Njoftim

16.11.2018

Njoftojmë banorët e fshatit Çajlë se më datë 19.11.2018 në ora 14:00, do të ketë ndërprerje të rrymës elektrike në pjesën rreth Ambulancës dhe përskaj shkollës.

Siç na njoftojnë nga EVN-ja, ndërprerja e planifikuar e furnizimit me energji elektrike do të ndodhë me qëllim që ekipet e tyre të punojnë në rikonstruktimin dhe modernizimin e rrjetit distributiv në lokacionin e cekur më sipër.

Shërbimi për informim – Komuna e Gostivarit  

Anëtarët e kryesisë së Shoqatës “Realiteti” kryetarit Taravari i ndanë mirënjohje për mbështetjen

13.11.2018

Anëtarët e Shoqatës së personave me shikim të dëmtuar “Realiteti” me seli në Gostivar, ishin sot për vizitë te kryetari i komunës së Gostivarit, Arben Taravari.

Qëllimi i kësaj vizite ishte që kryetarit Taravari t’ia përcjellin falënderimet e anëtarëve të kësaj shoqate, për mundësimin e pjesëmarrjes në Garat ndërkombëtare në Goalball që u mbajtën në Sarajevë.

Nga Shoqata Realiteti e informuan Taravarin për përfaqësimin e denjë të komunës së Gostivarit në garat ndërkombëtare, si e vetmja shoqatë nga Republika e Maqedonisë. Ata i ndanë Mirënjohje kryetarit Taravari dhe bashkëpunëtorës të tij Afërdita Hamza, AT Nasir Tours dhe Vlerim Isenit.

Kryetari Taravari i përgëzoi ata për pjesëmarrjen në garat e Goalball dhe u falënderuar për respektin e treguar përmes vizitës dhe ndarjes së Mirënjohjes. Ai i siguroi përfaqësuesit e Shoqatës “Realiteti” se për ta si dhe për të gjithë personat me nevoja speciale, Komuna e Gostivarit do të jetë një derë e hapur dhe se mbështetja në të ardhmen do të jetë akoma më e fuqishme.

Shërbimi për informim

Me ndeshje miqësore ndërmjet veteranëve të futbollit të Çegranit dhe administratës komunale të Gostivarit, u inaugurua stadiumi në fshatin Çegran

13.11.2018

Komuna e Gostivarit dhe Bashkësia Lokale fshatit Çegran përmes një loje miqësore futbollistike ndërmjet veteranëve të futbollit të Çegranit dhe administratorëve komunalë për të përuruar stadiumin e ri për futboll të vogël, ndeshje kjo të cilën e ndoqën një numër i madh të banorëve , ndër të cilët edhe myftiu i Gostivarit, Shaqir ef, Fetahu.

Ngjyrat e administratës komunale i mbrojti edhe kryetari i komunës së Gostivarit, Arben Taravari i cili njëherit shënoi edhe golin e parë të ndeshjes, ndërsa me lojë të shkëlqyer edhe pse rreth të pesëdhjetë e pestave, shkëlqeu kryetari i Bashkësisë Lokale, Sabri Bafqari i cili njihet si një ndër futbollistët më të mirë të të gjitha kohërave nga ky fshat.

Vlen të theksohet se ndërtimi për futboll të vogël me kushte tejet bashkëkohore të stadiumit në fshatin Çegran, u bë falë investimit të përbashkët me mjete dhe punë të Komunës së Gostivarit dhe BL të fhastit Çegran. Komun siguroi barë artificial cilësor, shenjëzim të terrenit, 330 ulëse plastike dhe ndriçim përkatës, ndërkaq realizimi i punëve, siç është rregullimi i tribunave dhe rrethimi i stadiumit, u bë kryesisht falë angazhimit të Bashkësisë lokale të fshatit Çegran.

Shërbimi për informim

Taravari: Nuk do të biem në nivelin e fushatave mortore, do të ruajmë respekt ndaj kujtimit të Xhejhanit

08.11.2018

Kryetari i komunës së Gostivarit, Arben Taravari mbajti sot konferencë për shtyp në të cilën i shprehu ngushëllime familjes Mexhiti për humbjen e vajzës së tyre dhe hodhi poshtë thashethemet të cilat u plasuan në opinion me qëllim që ky rast të paraqitet si dështim i udhëheqësisë komunale dhe që dikush të përfitojë politikisht nga kjo fatkeqësi shumë e dhimbshme.

Në vazhdim ua përcjellim në mënyrë integrale fjalën e kryetarit Taravari.

“Në emrin tim personal dhe në emër të gjithë gostivarasve dua publikisht të shpreh ngushëllimet e sinqerta Mexhiti.

Ashtu si e dini në datën 5 nëntor, një vajzë e re ndërroi jetë. Një vajzë e cila nuk e di kurrë që me shuarjen e saj do të bëhej lojë politike dhe gur shahu.

Pavarësisht mllefit të akumuluar këto ditë të cilat i kemi numëruar me orë, unë dhe ekipi im, nuk do të biem në nivelin e fushatave mortore, do të ruajmë respekt ndaj kujtimit të kësaj vajze dhe familjes Mexhiti.

Sipas raportit të policisë është qartësuar qartë e saktë pse dhe si ka ndodhur fatkeqësia. Çdo gjë që buroi nga thashethemet që dolën më shpejt se vet lajmi i vdekjes, nuk është e vërtetë.

E vërtetë është më e rënda, humbja e saj!

Çdo gazetar, qytetar, politikan apo kriminel që e quan veten ndryshe, është i lirë të shkojë dhe të informohet pranë policisë së shtetit më detajisht se çfarë ka ndodhur. Unë nuk jap asnjë detaj që gërmon në plagën e shkaktuar nga kjo humbje e rëndë për familjen Mexhiti.

Kjo familje ashtu si edhe ne jemi të qartë se si ka ndodhur ky rast, i cili është vetëm një fatkeqësi, fatkeqësi që nuk është shkaktuar nga asnjë pakujdesi, por vetëm nga fati që luan lojëra të tilla tragjike.

Do ju lutesha që të tregoni respekt për këto orë të vështira për familjen Mexhiti. Ѕidomos këtë kërkesë e drejtoj tek ata individë të cilët janë verbuar nga etja për pushtet dhe kërkojnë të bëjnë politikë me tragjedi njerëzore.

Në krahun tim duhej të ishte babai i së ndjerës, por atë e mbajnë tashmë 3 orë në polici dhe supozoj se këtë e bëjnë në drejtim të një hetimi cilësor, e jo me prapavijë që të mos merr pjesë në këtë konferencë për shtyp.

Unë jam mjek me profesion por asnjëherë nuk mësova se si të bëhem i fortë në raste të tilla. Zoti të ketë afër vajzën tuaj dhe e ka! Falënderoj gostivarasit për solidaritetin e treguar gjatë orëve anksioze të kërkimit të trupit. Lus Zotin të na i bëj sa më të lehtë e sidomos familjes Mexhiti dhimbjen e asaj që ikën dhe nuk kthehet më.

Kjo është një nga konferencat më të rënda që kam mbajtur, Zoti bëftë që të jetë e fundit e këtij lloji!

Zoti durimin familjes dhe të gjithë gostivarasve!

Zoti e shpërbleftë me Xhenet!”

Shërbimi për informim

THIRRJE PUBLIKE

THIRRJE PUBLIKE

për shprehjen e interesit për pjesëmarrjen e një përfaqësuesi të organizatave qytetare si vëzhgues në Komisionin për evalvim të propozim-projekteve në kuadër të Projektit ReLOaD në komunën e Gostivarit

Qëllimi kryesor i projektit ReLOad, i cili është financuar nga Bashkimi Evropian ndërsa implementohet nga Programi për Zhvillim të Kombeve të Bashkuara (UNDP), është forcimi i demokracisë participativ dhe procesi i integrimit të Ballkanit Perëndimor në BE, ndërsa përmes aftësimit të organizatave qytetare në mënyrë aktive të marrin pjesë në procesin e vendimmarrjes. Projekti ReLOaD punon me pesë komuna partnere: Kumanovë, Resnjë, Gostivar, Kavadar, Strumicë, të miratimit të qasje transparente për financimin e organizatave të shoqërisë civile, me të cilat do të nxitet përfshirje më e madhe qytetare në vendimmarrje dhe do të përmirësohen shërbimet të cilat sigurohen në nivel lokal.

Komuna e Gostivarit publikoi thirrje publike në kuadër të projektit ReLOaD për projekt-propozime nga organizatat e shoqërisë civile. Thirrja u publikua më 24 tetor 2018 dhe do të zgjasë deri më 5 dhjetor 2018, me ç’rast evalvimi i propozim-projekteve të mbërritura planifikohet të mbahet pas datës 10 dhjetor 2018. Evalvimi pritet të zgjasë jo më shumë se 2-3 ditë dhe do të varet nga numri i propozim-projekteve të pranuara.

Për të siguruar një proces transparent dhe të hapur të përzgjedhjes së propozim-projekteve nga organizatat qytetare për ndarjen e grantit në kuadër të projektit ReLOaD, komuna e Gostivarit në bashkëpunim me UNDP shpall Thirrje publike për shprehjen e interesit për pjesëmarrjen e një përfaqësuesi të organizatave qytetare si vëzhgues në Komisionin për evalvim të propozim-projekteve të parashtruara nga organizatat qytetare në kuadër të thirrjes publike që është publikuar në komunën e Gostivarit.

Përfaqësuesi i organizatave civile në Komisionin për evalvim do të ketë këto detyra dhe detyrime:

  • do të jetë vëzhgues në Komisionin e evalvimit pa të drejtë vote;
  • do të nënshkruajnë deklaratë konfidencialiteti dhe paanshmërie dhe nuk do të ndajë asnjë informacion në lidhje me procesin e evalvimit;
  • do të jetë prezent gjatë gjithë kohëzgjatjes së vlerësimit nga fillimi deri në fund;
  • në rast të pamundësisë për të marrë pjesë, në vendin e përfaqësuesit të organizatave të shoqërisë civile do të vijë zlvendësi, me ç’rast zëvendsëi do të marrë rolin e vëzhguesit – përfaqësues të organizatave civile;
  • do ta nënshkruajnë raportin e Komisionit për evalvim, i cili do të përmbledhë gjetjet nga vlerësimi i propozim-projekteve.

Kandidati për vëzhgues në Komisionin e evalvimit patjetër të jetë anëtar dhe/ose i punësuar në mënyrë të përhershme në një organizatë të shoqërisë civile që është themeluar ligjërisht në përputhje me Ligjin mbi asociacionet dhe fondacionet. Është e dëshirueshme që kandidati të ketë:• Përvoja dhe aftësitë e mëparshme për të bërë vlerësimin e projekt propozimeve nga organizatat e shoqërisë civile. Përvoja me grantet e dhëna nga BE do të konsiderohet një pasuri;

  • Përvojë në përgatitjen dhe / ose zbatimin e projekteve të financuara nga fondet publike;
  • Përvoja dhe shkathtësi të mëparshme për të bërë evalvim të propozim-projekteve nga organizatat qytetare. Përvoja me grantet e dhëna nga BE do të konsiderohet si përparësi;
  • përvojë në përgatitjen dhe/ose në implementimin e projekteve të financuara me mjete publike;

Kandidatët patjetër që t’i dorëzojnë dokumentet në vijim përmes postës elektronike info@gostivari.gov.mk:

  • Letër për shfaqje interesimi me biografi të shkurtër – me të cilën mund të shfaqet interesimi për pjesëmarrje në Komisionin për evalvim (letra nuk duhet të jetë më e gjatë se një faqe)
  • Deklaratë e personit të autorizuar të organizatës civile, me të cilën autorizohet kandidatin për ta përfaqësuar atë organizatë civile në Komisionin për evalvim.

Përfaqësuesi i shoqërisë civile do të punojë në baza vullnetare / pa kompensim financiar. Projekti do t’i rimbursojë shpenzimet bazë, siç janë shpenzimet për udhëtimit dhe për një vakt të lehtë.

Organizata qytetare në të cilën kandidati i përzgjedhur është anëtar dhe / ose punonjës i përhershëm NUK MUND të aplikojë (as si bartës dhe as si partner i bartësit) të thirrjes publike për dorëzimin e propozim-projekteve në kuadër të projektit ReLOaD në komunën e Gostivarit.

Afati i fundit për dorëzimin e aplikacioneve është 27 nëntor 2018, deri në ora 17:00.

Në qoftë se keni nevojë për informacione shtesë, Ju lutemi kontaktoni Dashmir Osmanin (dashmir.osmani@gostivari.gov.mk).

 

Prononcimi i kryetarit Arben Taravari mbi ngjarjen tragjike në Gostivar

Lidhur me ngjarjen tragjike që ndodhi mbrëmë në Gostivar, me ç’rast 17 vjeçarja Xhehja Mexhiti nga fshati Zdunje, sipas informacioneve paraprake, duke ikur nga një qen endacak ka rënë  në ujërat e lumit Vardar dhe lshtël mbytut, kryetari i komunës së Gostivarit, Arben Taravari  familjes së të ndjerës i shprehu ngushëllime si dhe u prononcua në lidhje me ngjarjen.

Në vazhdim, ua përcjellim në mënyrë integrale qëndrimin e kryetarit Taravari:

Të nderuar banorë të Gostivarit, 

Me pikëllim të thellë e mora lajmin se Xhehja Mexhiti, një vajzë e re nga fshati Zdunjë, ka ndërruar jetë ditën e djeshme duke u mbytur në ujërat e lumit Vardar.

Ky rast tragjik është i njohur për mua, pasi në të njëjtat rrethana kam humbur një person të familjes time.

E di se si ndjehet familja e vajzës që gjet Paqe atje ku është! 

Kur mora vesh lajmin për mbytjen e Xhehjes u trishtova shumë nga rasti e pak nga rikthimi i traumës time familjare.

Vajza thonë është mbytur duke tentuar që tê shpëtojë nga një qen rrugësh.

Sado që rasti ende nuk ka një version zyrtar jam i prirur t’i besoj. Gostivarasit nuk shpikin apo trillojnë sulme politike deri në këtë pikë.

Ndjej përgjegjësi të plotë si Kryetar i Komunës së këtij qyteti që të sqaroj se në mandatin tonë, ne trashëguam një kope prej 400 qensh që kemi mundur t’i numërojmë vetëm në Gostivar, e jo më ata të cilët nuk kanë mundur të futen në statistikë.

Kemi grumbulluar sa kemi mundur duke tejkaluar edhe mundësitë strehuese, kemi operuar 50 prej tyre dhe kemi vaksinuar 100. Unë vet jam rreshtuar ekipit të veterinerëve për ndihmuar sado pak në punën gjigande që kemi përpara.

Duke shprehur ngushëllimet më të sinqerta ndaj familjes së vajzës si një vëlla që dje humbi motrën e tij për së dyti, do ju lutesha mos të hyjnë me drama politike ata që nuk e vrasin mendjen fare për dhimbjen e familjes apo atyre që kanë qenë të goditur nga fatkeqësi të tilla!

Ju lutem lini ekipin të punojë jashtë presionit për sistemimin e kopeve të qenve duke mos shpikur histori dramatiko-politike…

Nuk jam mësuar të mos mbaj përgjegjësi por matematikisht ekipi ynë ka bërë dhe po bën të pamundurën për të stabilizuar gjendjen në një vend ku gjetëm 1 qen për çdo metër katror!

Të dorëhiqemi tregojmë përgjegjësi 0, të vazhdojmë të çojmë përpara betejën me qentë do të thotë që kemi fuqi e dinjitet.

Xhehja e shtrenjtë, u prehsh në paqe!

Politika e papërgjegjshme solli këtë tragjedi për ty dhe për familjen tënde!

Tragjedi që unë po e përjetoj shumë…

Beteja na mori një Engjëll por ama zgjoi edhe 1000 herë më shumë motivin për të vazhduar aksionin tonë ndaj qenve endacakë!”

Njoftim mbi Projektin RELOAD

Тë nderuar,

Në lidhje me Thirrjen e shpallur publike për organizatat e shoqërisë civile për të parashtruar propozim-projekte në kuadër të Programit rajonal për demokraci lokale në Ballkanin Perëndimor (ReLOaD), ju informojmë se në periudhën e ardhshme të planit të aktiviteteve janë të parapara sesione mentorimi për të gjitha organizatat e shoqërisë civile. Sesionet e mentorimit organizohen me qëllim që përmes konsultimeve tu ndihmohet organizatave që dëshirojnë të aplikojnë në thirrjen publike, në kontrollin nëse projektet janë përgatitur në përputhje me udhëzimet nga thirrja publike dhe tu sqarohen apo qartësohen çështje të caktuara të cilat ndoshta nuk kanë qenë të mbuluara me trajnimet, e të cilat janë të domosdoshme për ta përgatitur projektin tërësisht. Për komunën e Gostivarit është planifikuar që të mbahen 4 sesione mentorimi, edhe atë në datat e mëposhtme:

12 nëntor 2018 (e hënë)

13 nëntor 2018 (e martë)

23 nëntor 2018 (e premte)

4 dhjetor 2018 (e martë)

Lusim të gjitha Organizatat qytetare të aplikojnë të paktën tri ditë para fillimit të secilit sesion të mentorimit dhe të cekin se në cilën adtë dëshirojnë të marrin pjesë. (mund të marrin pjesë në më shumë sesione mentorimi).  Kemi nevojë për datën e saktë të pjesëmarrjes, që të mundet mentori të planifikojë me kohë vizitat e veta në të gjitha pesë pilot komunat e këtij projekti.

Paraqitjen për sesionet mund ta bëni tek personi përgjegjës për koordinim me sektorin joqeveritar në komunën e Gostivarit –

Dashmir Osmani – dashmir.osmani@gostivari.gov.mk

 

Filloi asfaltimi i rrugës kryesore në Lagjen e re në Gostivar

05.11.2018

Në rrugën “18 Nëntori”, segmentin prej te bulevardi Vëllezërit Gjinoski deri te Trafo-stacioni në Lagjen e Re, ka filluar sot asfaltimi. Segmenti i cili po asfaltohet ka një gjatësi prej 480 metra me gjerësi mesatare prej 6,5 metra.

“Paraprakisht, në pjesën më të madhe për shkak të trashësisë joadekuate të asfaltit ekzistues, u bë gërmimi i tij, ndërsa në një pjesë më të vogël vetëm u gërvisht. U nivelizuan pusetat e kanalizimit atmosferik dhe fekal, u zëvendësuan tehoret e dëmtuara të trotuareve si dhe punë të tjera shtesë. Sot filloi asfaltimi dhe shpresojmë se brenda dy-tre ditësh do të përmbyllen punimet”, thekson Besim Dogani nga Zyra për ZHEL – pranë komunës së Gostivarit.

Ky segment i rrugës 18 Nëntori është mjaft i frekuentuar nga automjet dhe këmbësorët, sepse blhet fjalë për një lagje të banuar dendur ku gjendet edhe Xhamia e Mëhallës, ndërsa përskaj saj edhe Qendra për Kulturë dhe SHF “Ismail Qemali”,
Pas asfaltimit të rrugës, do të pasojë edhe vendosja e sinjalistikës vertikal dhe horizontale, ndërsa së shpejti do të instalohet dhe ndriçim publik adekuat.

Shërbimi për informim

Njoftim

02.11.2018

Të nderuar qytetarë, Ju njoftojmë se të hënën (05.11.2018) në ora 08:00 do të fillojnë punimet për riasfaltimin e segmentit rrugor prej te përfundimi i bulevardit “Vëllezërit Gjinoski“ deri në ndarjen e rrugëve në fshatin Banjicë e Poshtme.

Gjatë realizimit të punimeve trafiku në këtë segment do të jetë i vështirësuar, ndërsa në periudha të caktuara edhe në ndërprerje të plotë.

Komuna e Gostivarit dhe kompania realizuese e punimeve, Ju falënderojnë për mirëkuptimin.

Shërbimi për informim – Komuna e Gostivarit

Çerdhet e Gostivarit organizuan treg vjeshtor me produkteve ushqimore

02.11.2018

Fëmijët të cilët frekuentojnë kopshtet e fëmijëve në komunën e Gostivarit, ishin sot në rolin e shitësve të produkteve të ndryshme ushqimore.

Nënat e tyre kishin përgatitur enkas për këtë ditë ushqime vjeshtore dhe ëmbëlsira të cilat për një çmim të caktuar ua shisnin vizitorëve, ndërsa mjetet e grumbulluara do të destinohen për rregullimin e kushteve për të cilat stafi punonjës vlerëson se janë më të nevojshme.

“Ishe kjo një iniciativë e jona si Komunë, e cila u pranua nga udhëheqësia e kopshtit të fëmijëve, dhe ja që sot kemi një ngjarje shumë interesante, njëherit edhe shumë e dobishme. Tregje sot janë organizuar në të gjitha njësitë e Kopshtit Gëzimi fëmijëror, edha atë secili grup ka hapur stendën e vet. Për atë se për çka dë të shpenzohen mjetet e grumbulluara do të vendosin edukatoret dhe prindërit e fëmijëve për secilin grup veç e veç”, theksoi Aslian Snopçe – udhëheqëse e Sektorit për veprimtari publike pranë Komunës së Gostivarit.

Shërbimi për informim