Mesazh-urimi i kryetarit Arben Taravari për festën e Kurban Bajramit

30.07.2020

Me rastin e festës së Kurban Bajramit kryetari i komunës së Gostivarit, Arben Taravari ka uruar të gjithë besimtarët myslimanë.

Mesazh-urimi i kryetarit Taravari për këtë Bajram lidhet edhe me situatën me pandeminë Covid-19 dhe rëndësinë e përkujdesjes ndaj njëri-tjetrit.

“Gëzuar Bajramin të gjithëve! Bota nuk po kalon kohë të lehta, duket se mesazhi i gjithë kësaj situate është më shumë përkujdesje ndaj njëri-tjetrit, më pak egoizëm aspak dinakëri e padrejtësi! Shëndet e mbarësi!”, thuhet në mesazh-urimin e kryetarit të komunës së Gostivarit, Arben Taravari.  

Shërbimi për informim

Deponia “Rusino”, Shefi i kabinetit të kryetarit të Komunës së Gostivarit Valbon Limani, priti në takim përfaqësues të ARMV-së

Shefi i kabinetit të kryetarit të Komunës së Gostivarit Valbon Limani, priti në takim përfaqësues të ARMV-së

Armata e gatshme të ndihmojë Komunën e Gostivarit me shuarjen e zjarrit në “Rusino”

29.07.2020

Shefi i kabinetit të kryetarit të Komunës së Gostivarit Arben Taravari, Valbon Limani ka pritur në takim një delegacion nga Komanda për ndërhyrje pranë Armatës së Republikës së Maqedonisë së Veriut, udhëhequr nga Koloneli Agron Neziri dhe konsultanti i ekipit për menaxhim me mbeturinat e forta nga Sekretariatin Zviceran për Çështje Ekonomike (SECO), Aleksa Tomovksi.

Gjatë këtij takimi, i cili ka ardhur me iniciativë të Kryetarit te shtetit Stevo Pendarovski dhe sekretares shteterore të ministrisë së Mjedisit jetësor dhe planifikimit hapsësinor znj. Ana Petrovska. Limani i ka njoftuar mysafirët me gjendjen e fundit në deponinë rajonale “Rusino” në Gostivar, e cila për një kohë të gjatë po digjet, ndërsa Komuna e Gostivarit është lënë e vetme të ballafaqohet me këtë deponi ku mbeturinat i bartin të gjitha nëntë komunat e Pollogut. Koloneli Agron Neziri nga Komandoja për ndërhyrje pranë Armatës së Maqedonisë së Veriut, ka premtuar se do të jenë në gatishëri për të ndihmuar Komunën e Gostivarit nëse vazhdon djegia e deponisë “Rusino” me makineritë dhe personelin e tyre njerëzorë. Palët gjatë takimit kanë rënë dakord që duhet bashkëpunim më i ngushtë në të ardhmen jo vetëm mbi deponinë “Rusino”, të cilën edhe e vizituan, por edhe në sfera të tjera me interes të përbashkët shoqërorë.

Ndryshe, gjatë debatit të mbrëmshëm organizuar nga Komuna e Gostivarit me përfaqësues nga Ministria e ambientit jetësor dhe planifikim hapësinor, OJQ-vë dhe eko-aktivistëve nga Gostivar, kryetari Arben Taravari njoftoi se nga dita e hënë e javës së ardhshme në “Rusino”, pos Gostivarit asnjë komunë tjetër nga Pollogu nuk do të ketë mundësi të hedh mbeturina.

Shërbimi per informim

Rregullimi i rrugës dhe ndërtimi i kanalizimit në lagjen Balindolli

29.07.2020

Komuna e Gostivarit, në kuadër të Programit ROMAKTED (financuar nga Bashkimi Evropian dhe Këshilli i Evropës), është duke realizuar projektin për rikonstruktim të plotë të një rruge, respektivisht ndërtimin e kanalizimit të ujërave të zeza dhe shtrimin me pllaka bekatoni në lagjen Balindolli.

Bëhet fjalë për një lagje të banuar kryesisht me pjesëtar të komunitetit rom, e margjinalizuar me dekada të tëra.

Në kuadër të të njëjtit program, parashihet që Komuna e Gostivarit të vazhdojë me rikonstruktim dhe ndërtim të kanalizimit edhe në lagjen Qeramidnica, ku pjesa dërmuese e banorëve lokal i përkasin komunitet rom.

“Implementimi i këtyre projekteve është i një rëndësie kruciale për përmirësimin e kushteve të jetesës për popullatën rome në komunën e Gostivarit. Për këtë duhet falënderuar komunën e Gostivarit dhe kryetarin Arben Taravari, por vlen të theksohet njëkohësisht edhe angazhimi dhe kontributi i vetë aktivistëve romë përmes Programit ROMAKTED”, thotë Bari Abduli – aktivist i komunitetit rom.

Krijimi i kushteve të kënaqshme infrastrukturore në të gjitha vendbanimet dhe për të gjithë qytetarët, mbetet prioriteti kryesor i Komunës së Gostivarit në këtë mandat qeverisës.

Shërbimi për informim

Gostivar, për dy vite e gjysëm është ndërtuar 45 kilometra kanalizim.

Lazami: Edhe në rrethana të jashtëzakonshme përmirësojmë iunfrastrukturën e cila do t’i mbetet trashigimi gjeneratave të reja

Me qindra metra rrjetë i ri i kalanizmit është duke u ndërtuar aktualisht në territorin e Komunës së Gostivarit. Paralelisht punohet në dhjetë vendbanime të ndryshme, ndërsa punën në terren i kryenë NP “Komunalec”.

Makineria punuese sot ishte vendosur te lagja rome në rrugën e “Balindollit”, e cila mbi gjashtë dekada ka qenë në pritje të këtij investimi. Zhvillimin e punimeve nga afër e ka ndjekur drejtori i NP “Komunalec”, Isak Lazami, i cili tha se për shkak të periudhës zgjedhore, punimet janë shtyre, por premtoi se rrjeti i ri i kalalizimit do të jetë gati para festës së Bajramit.

“Në këtë lagje thuajse nuk ka ekzistuar kanalizim. Ka pasur disa gypa të vendosura të cilat këto banorë me vetë-iniciativë i kanë vendosur dikur. Siç thonë edhe ata vetë, mbi 60 vite nuk kanë pasur kanalizim. Ne para zgjedhjeve kishim plane për të filluar me punë në këtë kanalizim, por nuk deshëm të fillonim atëherë që mos jemi populist para zgjedhjeve, dhe vendosëm menjëherë pas zgjedhjeve që t’i bëjmë këto punë për të cilat këta njerëz kanë pasur vështirësi të mëdha, ndërsa flasim për gjëra elementare për jetesë. Merreni me mend kanalizim nuk kanë pasur. Këtu siç e shihni për shkak të vendit të ngushë makineria nuk mund të futet, dhe kjo punë tërëisht bëhet me dorë. Pra, bëhet kanalizimi i ri i gjithë lagjeve ku do të kenë qajse të gjithë banorët. Këtu do të vendosen edhe puseta të reja, gypa të rinj, do të tamponohet dhe do të bekatonizohet e tërë kjo rrugicë. Prej këtu, do të kalojmë te pjesa tjetër e lagjes së romëve, pasi edhe atje paraqitet i njejti problem, pra s’ka kanalizim. Pastaj ajo do të lidhet me pjesën kryesore të rrugës te mobileria “Fatina”, pra edhe ajo pjesë do të bëhet me kanalizim”, tha drejtori i NP “Komunalec” – Gostivar, Isak Lazami.

Banorët shprehen falenderues për këtë investim ndaj Komunës së Gostivarit dhe ndërmarrjes “Komunalce” dhe thonë se në lagjen e tyre janë mbi 20 shtëpi që do të kyçen në rrjetin e ri të kanalizimit. Rruga pas përfundimit të punimeve do të shtrohet me pllaka bekatoni në një sipërfaqe prej rreth 200 m2.

“Është një punë e shkëlqyer pasi ne vërtetë kemi pasu problem të madh me kanalizimin. Zoti i shpërbleftë ata të cilët kanë ndërmarrë iniciativë, pasi edhe këta njerëz janë pjesë e kësaj shoqërie. Unë këto jam rritur, sot kam 60 vjet dhe jam tej mase i lumtur për këtë investim. Iniciativë vërtetë e mirë dhe e qëlluar nga ana e drejtorit të “Komunalec” dhe kryetarit të komunës, z. Taravari”, tha njëri nga banorët e kësaj lagje.

“E vlerësojmë shumë këtë investim dhe të gjithë jemi mirënjohës, pasi fqinjët tanë me vite kanë pasur probleme për shkak të kanalizimit. U jemi falenderues kryetarit të komunës, z. Taravari dhe drejtorit të “Komunalec”, z. Lazami, pasi këtë kanalizim e kemi pritur një kohë të gjatë, mbi 60 vite”, shprehet një banorë tjetër i kësaj lagje.

Këshilltari për çështje rome i kryetarit të Komunës së Gostivarit, Bari Abduli, tha se ajo që ishte premtuar për popullatën rome gjatë vitit të kaluar me përpilimin e Programës Zhvillimore të Komunës së Gostivarit, sot bëhet realitet.

“Atë që kemi premtuar dhe punuar gjatë vitit 2019-të me ndihmën e kryetarit të komunës dhe drejtorit të ndërmarrjes publike “Komunalec”, jemi duke e realizuar. Për 2020-tën ishin vendosur disa projekte në programën zhvillimore të Komunës së Gostivarit. Mesin e tyre ishte edhe rruga e “Balindollit”, kjo pjesë e cila ndodhet pas meje. Pas mbarimit të kësaj pjese, do të vazhdojmë me pjesën tjetër ku jetojnë 99 përqind popullatë rome. Ndërkohë, kemi përfunduar me procedurën tenderike në rrugën “Banjeshnica”. Kur flasim për prioritetet e romëve, këto ishin kyçe e që i kërkoi vetë popullata rome”, tha Adbuli.

Drejtori Lazami potencoi se edhe përskaj krizës së shkaktuar nga pandemia, projektet nuk përfundojnë këtu dhe sqaroi se paralelisht punohet edhe në vendbanime tjera në ndërtimin e rrjetit të ri të kanalizimit.

“Komuna e Gostivarit dhe ndërmarrja komunale, tash për tash kur flasim, punon në disa vedbanime. Jemi në kilometrin e katërt të punimeve në Çegran, përfunduam me një pjesë të kanalizimit në Banjicë të Poshtme dhe të ujësjellësit, po punohet në Banjicë të Epërme për përfundim të krahut të fundit të kanalizimit, në Çajlë po punohet në pjesën finale të kanalizimit, në Turçan të Madh dhe Llapushnik ku ende nuk ka përfunduar projekti dhe punohet në pjesën e fundit të kanalizimit me gjatësi prej 700 metra. Me një fjalë jemi shpërndarë gjithandej, dhe me këtë dinamikë do të vazhdojmë edhe në të ardhmen”, deklaroi më tej drejtori Lazami.

Ndryshe, për dy vite e gjysëm Komuna e Gopstivarit dhe NP “Komunalec” kanë ndërtuar mbi 45 mijë metra rrjetë të ri kanalizimi dhe të ujësjellësit në territorin e Gostivarit.

NJOFTIM: Shitja e kurbaneve lejohet vetëm te Tregu i kafshëve

24.07.2020

Me qëllim të ruajtjes së pastërtisë dhe vënies rend në shitjen e kurbaneve, Komuna e Gostivarit në bashkëpunim me Ndërmarrjen “Progres pazari”, si lokacion për shitjen e kurbaneve të Bajramit ka caktuar Tregun e Kafshëve në lagjen “Fazaneri“.

Njoftohen blegtorët se lokacionin në fjalë do të mund ta shfrytëzojnë pa kompensim dhe se shitja e kurbaneve jashtë lokacionit të caktuar, ndalohet rreptësisht.

Inspektorati komunal do të jetë aktiv në terren dhe do të ndërmarrë masa përkatëse kundër shkelësve të ligjit për pastërti publike.

Shërbimi për informim

Në shkollat e mesme të Gostivarit, mbrëmja e maturës u zëvednësua me hedhjen e kapelave

Duke u nisur nga fakti se shkaku i pandemisë me COVID-19, sivjet nuk u organizuan mbrëmjet dhe ceremonitë tradicionale të maturës, me propozim të Sektorit të arsimit pranë Komunës së Gostivarit, nxënësit e të gjitha shkollave të mesme komunale, maturën e shënuan me hedhjen e kapelave.

“Që të mos mbetet pa u shënuar fare kjo etapë shumë e rëndësishme në jetën e të rinjve, u propozuam shkollave që sivjet mbrëmjen e maturës ta zëvendësojnë me hedhjen e kapelave, praktikë kjo e njohur në vendet perëndimore. Për të shmangur tubim me numër më të madh të pjesëmarrësve, rekomanduam që ceremnonitë të mbahen në secilën shkollë veç e veç, si dhe të respektohen të gjitha masat e sigurisë në kohë pandemie”, thotë Alsian Snopçe – udhëheqëse e Sektorit për veprmitari publike.

Nga ana e Komunës së Gostivarit, nxënësve më të mire të gjeneratës iu shpërndanë Mirënjohje dhe vauçerë, ndërsa ceremonitë përfunduan me kokteje rasti.

Shërbimi për informim  

Komuna e Gostivarit përkujton Dëshmorët e Flamurit 

Kryetari i komunës së Gostivarit Arben Taravari me bashkëpunëtorët e tij në administratën komunale, përkujtoi sot Dëshmorët e Flamurit: Nazmi Saliu nga fshati Turçan i Vogël, dr.Shpend Iseini nga fshati Forinë dhe Milaim Dauti nga fshati Dobërdoll – të cilët më 9 korrik të vitit 1997 dhanë jetën e tyre, për avancimin e të drejtave shqiptare dhe për flamurin kombëtar.

“Nëntë korriku i vitit 1997, ishte një nga ngjarjet më domethënëse në mbrojte të kauzës kombëtare, që tronditi botën shqiptare dhe që ndryshoi njëherë e përgjithmonë sjelljen me shqiptarët në Maqedoninë e Veriut. Ndryshimi titanik u desh të merrte jetët e tre dëshmorëve të flamurit, Nazmi Saliut, Dr. Shpend Iseinit dhe Milaim Dautit. Tre jetë të cilat janë shkruar përjetësisht në historinë e të gjithë popullit shqiptarë. Ndërkaq, Gjykata Themelore e Gostivarit, e ndikuar nga politika ditore, u shqiptoi dënime drakonike krerëve komunalë të asaj kohe: Kryetari Rufi Osmani u dënua me 13,8 vite burg dhe Kryesuesi i Këshillit Refik Dauti, me 7 vite burg. Meritat për valëvitjen zyrtare të flamurit kombëtar shqiptar para Komunës së Gostivarit sot, si edhe në vitin 1997, u takojnë dëshmorëve të flamurit, të cilëve u jemi mirënjohës që na dhanë të drejtën historike që të shpalosim flamurin e atyre që na lindën dhe që na dhanë jetë e emër. Qoftë i nderuar emri i tyre ndër shekuj! Le te jetë kujtesa historike dhe institucionale e përjetshme për dëshmorët e flamurit!”, deklaroi kryetari Taravari.

Ai shtoi se është detyrë e çdo institucioni të mbrojë kujtimin e tyre dhe ta përçojë veprën e tyre si një akt lirie dhe dëshire për jetë.

NJOFTIM

01.07.2020

Të nderuar qytetarë,

Thirrja publike për subvencionim të qytetarëve për blerje të biçikletave për vitin 2020, NDËRPRITET SOT.

Kjo për arsye se janë harxhuar të gjitha mjetet financiare të parashikuara nga Buxheti i Komunës Gostivarit për këtë qëllim, e që është në përputhje klauzolën e Thirrjes Publike të shpallur më date 08.06.2020:
1.4. Nëse harxhohen të gjitha mjetet financiare të parashikuara nga Buxheti i Komunës Gostivarit për këtë qëllim, Komuna e Gostivarit do ta informojë publikun në faqen e saj të internetit se Thirrja Publike është ndërprerë para skadimit të afatit për të cilën është shpallur.

Ju falënderojmë për mirëkuptimin!

Shërbimi për informim