëmijëve te banesat kolektive te tregu i qytetit

29.02.2018

Kanë përfunduar punimet për ndërtimin e këndit ë ri për fëmijë tek banesat kolektive përballë tregut të madh të qytetit në Gostivar, si pjesë e projektit të Komunës së Gostivarit për ndërtimin e katër këndeve të reja dhe riparimin e dy këndeve ekzistuese të lojërave në territorin e komunës.

Këndi i ri i fëmijëve tashmë është në funksion dhe shfrytëzohet nga fëmijët që banojnë në këtë pjesë, ndërsa prindërit shprehen shumë të kënaqur që tani kanë mundësi më shpesh t’i nxjerrin fëmijët si dhe më lehtë t’i kenë nën kontroll, shkaku i afërsisë së këndit me banesat e tyre.

Paraprakisht u ndërtuan këndet e lojërave te shkolla “Faik Konica” në fshatin Debresh, dhe përballë Gjykatës në Gostivar, kënd ky tek i cili u instalua edhe ndriçim publik që të mund të shfrytëzohet edhe në orët e mbrëmjes.
Për rregullimin e këndeve të fëmijëve Komuna e Gostivarit ka ndarë nga buxheti i saj rreth 2,3 milion denarë. Por, krahas këndeve që janë planifikuar për këtë fazë, në periudhën e ardhshme do të ndërtohen edhe disa të tjera në qytet dhe nëpër fshatra.

Shërbimi për informim

Njoftim

29.06.2018

Njoftohen qytetarët se nesër (e shtunë) është afati i fundit për dorëzimin të kërkesave për rregullim të statusit juridik të objektit të ndërtuar pa leje (legalizim) për të gjithë ata aplikues të cilëve u është refuzuar kërkesa për legalizim e parashtruar në vitin 2011.

Po ashtu, nesër është afati i fundit edhe për dorëzim të elaboratit gjeodezik për objektet e ndërtuara pa leje për të cilët kërkesë është parashtruar në vitin 2015/2016.

Me qëllim që tu dalë në ndihmë qytetarëve,, Komuna e Gostivarit ka angazhuar ekip kujdestar i cili nesër (e shtunë), do të bëjë pranimin e kërkesave, edhe atë prej në ora 9:00 deri në ora 20:00 në Qendrën për Shërbime Komunale që gjendet në katin përdhes të objektit të Komunës së Gostivarit.

Aplikuesit do të duhet të dorëzojnë:

– Letërnjoftim

-Fletëporosinë

– Fletëpagesë prej 250,00 denarë (mund ta bëjnë edhe në Komunë me kartelë elektronike)

Komuna e Gostivarit ftojnë qytetarët të shfrytëzojnë afatin e fundit për të rregulluar statusin juridik të objektit të tyre të ndërtuar pa leje dhe ta shndërrojnë atë në pasuri ligjor ekonomike.

Shërbimi për informim

Kryetari Taravari priti futbollistin e mirënjohur Admir Mehmedi

28.06.2018

Kryetari i komunës së Gostivarit, Arben Taravari priti sot në kabinetin e tij futbollistin e kombëtares së Zvicrës, me prejardhje nga Gostivari, Admir Mehmedi.

“Njerëzit tanë të cilët jetojnë jashtë vendlindjes janë ambasadorët tanë më të mirë nëpër botë, sidomos ata të cilët shënojnë suksese në sferën e shkencës, kulturës dhe sportit. Para disa ditësh patëm nobelistin Ferid Murad, ndërsa sot kemi mysafir në Komunën tonë futbollistin me famë botërore, Admir Mehmedi. Na bën nder që është sot këtu me ne dhe shpresoj se karriera e tij e cila ka filluar patra dhjetë vitesh, do të vazhdojë edhe dhjetë vite tjera, si në kombëtaren e Zvicrës, ashtu edhe në klubet futbollistike ku ai do të luajë”, theksoi Taravari.

Admir Mehmedi falënderoi kryetarin Taravari për mikpritjen dhe i dëshiroi atij sukses në qeverisje, duke uruar që Komuna e Gostivarit të ketë një zhvillim dhe përparim sa më të madh në të gjitha fushat.

Në shenjë respekti ndaj njëri-tjetrit, Taravari dhe Mehmedi shkëmbyen dhurata simbolike. Mehmedi i dhuroi Taravarit fanellën e kombëtares zvicerane me numrin 18, ndërsa Taravari Memedit i dhuroi pllakatën e Komunës së Gostivarit.

Ndryshe, Mehmedi është futbollisti i parë shqiptar, i cili ka shënuar gol në Kampionat Botëror të futbollit. Shkaku i një operacionit të ligamentit, Mehmedi në këtë kampionat botëror nuk është pjesë e kombëtares së Zvicrës.

Shërbimi për informim

Filluan punimet për ndërtimin e këndit të fëmijëve te banesat kolektive te tregu i qytetit

27.06.2018

Kanë filluar punimet për ndërtimin edhe të një këndi të ri për fëmijë, kësaj radhe tek banesat kolektivë përballë tregut të madh të qytetit në Gostivar.

Kjo bëhet në kaudër të projektit të Komunës së Gostivarit për ndërtimin e katër këndeve të reja dhe riparimin e dy këndeve ekzistuese të lojërave në territorin e komunës.

Paraprakisht u ndërtuan këndet e lojërave te shkolla “Faik Konica” në fshatin Debresh, dhe përballë Gjykatës në Gostivar, kënd ky tek i cili u instalua edhe ndriçim publik që të mund të shfrytëzohet edhe në orët e mbrëmjes.

“Për rregullimin e këndeve të fëmijëve Komuna e Gostivarit ka ndarë nga buxheti i saj rreth 2,3 milion denarë. Por, krahas këtyre këndeve që i kemi planifikuar për këtë fazë, do të mundohemi që në periudhën e ardhshme të ndërtojmë edhe disa të reja”, thotë Jasin Demiri – zëdhënës i komunës së Gostivarit .

Shërbimi për informim

Të hënën do të hapet Zyra për Mërgimtarët pranë Komunës së Gostivarit

27.06.2018

Të hënën (2 korrik), do të fillojë me punë Zyra për Mërgimtarët pranë Komunës së Gostivarit.

Zyra do të qëndrojë e hapur deri më 31 gusht, për tu rihapur sërish në muajin dhjetor kur mërgimtarët tanë do të kthehen sërish në vendlindje për të kaluar pushimet.

Zyra për Mërgimtarët do të funksionojë në formën e “Sistemit një sportel”, ndërsa orari i punës do të zgjasë prej në ora 08:00 deri në ora 20:00, çdo ditë pune.

Hapja e kësaj zyre bëhet me qëllim që mërgimtarëve tanë tua lehtësojmë deri në maksimumin e mundshëm procedurat administrative pranë Komunës.

Zyra për Mërgimtarët gjendet në Qendrën për Shërbime Komunale, në katin përdhes të selisë së Komunës së Gostivarit.

Shërbimi për informim

Rregullohet oborri i Konviktit të nxënësve në Gostivar

26.06.2018

Pas renovimit të mjediseve të brendshme dhe përgatitjes së një hapësire si kabinet për trajtimin e fëmijëve me autizëm, në Konviktin e nxënësve në Gostivar punohet për rregullimin edhe të ambienteve të jashtme.

“Kemi filluar ta rregullojmë oborrin e Konviktit, respektivisht të mbjellim pemë dekorative dhe të rregullojmë sipërfaqet e gjelbra, me qëllim që ky objekt të marrë pamjen e duhur“, thotë drejtori Shpend Sulejmani.

Sulejmani falënderon Komunën e Gostivarit dhe afaristët gostivaras për mbështetjen e vazhdueshme, falë së cilës ky konvikt i cili deri vonë më shumë i ngjasonte një objekti të braktisur, po shndërrohet në një ambient shumë të përshtatshëm si nga brenda ashtu edhe nga jashtë, për qëllimet të cilat është dedikuar.

Shërbimi për informim

Fituesja e çmimit mansion në olimpiadën e shkollave të mesme në Nju Jork, Gentiana Jashari në vizitë te kryetari Taravari

26.06.2018

Kryetari i komunës së Gostivarit, Arben Taravari pranoi në kabinetin e tij nxënësen Gentiana Jashari, fituese të çmimit mansion në olimpiadën Genius – International High School Environmental Project në Nju Jork.

“Gjithmonë kam thënë se njerëzit e kulturës dhe sportit janë ambasadorët më të mirë të një populli dhe kombi nëpër botë. Gentiana ka korrur sukses në një kompeticion ndërkombëtar me karakter kulturor dhe arsimor. Kjo na bën krenar sepse ajo ka përfaqësuar atje qytetin dhe komunën tonë. Në këto shtatë-tetë muaj, komuna në bazë të mundësive ka ndihmuar kulturën dhe sportin në Gostivar dhe do të vazhdojmë ta bëjmë këtë edhe në të ardhmen”, theksoi kryetari Taravari.

“Falënderoj kryetarin e komunës Arben Taravari, Këshillin e komunës, administratën komunale dhe mërgimtarët e fshatit Çajlë për mbështetjen materiale. Po ashtu falënderoj Ebrar Mazarin dhe Bastri Ristemin për incizimin e këngës, si dhe mentoren time profesoreshën Besa Xhaferi Sadiki. Unë në Nju Jork nuk prezantova vetëm vetveten apo shkollën time, por prezantova gjithë Gostivarin dhe përcolla mesazhet e mia për mbrojtjen e mjedisit jetësor. Jam e lumtur që gjithë ai angazhim në fund u kurorëzua edhe me sukses”, tha Gentiana Jashari.

Në olimpiadën në New York morën pjesë nxënës prej 72 vendeve të ndryshme të botës, të cilët garuan me 729 projekte. Kolegji Jahja Kemal – Maqedoni garoi me 62 projekte duke siguruar një medalje të artë, tre medalje të argjendta dhe katër të bronzta.

Gentiana Jashari e cila është nxënëse e vitit të dytë në kolegjin Jahja Kemal në Gostivar, u kurorëzua me çmimin mansion në kategorinë e artit, e cila u prezantua me hitin New Rules të këngëtares shqiptare me famë botërore Dua Lipa dhe me një ese për senzibilizimin e popullatës për mbrojtjen e mjedisit jetësor dhe ndërtimin e një fabrike për riciklim të mbeturinave në Gostivar.

Shërbimi për informim

Kryetari Arben Taravari priti ambasadorin italian Carlo Romeo

25.06.2018

Ambasadori italian në Shkup, Carlo Romeo vizitoi Komunën e Gostivarit me ç’rast u prit nga kryetari i komunës Arben Taravari.

Në takim u bisedua për mundësitë e thellimit të bashkëpunimit që ka vendi ynë me miqtë tanë italian në nivel nacional, e sidomos në nivel lokal.

“Bashkëbiseduam me ambasadorin për thellimin e bashkëpunimit të dy vendeve në nivel nacional dhe në nivel lokal. Shpalosëm mundësinë edhe të binjakëzimit të komunës së Gostivarit me ndonjë komunë italiane. Po ashtu e njoftova ambasadorin me gatishmërinë tonë që ta fusim gjuhën italiane si gjuhë të dytë të huaj në shkollat fillore dhe të mesme të Gostivarit, konform vendimit të qeverisë, duke pasur parasysh se në Itali kemi shumë mërgimtarë nga treva jonë”, u shpreh Taravari pas takimit.

Në të njëjtën linjë ishte edhe ambasadori italian Romeo, i cili mërgimtarët gostivaras në Itali i cilësoi si një komunitet mjaft i rëndësishëm.

“Qytetarët e Gostivarit të cilët jetojnë dhe punojnë në Itali, paraqesin një komunitet mjaft të rëndësishëm. Shpresoj se bashkëpunimi ekzistues ndërmjet dy vendeve, konkretisht edhe me komunën e Gostivarit, do të thellohet akoma më shumë në aspekt ekonomik, kulturor dhe arsimor dhe se do të ketë edhe investime italiane në komunën tuaj”, nënvizoi ambasadori Carlo Romeo.

Shërbimi për informim

Formohet Këshill Lokal për Preventivë në Gostivar

25.06.2018

Në Komunën e Gostivarit, realizuan sot një takim të përbashkët kryetari i komunës, kryetari i Gjyqit Themelor, një përfaqësues i Prokurorisë Themelore dhe Komandanti i Stacionit të Policisë të Gostivarit.

Qëllimi i takimit ishte konstituimi i Këshillit Lokal Preventiv sipas rekomandimeve të OSBE-së dhe Ministrisë së Punëve të Brendshme.

Kryetari i komunës së Gostivarit, Arben Taravari, deklaroi për mediet se ky takim më shumë kishte qëllim informativ dhe konsultativ, ndërsa tash e tutje do të realizohen takime të rregullta me pika të definuara të rendit të ditës, që do të mbahen të hënave, në çdo dy javë.

“Vendosëm që të konstituojmë Këshillin Lokal për Preventivë me qëllim që të bashkëpunojmë dhe funksionojmë në interes të qytetarëve dhe ndaj problemeve të kemi qasje preventive. Sipas asaj që më informoi komandanti i stacionit policor, jemi qyteti i parë që ka themeluar një këshill të këtij lloji dhe shpresoj se do të jemi shembull pozitiv edhe për komunat tjera. Do të realizojmë takime të rregullta çdo dy javë, ditëve të hëna, ku do të kemi pika të caktuara në rend dite dhe do ta njoftojmë edhe publikun me problemet me të cilat ballafaqohemi, si dhe vendimet dhe aktivitetet që do të ndërmerren”, deklaroi Taravari pas takimit.

Komuna e Gostivarit shpreh gatishmëri për çdo lloj bashkëpunimi ndër-sektorial dhe ndërinstitucional, me qëllim që proceset të ecin para dhe dobi nga to të kenë të gjithë qytetarët, sidomos në aspektin e sigurisë, pavarësisht përkatësisë së tyre etnike, fetare, apo bindjeve politike.

Shërbimi për informim

Vendoset ndriçim dekorativ në sipërfaqet e gjelbra në Gostivar, qyteti merr pamje atraktive në orët e mbrëmjes

25.06.2018

Komuna e Gostivarit vazhdon me realizimin e projekteve për përmirësim të infrastrukturës, rritjen e cilësisë së jetës së qytetarëve dhe zbukurimin e sipërfaqeve publike në territorin e saj.

Projekti i radhës i cili ka filluar me realizim është vendosja e ndriçimit dekorativ në sipërfaqet e gjelbra në pjesët më të frekuentuara të qytetit. Fillimisht ndriçim dekorativ është vendosur te unazat dekorative në parkun e qytetit, më saktësisht përballë Gjykatës.

“Ndriçimit dekorativ do të vendoset në të gjitha sipërfaqet e gjelbra në pjesët kryesore të qytetit, respektivisht në vendet më të frekuentuara nga qytetarët, siç janë parku i vogël në sheshin e qytetit, oborri te selia e Komunës, rrethrrotullimet, brezi i i gjelbër i bulevardeve dhe sipërfaqe të ngjashme. Me realizimin e këtij projekti, Gostivari do të marrë një pamje të bukur dhe me siguri do të bëhet një qytet mjaft atraktiv për shëtitje në orët e mbrëmjes”, thotë zëdhënësi Komunës së Gostivarit, Jasin Demiri.
NP “Parkingje publike dhe gjelbërime”, ka përmirësuar dukshëm gjendjen me gjelbërimin nëpër qytet me rrethinë, ndërsa ky trend në të ardhmen do të vazhdojë me intensitet të shtuar.

Shërbimi për informim