Mesazh-urimi i kryetarit Arben Taravari me rastin e Vitit të Ri

Gostivaras të nderuar!

Sot është dita e fundit e një viti të cilin ditëm ta përballojmë sëbashku pavarsisht pengesave që kishim rrugës!

Uroj që për vitin e ri 2020 të jemi shumë më mirë se këtë vit dhe jam i sigurtë që do jemi pasi ditë më të mira pritet të vijnë!

Duke ju shtrënguar duart Ju Uroj Gëzuar Vitin e Ri!

Shëndet e mbarësi të gjithëve!

NJOFTIM – DITË E HAPUR ME MËRGIMTARËT

26.12.2019

Të nderuar,

Ju njoftojmë se më 28.12.2019 (e shtunë), prej në ora 18:00, nën moton “Mirë se vini në shtëpinë tuaj”, Komuna e Gostivarit organizon Ditë të hapur me mërgimtarët.

Qëllimi i këtij aktiviteti është që mërgimtarëve tanë, gjatë qëndrimit në vendlindje për fetat e fundvitit, tu jepet mundësia që të njoftohen nga afër me punën dhe aktivitetet e Komunës, njëherit të mund të shpalosin vërejtjet, sugjerimet, idetë dhe propozimet e tyre bazuar në përvojat nga vendet ku ata jetojnë dhe veprojnë.

Shërbimi për informim

Zyra e Mërgimtarëve do të punojë edhe gjatë fundjavës

26.12.2019

Me rastin e qëndrimit të mërgimtarëve në vendlindje, Komuna e Gostivarit e vë sërish në funksion Zyrën e Mërgimtarëve. Zyra e Mërgimtarëve, që gjendet në hapësirat e Qendrës për Shërbime Komunale në katin përdhes të objektit të Komunës së Gostivarit, do të punojë edhe të shtunën dhe të dielën (28 dhe 29 dhjetor 2019) prej në ora 10:00 deri në ora 19:00.

Komuna e Gostivarit, të gjithë mërgimtarëve u dëshiron qëndrim të këndshëm në vendlindje!

Shërbimi për informim

FTESË për DEBAT PUBLIK

Të nderuar qytetarë,

Nesër (e mërkurë) me fillim në ora 12:00, në sallën e Këshillit të Komunës së Gostivarit, do të mbahet debat publik në lidhje me draft-Raportin e Vlerësimit Strategjik të Mjedisit Jetësor.

Ju ftоjmë të merrni pjesë dhe të jepni kontributin tuaj për përpiklimin e versionit final të Rportit.

Shërbimi prë informim – Komuna e Gostivarit

U shënua 23 Dhjetori, Dita e Komunës së Gostivarit Qytetar nderi u shpall pedagogu Hajrulla Volina

23.12.2019
Me një ceremoni rasti të mbajtur Sallën e madhe të Komunës së Gostivarit, u shënuar Dita e Komunës së Gostivarit, 23 Dhjetori i vitit 1996. Në prani të mysafirëve të shumtë, drejtuesve të institucioneve, atyre kulturorë dhe sportivë, deputetë, ish kryetarëve komunal, këshilltarëve dhe administratorëve komunal, si dhe qytetarëve të shumtë të Gostivarit, fillimisht fjalë mori kryetari i Komunal të Komunës së Gostivarit, Arben Taravari. Ai me këtë rast sqaroi se dita e komunës si datë për ta shënuar ka ndryshuar, pasi për herë të parë para 23 viteve Gostivari fiton këtë territor si qytet dhe është bërë konstituimi i parë i këshillit komunal.

“Mirë se keni ardhur në këtë takim i cili përkujton rëndësinë e një dite të veçantë si kjo e sotmja, sepse sot është Dita e Komunës së Gostivarit. Si sot në vitin 1996 është përcaktuar kjo njësi territoriale e komunës sonë në shtetin që nuk kishte shumë që kishte lindur si një shpresë e re, por që fatkeqësisht errësoi dritat e shpresës dhe besimit në këtë shtet aq sa e ka katandisë popullin të jetojë me valixhe në kurriz në kërkim të një jete më të mirë, në kërkim të një shteti që i do. Gjithsesi, sot duhet t’i qëndrojmë besnik ngjarjes që ka ndodhur 23 vite më parë, respektivisht 23 Dhjetor 1996 ku shënohet konstituimi i Këshillit të parë komunal sipas ndarjes territoriale. Një Këshill i cili si atëherë edhe sot është mbushur me gra dhe burra të shkëlqyer të cilët sado aktorë të një drame politike, kanë arritur që në radhë të parë qytetin e tyre para partisë së tyre. Sigurisht që ka pasur edhe nga ata që kanë bërë të kundërtën, që si mjek i kuptoj, por si njeri dhe i biri i këtij vendi nuk jam dakord me ta. Fatmirësisht Gostivari ka ditur të rrisë dhe edukojë njerëz të mrekullueshëm dhe prandaj sot kemi çfarë festojmë. Data e kaluar e Komunës do të kishte kuptim vetëm nëse Gostivari do të kishte kufijtë territorial administrative të vitit 1991 bazuar në ndarjen territorial të vitit 1974. Sot është Dita e Komunës së Gostivarit, unë jam kryetar i Gostivarit, një qyteti me njerëz bujar por edhe një Komunë me të kaluar demokratike me shumë probleme dhe diskriminime të inskenuara nga pushteti qendrorë i proviniencave të ndryshme dhe politike. Gostivari është shembull shkollor në vendin tonë se decentralizimi politik dhe fiskal është proces që ka dështuar si pasojë të ndërhyrjes flagrante nga qeveria qendrore në marrjen e kompetencave lokale kur komuna udhëhiqet nga kryetar opozitar në të kaluarën dhe aktualisht në mandatin tim në sferën e arsimit dhe anashkalimit total në sferat tjera të kompetencave të përbashkëta me qeverinë”, deklaroi kryetari i Komunës së Gostivarit, Arben Taravari.
Kryetari Taravari foli edhe për shpërnguljen e madhe, për të cilën drejtori akuza ndaj pushtetit qendrorë.

“Në situata të një krize të rëndë ekonomike dhe sociale kur shpërngulja është bërë problem kryesorë i shumicës së qytetarëve, mungesa e fondeve financiare lokale dhe mos-zbatimi i Ligjit për zhvillim të barabartë të rajoneve, imponojnë nevojën imediate për rritjen e financave lokale në dobi të komunave në nivel sikurse është në vendet e BE-së. Këto financa shtesë lokale për komunat do të investoheshin në barazinë ndër-etnike në arsim, shëndetësi dhe kulturë dhe me prioritet në ndihmën e bizneseve vendore dhe tërheqjen e investimeve të diasporës tonë, si parakusht për hapjen e vendeve të reja të punës dhe ndërprerjen e shpërnguljes massive të popullatës, në veçanti të gjeneratës së re”, deklaroi më tej kryetari Taravari.
Komuna e Gostivarit, tha më tej i pari i Gostivarit, ka pasur kryetarë të ndershëm por edhe të atillë që kanë keqpërdorur pozitën e tyre.
“Në të shkuarën e kësaj komune ka ditur të ketë edhe ndonjë kryetar i cili ka keqpërdorur pozicionin e tij, por ka pasur edhe kryetar të cilët kanë qenë shembull i sakrificës më sublime intelektuale dhe kombëtare, me të arritura menaxheriale që kanë tejkaluar kufijtë lokal dhe kanë qenë emra të përveçëm që paraqesin krenari dhe nderë për komunën tonë”, deklaroi kryetari Taravari.
Në press-konferencë për gazetarët kryetari Taravari ka folur edhe për pengesat nga ana e pushtetit qendror që i bëhen Gostivarit, por nënvizoi se edhe përskaj obstruksioneve, kjo udhëheqësi e Komunës, ka arritur suksese shumë të mëdha duke dalë edhe komuna e parë në nivel republikan për nga realizimi i buxhetit.
Me rastin e Ditës së Komunës, Komuna e Gostivarit ka dekoruar me mirënjohje nxënës e mësimdhënës për arsim dhe kontribuesit për kulturë. Mirënjohjet janë ndarë nga Përgjegjësja për Veprimtari Publike pranë Komunës së Gostivarit Aslian Snopçe dhe kryetari Taravari.
Për kontribut në sferën e kulturës mirënjohje iu nda Andi Ismailit, Liza Abdija, Burhan Ametit, Floranda Muharemit dhe SH.K.A “Jahi Hasani” nga Çegrani. Në arsim për kontributin e dhënë mirënjohje kishte për mësimdhënësin Selman Kalisi, i cili njëherit ka qenë mësuesi i parë i kryetarit Taravari, Grujo Tërpeskit, Bastri Risetmit dhe Hamdi Hasan. Për herë të parë në Gostivar u bë edhe zgjedhja e paraleleve më të suksesshme. Nga shkollat fillore vendin e parë e zuri paralelja 5-b nga shkolla fillore “Faik Konica” nga fshati Debresh, ndërsa te shkollat e mesme paralelja më e mirë u zgjodh paralelja e arkitekturës, viti i tretë pranë Shkollës së Mesme Teknike. Nxënësit më të mirë te shkollat e mesme u zgjodhën Fjolla Zendeli te paralelet me mësim në gjuhën shqipe, ato maqedonase Konstanca Bilbiloska dhe te ato turke Nusejba Hanxhi. Te shkollat fillore te paralelet me mësim në gjuhën shqipe vendin e parë e zuri Behra Beqiri, te ato maqedonase Ilina Dimitrieska. Paralelet turke nga shkollat fillore nuk kanë pasur garues. Mirënjohje për kontributin e dhënë u nda edhe për Restornatin “Vita Abi”, Shoqatën Humanitare “Dava”, e cila themeloi kuzhinë popullore për nevojtarët në Gostivar dhe Organizatën Jo-qeveritare “Iniciativa për Integrim Qytetarë”. Mirënjohje u ndanë edhe për punëtorët sportive, afirmuesit e sportit, klubet sportive dhe sportistët më të mirë. Ato i ndau karateisti, njëherit këshilltari komunal, Berat Jakupi me kryetarin Taravari.
Skuadra më e suksesshme sportive shkollore u zgjodh skuadra e basketbollit pranë shkollës fillore “Goce Dellçev” – Gostivar. Skuadra sportive më e suksesshme te femrat dhe te meshkujt u zgjodhën skuadrat e basketbollit. Sportistja më e mirë nga gjeneratat e reja u zgjodh karateistja Amina Abdurahmi, sportist i ri u zgjodh karateisti Doan Osmani. Sportistja më e suksesshme te të rriturit u zgjodh basketbollistja Monika Badisoka, ndërsa sportisti më i suksesshëm te të rriturit u zgjodh futbollisti Visar Musliu.
Pas ndarjes së mirënjohjeve, u shpallë edhe qytetari i nderit për vitin 2019 në Komunën e Gostivarit. Këtë epitet e fitoi pedagogu dhe doajeni i muzikës, Hajrulla Volina, të cilit iu dhurua çmimi më i lartë “Çelësi i qytetit të Gostivarit”. Biografinë e 80 vjeçarit Volina, e lexoi mbesa e ttij Jehona Alili.
Në fjalën e tij, laureati, pasi falënderoi për çmimin e ndarë “Qytetar nderi”, tha se për 60 vite ka shërbyer si pedagog dhe si muzikant në qytetin e Gostivarit.
“Sot jam 80 vjeç, prej të cilave 60 vjet i kam kaluar në arsim dhe kulturë. 80 vjet e kam pritur këtë ditë. Me prejardhje jam nga Struga, por 60 vite I bëra që jetojë në Gostivar dhe me krenari e them se jam nga ky qytet që më ka dhuruar shumë gjëra të bukura në jetën time. Faleminderit për nderin, respektin dhe vlerësimin. U jam mirënjohës të gjithëve”, u shpreh mes tjerash Hajrulla Volina.
Të pranishmit në sallë patën rastin të ndjekin nga afër edhe dokumentarin televiziv dedikuar investimeve të kryera gjatë këtij viti në territorin e Komunës së Gostivarit, me ç’rast u prezantuan më se 40 projekte të realizuara. Ndërkohë, pritja e mysafirëve është bërë me muzikë nga kori i shkollës fillore “Goce Dellçev” nën dirigjimin e arsimtarit të tyre, Bastri Ristemi.

Shërbimi për informim

NJOFTIM

Në bazë të nenit 69 paragrafi 1 nga Ligji për mjedis jetësor (G. zyrtare e RM nr.53/05, 81/05, 24/07, 159/08, 83/09, 48/10, 124/10 51/11) dhe nenit 3 nga Rregullorja për pjesëmarrje të publikut gjatë përpilimit të rregullave dhe akteve të tjera si dhe të planeve dhe programeve në fushën e mjedisit jetësor (G. zyrtare nr.147/08), Qendra për zhvillim të rajonit planor të Pollogut solli

NJOFTIM

Njoftohet publiku i interesuar se Këshilli ndërkomunal për menaxhim me mbeturinat në rajonin planor të Pollogut solli Vendim për implementim të vlerësimit strategjik të mjedisit jetësor për dokumentin planor Plani rajonal për menaxhim me mbeturinat për rajonin planor të Pollogut me çka është nisur me procedurën e vlerësimit strategjik të dokumentit planor.
Propozim raporti për vlerësim strategjik të mjedisit jetësor, së bashku me Planin rajonal për menaxhim me mbeturinat për rajonin planor të Pollogut janë në dispozicion për vrojtim publik në faqen e internetit të Qendrës për zhvillim të rajonit planor të Pollogut (https://rdcpolog.mk) dhe në hapësirat e qendrës, çdo ditë nga ora 08.00 deri 16.00 gjatë periudhës për vrojtim publik (duke filluar më 13.11.2019). Debati publik për Propozim raportin për vlerësim strategjik do të mbahet në Gostivar më 25.12.2019 në hapësirat e sallës së këshillit në ora 12.00.
Të gjitha komentet të lidhura me propozim raportin për vlerësim strategjik mund të dorëzohen në mënyrat në vijim:
Në formë elektronike në këtë adresë: info@rdcpolog.mk (kontakt personi Merita Ramadani),
Me postë në këtë adresë: Rr. Njegosheva nr. 2, Tetovë,
Drejtpërdrejt tek Qendra për zhvillim të rajonit planor të Pollogut nëpërmjet formularit përkatës për komente.

Qendra për zhvillim të rajonit planor të Pollogut,
Udhëheqës,

Fatmir Saiti

Qytetarëve të Gostivarit iu prezantua propozim-buxheti i komunës për vitin 2020

18.12.2019

Me qëllim të ngritjes së transparencës dhe përfshirjes së drejtpërdrejtë të qytetarëve në vendimmarrje në pushtetit lokal, dje në sallën e Këshillit të Komunës së Gostivarit u bë prezantimi i propozim-buxhetit të komunës për vitin 2020 dhe u zhvillua debat mbi të njëjtin.

Udhëheqësi i Departamenti për buxhet dhe kontroll, Sadri Elezi shpjegoi se buxheti i propozuar është përpiluar duke u bazuar në të dhënat e grumbulluara nga të gjithë sektorët dhe departamentet e Komunës, ndërmarrjet publike, shkollat e fillore dhe të mesëm, si dhe kopshtet e fëmijëve. Me këtë rast ai ripërsëriti publikisht ftesën që sa më shpejtë të mbahet seanca e Këshillit komunal dhe në rend dite të vihet propozim-buxheti i komunës.

Buxheti i komunës së Gostivarit për vitin 2020 paraqet plan vjetor të të ardhurave dhe shpenzimeve të cilat janë përfshirë në buxhetin themelor, buxhetin nga aktivitetet e vetëfinancimit, donacionet, dotacionet dhe kreditë. I njëjti është planifikuar në 1.140.371.000 denarë (rreth 19 milion euro).

Pas prezantimit të buxhetit të planifikuar u zhvillua një debat i gjerë. Të gjitha vërejtjet dhe propozimet e qytetarëve të pranishëm u shënuan dhe ato që do të vlerësohen si të arsyeshme do të merren parasysh dhe do të shpalosen në séancë.

Shërbimi për informim

Nënshkruhet kontrata për financim të projektit për adaptim të shëtitores te lumi Vardar

17.12.2019

Kryetari i komunës së Gostivarit dhe përhershme e UNDP-së Narine Sahakjan, nënshkruan sot Kontratën për financim të projektit të titulluar “Përfshirja e grupeve të margjinalizuara në jetën sociale përmes aktiviteteve sportive, rekreative dhe kulturore” në kuadër të programit “Fuqizimi i Këshillave komunalë”, implementuar nga UNDP dhe financuar nga Agjencia Zvicerane për Zhvillim dhe Bashkëpunim (SDC).

Vlera e projektit është 50.000 franga zvicerane dhe parasheh rregullimin  dhe adaptimin e shëtitore të lumit Vardar për shfrytëzim nga personat me aftësi të kufizuara dhe grupet e margjinaluzuara.

Ndryshe, projekti në fjalë u përzgjodh si me prioritet nga pjesëmarrësit në Forumet në bashkësi.

Vlen të theksohet se krahas realizimit të këtij projekti, Komuna e Gostivarit në Programin zhvillimor për vitin 2020 ka paraparë 200.000 euro për zgjerim të shëtitores.

Shërbimi për informim

Lënda:Ftesë për pjesmarje në procesin e thirjes publike të koncesionit për lokalitetin Krasta f.Reçan-Gostivar

13.12.2019

Komuna e Gostivarit i njofton qytetarët e interesuar dhe opinionin e gjerë se në procesin për ndarje të koncesionit për kryerjen e hulumtimeve më të hollësishme gjeologjike të burimeve minerale-gur gëlqeror në lokacionin Krasta f.Reçan do të mbahet thirje publike me qëllim që të njoftohet opinioni me aktivitetet nga eksplantacioni I gurit gëlqeror.

Në këtë debat u mundësohet pjesëmarrje të gjithë qytetarëve të interesuar gjithashtu të dorëzohen edhe komente,vërejtje dhe propozime.

Thirja publike do të mbahet më datë 17.12.2019 në ora 14.30 në sallën e Këshillit të komunës së Gostivarit.

Shërbimi për informim