THIRRJE PUBLIKE

Programi rajonal për Demokraci lokale në Ballkanin perëndimor  ReLOaD
THIRRJE PUBLIKE për shprehjen e interesit për pjesëmarrjen e një përfaqësuesi të organizatave qytetare si vëzhgues në Komisionin për evalvim të propozim-projekteve në kuadër të Projektit ReLOaD në komunën e Gostivarit.

Qëllimi kryesor i projektit ReLOad, i cili është financuar nga Bashkimi Evropian ndërsa implementohet nga Programi për Zhvillim të Kombeve të Bashkuara (UNDP), është forcimi i demokracisë participativ dhe procesi i integrimit të Ballkanit Perëndimor në BE, ndërsa përmes aftësimit të organizatave qytetare në mënyrë aktive të marrin pjesë në procesin e vendimmarrjes. Projekti ReLOaD punon me pesë komuna partnere: Kumanovë, Resnjë, Gostivar, Kavadar, Strumicë, rreth miratimit të qasjes transparente për financimin e organizatave të shoqërisë civile, me të cilat do të nxitet përfshirje më e madhe qytetare në vendimmarrje dhe do të përmirësohen shërbimet të cilat sigurohen në nivel lokal.

Komuna e Gostivarit publikoi thirrje publike në kuadër të projektit ReLOaD për projekt- propozime nga organizatat e shoqërisë civile. Thirrja u publikua më 15 Prill 2019 dhe do të zgjasë deri më 27 Maj 2019, me ç’rast evalvimi i propozim-projekteve të mbërritura planifikohet të mbahet pas datës 5 Qershor 2019. Evaluimi pritet të zgjasë jo më shumë se 2-3 ditë dhe do të varet nga numri i propozim-projekteve të pranuara.

Për të siguruar një proces transparent dhe të hapur të përzgjedhjes së propozim-projekteve nga organizatat qytetare për ndarjen e grantit në kuadër të projektit ReLOaD, komuna e Gostivarit në bashkëpunim me UNDP shpall Thirrje publike për shprehjen e interesit për pjesëmarrjen  një përfaqësuesi të organizatave qytetare si vëzhgues në Komisionin për evalvim të propozim- projekteve të parashtruara nga organizatat qytetare në kuadër të thirrjes publike që është publikuar në komunën e Gostivarit.

Përfaqësuesi i organizatave civile në Komisionin për evalvim do të ketë këto detyra dhe detyrime:

• do të jetë vëzhgues në Komisionin e evalvimit pa të drejtë vote;
• do të nënshkruajnë deklaratë konfidencialiteti dhe paanshmërie dhe nuk do të ndajë asnjë informacion në lidhje me procesin e evalvimit;
• do të jetë prezent gjatë gjithë kohëzgjatjes së vlerësimit nga fillimi deri në fund;
• në rast të pamundësisë për të marrë pjesë, në vendin e përfaqësuesit të organizatave të shoqërisë civile do të vijë zlvendësi, me ç’rast zëvendsëi do të marrë rolin e vëzhguesit – përfaqësues të organizatave civile;
• do ta nënshkruajnë raportin e Komisionit për evalvim, i cili do të përmbledhë gjetjet nga vlerësimi i propozim-projekteve.
Kandidati për vëzhgues në Komisionin e evalvimit patjetër të jetë anëtar dhe/ose i punësuar në mënyrë të përhershme në një organizatë të shoqërisë civile që është themeluar ligjërisht në përputhje me Ligjin mbi asociacionet dhe fondacionet. Është e dëshirueshme që kandidati të ketë:

• Përvoja dhe aftësitë e mëparshme për të bërë vlerësimin e projekt propozimeve nga organizatat e shoqërisë civile. Përvoja me grantet e dhëna nga BE do të konsiderohet një pasuri;
• Përvojë në përgatitjen dhe / ose zbatimin e projekteve të financuara nga fondet publike;
• Përvoja dhe shkathtësi të mëparshme për të bërë evalvim të propozim-projekteve nga organizatat qytetare. Përvoja me grantet e dhëna nga BE do të konsiderohet si përparësi;
• përvojë në përgatitjen dhe/ose në implementimin e projekteve të financuara me mjete publike;
Kandidatët patjetër që t’i dorëzojnë dokumentet në vijim përmes postës elektronike info@gostivari.gov.mk:
• Letër për shfaqje interesimi me biografi të shkurtër – me të cilën mund të shfaqet interesimi për pjesëmarrje në Komisionin për evalvim (letra nuk duhet të jetë më e gjatë se një faqe)
• Deklaratë e personit të autorizuar të organizatës civile, me të cilën autorizohet kandidatin për ta përfaqësuar atë organizatë civile në Komisionin për evalvim. Përfaqësuesi i shoqërisë civile do të punojë në baza vullnetare / pa kompensim financiar. Projekti do t’i rimbursojë shpenzimet bazë, siç janë shpenzimet për udhëtimit dhe për një vakt të lehtë.

Organizata qytetare në të cilën kandidati i përzgjedhur është anëtar dhe / ose punonjës i përhershëm NUK MUND të aplikojë (as si bartës dhe as si  partner i bartësit) të thirrjes publike për dorëzimin e propozim-projekteve në kuadër të projektit ReLOaD në komunën be Gostivarit.
Afati i fundit për dorëzimin e aplikacioneve është 27 Мај 2019, deri në ora 17:00.
Në qoftë se keni nevojë për informacione shtesë, Ju lutemi kontaktoni Dashmir Osmanin (dashmir.osmani@gostivari.gov.mk).

Thirrje publike për organizata civile për parashtrimin e propozim projekteve në kuadër të programit rajonal për demokraci lokale në balkanin perendimor ( ReLOaD)

KOMUNA E GOSTIVARIT NË PARTNERITET ME PROGRAMIN PËR ZHVILLIM TË KOMBEVE TË BASHKUARA (UNDP) SHPALL:

THIRRJE PUBLIKE PËR ORGANIZATA CIVILE PËR PARASHTRIMIN E PROPOZIM PROJEKTEVE NË KUADËR TË PROGRAMIT RAJONAL PËR DEMOKRACI LOKALE NË BALLKANIN PERËNDIMOR (ReLOaD)  

Programi rajonal për demokraci lokale në Ballkanin Perëndimor (ReLOaD) është i financuar nga Unioni Evropian dhe e zbaton Programi për zhvillim i Kombeve të Bashkuara (UNDP) në gjashtë vende/territore nga Ballkani Perëndimor. Projekti do të zgjasë deri në janar të vitit 2020 dhe do ta ketë për qëllim fuqizimin e demokracisë participative (pjesëmarrëse) dhe proceset për integrim të vendeve nga Ballkani Perëndimor në Unionin Evropian përmes fuqizimit të shoqërisë civile për pjesëmarrje aktive të tij në procesin e vendimmarrjes.

Me projektin ReLOaD është paraparë që të përfshihen 5 komuna në vendin tonë: Strumicë, Resnjë, Kavadar, Gostivar dhe Kumanovë.

Komuna e Gostivarit dhe projekti ReLOaD i ftojnë të gjitha organizatat civile në vendin tonë të parashtrojnë propozim projekte të cilat janë konsekuente për qëllimet zhvillimore të komunës së Gostivarit dhe me të cilat janë përfshirë fushat vijuese prioritare:

  1. Arsimi
  2. Mjedisi jetësor
  3. Të drejtat dhe liritë e njeriut, mosdiskriminimi dhe inkluzioni social
  4. Zhvillimi ekonomik lokal
  5. Kultura dhe arti, të rinjtë dhe sporti

Shuma e mjeteve për projektet e miratuara do të lëviz prej 307.000,00 MKD deri 1.845.000,00 MKD .

Organizatave të shoqërisë civile u lejohet të parashtrojnë më shumë se një propozim projekt nëse shuma totale e alokuar nuk kalon 3.690.000,00 MKD për tërë kohëzgjatjen e projektit ReLOaD (deri në janar të vitit 2020). 
Komuna e Gostivarit dhe UNDP e rezervojnë të drejtën të mos i ndajnë fondet në dispozicion nëse projekt propozimet nuk i plotësojnë kriteret e specifikuara. Projektet mund të jenë për një kohëzgjatje prej 6 deri në 8 muaj. Projektet e përzgjedhura duhet të zbatohen në periudhën nga gushti 2019 deri dhe me përfundim të marsit 2020.  

PËRSHTATSHMËRI:

Pjesëmarrja në këtë thirrje publike është e hapur, në baza të barabarta, për të gjitha organizata të shoqërisë civile të regjistruara formalisht (shoqata/organizata ose fondacione) në përputhje me ligjet dhe rregulloret në fuqi.  Të gjitha organizatat e interesuara të shoqërisë civile mund të gjejnë informacione të hollësishme rreth kushteve të aplikimit dhe kritereve për financimin e projekteve në Udhëzimet për aplikuesit, të cilat janë pjesë përbërëse e dokumentacionit për thirrjen publike (Aneks 10).

DOKUMENTACION:

Thirrja publike ka afatin nga 15.04.2019 (nga ora 9:00) deri më 27.05.2019 (ora 15:00).

Dokumentacioni për aplikim për thirrjen publike në komunën e Gostivarit mund të sigurohet përmes dërgimit të një kërkesë në adresën vijuese Bulevardi Vëllezërit Gjinoski” nr. 61 dhe/ose info@gostivari.gov.mk, dashmir.osmani@gostivari.gov.mk, në të cilën është theksuar emri i organizatës së interesuar, ose personalisht në komunën e Gostivarit, rruga: Vëllezërit Gjinoski” nr. 61. Të gjitha informacionet e nevojshme dhe versioni elektronik nga e gjithë pakoja e aplikacionit mund gjithashtu të shkarkohen edhe nga faqja zyrtare e internetit e komunës (www.gostivari.gov.mk), si dhe në faqen e internetit të UNDP-së (www.mk.undp.org).

Sesioni informues (dita e hapur) për thirrjen me parashtruesit e interesuar përkatësisht organizata të shoqërisë civile do të mbahet në komunën e Gostivarit më datën 17.04.2019, me fillim në orën 10:00 në lokalet e komunës. Dy ditët e para të trajnimit do të mbahen më 17.04. dhe 18.04.2019 në hapësirat e komunës.

Pyetje në lidhje me thirrjen publike mund të parashtrohen përmes adresës registry.mk@undp.org, me shenjën për thirrjen publike. Pyetjet mund të dorëzohen deri më 20.05.2019 dhe përgjigjet do të jepen në formë të shkruar në afat prej 3 ditë pune nga data e pranimit të pyetjeve. Për të siguruar transparencë, pyetjet do të publikohen në faqen e internetit të UNDP-së.

 

PARASHTRIMI I APLIKACIONEVE:

Aplikacionet e plotësuara (me dokumentacion të plotë) duhet të dorëzohen në tri (3) kopje të shtypura dhe një version elektronik (në CD ose USB), në një zarf të mbyllur me një njoftim se është për thirrjen publike, me rekomandim përmes postës ose personalisht, në ditë pune (premte-e hënë) nga ora 09:00 deri në orën 15:00 në adresën vijuese:

Komuna e Gostivarit

Rruga: “Bulevardi Vëllezërit Gjinoski” nr. 61

Numri postar: 1230 Gostivar

 Aplikimet që do të dorëzohen pas këtij afati përfundimtar do të merren parasysh vetëm nëse në vulën postare qëndron data dhe koha e dërgimit përpara afatit përfundimtar. Në pjesën e jashtme të zarfit duhet të jetë emri i thirrjes për dorëzimin e propozim projekteve, emri i plotë dhe adresa e aplikuesit, emri i plotë i projektit dhe shënimi “Të mos hapen para hapjes zyrtare”. Nëpunësi komunal do të lëshojë një vërtetim për marrjen e dokumenteve të parashtruara. Të gjithë parashtruesit e propozim projekteve, pa marrë parasysh nëse propozim projektet pranohen ose refuzohen, do të njoftohen në formë të shkruar për vendimin në lidhje me propozimin e tyre në afat prej 30 ditëve pune nga mbyllja e thirrjes publike. Rezultatet do të publikohen në faqen e internetit të komunës (www.gostivari.gov.mk) dhe/ose në tabelën komunale dhe në faqen e internetit të UNDP  (www.mk.undp.org)

DOKUMENTE:

Aнекс 1 – Предлог проект
Анекс 2 – Предлог буџет
Анекс 3 – Логичка рамка
Анекс 4 – План на активности и видливост
Анекс 5 – Формулар со административни податоци
Анекс 6 – Формулар со финансиски податоци
Анекс 7 – Изјава за подобност
Анекс 8 – Изјава за двојно финансирање
Анекс 9 – Листа за проверка
Анекс 10 – Насоки за подносители (1)
Анекс 11 – Најчести грешки од претходниот повик_2018

Aneksi 1 – Propozim proekti
Aneksi 2 – PASQYRË E BUXHETIT
Aneksi 3 – Korniza logjike
Aneksi 4 – PLANI I AKTIVITETEVE DHE DUKSHMËRIPROMOVIM I PROJEKTIT
Aneksi 5 – FORMULAR ME TË DHËNA ADMINISTRATIVE PËR PARASHTRUESIN
Aneksi 6 – FORMULAR ME TË DHËNA FINANCIARE PËR PARASHTRUESIN
Aneksi 7 – DEKLARATË PËR PËRSHTATSHMËRI
Aneksi 8 – DEKLARATË PËR FINANCIM TË DYFISHTË
Анекс 9 – Листа за проверка
Aneksi 10 – Насоки за подносители (1)
Aneksi 11 – Најчести грешки од претходниот повик_2018

Masa konkrete kundër ndotësve të ajrit – shkelësit paguajnë gjoba

09.04.2019

Administrata komunale e Gostivarit është e përkushtuar në luftën kundër ndotjes së mjedisit jetësor. Në këtë drejtim, inspektorët dhe rendmbajtësit komunalë bëjnë kontrolle të rregullta  dhe veprojnë në mënyrë preventive, ndërsa në raste të caktuara ndërmarrin edhe masa represive, respektivisht shkelësve u caktojnë gjoba konform ligjeve pozitive.

Sa i përket rastit të fundit eklatant me ç’rast u bë ndezja e gomave të vjetra në afërsi të fshatit Zdunjë, shkelësit i është caktuar gjoba prej 123.000,00 denarë dhe e njëjta është paguar nga ana e tij.

Apelojmë deri te subjektet dhe qytetarët e Gostivarit që të kujdesen për ruajtjen e mjedisit jetësor dhe i njoftojmë se inspektorët komunalë do të vazhdojnë të jenë aktivë dhe se për shkelësit do t’i ndërmarrin masat përkatëse.

Shërbimi për informim  

Kryetari Taravari takoi përfaqësuesit e komunitetit rom në Gostivar

  • 05.04.2019

Kryetari i komunës së Gostivarit, Arben Taravari, priti në kabinetin e tij përfaqësues të komunitetit rom në Gostivar. Në takim u diskutuan çështjet të cilat e tangojnë këtë komunitet në komunën e Gostivarit, me theks të veçantë aktivitetet e radhës rreth shënimit të Ditës ndërkombëtare të romëve.

U diskutua, po ashtu, edhe rreth realizimit të projekteve të parapara për këtë vit në dy lagje të banuara kryesisht me popullatë rome, respektivisht ndërtimi i murit mbajtës.

Përfaqësuesit e komunitetit rom, falënderuan kryetarin Taravari për mbështetjen e një projekti mjaft të rëndësishëm që vjen me iniciativë të Bari Abdulit, i punësuar në administratën komunale, për hapjen e një Kampi futbolli ku do të mundësohet që të ushtrojnë fëmijët romë dhe do të hapen perspektiva për  tu marrë me këtë sport.

Kryetari Taravari i siguroi përfaqësuesit e komunitetit rom, se ata do ta kenë gjithmonë mbështetjen e tij dhe se ai angazhohet që secili individ, grup njerëzish apo komunitet, t’i gëzojë të gjitha të drejtat dhe të ketë mundësitë e barabarta.

Shërbimi për informim

“Suksesi” i vetëm i ministrit të arsimit, marrja e ingerencave kryetarit të Gostivarit

05.04.2019

Përgjegjësja e arsimit pranë Komunës së Gostivarit, znj. Aslian Snopçe, në një konferencë për shtyp të mbajtur sot, theksoi se marrja për së dyti e ingerencave në arsim kryetarit të komunës, Arebn Taravari, tregon se ministri i arsimit gjatë punës së tij këtë e ka të vetmin “rezultat” dhe se nuk do të ishte habi që këtë ta bëjë edhe për të tretën herë pas shtatë muajsh, por këtë rast nuk do ta ketë sepse deri atëherë shumëçka do të ndryshojë në Gostivar.

Fjalën e saj në press-koferencë, jua japim në mënyrë integrale.     

“Të nderuar përfaqësues të mediave,

Fillimisht ju falënderoj për prezencën tuaj në këtë pres konferencë.

Nëpërmjet kësaj konference për shtyp, dëshirojmë t’ju informojmë se pas marrjes së kompetencave ne sferën e emërimit dhe shkarkimit të drejtorëve nga ana e ministrit të arsimit për të dytën herë, këto ditë pasoi edhe vazhdimësia e këtij vendimi politik. Imagjinoni, në mes të fushatës zgjedhore, ministri ia lejon vetes luksin që të shkarkojë drejtorët e emëruar nga ana e kryetari të komunës dhe  sjell vendim për kthimin e drejtorëve të vjetër partiakë.

Pra, ky është edhe një skandal në vazhdën e skandaleve që e kanë burimin pikërisht te Ministria e arsimit dhe shkencës. Për këtë, gjykimin ia lëmë vetë qytetarëve, ndërsa dokumentacioni respektiv do të dërgohet deri te Komisioni anti-korrupsion për konstatimin e kësaj parregullsie. 

Në vend që ministri të merret me problemet e shumta që e kanë mbuluar sferën e arsimit; në vend që të merret me sigurimin e mësimit në gjuhën shqipe gjë që është e garantuar me ligj; në vend që te merret me përmirësimin e teksteve shkollore ku ende shqiptarët figurojnë si popull i zbritur nga malet, ku në tekstet shkollore të muzikës të gjitha këngët janë në gjuhën maqedonase; në vend që të merret me eliminimin e tenderëve në katër sy që bëhen në ministrinë e tij; në vend që të merret me rritjen e kualitetit të Universiteteve shqiptare; në vend që të merret me zbulimin e skandaleve me diplomat nëpër Universitete; në vend që të merret me rritjen e fondeve investuese në sferat hulumtuese ku Maqedonia e zë vendin e fundit ëe rajon … ai vazhdon të merret vetëm me Gostivarin.

Do të ishte mirë që ai të merret me Gostivarin, por, për shembull, për rregullimin e çatise së shkollës Goce Dellçev ku fëmijët duhet të mbajnë ombrella në klasë. Ky ministër prej kur e ka marrë postin, preokupim kryesor e ka vetëm Gostivarin, por, ama, në aspekt tjetër. Është bërë famoz me marrjen e kompetencave në komunën e vetme urbane në këtë shtet, që nuk është nën udhëheqjen e pushtetit aktual.  

Ministri i arsimit në raportin e punës së tij do të ketë informatë vetëm për dy vendime kapitale. Informata e pare: marrja e kompetencave të kryetarit të zgjedhur përmes votës së lirë të qytetarëve, dhe e dyta: marrja për të dytën here e kompetencave të kryetarit të komunës në sferën e arsimit.

Ai është shumë “kreativ” me këto dy vendime të tij. Ngado që shkon lavdërohet pikërisht me këto vendime të marrjes së kompetencave.

Tani do të pasojë edhe një periudhë letargjie nga ana e Ministrisë qe e drejton ai. Por. jemi të bindur se pas shtatë muajve përsëri do të ketë një investim kapital nga ana e ministrisë së tij. Ai investim kapital do të jetë marrja për herë të tretë e kompetencave kryetarit të Gostivarit.

Fundja, tjetër gjë nuk ai din të bëjë. Megjithatë, nuk do ta ketë atë mundësi, pasi që së shpejti situata do të ndryshojë, dhe në Gostivar do të vijnë kohë të reja.”

Shërbimi për informim

NJOFTIM

Të nderuar qytetarë,

Nesër (e enjte) në ora 8:00, fillon vendosja e shtresës përfundimtare të asfaltit në rrugën për në fshatin Banjicë, më saktësisht segmenti prej te përfundimi i bulevardit Vëllezërit Gjinoski (te shitorja e tepihëve “Xhan”) deri te ndarja për në fshatin Banjicë e Poshtme dhe lagjen Banjeshnicë.

Përderisa do të zgjasin punimet, në këtë pjesë të rrugës qarkullimi i automjeteve do të jetë në ndërprerje të plotë, ndërsa për të lëvizur prej qyteti për në drejtim të fshatrave Banjicë e Poshtme, Banjicë e Epërme, Gjonovicë dhe Simnicë dhe anasjelltas, si rrugë alternative do të mund të shfrytëzohet rruga e lagjes Banjeshnicë

Realizuesi i punimeve parashikon që asfaltimi të kryhet brenda ditës.

Lusim qytetarët për mirëkuptim.

Shërbimi për informim