Të nderuar gostivaras,

Edhe pse sot mora lajmin në grupin e krizës se kafeteritë mund të punojnë në modelin blej dhe shko, tash po shoh që ende ky vendim nuk është zyratrizuar. Prandaj ju lutem që edhe këtë fundjavë mos fillojmë më këtë mënyrë pune, derisa edhe oficijalisht e marim me shkrim këtë vendim prej shtabit qëndror të emergjencës.
Me të vetmin qëllim që askush mos ketë mdonji lloj pasoje, iu lutem të gjithë kafeterive në Gostivar, nesër mos fillojnë me punë, por të presim vendimin final në formë të shkruar deri ditën e hënë.
Paçi një fundjavë të mbarë me familjet tuaja!

#NjëQytet #NjëShtëpi #SëBashkuMundemi

 

Taravari: Është pranuar propozimi ynë, prej nesër edhe kafeteritë do të punojnë sipas modelit Merr dhe shko

30.04.2020

Kryetari i komunës së Gostivarit, Arben Taravari, njoftoi sot se propozimi i Shtabit ndërkomunal të Gostivarit që krahas ushqimit, me modelin Merr dhe shko të shitet edhe kafe.

“Kam marrë informatën se propozimi ynë që krahas ushqimit, me modelin Merr dhe shko të shitet edhe kafe, është pranuar nga Shtabi qendror i emergjencës dhe se vendimi do të fillojë të zbatohet prej ditës së nesërme. Nënkuptohet se kjo dëtë mund të zbatohet vetëm jashtë orës policore”, deklaroi për mediat Taravari.

Ai po ashtu njoftoi se javës së ardhshme, në cilësinë e kryetarit të Shtabit ndërkomunal të emergjencës – Gostivar, do t’i propozojë Shtabit qendror edhe lehtësime tjera, siç është të lejohet që lokalet të shërbejnë klientë edhe brenda, por të sigurohet distancë fizike prej 2 metrash dhe në nj tavolinë të lejohet të ulen më së shumti dy persona.

Ndryshe, gjendja me pandeminë në Gostivar mund të vlerësohet si stabile.

“Për fat të keq sot kemi rastin e parë të vdekjes së banorit nga komuna e Gostivarit. Por aktualisht aktivë janë vetëm 3 persona banorë të komunës sonë. Nga tre komunat, Gostivar, Vrapçisht dhe  Mavrovë-Rostushë, deri më tani janë testuar gjithsej 202 qytetarë, prej të cilëve 17 kanë rezultuar pozitivë”, theksoi kryetari i komunës së Gostivarit.

Kryetari Taravari bëri apel që, ashtu siç bëhen lehtësime të masave restriktive, ashtu qytetarët ta rrisin vetëdijen dhe t’i respektojnë masat dhe rekomandimet.

Shërbimi për informim 

“Ecolog International” dhuron 100 tabletë për nxënësit e Gostivarit

Komuna e Gostivarit ka bërë sot shpërndarjen e 100 tabletë, donacion të kompanisë “Ecolog International”. Këto pajisje u dedikohen nxënësve të cilët nuk kanë pasur mundësi të ndjekin mësimin nga distanca. Kryetari i Komunës së Gostivarit Arben Taravari u shpreh falenderues ndaj kompanisë për këtë iniciativë, e cila siç tha ai, është një ndihmë e madhe për nxënësit e Gostivarit.

“Humaniteti dhe kujdesi për prosperitet të shoqërisë, më së shumti vjen në shprehje në ditë të vështira. Kompania “Ecolog” në vazhdimësi ka ndihmuar nevojtarët dhe ka dhënë kontribut të madh të pamohueshëm për prosperitet të shoqërisë në më shumë sfera. Me aksionin e fundit për dhurim të tableteve që nxënësit të mund të ndjekin mësimin online, këtë e vetëm e përdëftojnë. Falënderoj nga zemra familjen Destani për dhurimin e 100 tableteve për nxënësit e Gostivarit të cilët nuk posedojnë pajisje elektronike”, deklaroi kryetari I Komunës së Gostivarit Arben Taravari.

Së bashku me donacionin nga “Ecolog International”, deri më tani në Gostivar janë shpërndarë 300 pajisje teknologjike. Nga Ministria e Arsimit dhe Shkencës nuk kanë ofruar asnjë ndihmë me pajisje elektronike, edhe pse kjo ka është obligim i tyre.

Shërbimi për Informim

Shtabi ndërkomunal i Gostivarit do t’i propozojë Shtabit qendror të krizës, lehtësim të masave

28.04.2020

Shtabi ndërkomunal i emergjencës – Gostivar, mbajti sot mbledhjen e dymbëdhjetë me ç’rast institucionet relevante raportuan për gjendjen aktuale me pandeminë Covid-19.

Në rajonin e Gostivarit janë regjistruar edhe 3 raste të reja të infektuar me Covid-19, me çka numri i përgjithshëm i të infektuarve u ngrit në 17.

“Fatkeqësisht kemi një rast që ka ndërruar jetë, 6 raste të shëruar dhe 10 raste aktive, prej të cilëve 6 në komunën e Gostivarit dhe 4 në komunën e Vrapçishtit, ndërsa gjithsej janë testuar 202 persona”, njoftoi kryetari i komunës së Gostivarit, në cilësinë e kryetarit të Shtabit ndërkomunal të emergjencës.

Ai nënvizoi se situata është relativisht stabile, por se kujdesi i qytetarëve dhe respektimi i rekomandimeve të qeverisë akoma më shumë duhet të rritet, sidomos pasi të bëhet lehtësimi i masave të izolimit.

Një nga rekmomanimet që dolën nga mbledhja e sotme, ishte që t’i propozohet Shtabit qendror, që ora policore në ditë pune të fillojë në ora 21, ndërsa gjatë fundjavës dhe festave shtetërore prej në ora 15.

Po ashtu, kryetari Taravari propozoi që kafiteritë të punojnë me modelin “merr dhe shko” (në formë sporteli), njëlloj si lokalet që shesin ushqim.

Filloi dhurimi i pajisjeve tekonologjike për nxënësit e Gostivarit

Nga dita e sotme në hapësirat e Komunës së Gostivarit filloi mbledhja e pajisjeve nga qytetarë të cilët dëshirojnë të dhurojnë pajisje teknologjike për fëmijët të cilët për shkaqe ekonomike nuk kanë mundësi të ndjekin procesin mësimor nga largësia, i cili u inponua për shkak të pandemisë nga koronavirusi. Komuna e Gostivarit dhe kryetari Arben Taravari e filluan këtë fushatë ditë më parë. Pjesë e këtij aksioni është bërë edhe Asociacioni i të Rinjëve të Organizuar (OYA) nga Gostivari.

“Të dashur bashkëqytetarë, të dashur prindër dhe ju mërgimtarë dhe kompani, duke e ditur që fëmijët janë arma jonë më e fuqishme dhe më e ndjeshme njëkohësisht, ju bëjmë thirrje që t’i bashkangjiteni kësaj iniciative që ka për qëllim sigurimin e një pajisjeje për secilën familje dhe fëmijë të prekur nga kjo dukuri. Sipas dëshirës dononi me aq sa keni mundësi. Le të mos lejojmë që kjo situatë të ndikojë edhe më shumë në zhvillimin e fëmijëve tanë. Ato janë ardhmëria jonë, ardhmëria e këtij vendi. Jemi të bindur që një ditë, ndihma juaj, do të bëj të krenoheni me arritjet e tyre”, deklaroi kryetari i Komunës së Gostivarit Arben Taravari.

Vlora Demiri nga Asociacioni i të Rinjëve të Organizuar nga Gostivari, tha se në Gostivar mendohet të ketë mbi 800 nxënës që nuk posedojnë pajisjet e nevojshme për të ndjekur mësimin nga distanca.

Pajisjet, mund të dërgohen deri të еnjten në ora 14:00 në hapësirat e Komunës së Gostivarit.
Ndryshe, periudhën e kaluar edhe disa kompani dhe idividë nga Gostivari dhuruan pajisje të tilla, nga të cilat donacione deri më tani janë grumbulluar 74 pajisje teknologjike.

Kryetari Taravari ftoi qeverinë të ndihmojë komunat e vendit

Në komunën e Gostivarit u mbajt mbledhja e dhjetë e Shtabit të emergjencës për prevencion nga virusi Corona, nga ku u bë e ditur se brenda 24 orëve të fundit nuk ka pasur raste të reja me koronavirus në regjionin më të gjerë të Gostivarit. Kryetari i Komunës së Gostivarit Arben Taravari tha se mbi një javë nuk kemi raste të reja të të infketuarve dhe aktiv mbeten pesë raste të konfirmuar me koronavirus në Gostivar dhe katër në Komunën e Vrapçishtit.

Kryetari Taravari duke iu përgjigjur pyetje të gazetarëve, bëri të ditur se komunat shënojnë një rënie të të ardhurave buxhetore që nga fundi i marsit për shkak të krizës me pandeminë nga Covid 19. Komuna e Gostivarit, tha ai, ka një rënie të të ardhurave për 71 për qind në muajn mars krahasuar me të njejtin muaj nga viti i kaluar.

Ai tha se pushteti qendrorë deri më tani nuk i ka ndihmuar komunat dhe i bëri thirrje qeverisë që për të tejkaluar situatën e krijuar, nga kreditë e marra nga institucionet, një pjesë t’u dedikohen komunave.

Që mos vijë deri te përkeqësimi më i madh i situatës ekonomike, pasi edhe situata me COVID-19 po stabilizohet dy javët e fundit në RMV, kryetari Taravari shpresoj se javën që vjen, edhe masat kufizuese në mënyrë graduale të suspendohen, duke filluar me shkurtimin e orës policore.

Ai u bën apel kompanive dhe qytetarëve që nuk janë prekur nga pandemia që të paguajnë detyrimet e tyre me aq sa kanë mundësi.

Aksion për dhurimin e pajisjeve për ndjekje të mësimit online

Kemi dëgjuar shpesh për fjalinë “Bashkimi bën fuqi”. Një fjali, që në rrethana dhe kushte të ndryshme, gjithmonë e ka vërtetuar kuptimin e saj. Periudha aktuale, të cilën po e përjetojmë na nxorri në pah edhe një herë nevojën e kësaj thënie. Kësaj rradhe, ky armiku jonë i padukshëm arriti që të na ndaj fizikisht, por si asnjëherë më parë krijoi dëshirën dhe nevojën për tu bashkuar shpirtërisht.

Armiku në fjalë arriti që literalisht të prek në çdo kulm dhe secilin prej nesh në mënyra të ndryshme. Përveç tjerash kjo gjendje arriti që të prek dhe një prej shtyllave bazë të formimit të shoqërisë, arsimin dhe procesin arsimor. Dhe kjo, drejtëpërdrejtë ndikoi, preku krijesat më të çmueshme, fëmijët. Shumë fëmijë e gëzojnë fatin që mënyrat alternative të procesit mësimor t’i ndjekin pa problem, por një pjesë e nxënësve nga kushte dhe dhe rrethana nga më të ndryshmet, me javë të tëra nuk kanë mundësinë që t’iu bashkangjiten shokëve dhe shoqeve të tyre. Ky grup i nxënësve që në Gostivar i afrohet numrave katërshifror edhe përkundër dëshirës për të ndjekur procesin arsimor, nga gjendja e rëndë sociale, pamundësia ekonomike, nuk gëzojnë të drejtën për të vazhduar mësimin si fëmijët e tjerë. Nxënës të moshave të ndryshme nga pamundësia për të poseduar një nga pajisjet teknologjike (llaptop, tablet, smartphone), mungojnë në takimet e orës mësimore.

Të dashur bashkëqytetarë, të dashur prindër dhe ju mërgimtarë dhe kompani, duke e ditur që fëmijët janë arma jonë më e fuqishme dhe më e ndjeshme njëkohësisht, ju bëjmë thirrje që t’i bashkangjiteni kësaj iniciative që ka për qëllim sigurimin e një pajisjeje për secilën familje dhe fëmijë të prekur nga kjo dukuri.

Nëqoftëse në raftet e shtëpisë keni një telefon, llaptop tepër, dhurojeni. Sipas dëshirës dononi me aq sa keni mundësi.

Le të mos lejojmë që kjo situatë të ndikojë edhe më shumë në zhvillimin e fëmijëve tanë. Ato janë ardhmëria jonë, ardhmëria e këtij vendi.

Jemi të bindur që një ditë, ndihma juaj, do të bëj të krenoheni me arritjet e tyre.
Jini pjesë e suksesit të fëmijëve që tani kanë më së shumti se kurrë nevojë për ndihmën tuaj.

Pajisjet, mund t’i sillni prej ditës së martë deri të еnjten nga ora 11:00-14:00 në hapësirat e Komunës së Gostivarit.

Dizajni: Vigan Demiri

Praktikat e sigurta të Ramazanit në kontekstin e COVID-19

Udhëzim i përkohshëm

15 Prill 2020

Informim

Muaji i shenjtë i Ramazanit shënohet me tubime shoqërore dhe fetare ku familjet dhe miqtë myslimanë mblidhen për të prishur agjërimin së bashku pas perëndimit të diellit gjatë iftarit ose para agimit gjatë syfyrit. Shumë myslimanë rrisin frekuentimin e xhamive gjatë këtij muaji dhe mblidhen për lutje më të gjata gjatë teravive dhe lutjeve qiyam. Disa myslimanë po ashtu kalojnë disa ditë dhe natë radhazi në xhami gjatë dhjetë ditëve të fundit të Ramazanit (I’tikaf) për lutje. Këto praktika tradicionale dhe fetare respektohen rregullisht përgjatë tërë muajit. Këtë vit Ramazani fillon në fund të muajit prill dhe përfundon nëfund të muajit maj,përderisa akoma vazhdon pandemia e COVID-19.

Transmetimi i COVID-19 bëhet lehtë përmes kontaktittë ngushtë midis njerëzve, pasi që virusi përhapet përmes spërklave të frymëmarrjes dhe kontaktit me sipërfaqet e kontaminuar. Për të zbutur ndikimin ndaj shëndetit publik, disa vende kanë zbatuar masa të distancës fizike, që kanë për qëllim ndërprerjen e transmetimit duke zvogëluar ndërveprimin midis njerëzve. Këto masa janë mekanizma themelore të kontrollit për të kontrolluar përhapjen e sëmundjeve infektive, veçanërisht infeksionevetë frymëmarrjes, të shkaktuaranga tubimete mëdha të njerëzve. Masat për largesëfizike, përfshirë mbylljen e xhamive, mbikëqyrjen e tubimeve publike dhe kufizimet tjera të lëvizjes, do të kenë implikime të drejtpërdrejta për tubimet në qendrat shoqërore dhe fetare gjatë muajit tëRamazanit.

Qëllimi

Vendet në të gjithë botën janë duke ndërmarrë masa të ndryshme për të kontrolluar përhapjen e COVID-19. Ky dokument i paraqet këshillat e shëndetit publik për praktikat dhe tubimet shoqërore e fetare gjatë muajit tëRamazanit që mund të zbatohen në kontekste të ndryshme kombëtare.

Vendimmarrja e informuar për kryerjen e tubimeve fetare dhe shoqërore

Anulimi i tubimeve shoqërore dhe fetare duhet të konsiderohet seriozisht. OBSh, për këtë arsye, rekomandon që çdo vendim për të kufizuar, modifikuar, shtyrë, anuluar, ose për të vazhduar me mbledhjen masive të popullatës, duhet të bazohet në një ushtrim të standardizuar të vlerësimit të rrezikut. Këto vendime duhet të jenë pjesë e një qasjeje gjithëpërfshirëse e marrë nga autoritetet kombëtare për reagim ndaj shpërthimit.

  1. Lutjet vullnetare të kryera nga myslimanët natën pas namazit të jacisë, gjatë pjesës së parë të natës. Këto organizohen në mënyrë të pandërprerë gjatë muajit të shenjtë të Ramazanit.
  2. Lutjet vullnetare të kryera nga myslimanët natën pas namazit të jacisë, por gjatë pjesës së vonshme të natës. Këto organizohen në mënyrë të pandërprerë gjatë muajit të shenjtë të Ramazanit.

Nëse vendosni tëanuloni mbledhjet shoqërore dhe fetare, aty ku ka mundësi për një gjë të tillë, në vend të kësaj praktike mund të përdoren alternativa virtuale duke përdorur platforma si televizioni, radioja, mediat digjitale dhe ato sociale. Nëse lejohen të vazhdojnë tubimetgjatëmuajit të Ramazanit, atëherëduhet të zbatohenmasat për zbutjen e rrezikutnga transmetimi i COVID-19.

Autoritetet e shëndetit kombëtar duhet të konsiderohen si burimi kryesor i informacionit dhe këshillave në lidhje me distancën fizike dhe masat tjera që lidhen me COVID-19 në kontekstin e muajit tëRamazanit. Duhet të sigurohet pajtueshmëri për këto masa të përcaktuara. Udhëheqësit fetar duhet të përfshihen në fazë të hershme në marrjen e vendimeve, ashtu që ata të mund të jenë të angazhuar në mënyrë aktive në komunikimin e çdo vendimi që prek ngjarjet që lidhen me muajin e Ramazanit.

Është thelbësorepasja e një strategjie tëfortë komunikimi për t’i shpjeguar popullatës arsyet e vendimeve të marra. Duhet të jepen udhëzime të qarta dhe të fuqizohet rëndësia e ndjekjes së politikave kombëtare. Strategjia e komunikimit gjithashtu duhet të përfshijë porosi proaktive mbi sjelljet e shëndetshme gjatë pandemisë dhe të shpërndahet përmes platformave të ndryshme mediatike.

Konsiderata gjithëpërfshirëse

Këshilla për distancën fizike

– Praktikoni distancën fizike duke ruajtur në mënyrë rigoroze një distancë prej të paktën 1 metër (3 hapa) midis njerëzve në çdo kohë.
– Përdorni përshëndetje kulturore dhe fetare që shmangin kontaktin fizik, siç janë tundja, lëkundja ose vendosja e dorës mbi zemër.
– Ndaloni grumbullimin e grupeve tënjerëzve në vendet që lidhen me aktivitetet e muajit tëRamazanit, siç janë vendet argëtuese, tregjet dhe dyqanet.

Këshilla për grupet me rrezik të lartë

– Inkurajoni njerëzit që nuk ndjehen mirë ose kanë ndonjë simptomë të COVID-19 të mos marrin pjesë në ngjarje dhe të ndjekin udhëzimet kombëtare për ndjekjen dhe menaxhimin e rasteve simptomatike.
– Inkurajoni të moshuarit dhe cilindo që ka sëmundje ekzistuese (siç janë sëmundjet kardiovaskulare, diabeti, sëmundja kronike e frymëmarrjes dhe kanceri) të mos marrin pjesë në tubime, pasi ato konsiderohen të rrezikuar nga sëmundja e rëndë vdekjeprurëse shkaktuar nga virusi COVID-19.

Masat zbutëse për tubimet fizike

Masat e mëposhtme duhet të zbatohen për çdo tubim që ndodh gjatë muajit tëRamazanit, siç janë lutjet, pelegrinazhet, konsumimii përbashkët i ushqimit.

Vendtakimet

– Konsideroni mbajtjen e ngjarjes në vende të hapura nëse është e mundur; përndryshe, sigurohuni që vendi në ambient të mbyllur të ketë ventilimin e duhur dhe qarkullim të mjaftueshëm tëajrit.
– Shkurtoni kohëzgjatjen e ngjarjes sa më shumë që të jetë e mundur për të kufizuar ekspozimin e mundshëm
– Jepni përparësi mbajtjes së shërbimeve më të vogla me më pak të pranishëm më shpesh, sesa të organizoni tubime të mëdha

– Respektoni distancën fizike në mesin e të pranishmëve, si të ulur dhe në këmbë, përmes krijimit dhe caktimit të vendeve fikse, përfshirë edhe gjatë lutjes, gjatë marrjes së abdesit (ritualet e abdesit) në hapësirat e përbashkëta për abdes si dhe në zona të dedikuara për ruajtjen e këpucëve.
– Rregulloni numrin dhe rrjedhën e njerëzve që hyjnë, marrin pjesë dhe nisen nga vendet e adhurimit, vendet e pelegrinazhit ose vendet  tjera për të siguruar distancë të sigurt në çdo kohë
– Konsideroni masa për lehtësimin e gjurmimittë kontaktit në rast se një person i sëmurë është identifikuar në mesin e të pranishmëve gjatë tubimit.

Inkurajim për higjienë të shëndetshme

Myslimanët marrin abdes para lutjeve, i cili ndihmon në mirëmbajtjen e higjienës së shëndetshme. Duhet të merren parasyshmasat e mëposhtme plotësuese:

– Sigurohuni që objektet e larjes së duarve të jenë të pajisura në mënyrë adekuate me sapun dhe ujë dhe qëofrojnë dezinfektues të bazuar në alkool (të paktën 70% alkool) në hyrje dhe brenda xhamive.
– Siguroni disponueshmërinë e shamiveprej letre dhe koshave me kapakë, që garantojnë depozitimin e sigurt të mbeturinave.
– Inkurajoni përdorimin e sixhadeve personale për lutje për ti vendosur mbi qilima.
– Siguroni paraqitje vizuale të këshillave për distancën fizike, higjienën e duarve, etiketatrespiratorë dhe porosive të përgjithshme për parandalimin e COVID-19.

Pastroni hapësirat, vendet dhe ndërtesat e adhurimit sa më shpesh

– Zbatoni pastrimin rutinë të vendeve ku njerëzit mblidhen para dhe pas çdo ngjarje, duke përdorur pastrues dhe dezinfektues.
– Në xhami, mbajini lokalet dhe vendet për abdes të pastra dhe mirëmbani higjienën e përgjithshme dhe sanitare.
– Pastroni shpesh me mjete për pastrim dhe dezinfektuesobjektet që preken shpesh, siç janë rrezet e dyerve, ndërprerësit elektrik dhe parmakët e shkallëve.

Bamirësi

Kur besimtarët iu kushtojnë vëmendje të veçantë atyre që mund të preken negativisht gjatë shpërndarjes së sadakasë së tyre ose zekatit gjatë këtij Ramazani, merrni parasysh masat vendore mbi distancën fizike. Për të shmangur tubimin e shumë njerëzve gjatë iftareve të përbashkëta në formë banketi, konsideroni përdorimin e ushqimeve të paketuara në kuti për secilin individ. Këto mund të organizohen nga njësi dhe institucione të centralizuara, të cilat duhet t’i përmbahen distancës fizike gjatë gjithë ciklit (mbledhja, paketimi, ruajtja dhe shpërndarja).

Mirëqenia

AGJËRIMI

Nuk është kryer asnjë studim mbi agjërimin dhe rrezikun e infeksionit nga COVID-19. Njerëzit e shëndetshëm duhet të jenë në gjendje të agjërojnë gjatë këtij Ramazani si në vitet e kaluara, ndërsa pacientët me COVID-19 mund të marrin parasysh lehtësimet fetare në lidhje me prishjen e agjërimit në këshillim me mjekët e tyre, siç do të vepronin me ndonjë sëmundje tjetër.

Aktiviteti fizik

Gjatë pandemisë COVID-19, shumë njerëz janë të kufizuar në lëvizjet e tyre.Por, nëse kufizimet lejojnë, praktikoni gjithmonë distancën fizike dhe higjienën e duhur të duarve edhe gjatë ndonjë aktiviteti fizik. Në vend të aktiviteteve në natyrë, rekomandohen aktivitetet fizike brenda dhe të inkurajuara me ushtrime përmes internetit.

Dieta dhe ushqimi i shëndetshëm

Konsumi i duhur i ushqimit dhe hidratimi janë jetik gjatë muajit të Ramazanit. Njerëzit për çdo ditëduhet të hanë një larmi ushqimesh të freskëta dhe të papërpunuara dhe të pinë shumë ujë.

Përdorimi i duhanit

Përdorimi i duhanit nuk këshillohet në asnjë rrethanë, veçanërisht gjatë muajit tëRamazanit dhe pandemisë COVID-19. Duhanpirësit mund të kenë tashmë sëmundje të mushkërive, ose kapacitet të zvogëluar të mushkërive, gjë që rrit në masë të madhe rrezikun nga sëmundja serioze COVID-19. Kur pini cigare, gishtat (dhe ndoshta cigaren e kontaminuar) e prekin buzët, gjë që rrit gjasat që virusi të hyjë në sistemin e frymëmarrjes. Kur përdoren nargjile me ujë, mund të vijë deri në shpërndarje të pështymëssë gojës, që gjithashtu lehtëson transmetimin e virusit.

Mbështetja e shëndetit mendor dhe psikik-social

Përkundër zbatimit të ndryshëm të praktikave, është e rëndësishme që këtë vit të siguroni besimtarët, që ata edhe më tej tëmund të reflektojnë, të përmirësohen, të luten, të ndajnë dhe të kujdesen – të gjitha nga një distancë e shëndetshme. Duke siguruar që familja, miqtë dhe pleqtë janë ende të lidhur në dritën e distancës fizike, duhet të merret parasysh se është thelbësor inkurajimi i platformave alternative dhe digjitale për ndërveprim. Ofrimi i lutjeve të veçanta për të sëmurët, krahas porosive për shpresë dhe rehati, janë metoda për të zbatuar praktikat e Ramazanit duke ruajtur njëkohësisht shëndetin publik.

Duke iu përgjigjur situatave të dhunës në familje

Në mjediset ku ekzistojnë kufizimet e lëvizjes, ka gjasa për rritjen eincidenteve të dhunës në familje, veçanërisht ndaj grave,
fëmijëve, dhe njerëzve të margjinalizuar. Udhëheqësit fetarë mund të flasin në mënyrë aktive kundër dhunës dhe të ofrojnë mbështetje ose të inkurajojnë viktimat të kërkojnë ndihmë.

Falënderim

Falënderim për Zyrënrajonale të OBSh-së për Mesdheun Lindor për përpilimin e këtij udhëzimi.

Referencat:

  1. Organizata Botërore e Shëndetit. Konsideratat praktike dhe rekomandimet për udhëheqësit fetarë dhe komunitetet e bazuara në besim në kontekstin e botimit COVID-19, mjet për vlerësimine rrezikut, listae vendimeve.

(https://www.who.int/emergencies/diseases/novel- coronavirus-2019 / technical-guidance/points-of entry-and-mass-gatherings)

OBSh vazhdon të mbikëqyrë nga afër situatën për çdo ndryshim që mund të ndikojë ndaj këtij udhëzimi të përkohshëm. Nëse ndonjë faktor ndryshon, OBSh do të lëshojë një përditësim të mëtejshëm. Përndryshe, ky dokument i përkohshëm udhëzues do të skadojë dy vjet pas datës së publikimit.

Mbajti mbledhje Shtabi i emergjencës – Gostivari vazhdonë të jetë stabil me numrin e të infektuarve

Shtabi i emergjencës në Gostivar ku përfshihen komunat Gostivar, Vrapçisht dhe Mavrovë-Rostushë mbajti mbledhje e të rregullt, e cila ishte e nënta me rradhë, në të cilën u shqyrtua situata aktuale me koronavirusin dhe u përcaktuan masat që duhet të ndërmerren në vijim.

Me mbledhjen, në cilësinë e kryetarit të Shtabit të emergjencës, kryesoi kryetari i komunës së Gostivarit Arben Taravari, ndërsa të pranishëm ishin edhe kryetari i komunës së Vrapçishtit, Isen Shabani dhe i Mavrovë-Rostushës, Medat Kurtovski.

 

Tre kryetarët e komunave dhe përfaqësuesit e institucioneve dhe organeve përkatëse, raportojnë për gjendjen aktuale, masat që ndërmarrin dhe sfidat me të cilat ballafaqohen.

 

Ndër ata të cilët raportuan ishin drejtori Spitalit të përgjithshëm, drejtori i Shtëpisë së shëndetit, përfaqësuesja e Qendrës për menaxhim me kriza, përfaqësuesja e Drejtorisë për shpëtim, si dhe përfaqësues të inspektorateve të ndryshme, të gjitha këto që kompetencat e tyre i ushtrojnë në nivel të tre komunave.

 

Të ftuar ishin edhe përfaqësues të Kryqit të Kuq – Gostivar dhe përfaqësuesit e Këshillit koordinativ për shpërndarje efikase dhe të sigurt të pakove me produktet ushqimore dhe mjete higjienike dhe dezinfektuese, sot u realizua.

 

Konstatim i përgjithshëm ishte se situata në përgjithësi është nën kontroll, dhe se problemet me të cilat ballafaqohen si institucionet ashtu edhe vetë qytetarët janë të përballueshme dhe ato mund të minimizohen me bashkëpunim dhe koordinim të thelluar.

 

Në rajonin më të gjerë të Gostivarit, ka 157 të testuar, prej të cilëve dhejtë raste të regjistruar me koronavirus. Dy prej tyre në dy testimet shtesë kanë dalë negative dhe llogariten të shëruar, tetë raste aktive, pesë në Gostivar dhe tre në Komunën e Vrapçishtit.

 

Me qëllim që të kanalizohet shpërndarja e ndihmave familjeve të rrezikuara, u vendos që të martë, me date 21 Prill 2020 në sallën e Këshillit të Komunës së Gostivarit të mbahet edhe një mbledhje koordinatave ku do të përcaktohen masat që do të ndërmerren konform normave për raste emergjente. Po atë ditë do të mbahet edhe mledhja e rradhës e shtabit të emergjencave me fillim në ora 11:00.

 

Derisa zgjatë ora policore, shërbimi mobil i komunës së Gostivarit do të vazhdon të shërbejë qytetarët me barna dhe ushqime.

 

Lejet e qarkullimit u bë e ditur se nga data 10 Prill 2020 nuk mund të sigurohen nga komunat, por nga Njësia rajonale e Ministrisë për Shoqëri Informatike dhe Administratë në Gostivar.

Kryetari i komunës së Gostivarit falënderoi institucionet për ushtrimin detyrës së tyre në nivelin e duhur, e sidomos qytetarët për sjelljen e tyre të ndërgjegjshme dhe respektimin e rekomandimeve të Qeverisë.

Shërbimi për informim

Kryetari Arben Taravari ndau mirënjohje për kompanitë dhe shoqatat që kanë ndihmuar popullatën në nevojë në Gostivar

Kryetari i Komunës së Gostivarit Arben Taravari në shenjë falenderimi për kontributin e dhënë dhe solidarizimin me familjet me rrezik social në kohë pandemie, sot ka ndarë mirënjohje për gjashtë subjekte juridike në Gostivar.

Bëhet fjalë për kompaninë “Vardar Dollomit”, marketin “Konsum”, Organizata humanitare “Dora e Rinisë” nga fshati Forinë, Shoqata Humanitare “DAVA – Gostivar”, Organizata humanitare “Meseçina – Gostivar” dhe këmbimoren “Alpina”. Të njejtat gjatë periudhës së kaluar kanë ndihmuar me produkte ushqimore dhe sanitare me qindra familje nevojtare në rajonin më të gjerë të Gostivarit.

Kryetari Taravari i përgëzoi drejtuesit e këtyre subjekteve që me angazhimin e tyre maksimal, arrijnë shumë familje t’ua zbusin sadopak nevojat e përditshme.

Për shkak të situatës, ceremonia ishte simbolike me pritje një nga një në kabinetin e kryetarit të komunës, ku u bë dhurimi i mirënjohjeve.

Ai uroi që të tejkalohet me sukses epidemia e koronavirusit në vendin tonë.

Shërbimi për informim