FTESË PUBLIKE

Të nderuar qytetarë,

Ju ftojmë të merrni pjesë në sesionin e tretë të FORUMIT TË PROJEKTEVE në Komunën e Gostivarit, që do të mbahet më 27.09.2019 (e premte) në hapësirat e restorantit The Grand– Gostivar me fillim nga ora 15 : 00

Tema kryesore e forumeve është inkluzioni social, përfshirë edhe tema me barabarësi gjinore, qeverisje të mirë dhe bashkëpunim multietnik.

Në këtë sesion do të prezentohen rregullat për zgjedhjen e projektit dhe do të prezentohen propozim projektet.

Fondi i projektit është 50,000 CHF dhe në kuadër të këtij buxheti do të financohen së paku 1 deri më 3 projekte që do të zgjidhen dhe përpunohen nga qytetarët pjesmarrës të FORUMEVE.

Titulli i proektit : “Fuqizimi i këshillave komunal”

Donator : Agjencia Zvicërane për Zhvillim dhe Bashkëpunim (SDC)

Implementues : Programi për Zhvillimin e Kombeve të Bashkuara (UNDP)

Me respekt,

Komuna e Gostivarit.

Sot është Dita Evropiane e Gjuhëve

26.09.2019

Diversiteti gjuhësor është instrument për arritjen e një mirëkuptimi më të gjerë ndërkulturor dhe element krucial në trashëgiminë e pasur kulturore të Evropës.

Tetëqind milion njerëz në të gjithë kontinentin, të përfaqësuar në 47 vendet anëtare të Këshillit të Evropës, inkurajohen të mësojnë më shumë gjuhë, në çdo moshë, brenda dhe jashtë shkollës.

Dita e sotme, 26 shtator 2001 festohet si Dita Evropiane e Gjuhëve.

Komuna e Gostivarit mbështet fuqimisht promovimin e plurilingualizmit në të gjithë Evropën.

Shërbimi për informim

Në qytetin e Gostivarit dhe në disa fshatra, u shënua Dita botërore e pastrimit

21.09.2019

Administrata komunale, disa fshatra ku janë aktive bashkësitë lokale, organizatat ekologjike dhe qytetarë që kujdes për mjedis të shëndoshë jetësor, u përfshinë në aksionin e organizuar nga Komuna e Gostivarit për shënimin e Ditës botërore të pastrimit.

Pastrimit të sipërfaqeve publike iu bashkëngjit edhe kryetari i komunës së Gostivarit, Arben Taravari i cili së bashku me administratorët, aktivistët dhe qytetarët tjerë mblodhën mbeturinat nëpër rrugë dhe sipërfaqe tjera publike të qytetit.

“Qëllimi i këtij aksioni është ngritja e vetëdijes së qytetarëve për të mbajtur një ambient të pastër dhe të shëndoshë. Ndërmarrja publike i kryen rregullisht obligimet e veta, por për të pasur një qytet më të pastër, duhet të gjithë qytetarët të kujdesen të mos hedhin mbeturina dhe në mënyra të ndryshme, siç është edhe ky aksion i sotëm të kontribuojnë për një mjedis më të pastër dhe më të bukur. Siç e shihni janë përfshirë edhe disa shoqata që në fokus kanë mbrojtjen e mjedisit jetësor, si dhe disa bashkësi lokale, por fatkeqësisht drejtorët e shkollave nuk u bashkëngjitën dhe nuk mundësuan që ky aksion të jetë më masovike dhe të mbjellin dashurinë për pastërti te gjeneratat të cilat më së shumti kanë nevojë për këtë”, deklaroi kryetari Taravari.

Kryetari i shoqatës GV Eko, Ahmet Sallmani tha se pastërtia publike jo vetëm që ndikon pozitivisht në shëndetin tonë, por edhe i jep një pamje më të bukur qytetit. Ndërsa kryetarja e organizatës joqeveritare IGI, Sunçica Gjurçinoska tha se në këtë ditë secili prind duhej sot të marrë fëmijët e vet në këtë aksion sepse shprehitë për mjedis të pastër dhe të shëndetshëm krijohen që nga fëmijëria e hershme.

Kryetari Taravari vizitoi edhe Çajlën, ku u mirëprit nga kryetari i bashkësisë lokale, Sinan Elezi i cili e njoftoi atë për mbarëvajtjen e aksionit. Taravari përgëzoi Elezin për organizimin e shkëlqyer dhe rezultatet që shënon kjo bashkësi lokale në përgjithësi.

Shërbimi për informim

 

Në Gostivar u shënua Dita botërore pa makina

22.09.2019

Komuna e Gostivarit organizoi shënimin e Ditës botërore pa makina. Me këtë rast u realizua defile me biçikleta nëpër rrugët kryesore të qytetit, në segmentet rreth pjesës qendrore.

Në këtë aktivitet u përfshinë dhjetëra qytetarë të të dy gjinive dhe të të gjitha grupmoshave, të cilët biçikletën e shohin si mjet transporti më ekologjik, më të shëndetshëm dhe më ekonomik.

Kryetari i komunës Arben Taravari, i cili po ashtu ishte pjesëmarrës në këtë aktivitet, deklaroi se ky është aktiviteti i dytë në këtë fundjavë për ngritjen e vetëdijes së qytetarëve për mbrojtjen e mjedisit jetësor.

“Si Komunë e Gostivarit, kemi një projekt për blerjen e biçikletave, rreth 20-30, të cilat do t’i vendosim në shërbim të qytetarëve që të mund t’i shfrytëzojnë për përmbushjen e nevojave të tyre gjithmonë kur nuk është e domosdoshme që t’i përdorin makinat. Unë si kryetar do të përpiqem që të ndikoj edhe te administrate komunale, që sa më shumë t’i shfrytëzojnë biçikletat dhe të paktën ata të cilët jetojnë në qytet, sipas mundësive të vijnë në punë pa makina”, nënvizoi Taravari.

Qëllimi i këtij aktiviteti, synon të zvogëlohet ngrohja e planetit për vetëm një ditë, duke i inkurajuar njerëzit që të jenë më pak të varur nga makinat e tyre dhe të përpiqen për alternativa tjera.

Shërbimi për informim

 

Sportistët e Gostivarit do të shpërblehen në përputhje me Rregulloren që është në fazën e përgatitjes

23.09.2019
Komuna e Gostivarit ka hartuar një draft Rregullore për ndarjen e mirënjohjevedhe shpërblimeve sportistëve, punëtorëve të sportit, klubeve spotrive, trajnerëve, shoqatave dhe skuadrave shkollore. Shpërblimet në fushën e sportit do të përbëhen nga pllaketa, medalje dhe para të gatshme. Versioni fillestar iu prezantua dashamirëve të sportit dhe qytetarëve në sallën e këshillit komunal, dhe pasi të jenë definuar të gjitha detajet, Rregullorja do të hidhet në votim në Këshill.

Lëvdata dhe shpërblime do tu ndahen sportistëve më të suksesshëm – meshkuj dhefemra, juniorë dhe juniore, ekipeve të meshkujve dhe femrave, sportistëve me aftësi të kufizuara, shoqatave sportive – për sporte ekipore dhe individuale, skuadrave shkollore si dhe sportistëve nga Gostiva që garon jashtë vendit. Kandidatët do të rangohen nga ana e një komisioni të posaçëm prej pesë anëtarësh, ndërsa kryetari i komunës do të përcaktojë shumën e çmimit, bazuar në zërin buxhetor për sport.

“Në këtë mënyrë do të eliminojmë dyshimet se alokimi i parave për sport nga buxheti i komunës ka favorizime. Ekzistojnë komente subjektive nga disa njerëz, kinse disa klube dhe sportistë marrin më shumë para nga Komuna dhe të tjerë më pak. Kjo Rregullore do të minimizojë thashethemet e tilla. Ne e prezantojmë së pari para sportistëve, klubeve, punonjlsve sportivë për të dëgjuar mendimin e tyre, sugjerimet, vërejtjet, kështu është më demokratike”, tha kryetari i Komunës së Gostivarit, Arben Taravari
.
Prezantimin e përmbajtjes së Rregullores e bëri këshilltari komunal dhe kampioni evropian i karatesë, Berat Jakupi, i cili u bëri thirrje të gjithë sportistëve aktivë dhe klubeve që nuk janë regjistruar të përmbushin këtë detyrim për të pasur të drejtë të garojnë për çmime.

“Ka shumë klube që janë aktive por jo të institucionalizuara dhe për këtë arsye nuk mund të garojnë, jo vetëm në Komunë, por edhe në institucione dhe donatorë të tjerë. Pra, le të jetë kjo një apel, që ata të institucionalizohet. Jemi të vetëdijshëm që pengesa më e zakonshme për regjistrimin janë financat, por sportistët duhet të shohin në planin afatgjatë se po humbasin shumë”, tha Jakupi.

Shërbimi për informim

Draft verzioni i regullores për përzgjedhjen e sportistëve dhe klubeve më të suksesshme

Të gjithë të cilët deshirojnë të japin sugjerime rreth rregullores për përzgjedhjen e sportisteve dhe klubeve më të suksesshme, mund të na shkruajnë deri me datë 30.09.2019 ( e hënë) në emailin: info@gostivari.gov.mk

 

Rregullore Mirenjohje Sportet 11909131866124568392(1)

FTESË

Të nderuar sportdashës,

Nesër (e hënë) me fillim në ora 10:00 në sallën e Këshillit të Komunës së Gostivarit, do të bëhet prezantimi i draft-Rregullores për përzgjedhjen e sportistëve më të mirë të vitit në nivel komunal. 

Me këtë rast, ftojmë të gjithë sportistët, klubet sportive, punonjësit sportivë, mediat si dhe të gjithë dashamirët e sportit që të marrin pjesë në prezantim dhe me vërejtjet, propozimet dhe sugjerimet e tyre të japin kontributin e vet në drejtim të përpilimit të një rregulloreje sa më të mirë.    

Me respekt,

Komuna e Gostivarit

APEL PUBLIK

Të nderuar qytetarë të komunës së Gostivarit,
Të shtunën ( 21.09.2019) në ora 10:00-12:00, në nivel të komunës së Gostivarit do të shënohet Dita Botërore e Pastrimit.

Me këtë rast, në bashkëpunim me Bashkësitë lokale dhe institucionet publike komunale, do të organizojmë një aksion të gjerë për pastrim të sipërfaqeve publike në komunën tonë.

Apelojmë që të gjithë, pavarësisht moshës dhe gjinisë, të bëhemi pjesë e këtij aktiviteti dhe të kontribuojmë për ambient më të pastër dhe ngritje të vetëdijes për higjienën publike.

Informata më të hollësishme për rrjedhën e aktiviteteve, do të mund të merrni në Komunën e Gostivarit, Bashkësitë lokale dhe institucionet tjera përkatëse.
Me respekt,

Kryetari i komunës së Gostivarit – Arben Taravari

Dr. Besim Memedi zgjidhet kryetar i Këshillit të Komunës së Gostivarit – formohet shumicë e re

16.09.2019

Në seancën e 16-të të Këshillit të Komunës së Gostivarit, këshilltarët me 16 vota për, 2 të përmbajtur dhe 13 kundër, e zgjodhën për kryetar të ri të këshillit, doktorin Besim Memedi – bartës i listës së këshilltarëve të Aleancës për Shqiptarët.

Paraprakisht, kryetari i deritashëm dr. Nasir Musliu dha dorëheqje për të hapur rrugë që shumica e re e krijuar në Këshill të zgjedhë për kryetar këshilli person nga radhët e tyre.

Kryetari i porsazgjedhur Besir Memedi falënderoi këshilltarët për besimin e dhënë dhe përshëndeti gjestin burrëror të kryetarit të deritashëm, duke u shprehur optimist se me ish kryetarin do të bashkëpunojnë gjithnjë në interes të qytetarëve të komunës së Gostivarit.

Vlen të theksohet se me qëllim të koordinimit më të mirë të grupeve të këshilltarëve dhe mbarëvajtjes së punës së Këshillit, vazhdimi i seancës u caktua për të premten në ora 9:30.

Shërbimi për informim

Aksioni “Me zemër dhuro, një nxënës gëzo”, i gëzoi mbi 500 filloristë të komunës së Gostivarit

12.09.2019

Aksioni “Me zemër dhuro, një nxënës gëzo” rezultoi me donacione të shumta për nxënësit nga familjet me status të rrezikuar social.

Ky aksion u iniciua dhe u organizua nga Sektori për veprimtari publike pranë Komunës së Gostivarit, në bashkëpunim me shkollat fillore komunale, me dy supermarkete dhe me disa librari të qytetit.

Gjatë kësaj jave u bë shpërndarja e pajisjeve të grumbulluara shkollore, gjegjësisht të mbi 500 çantave dhe mjeteve të tjera shkollore.

Siç njofton përgjegjësja e Sektorit për veprimtari publike, znj. Aslian Snopçe, krahas prindërve të shumtë të cilët donuan pajisje shkollore, Këmbimorja Alpina 100 çanta, supermarketi ETC dhuroi 60 çanta, Beni Beton 50 çanta të mbushura me mjete shkollore, dhe Universiteti Vizion 50 çanta.

“Gostivarasit edhe njëherë në vepër e dëshmuan humanitetin dhe solidaritetin e tyre. Suksesi i këtij aksioni madje i tejkaloi pritshmëritë tona. Nuk është kjo hera e parë që në fillim të vitit shkollor të interesuarit të dhurojnë për nxënësit që vijnë nga familje me standard më të ulët ekonomik, por kjo mënyrë e organizimit ofron mundësi që sa më shumë individë dhe subjekte të bëhen pjesë e aksionit dhe donacionet të mbërrijnë tek të gjithë ata të cilët kanë nevojë. Prandaj, planifikojmë që edhe në fillimvitet e ardhshme shkollore të organizojmë aksione të këtilla”, thotë znj. Snopçe.

Që donacionet të mbërrijnë pikërisht te nxënësit që kanë më së shumti nevojë, kujdesen vetë shkollat fillore, si ato të qytetit ashtu edhe ato të vendbanimeve rurale.

Komuna e Gostivarit falënderon të gjithë prindërit dhe subjektet donatore, si dhe supermarkete dhe libraritë të cilët u bënë pjesë e këtij aksioni.

Shërbimi për informim