Kryetari Taravari promovoi punimet e realizuara në parkun madh të qytetit në Gostivar

31.07.2018

Parku i madh i qytetit të Gostivarit ka marrë një pamje krejtësisht të re dhe shumë të përshtatshme për të kaluar kohën e lirë sidomos në ditët e nxehta verore.

Kryetari i komunës së Gostivarit Arben Taravari, sot n prani të medieve promovoi punimet të cilët janë kryer në ktë park deri në këtë moment si dhe paralajmëroi investime shtesë që do të realizohen në muajt në vazhdim.

“Siç e shihni, në këtë park janë realizuar shumë punë dhe tashmë ka filluar të marrë pamjen e dëshiruar. Pas nivelimit të sipërfaqes, është bërë edhe gjelbërimi dhe instalimi i sistemit nëntokësor të vaditjes, është vendosur ndriçim publik dhe ndriçim dekorativ. Janë ndërtuar rrugica të shtruara me pllaka bekatoni. Po ashtu, tashmë ky park ka edhe kënd të lojërave për fëmijë krahas këndit për rekreim të të rriturve: Ndërsa ajo që është ndoshta më me rëndësi, mirëmbahet rregullisht edhe pastërtia”, njoftoi Taravari.

Ndërkaq, drejtori i NP “Parkingje dhe gjelbërime”, Muzafer Zulbeari, paralajmëroi se shpejti do të përfundojë edhe procedura e tenderimit për vendosjen e rreth 60 bankave në të dy anët e parkut, me çka do të mundësohet që edhe pleqtë ta shfrytëzojnë sa më shumë këtë park.

“Shpresojmë se deri në fund të shtatorit do të përfundojë e gjithë procedura dhe ky park do të ketë edhe ulëset përkatëse”, nënvizoi drejtori Zubeari.   

Kryetari Taravari, po ashtu përuroi drejtorët e dy ndërmarrjeve publike komunale për mbarëvajtjen e punëve dhe mirëmbajtjen e gjelbërimit dhe pastërtisë publike në këtë park, ndërsa apeloi deri te të gjithë qytetarët që për rekuizitet dhe pajisjet tjera urbane të kujdesen si për pronën tyre dhe sa më shumë qytetarë për një kohë sa më të gatë të shfrytëzojnë të mirat e këtij parku, i cili mund të konsiderohet si “mushkëritë” e qytetit.           

Shërbimi për informim

Vazhdon aksioni për mënjanimin e ndërtimeve të egra në Gostivar

30.07.2018

Investitori i një objekti pa leje në afërsi të ish kinemasë së qytetit në Gostivar, pas pranimit të aktvendimit të lëshuar nga ana e Komunës së Gostivarit, sot vetë ka mënjanuar objektin e egër.

Në vendngjarje, krahas administratorëve kompetentë komunalë, ishte edhe kryetari i komunës së Gostivarit Arben Taravari, i cili njoftoi sërish se do të prishen të gjitha ndërtimet e egra të cilat prekin në rrugë dhe bllokojnë mbarëvajtjen e qarkullimit në gjithë territorin e komunës së Gostivarit.

Taravari apeloi deri tek pronarët e objekteve për të cilat është lëshuar aktvendim për mënjanim, që vetë t’i prishin ato  dhe tu ikin shpenzimeve të panevojshme për prishje të dhunshme.

Ai po ashtu njoftoi opinionin publik se në ditët ne vazhdim do të prishen 5-6 objekte të këtilla.

Ndryshe aksioni për mënjanimin e objekteve të ndërtuara në mënyrë të paligjshme në Gostivar, filloi dje kur përmbaruesit e Komunës prishën një murrë në lagjen Pitarnicë i cili pamundësonte hapjen e një rrugice të kësaj lagjeje, problem ky i cili daton prej rreth 30 vitesh.

Nga Sektori i urbanizimit pranë Komunës së Gostivarit, apelojnë deri tek qytetarët që të mos ndërtojnë pa leje adekuate, sepse do të ballafaqohen me të gjitha masat në përputhje me ligjet pozitive të Republikës së Maqedonisë.

Shërbimi për informim

Do të zgjerohet dhe riasfaltohet një rrugë në fshatin Debresh, fillimin e punimeve e ndoqi nga afër kryetari Taravari

30.07.2018

Kryetari i komunës së Gostivarit, Arben Taravari, ndoqi nga afër fillimin e punimeve për zgjerimin dhe riasfaltimin e një segmenti të një rruge në pjesën e epërme të fshatit Debresh.

Rruga e cila do të riasfaltohet dhe zgjerohet ka një gjatësi prej rreth 200 metra, aktualisht është e gjerë rreth 3m, ndërsa pas rikonstruktimit do të ketë gjerësi prej 4,20 metra, gjerësi kjo e mjaftueshme për qarkullim me dy korsi.

Ishte kjo një kërkesë e banorëve të fshatit Debresh, sepse kjo pjesë e rrugës ishte mjaft e dëmtuar dhe e ngushtë, ndërsa është mjaft e frekuentuar. Krahas kësaj do të asfaltohet edhe parkingu i xhamisë së fshatit në këtë lagje. Me realizimin e këtij projekti, ne në fakt do të përmbyllim investimet e planifikuara për sivjet në këtë fshat nga sefra e infrastrukturës, respektivisht ujësjellës, kanalizim, asfaltim si dhe asistencë aktiviteteve të ndërmarra nga ana e Bashkësisë lokale të fshatit”, deklaroi Taravari.

Banorët e fshatit Debresh, u shprehën falënderues për investimet e deritashme të Komunës së Gostivarit në fshatin e tyre dhe për premtimet e mbajtura të kryetarit Arben Taravari.

Shërbimi për informim

Filloi aksioni për prishjen e ndërtimeve pa leje në Gostivar

30.07.2018

Ka filluar sot aksioni për prishjen e ndërtimeve pa leje në territorin e komunës së Gostivarit. I pari ndërtim i cili u prish sot, ishte një murrë në lagjen Pitarnicë që ishte ndërtuar pa leje përkatëse dhe në vendin e paraparë për rrugë. Me prishjen e këtij muri, në fakt mundësohet qarkullimi i lirshëm i automjeteve të asaj pjese të lagjes Pitarnicë.

Komuna e Gostivarit do të vazhdojë me prishjen e ndërtimeve pa leje, siç janë muret të cilët kapin pjesë të rrugës, ndërtime shtojcë si dhe objekte banimi të cilët janë ndërtuar në mënyrë të paligjshme.

Nga Sektori i urbanizimit pranë Komunës së Gostivarit, apelojnë deri tek qytetarët që të mos ndërtojnë pa leje adekuate, sepse do të ballafaqohen me të gjitha masat në përputhje me ligjet pozitive të Republikës së Maqedonisë.

Shërbimi për informim

Në kuadër të “Ditëve të mërgimtarëve”, u mbajt turne shahu në Gostivar

30.07.2018

Në mënyrë simbolike, me tërheqjen e lëvizjes së parë nga ana e kryetarit të komunës së Gostivarit, Arben Taravari dje në sheshine qytetit në Gostivar u bë hapja e turneut të shahut që u organizua në kuadër të manifestimit “Mirës e vini mërgimtarë”.

“Një ndër aktivitetet e shumta kulturore dhe sportive të organizuara në kuadër të manifestimit Ditët e mërgimtarëve është edhe turneu i sotëm në shah. Komuna e Gostivarit e mbështet këtë lojë inteligjente. Shpresoj se sot do të kemi meçe shumë të forta dhe uroj që të fitojë më i miri”, theksoi kryetari Arben Taravari.

Ndërkaq kryetari i klubit të Shahut “Gostivari, Ahmet Sallmani, njoftoi se në këtë turnament marrin pjesë 26 garues. Një pjesë e tyre janë anëtarë të klubit, disa janë ndjekës të shkollës së shahut, si dhe qytetarë të tjerë të cilët janë paraqitur për të garuar, ndër të cilët një pjesë janë mërgimtarë.

Turneu u zhvillua me formatin 7 xhiro, me tempo 5 minuta plus 2 sekonda.

Vendin e parë e zuri Yzeir Bajrami me 6 pikë të grumbulluara nga gjithsej 7 të mundshme, të dytin Sait Zyberi me 5.5 pikë , ndërsa të tretin Vasko Jovanovski me 5 pikë.

Tre vendet e para u shpërblyen me kupë, ndërsa vendi i tretë dhe i katërt me medalje. Shpërblimet i ndau Besim Dogani, udhëheqës i Zyrës për implementim të projekteve pranë Komunës së Gostivarit.

Shërbimi për informim

U mbajt koncert folklorik, gjëmoi sheshi i Gostivarit

27.07.2018

Sheshi i Gostivarit gjëmoi nga këngët folklorike të interpretuara nga folkloristët më të mirë shqiptar të Gostivarit.

Mbrëmë u mbajt Koncerti folklorik shqiptar, që tuboi në një vend Ansamblin e Këngëve dhe Valleve Popullore “Besa”, Shoqërinë Kulturore Artistike “Jahi Hasani” si dhe Grupin folklorik “Lulet e Malësisë”. Në një atmosferë të ngrohtë miqësore, koncerti kaloi më shumë në frymën e një ahengu, ku qindra qytetarë shumica e të cilëve mërgimtarë që po qëndrojnë në vendlindje për pushimet verore, kaluan çaste të lumtura dhe ngazëlluese me këngët dhe vallet e interpretuara nga artistë më të mirë folklorik të kësaj treve.

I pranishëm në koncert ishte edhe kryetari i komunës së Gostivarit, Arben Taravari me bashkëpunëtorët e tij, si dhe përfaqësues të Ministrisë së Kulturës.

Koncerti i mbrëmshëm folklorik ishte pjesë e aktiviteteve të shumta në organizim të Komunës së Gostivarit, nën moton “Mirë se erdhët mërgimtarë”, ku aktivitetet kulturore në kuadër të këtij manifestimi mbështeten financiarisht edhe nga Ministria e Kulturës.

Në agjendën e manifestimit “Ditët e Mërgimtarëve”, nesër në sheshin e qytetit të Gostivarit do të mbahet turnir shahu.

Shërbimi për informim

Komuna e Gostivarit iu bashkua fushatës “Çdo fëmijë ka nevojë për një familje”

26.07.2018

Gostivari iu bashkua fushatës “Çdo fëmijë ka nevojë për një familje”, e cila synon të inkurajojë qytetarët që të bëhen kujdestarë të fëmijëve pa kujdes prindëror. Në Amfiteatrin Veror u mbajt një ngjarje me program kulturor-artistik dhe u dërguan mesazhe për mbështetje të përkujdesjes së fëmijëve në një atmosferë të ngrohtë familjare.

Eventin nën moton “Mbrëmje e veçantë për fëmijë të veçantë” e organizoi Komuna e Gostivarit, në bashkëpunim me Ministrinë e Punës dhe Politikës Sociale dhe UNICEF-it.

“Komuna e Gostivarit do të jetë e hapur dhe gjithmonë do të mbështesë fëmijët me nevoja të veçanta. Ne e mbështesim fushatën Çdo fëmijë ka nevojë për një familje dhe do të angazhohemi që ata fëmijë të socializohen, të shoqërohen, t’i kenë të gjitha kushtet, ta jetojnë jetën njëlloj si bashkëmoshatarët e tyre”, deklaroi Aslian Snopce.

“Vetëm në një mjedis familjar, fëmija mund të ndiejë dashuri, mbështetje dhe përkushtim. Familjet kujdestare sigurojnë kujdesin më të mirë alternativ në rastet kur familja biologjike nuk është në gjendje ta ofrojë gjithë dashurinë dhe kujdesin për të cilin ka nevojë fëmija”, tha Biljana Angeleska nga Qendra për Punë Sociale në Gostivar.

Përfaqësuesja e UNICEF-it, Biljana Velkovska gjithashtu theksoi se duan t’i motivojnë qytetarët që të bëhen kujdestarë, me çka pasurohet jeta e fëmijës dhe e familjes që i ofron shtëpi.

Shërbimi për informim

Kryetari Arben Taravari priti boksierin nga Gostivari Sefer Seferi

26.07.2018

Kryetari i komunës së Gostivarit Arben Taravari , priti sot në kabinetin e tij boksierin Sefer Seferi i cili me prejardhje është nga fshati Koritë e Gostivarit.

Është kënaqësi e veçantë që të kam sot për mysafir një boksier me famë botërore dhe që është me prejardhje nga Gostivari. Vazhdimisht e përsëris se sportistët që na përfaqësojnë anembanë botës, janë në fakt ambasadorët tanë më të mirë. Sefer Seferi është një ndër ta dhe meriton çdo lëvdatë që edhe krahas angazhimeve dhe famës që ka nuk i shkëput lidhjet me vendlindjen e tij dhe na viziton shpesh”, u shpreh kryetari Taravari.

Seferi falënderoi kryetarin për mikpritjen dhe shprehu fjalë miradije për angazhimin e tij për ngjalljen e jetës sportive dhe rekreative në komunën e Gostivarit, si dhe përkrahjen morale dhe materiale që ua ofron sportistëve dhe klubeve sportive nga Gostivari.

Qëndrimi i Sefer Seferit në vendlindje lidhet më së shumti me manifestimin tradicional “Takimet e Koritës”, në të cilin është i ftuar edhe kryetari i komunës së Gostivarit Arben Taravari.

Shërbimi për informim

“Freski kuranore” për mërgimtarët e Gostivarit

25.07.2018

Në kuadër të manifestimit “Mirësevini mërgmitarë” mbrëmë në amfiteatrin veror në Gostivar, u mbajt Koncerti me ilahi “Freski kuranore”.

Aktivitetit u realizua nga Sektori i Femrës Myslimane” në bashkëpunim me Komunën e Gostivarit.

Në ngjarje morën pjesë myftiu i Gostivarit Shaqir ef. Fetahu me bashkëpunëtorët e tij, zëdhënësi i komunës së Gostivarit Jasin Demiri dhe udhëheqësja e Sektorit për veprimtari publike Aslian Snopçe.

Kuran lexuan mr. Ensar Sinani dhe prof. Imer Alili, monolog mbajti Hafsa Rushiti, ndërsa ilahi interpretuan Korri i Myftinisë, Alja Xhemaili, Azra Rushtii dhe Esra Ameti.

Manifestimi “Mirësevini Mërgimtarë” mbahet nën patronazhin e Komunës së Gostivarit, Arben Taravari dhe me mbështetje financiare edhe të Ministrisë së Kulturës.

Sonte në agjendë është eventi “Natë e veçantë për fëmijë të veçantë” që do të mbahet po ashtu në amfiteatrin veror me fillim në ora 18:00, ngjarje kjo që u kushtohet fëmijëve me nevoja speciale dhe që ka edhe karakter humanitar.

Shërbimi për informim