FTESË PUBLIKE

Të nderuar qytetarë,

Ju ftojmë të merrni pjesë në sesionin e dytë të FORUMIT TË PROJEKTEVE në Komunën e Gostivarit, që do të mbahet më 26.06.2019 (e mërkurë) në hapësirat e sh.f. Mustafa Qemal Ataturk – Gostivar (salla e shkollës) me fillim nga ora 17:00.

Tema kryesore e forumeve është inkluzioni social, përfshirë edhe tema me barabarësi gjinore, qeverisje të mirë dhe bashkëpunim multietnik.

Në këtë sesion do të prezentohen idetë (Konceptet) e qytetarëve të diskutuara në sesionin e parë. Fondi i projektit është 50,000 CHF dhe në kuadër të këtij buxheti do të financohen së paku 1 deri më 3 projekte që do të zgjidhen dhe përpunohen nga qytetarët pjesmarrës të FORUMEVE.

Titulli i proektit : “Fuqizimi i këshillave komunal”

Donator : Agjencia Zvicërane për Zhvillim dhe Bashkëpunim (SDC)

Implementues : Programi për Zhvillimin e Kombeve të Bashkuara (UNDP)

Me respekt,

Komuna e Gostivarit.

FTESË PUBLIKE

Të nderuar qytetarë,

Ju ftojmë të merrni pjesë në sesionin e parë të FORUMIT TË PROJEKTEVE në Komunën e Gostivarit, që do të mbahet më 18.06.2019 (e martë) në hapësirat e sh.f. Mustafa Qemal Ataturk – Gostivar (salla e shkollës) me fillim nga ora 18:00.

Tema kryesore e forumeve do të jetë inkluzion social, përfshirë edhe tema me barabarësi gjinore, qeverisje të mirë dhe bashkëpunim multietnik. Në kuadër forumit do të mbahen 4 sesione në të cilat do të shqyrtohen prioritetet e qytetarëve në kuadër të temës së dhënë.

Fondi i projektit është 50,000 CHF dhe në kuadër të këtij buxheti do të financohen së paku 1 deri më 3 projekte që do të zgjidhen dhe përpunohen nga qytetarët pjesmarrës të FORUMEVE.

Titulli i proektit : “Fuqizimi i këshillave komunal”
Donator : Agjencia Zvicërane për Zhvillim dhe Bashkëpunim (SDC)
Implementues : Programi për Zhvillimin e Kombeve të Bashkuara (UNDP)

Me respekt,
Komuna e Gostivarit.

Taravari priti aktivistin amerikan Alex Zito – diskutuan për parandalimin e migrimit të të rinjve

03.06.2019

Parandalimi i migrimit të të rinjve, ishte qëllimi i takimit të sotëm të kryetarit të komunës së Gostivarit Arben Taravari me aktivistin amerikan Alex Zito.

Zito i cili udhëheq një shoqatë e cila si mision ka parandalimin e migrimit të rinjve në nivel global, u interesua për situatën rreth kësaj çështjeje në Maqedoni me theks të posaçëm në komunën e Gostivarit.

Kryetari Taravari e njoftoi atë, se çështja e migrimit të të rinjve tashmë ka kaluar në trend dhe është duke marrë masa shqetësuese si në Gostivar, ashtu edhe në gjithë vendin.

“Migrimi i të rinjve është një nga çështjet të cilat më së shumti më shqetësojnë dhe të cilën e potencoj rregullisht në shkrimet e mia dhe gati se në të gjitha paraqitjet publike. Në cilësinë e kryetarit të komunës dhe politikanit, angazhohem që kjo dukuri sa më shumë të reduktohet, sepse rrezikojmë që vendi të mbetet pa rini, pra pa ardhmëri”, theksoi Taravari.
Ai vuri në dukje se për të arritur këtë synim, duhet që pushteti aktual qendror të krijojë politika të shëndosha, të funksionojë shteti juridik, të hapen perspektiva të reja për të rinjtë dhe të ndërmerren një sërë masash konkrete.

“Këtë, konform mundësive, përpiqemi që ta bëjmë në nivel lokal”, theksoi Taravari.

Shërbimi për informim