Mbështetje nga ADRR “Sonce” – Tetovë për kryetarin Taravari

22.06.2018

Asociacioni i Romëve për Zhvillimin të Demokracisë ADDR “Sonce” – Tetovë, reagon ndaj heqjes nga rendi i ditës të pikës për miratimin e planeve aksionale lokale në Këshillin e Komunës së Gostivarit. Në reagim thuhet se ky Asociacion mbështet proceset që çojnë në përmirësimin e pozitës së romëve në nivel lokal në kuadër tëprogramit ROMAKTED “Promovimi i qeverisjes së mirë dhe forcimin e romëve në nivel lokal” dhe Memorandumit të nënshkruar për Mirëkuptim me komunat, Këshillin e Evropës dhe Ministrinë për Punë dhe Politikë Sociale.

Letrën ua përcjellim në mënyrë integrale:

Reakcija ADDR SONCE – Tetovo

DEMANT NDAJ AKUZAVE TË PABAZA TË DREJTORËVE TË DHUNSHËM TË SHKOLLAVE

Komuna e Gostivarit, jo vetëm bllok dotacionet por edhe mjete shtesë nga buxheti i saj u ka transferuar shkollave fillore dhe të mesme publike

22.06.2018

Në lidhje me akuzat e drejtuara ndaj Komunës së Gostivar nga ana e drejtorëve të dhunshëm të shkollave fillore dhe të mesme publike të Gostivarit, kinse Komuna e Gostivarit nuk i transferon nëpër shkolla mjetet financiare që sigurohen nga ana e shtetit, Komuna e Gostivarit e jep sqarimin me sa vijon:

Nga pranimi i detyrës së udhëheqësisë së re komunale e deri më sot, transferet nga pushteti qendror në emër të bllok dotacioneve për shkollat fillore dhe të mesme, Komunës së Gostivarit i janë transferuar gjithsej 275.930.o33 denarë, ndërsa të dalat për këtë dedikim janë gjithsej 280.330.703 denarë.

Kjo nënkupton se Komuna e Gostivarit, nga buxheti bazë, për shkollat fillore dhe të mesme ka ndarë 5.136.945 denarë, respektivisht mbi 84.000 euro.

Rrjedhimisht, qëndrimet e shpalosura të drejtorëve të dhunshëm dhe skajshmërisht të politizuar, janë të pabaza dhe se fajin ata duhet ta kërkojnë tek vetvetja, ngase gjendja e krijuar është pasojë e paaftësisë së tyre dhe keqmenaxhimit, karakteristikë kjo që e përcjell subjektin politik që ata përfaqësojnë.

Vlen të theksohet se përveç për shkollat, Komuna e Gostivarit ka ndarë edhe mjete të tjera nga buxheti bazë për çerdhet dhe dedikime tjera të cilat duhet të mbulohen nga bllok dotacionet nga niveli qendror. Shuma totale e të cilave është rreth 7.000.000 denarë ose rreth 115.000 euro.

Shërbimi për informim

Vendimi i shumicës në Këshill, la në terr palestrën sportive “Rinia” – Gostivar

21.06.2018

Vendimi i shumicës së anëtarëve të Këshillit të Komunës së Gostivarit, në seancën e pestë votoi kundër ndarjes së subvencioneve nga ana e Komunës për NPEOS “Rinia” – Gostivar.

Kjo ndërmarrje në kuadër të së cilës funksionon edhe palestra sportive në të cilën aktivitetet sportive i zhvillojnë klubet sportive të Gostivarit me rrethinë, udhëheqësia e shkuar komunale kishte krijuar detyrime enorme ndaj EVN-së për energji të harxhuar elektrike.

Ndonëse vetë përgjegjës për këtë situatë të palakmueshme të NP “Rinia”, këshilltarët e BDI-së të mbështetur edhe nga partnerët e tyre LSDM, RDK dhe LDR votuan kundër propozim-vendimit për ndarje të 500.000 denarëve kësaj ndërmarrjeje të dedikuara për pagesën e rrymës elektrike, dhe për pasojë sot EVN e shkyçi rrymën dhe kjo palestër mbeti në terr.

Parashtrohet pyetja, ku e shohin në këtë rast interesin e qytetarëve këshilltarët e BDI-së dhe partnerët e tyre, në të cilin vazhdimisht thirren.

Shërbimi për informim

Në shtator katër çerdhe të reja do të hapin dyert për fëmijët

21.06.2018

Me fillimin e shtatorit, katër çerdhe të reja do të hapin dyert për të pranuar fëmijët e moshës parashkollore. Kryetari i Komunës së Gostivarit, Arben Taravari I shoqëruar nga udhëheqësja e Sektorit për veprimtari publike, Aslian Snopçe ndoq nga afër fillimin e punimeve për adaptimin e hapësirës ku do të funksionojë çerdhja e fëmijëve në kuadër të godinës shkollore në fshatin Forinë.

Kryetari Arben Taravari njoftoi se paralelisht po punohet për hapjen e çerdhes edhe në fshatin Raven, dhe se të katër çerdhe të reja do të përurohen gjatë ditëve në vijim.

Aslian Snopçe nga Sektori për veprimtari publike pranë Komunës së Gostivarit, njoftoi se krahas investimeve që bëhen në çerdhet e reja, do të bëhet edhe rinovimi i objektit kryesor të Kopshtit për fëmijë “Gëzimi fëmijëror” duke nënvizuar se me hapjen e çerdheve nëpër fshatra, do të zbutet mbingarkesa e çerdheve të qytetit, në kuptimin që fëmijët e këtyre fshatrave do të sistemohen nëpër çerdhet e vendbanimeve nga ata vijnë .

Pritet që të shkojë në minimum edhe numri I fëmijëve që qëndrojnë në listën e pritjes. Nga shtatori, në kuadër të çerdheve do të fillojnë edhe aktivitete të reja përmes të cilave do të identifikohen talentet e fëmijëve që në moshë të hershme, me qëllim që prindërit ta kenë më të lehtë në të ardhmen se nga t’i orientojnë fëmijët, respektivisht do të zhvillohen kurse të gjuhës angleze, aktivitete të arit muzikor, figurativ etj.

Paraprakisht, përfaqësues të komunës, Ministrisë së punës dhe politikës sociale dhe UNICEF-it, inspektuan kushtet e hapësirave të dedikuara për çerdhe, për të parë nga afër nëse të njëjtat i plotësojnë kriteret e nevojshme për këtë lloj dedikimi. Me përfundimin e procedurës tenderike filloi procedura e realizimi me qëllim që deri në shtator, të fillojë regjistrimi i fëmijëve.

Për vendosjen në funksion të çerdheve në Forinë dhe në Raven, do të shpenzohen 1.022.300 denarë.

Shërbimi për informim

LAJMËRIM

20.06.2018

Lajmërohen qytetarët se nesër (e enjte) prej në ora 23:00 deri të premten në ora 07:00, uji i pijshëm nga ujësjellësi i qytetit do të jetë në ndërprerje.

Ndërprerja e ujit bëhet për shkak të mbushjes së basenit të ri në fshatin Vërtok, si dhe testimit të linjës së dytë kryesore alternative deri te burimi kryesor. E gjithë kjo si parapërgatitje për fillimin punëve në kuadër të projektit SECO 2.

Komuna e Gostivarit dhe NP “Komunalec” kërkojnë mirëkuptim nga qytetarët.

Shërbimi për informim

Filloi ndërtimi i kanalizimit në fshatin Zdunjë të Gostivarit, do të zgjidhet problemi për gjysmën e banorëve të fshatit

19.06.2018

Në fshatin Zdunjë të komunës së Gostivarit kanë filluar sot punimet për ndërtimin e kanalizimit në gjatësi prej rreth 1000 metra, në të cilin pritet të kyçen rreth gjysma e amvisërive të këtij fshati.

Fillimin e punimeve, nga afër e ndoqi edhe kryetari i komunës së Gostivarit Arben Taravari, i shoqëruar nga drejtori I Ndëmrarrjes Publike Komunalec, Isak Lazami si dhe bashkëpunëtorë tjerë.

Kryetari Taravari tha se ky ka qenë një nga premtimet e tij parazgjedhore që fatmirësisht po gjen realizim.  Ai nënvizoi se projekti i radhës do të realizohet në Debresh ku o të ndërtohet linjë e re e ujësjellësit, si dhe asfaltimi i segmentit rrugor Llakavicë – Sërmnovë.

Drejtori i Ndërmarrjes Publike, Isak Lazami tha se projekti i kanalizimit ka qenë edhe kërkesë e banorëve të Zdunjës, që ka hasur në mirëkuptimin e ndërmarrjes komunale si dhe suportin nga Komuna e Gostivarit.

Banorët e fshatit u shprehën mirënjohës ndaj Komunës dhe ndërmarrjes komunale për realizimin e këtij projekti duke nënvizuar se tash më gjysma e amvisërive nuk do ta kenë problem çështjen e kanalizimit dhe se shpresojnë se në këtë fshat do të realizohen edhe projekte tjera.

Shërbimi për informim

Biznesmenët kroat dhe turq të interesuar për të investuar në Gostivar

19.06.2018

Një delegacion prej biznesmenësh kroat dhe turq, vizitoi sot Komunën e Gostivarit me ç’rast u pritën nga kryetari i komunës së Gostivarit, Arben Taravari dhe bashkëpunëtorët e tij.

Biznesmenët kroat dhe turq ia shpalosën kryetarit Taravari interesimin e tyre për të bërë investime konkrete në sferën e blegtorisë në territorin e komunës së Gostivarit.

Kryetari Taravari i njoftoi biznesmenët se ai dhe administrata komunale janë të gatshëm, që të ofrojnë asistencë të plotë dhe gjithçka është në ingerencë të Komunës kur bëhet fjalë për investime serioze që ndikojnë në zhvillimin ekonomik lokal dhe në zbutjen e papunësisë.

Biznesmenët kroat dhe turq, gjatë qëndrimit të tyre në Gostivar bëjnë hulumtim të terrenit me ç’rast i shoqërojnë edhe të punësuarit në administratën komunale të cilët merren me çështje të investimeve të huaja.

Shërbimi për informim

LAJMËRIM

Lajmërohen të gjithë qytetarët të cilit shfrytëzojnë rrugën rajonale Gostivar – Sërmnovë, se nga mëngjesi i ditës së enjte do të fillojnë punët ndërtimore për rikonstruktim të plotë të segmentit Llakavicë – Sërmnovë.

Deri sa do të zgjasin punët ndërtimore qarkullimi në këtë segment rrugor, në pjesë dhe periudha të caktuara, do të zhvillohet me vështirësi, andaj luten të gjithë pjesëmarrësit në komunikacion që të bëjnë kujdes dhe qarkullimin ta përshtatin me kushtet e rrugës.

Ndryshe, rruga e cila do të rikonstruktohet është me gjatësi prej 2,3 kilometrash ndërsa pjesa që do të asfaltohet do të jetë me gjerësi 4,2 metra.

Nga Komuna e Gostivarit, falënderojnë qytetarët për mirëkuptimin.

Shërbimi për informim

Profesori i mirënjohur Larry Hubbell takoi kryetarin Taravari – ndau përvojat amerikane me administratën komunale të Gostivarit

18.06.2018

Administrata e komunës së Gostivarit sot pati rastin që të përfitojë nga përvoja e profesorit të njohur Larry Hubbell, i cili me anë të një prezantimi në Komunën e Gostivarit, dha detaje mbi punën e administrates në SHBA.

Profesori Hubbell u prit fillimisht nga Kryetari i Komunës së Gostivarit ArbenTaravari, ndërsa prezantimi në fjalë u mundësua nga Ambasada e SHBA-ve në Maqedoni.

Në kuadër të programit për forcimin e sistemit të menaxhimit të pushtetit lokal, Prof. Larry Hubbell ndau përvojat e tij praktike dhe teorike mbi parakushtet për ndërtimin e një sistemi të mirëmenaxhimit të pushtetit lokal duke u fokusuar në praktikat më të mira të menaxhimit me resurse njerëzore në sektorin publik, si formë që do të ndikojë shumë në përparimin e vendit drejt integrimit të suksesshëm në BashkiminEvropian”, theksoi Taravari

Hubbell tha se sot para administratës së komunës së Gostivarit do të flasë mbi eksperiencat amerikane si dhe sistemin e angazhimit në bazë të meritës.

Është kënaqësi e madhe që të jem në Gostivar dhe në Maqedoni. Këtu kam qenë edhe para gjashtë muajve kur kam ligjëruar në Universitetin e Evropës Juglindore. Planifikoj sot që të flasim për eksperiencën Amerikane, më saktësisht lidhur me “Angazhimin në bazë të meritës “, theksoi profesori Hubbell due shprehur kënaqësinë se është këtu me kryetarin Taravari dhe se shpreson që të kenë shkëmbim idesh së bashku.

Detaje mbi biografinë e prof. Larry Hubbell dha zëdhënësi i Komunës së Gostivarit, JasinDemiri. Ai nënvizoi se profesori ka 25 vite përvojë pune në shtete të ndryshme, duke veçuar trajnimet që i ka bërë në administratën e Klintonit dhe Obamës.

Ndryshe, Prof. Larry Hubbell ka qenë akademik për më shumë se 25 vjet dhe gjithashtu ka shërbyer më pare në Universitetin e Wyoming. Ka përvoja të shumta jashtë shtetit, pasi ka shërbyer si studiues në Maqedoni, Lituani dhe Sierra Leone. Ai gjithashtu ka kryer hulumtime dhe mësime në Indonezi, Rusi, Kinë, Kamboxhia, Tajvani, Dominika, Panama, Nikaragua dhe Afrikën e Jugut. Gjatë karrierës së tij, ai ka botuar literaturë shkencore në fushat e menaxhimit me resurse njerëzore dhe zhvillimin organizativ, administratën universitare, si dhe problemet me të cilat ballafaqohen demokracitë në zhvillim”, theksoi Demiri

Shërbimi për informim

Balindolli e festoi Fitër Bajramin me linjë të re të ujësjellësit

18.03.2018
Për rreth 300 amvisëri të fshatit Balindoll të cilat deri më tani nuk shfrytëzonin ujin e pijshëm nga ujësjellësi i qytetit ose kishin presion shumë të ulët të ujit, në ditën e Fitër Bajramit u vu në funksion linja e re e ujësjellësit. Ky ishte edhe premtimi i kryetarit të komunës së Gostivarit, Arben Taravari dhe drejtorit të NP “Komunalec”, Isak Lazami në ditën kur filloi realizimi i këtij projekti, respektivisht 23 maj.
Në përurimin e linjës së re të ujësjellësit mori pjesë edhe kryetari i Komunës së Gostivarit, Arben Taravari i cili nënvizoi se edhe përkundër obstruksioneve të shumta, Koumna dhe ndërmarrjet publike komunale, punojmë dhe realizojnë projekte shumë të rëndësishme për qytetarët e komunës së Gostivarit.
“Përurojmë sot linjën e re të ujësjellësit në fshatin Balindoll në gjatësi prej 2000 metra për rreth 200 shtëpi që deri më tani nuk kishin ujësjellës dhe furnizoheshin me ujë nëpërmjet bunarëve. Ndërsa, edhe 100 shtëpi tjera ku linja ekzistuese kishte shtypje shumë të ulët të ujit tash do të ketë shtypje shumë më të madhe, kështu që linja e re e ujësjellësit do tu shërbejë 300 shtëpive”, theksoi Taravari.
Krahas kësaj, kryetari Taravari njoftoi se në vijim do të bëhet asfaltimi i dy rrugëve në këtë fshat, premtim ky i dhënë në fushatën zgjedhore të vitit të kaluar.
“Jam krenar që për një kohë rekorde arritëm t’i realizojmë punimet dhe ta përurojmë këtë investim për Fitër Bajram. Prej këtu tani do të zhvendosemi në Debresh dhe në Zdunjë dhe të gjitha ato investime që i kemi premtuar do t’i realizojmë në kohë rekorde”, nënvizoi drejtori i NP Komunalec – Isak Lazami.
Banorët e fshatit Balindoll shprehën u falënderime publike kryetarit Taravari dhe drejtorit Lazami, ndër të cilët edhe ish kryetari I komunës së Gostivarit Xhemail Rexhepi dhe imami i fshatit Sead Fetai.

Shërbimi për informim