NJOFTIM

Të nderuar,

EVN-QEK Gostivar Ju informon që më

datë 30.11.2018 (e premte ) prej ora 10:00 deri 14:00

për shkak të aktiviteteve teknike në rrjet pa furnizim me energji elektrike do të ngelin konsumatorër e rrugës Major Cede Filiposki – zona pranë parkut të madh, një pjesë e rrugës JNA-nga sheshi lartë, një pjesë e rrugës Koço Zozi dhe Bulevardit Braqa Gjinovski(zona pranë Komunës), dhe një pjesë e rrugës Borçe Jovanoski.

Konsumatorët më të mëdhenj që do të ngelen pa furnizim me energji elektrike janë:
Komuna e Gostivarit, Stopanska Banka, Salla Sportive, Kadastari, ELEM,Poshtenska Banka, Ministritë dhe mbas komunës

Shërbimi për informim

Gëzuar Ditën e pavarësisë, Shqipëri! Gëzuar Ditën e Flamurit, shqiptarë!

Dita e pavarësisë, 28 Nëntori mbetet një ndër ditët më të ndritshme të histoirsë sonë  kombëtare. Kombi është baza e identitetit të çdo njeriu! Duke dashur shumë kombin tënd, atëherë je i gatshëm të respektosh kombet tjerë!

Liria e arritur e një populli është pasuria më e çmuar e cila nuk falet e as dhurohet. Heronjtë dhe dëshmorët janë më meritorët, andaj le të shërben kjo festë për të shprehur konsideratën më të lartë ndaj tyre, të cilët dhanë edhe jetën për arritjen e lirisë dhe pavarësisë së shtetit shqiptar.

Për ne shqiptarët, sot është festa e flamurit tonë kombëtar! Është një ditë të cilën e kemi festuar dhe do të vazhdojmë ta festojmë, si më të shtrenjtën e ditëve.

Kjo ditë është një ditë e veçantë për shqiptarët në mbarë Botën, andaj me shumë të drejtë, të gjithë shqiptarët e të gjitha trojeve etnike e festojnë me krenari festën e 28 Nëntorit. 28 Nëntori është i shenjtë për historinë tonë kombëtare sepse disa nga ngjarjet më të mëdha të historisë sonë kanë ndodhur pikërisht në këtë datë.

Gëzuar Ditën e pavarësisë, Shqipëri! Gëzuar Ditën e Flamurit, shqiptarë! Gëzuar 28 Nëntorin! Ju pafsha gjithnjë duke festuar!”

Festë e vërtetë për adhuruesit e librit, u hap Panairi “Gostivari 2018”

26.11.2018

Me një ceremoni rasti, sot në mënyrë solemne u hap Panairi i librit “Gostivari 2108”.

Bashkë-organizatorë të panairit, i cili njëherit është edhe i pari në këtë format në Gostivar, janë Komuna e Gostivarit dhe Shoqata e Botuesve Shqiptarë në Maqedoni.

Në prani të qindra vizitorëve në palestrën sportive “Rinia”, fjalim rasti mbajti kryetari i komunës së Gostivarit, Arben Taravari i cili mes tjerash theksoi, se mënyra më e mire për të zhvilluar imagjinatën është leximi, andaj apeloi që secili vizitor të blejë të paktën një libër.

“Dua që si mjek, neurolog, të dërgoj një mesazh. Mënyra më e mire për të zhvilluar imagjinatën, është leximi i librave. Shpresoj që masovikisht qytetarët e Gostivarit dhe rajonit më të gjerë do ta vizitojnë këtë panair dhe se do të blejnë të paktën nga një libër. Le t’i shmangim sa më shumë celularët dhe tabletet dhe sa më shumë kohë t’i kushtojmë leximit, sidomos gjeneratat e reja”, nënvizoi kryetari Taravari.

Panairi i librit “Gostivari 2018” do të jetë i hapur tri ditë, respektivisht deri të mërkurën. Do të prezantohen 14 shtëpi botuese nga Maqedonia dhe Shqipëria, me libra të autorëve shqiptarë dhe të huaj, vepra letrare bashkëkohore dhe klasike, letërsi profesionale, shkencore dhe beletristike, lektyra shkollore, enciklopedi dhe vepra nga sfera e kulturës dhe artit, të destinuar për të gjitha grupmoshat.

Shërbimi për informim

(më tepër…)

Komuna e Gostivarit u binjakëzua me Komunën Kilis të Turqisë

26.11.2018

Kryetari i komunës së Gostivarit, Arben Taravari dhe kryetari i komunës Kilis të Republikës së Turqisë, Hasan Kara, sot nënshkruan marrëveshje për bashkëpunim dhe binjakëzim të dy komunave mike.

Pas nënshkrimit të marrëveshjes, në një konferencë të përbashkët për shtyp, Taravari dhe Kara theksuan se dy komunat obligohen që në bazë të respektit të mirëfilltë reciprok, të vendosin forma të ndryshme të bashkëpunimit, shkëmbim idesh mbi realizimin e projekteve me interes të përbashkët në sferat e ekonomisë, kulturës, arsimit, turizmit, sportit, mbrojtjes së trashëgimisë natyrore dhe kulturore.

Ajo që ra në sy, ishin kollaret identike të dy kryetarëve, me ç’rast Taravari shpjegoi se e njëjta gjë ndodhi edhe gjatë vizitës së kryetarit të komunës Sveta Nedelja të Kroacisë dhe se synon që kjo të shndërrohet në traditë, që në shenjë respekti të ndërsjellë gjatë takimeve me kryetarët e komunave të binjakëzuara të veshë kollare identike me mysafirin.

Mysafirët nga Turqia, për t’ia uruar njëvjetorin e menaxhimit të suksesshëm të kryetarit të Komunës së Gostivarit, i kishin përgatitur atij si surprizë, torte me një qiri.

Shërbimi për informim

Anëtarët e Forumit Rinor të komunës së Gostivarit, vizituan veteranët e arsimit shqip

23.11.2018

Me rastin e Ditës së Alfabetit – 22 Nëntorit, dje anëtarët e Forumit Rinor të komunës së Gostivarit, vizituan rreth 50 mësimdhënës shqiptarë, veteranë të arsimit dhe mësues të pensionuar. Tl shoqëruar edhe nga zëdhënësi i komunës Jasin Demiri, gjatë vizitave që ua bënë nëpër shtëpi, ata bashkëbiseduan me mësuesit, ua uruan Ditën e Alfabetit, si dhe u dhuruan atyre nga një libër dhe lule në shenjë respekti për edukimin dhe arsimimin e gjeneratave të reja.

“Sot me rastin e Ditës së Alfabetit, të rinjtë e qytetit tonë festuan në mënyrën më fisnike të mundshme. Ata vizituan 50 mësimdhënës pensionistë duke u dhuruar nga një libër dhe lule. Janë këta mësues të cilët meritojnë mirënjohje përditë për skalitjen e shkronjave të Alfabetit Shqip! Krenar që kemi qenë nxënësit e juaj!”, u shpreh kryetari Taravari, në lidhje me këtë aktivitet i cili u mirëprit shumë mire jo vetëm nga vetë mësuesit, por edhe në përgjithësi nga të gjithë qytetarët, si një formë që duhet ndjekur për të respektuar mësuesit.

Shërbimi për informim

 

Press konferencë në lidhje me kthimin e ingerencave në arsim Komunës së Gostivarit

23.11.2018

Udhëheqësja e Sektorit për Veprimtari Publike pranë Komunës së Gostivarit, Aslian Snopçe, mbajti sot konferencë për shtyp në lidhje me kthimin e ingerencave në arsim Komunës së Gostivarit, respektivisht kryetarit Arben Taravari. Ajo me këtë rast përmendi dështimet dhe keqpërdorimet në sferën e arsimit në këtë 9 muaj kur ingerencat i kishte pushteti qendror, si dhe ceku se tash e tutje arsimi do të jetë i departizuar dhe çdoherë do te angazhohemi te kemi arsim me njerëz profesionistë.
Përmbajtjen e konferencës për shtyp, jua përcjellim në mënyrë integrale:
“Të nderuar qytetarë, të nderuar gazetarë,
Këtë konferencë shtypi e kemi caktuar me qëllim të informimit tuaj dhe qytetarëve të Gostivarit, se pas një periudhe 9 mujore, ingerencat në sferën e arsimit në pjesën që ka të bëjë me emërimin dhe shkarkimin e drejtorëve të shkollave, përsëri i takojnë vetëqeverisjes lokale në Gostivar.

Fatkeqësisht, kaluan 9 muaj të plotë të mosfunksionimit të arsimit të mirëfilltë në Gostivar. Për 9 muaj të tërë, pushteti aktual, në mënyrë të qëllimshme tentoi që ta degradojë edhe më tepër procesin arsimor ne Gostivar.
Si pasojë e këtyre tendencave kanë humbur gjeneratat e reja, nxënësit e Gostivarit dhe të rrethinës. Për qëllime politike po merren në qafë gjenerata të tëra, për çka dikush duhet të përgjigjet. Nuk mund të shpjegohet ndryshe qëllimi që vetëm në Gostivar të mos lejohet menaxhim i shkollave nga ana e vetëqeverisjes lokale ashtu siç parasheh ligji. Nuk mund të shpjegohet ndryshe vendimi që vetëm Gostivarit t’i merren ingerencat, kur edhe kryetarë të tjerë vepruan njësoj, por nuk u intervenua.
Pra, ligji i arsimit për dikë është nënë, ndërsa për dikë tjetër njerkë. Me gojën plot qeveritarët propagonin demokraci dhe reforma, por në arsim për 9 muaj të tërë nuk pamë asnjë reformë, ndërsa Gostivari si komunë e vetme urbane në Maqedoni që nuk është nën qeverisjen e pushtetit aktual, po margjinalizohet në të gjitha sferat.

Nga ana e qeverisë, në mënyre flagrante po shkelet vullneti i qytetarëve të Gostivarit, që është një veprim eklatant antidemokratik. I parashtrojmë pyetje ministrit te arsimit, ku ka qenë për 9 muaj gjatë marrjes se kompetencave? Vallë nuk pati kohë të paktën një herë ta vizitoje Gostivarin dhe të shohë se në çfarë gjendje janë shkollat në Gostivar?
Pas marrjes se ingerencave nga ana e Ministrisë së Arsimit u emëruan drejtorë të rinj, që në fakt ishin po të vjetrit të emëruar në po të njëjtën mënyrë nga kryetari paraprak i Komunës së Gostivarit. Pra, në kohën para 5 vitesh kjo mënyrë e emërimet ishte e ligjshme, ndërsa kur emërimin e bëjnë të tjerët që nuk janë me pushtetin, e shpallin të paligjshëm. Konkluzionin e lëmë qe ta sjellin vetë qytetarët.
Me nisjen e vitit të ri shkollor 2018/2019, drejtorët e emëruar nga ana e Ministrisë, vendosën që mos i zgjasin kontratat e punës me një numër të madh arsimtarësh, pavarësisht se të njëjtit ishin profesionistë në punën e tyre dhe i plotësonin të gjitha kushtet ligjore për punë.

Nga ana e arsimtareve dhe te prindërve, si sektor i arsimit pranë Komunës së Gostivarit, pranuam shumë ankesa, dhe për atë qëllim morëm iniciativë dhe shtruam kërkesë inspektoratit shtetëror të Arsimit dhe inspektoratit shtetëror të punës, për kryerjen e inspektimeve të jashtëzakonshme në të gjitha shkollat e Komunës së Gostivarit. Për një pjese te tyre jeni te informuar nga konferencat e mëparshme për shtyp.

Nga ana e inspektorëve kemi pranuar shkresa ku janë konstatuar parregullsi të ndryshme nëpër shkolla. Në këtë mënyrë dyshimet tona që kanë të bëjnë me parregullsitë, u treguan se janë reale dhe të njëjtat u vërtetuan. Këto konstatime kanë të bëjnë me rastet si vijon:
Në të gjitha shkollat punojnë arsimtarë pa mos e pasur pëlqimin paraprak nga ana e kryetarit të Komunës.
Në të gjitha shkollat punojnë arsimtarë pa mos qenë të paraqitur në Agjencinë për punësim të Republikës së Maqedonisë si dhe pa mos qenë të paraqitur në Fondin për sigurim pensional dhe invalidor të Republikës së Maqedonisë deri sa nuk erdhi pëlqimi nga ministria edhe pse anashkalohet komuna.
Në të gjitha shkollat, evidencën pedagogjike e mbanin arsimtarë pa mos qenë të paraqitur në Agjencinë për punësim dhe fondin për sigurim pensional dhe invalidor .

Nga ana e disa drejtoreve te shkollave janë bere shpallje për prokurime publike për transportin e nxënësve, që është në kundërshtim me kompetencat e tyre.
Nga ana e disa drejtoreve jane bere shpallje për punësimin e arsimtarëve pa pëlqimin e kryetarit të Komunës që është në kundërshtim me ligjin për arsim fillor dhe te mesëm edhe atë në mes të gjysmëvjetorit para kthimit të kompetencave ku asnjëherë nuk ka qenë një traditë e tillë. Këtu humbin vetëm nxënësit tanë.

Nga ana e disa drejtoreve, janë bërë shpallje për drejtore vetëm në dy gazeta zyrtare që është në kundërshtim me ligjin dhe që e vërtetuam në shkollën e Çegranit, ndërsa hetimet vazhdojnë edhe ne shkollat tjera.
Ne disa shkolla janë punësuar persona te cilët nuk janë adekuat.
Gjithë këto te lartpërmendurat paraqesin shkelje të mëdha te kompetencave nga ana e drejtoreve te shkollave. Nënkuptohet që ne si Komune jemi te obliguar ti ndërmarrim te gjitha veprimet ligjore kundër drejtoreve, me qellim te eliminimit te te gjitha parregullsive te shkaktuara.

Ministria e arsimit dhe shkencës, respektivisht Komisioni për transformimin e vendeve të lira të punës me kohë të caktuar në kohë të pacaktuar – Arsimi i mesëm, nuk ka ndjekur procedurat ligjore dhe nuk ka respektuar hierarkinë për informim. Gjegjësisht përgjigjet, në vend në Komunë, u janë dërguar shkollave. Ndërsa ne jemi ndër të parat komuna që formuam Komisionin për transformimet e vendeve të punës, dhe i njëjti ka vepruar pa ngjyrime politike dhe etnike.
Ne si Komune çdoherë do te angazhohemi te kemi arsim me njerëz profesionist dhe jo arsim te partizuar me ushtarë partiak siç është rasti tani ne Komunën e Gostivarit. Ne e dëshmuam këtë edhe ne momentet përpara marrjes se ingerencave. Ato dëshmi i kemi dhënë ne konferencat e meparshme per shtyp.

Rasti i fundit i partizimit te arsimit ne Gostivar eshte ajo qe ndodhi diten e djeshme. Imagjnoni nuk i vazhdohet kontrata e punes profesorit Kimet Jusufi. Profesor i deshmuar nderkombetarisht. Me 50 punime shkencore ne revista te ndryshme ndërkombëtare te Fizikes ku e ka zbardhur fytyrën gjithë Gostivarit. Profesionist i klasit te pare. Veshtire se mund te gjenden edhe profesor universitar ne Maqedoni me CV me te begatshme shkencore se profesor Kimeti. Nese edhe ketu kerkohet libreza partiake e BDI-se, me te vërtete jemi per mjerim.

Për të gjitha informacionet e paraqitur me sipër, për mosrespektimin e dispozitave ligjore nga ana e drejtoreve kemi edhe dëshmi nga institucionet kompetente.
Faleminderit për pjesëmarrjen!”

Shërbimi për informim

 

Trashëgimia natyrore dhe shpellat ne Maqedoni u promovuan në Itali

Në takimin ndërkombëtar të speleologëve në Itali, Klubi Speleologjik Korabi dhe komuna e Gostivarit prezantoi aktivitetet e projektit “Fuqizimi i aktorëve lokal për hulumtim dhe konservim të shpellës Bukuroshja”, e finansuar na Unioni Evropian përmes Programit për përmirësim të menaxhimit të zonave të mbrojtura, të cilën e implementon UNDP në partneritet me Ministrinë e ambientit jetësor.

Gjatë vizitës studimore e cila u mbajt në qytezën italiane Casola Valsenio, përfaqësuesit e klubit speleologjik Korabi, së bashku me kolegët nga shoqata speleologjike italiane Persepfone, të cilët veçmë realizuan hulumtimet e para në shpellën Bukuroshja, kanë ndarë përvojën me emrat botëror të kësaj lëmie rreth menaxhimit, mbrojtjes dhe monitorimit të shpellave.
Nëpërmjet të ekspozimit të fotografive nga shpellat në Maqedoni informuan për trajnimin e speleologëve lokal në Qendrën trajnuese spleologjiike në Vërtok, u prezantuan mostrat nga shpella Bukuroshja, rezultatet nga analizat geologjike dhe mikrobiologjike, si dhe u sqaruan detaje rreth punës montuese të inçizimit topografik laserik të shpellës përmes 3D teknoogjisë.

Asociacioni i speleologëve nga Italia organizoi edhe vizitën në shpellën Stiffe në rajonin e Aquilla si dhe takimin me përfaqësues të komunës San Demetrio, gjatë së cilës u diskutua për rolin dhe nevojën e masave të sigurisë në shpellë, monitorimi i nivelit të ujit, kuadri i trajnuar, obligimi i udhëheqësve turistik në shpellë, ekipet shpëtimtare etj. Pjesë e diskutimeve iu përkushtua ndarjes së obligimeve rreth menaxhimit të shpellave. Cili është roli i pushtetit lokal, obligimi dhe kompetenca e pushtetit qendror si dhe përgjegjësitë e shoqatave speleologjike në drejtim të menaxhimit, mbrojtjes, konzervimit dhe monitrimit të shpellave.
Në takimin ndërkombëtar të speleologëve e cila mbahet çdo vit në Itali marrin pjesë mbi 2500 speleologë nga të gjitha anët e globit, dhe qëllimi i këtyre takimeve është prezantimi i hulumtimeve për ruajtjen e trashëgimisë natyrore dhe promovimi i tyre si destinime turistike.

Shërbimi për informim

Panairi i librit “Gostivari 2018” nën patronazhin e Komunës së Gostivarit

17.11.2018

Më 26, 27 dhe 28 nëntor në Palestrën sportive “Rinia” në Gostivar do të mbahet Panairi i librit “Gostivari 2018”. Panairin e organizon Komuna e Gostivarit në bashkëpunim me Shoqatën e Botuesve Shqiptarë – Maqedoni.

Në këtë panair do të prezantohen rreth 14 shtëpi botuese nga Maqedonia dhe Shqipëria, me libra të autorëve shqiptarë dhe të huaj, vepra letrare bashkëkohore dhe klasike, letërsi profesionale, shkencore dhe beletristike, lektyra, enciklopedi dhe vepra nga sfera e kulturës dhe artit, të destinuar për të gjitha grupmoshat.

Ky panair do të bashkojë të gjithë njerëzit që merren me letrat shqipe; autorët, botuesit, lexuesit, përkthyesit, përfaqësuesit e shtypit dhe të medias etj, me synimin për të krijuar e zhvilluar kontakte tradicionale midis tyre dhe duke synuar promovimin dhe nxitjen e leximit në një publik sa më të gjerë, veçanërisht tek të rinjtë, në kushtet e mungesës së sistemit të shpërndarjes së librit në vendin tonë.

E veçanta e këtij panairi është se në suaza të tij do të organizohet edhe ekspozitë me vepra artistike të punuara nga fëmijët e që do t’u dhurohen shtëpive botuese pjesëmarrëse, event muzikor për të rinj, si dhe mbrëmje me muzikë klasike.

“E organizojmë këtë panair në bashkëpunim me Shoqatën e Botuesve Shqiptarë në Maqedoni, për të sensibilizuar sidomos të rinjtë dhe për të dërguar mesazhin se ndonëse jetojmë në një kohë të teknologjisë së avancuar, libri është i pazëvendësueshëm. Ju ftoj që të bëheni pjesë e këtij panairi i cili për herë të parë organizohet nën patronazhin e Komunës së Gostivarit dhe që do të jetë shumë i begatshëm”, u shpreh kryetari i komunës së Gostivarit, Arben Taravari.

Nga Shoqata e Botuesve Shqiptarë presin që këtë panair ta vizitojnë jo vetëm qytetarët e komunës së Gostivarit, por edhe nga komunat tjera shqiptare prej Kumanove deri në Strugë.

Me një solemnitet rasti, Panairit do të hapet më 26 nëntor (e hënë) në ora 12:00.

Shërbimi për informim

Takim Taravari-Haneda, u diskutuan projektet e mundshme për financim nga ambasada japoneze

19.11.2018

Kryetari i komunës së Gostivarit, Arben Taravari priti sot ambasadoren e Japonisë në Shkup, Keiko Haneda me të cilën bashkëbiseduan për projekte të cilat mund t]I financojë qeveria japoneze në komunën e  Gostivarit.

“Me ambasadoren japoneze, patëm një bisedë të këndshme miqësore, me ç’rast e njoftova atë me sfidat dhe problemet me të cilat ballafaqohet komuna e Gostivarit,  projektet e realizuara deri më tani dhe ato që planifikojmë t’i realizojmë në periudhën në vijim. Diskutuam rreth projekteve të cilat ekziston mundësia që t’i financojë ambasada e Japonisë,e për të cilat do të duhet të konkurrojmë me projekte të arsyeshme”, deklaroi kryetari Taravari pas takimit.

Ndër projekte me prioritet me të cilat planifikon të konkurrojë Komuna  e Gostivarit, Taravari veçoi  rikonstruimin e  plotë të Shkollës fillore “Goce Dellçev” dhe vënien në funksion të Qendrës për Autizëm. Me këtë rast Taravari potencoi se sa i përket çatisë së shkollës, kjo është kompetencë e Ministrisë së Arsimit dhe Shkencës, por nga atje nuk ndërmarrin asnjë hap konkret në këtë drejtim.

Edhe ambasadorja Keiko Haneda ,takimin e sotëm e cilësoi si shumë të frytshëm me që është biseduar për mundësinë e realizimit të projekteve të përbashkëta dhe kjo në kuadër të miqësisë që vendi i saj e ka me Maqedoninë dhe shumë komuna brenda këtij shteti.

“Jam shumë e kënaqur që sot jam këtu me ftesë të kryetarit të komunës së Gostivarit . Kjo është vizita ime e parë zyrtare në këtë qytet. Me kryetarin patëm një diskutim shumë frytdhënës ,mësova shumë për qytetin ,diskutuam për sfidat me ndikim dhe mundësinë e bashkëpunimit tonë. Japonia ka bashkëpunim shumë të mirë me shumë komuna në Maqedoni. Jam shumë e kënaqur që Gostivari është pjesë e kësaj miqësie”, theksoi ambasadorja e Japonisë në Shkup.

Kryetari Taravari dhe ambasadorja Haneda, të shoqëruar nga bashkëpunëtorët e tyre vizituan objekte me rëndësi për trashëgiminë kulturore të qytetit.

Shërbimi për informim

Njoftim

16.11.2018

Njoftojmë banorët e fshatit Çajlë se më datë 19.11.2018 në ora 14:00, do të ketë ndërprerje të rrymës elektrike në pjesën rreth Ambulancës dhe përskaj shkollës.

Siç na njoftojnë nga EVN-ja, ndërprerja e planifikuar e furnizimit me energji elektrike do të ndodhë me qëllim që ekipet e tyre të punojnë në rikonstruktimin dhe modernizimin e rrjetit distributiv në lokacionin e cekur më sipër.

Shërbimi për informim – Komuna e Gostivarit