Komuna e Gostivarit shënoi Ditën ndërkombëtare të personave me aftësi të kufizuara

03.12.2019

Me rastin e Ditës ndërkombëtare të personave me aftësi të Kufizuara – 3 Dhjetori, kryetari i komunës së Gostivarit shtroi drekë për fëmijët nga Qendra ditore dhe nxënësit nga paralelet speciale të shkollave fillore “Ismail Qemali” dhe “Mustafa Kemal Ataturk”. 

Me këtë rast Taravari theksoi se duhet akoma punë nga e gjithë shoqëria që integrimi i këtyre personave në qytetin tonë të marrë formën e merituar. Ai shprehu bindjen se vitin tjetër kjo ditë do të shënohet në Qendrën e re që do ta hapë Komuna e Gostivarit për këta persona dhe për fëmijët me autizëm, me lokacion në ish kolegjin privat “Jahja Kemal”.

“Ky është viti i tretë që në vazhdimësi e festojmë Ditën e personave me nevoja speciale në Gostivar. Ne si Komunë jemi munduar me të gjitha grupet e personave të shoqërisë sonë që kanë nevojat ndryshe, të kemi ndonjë organizim, të jemi pranë tyre dhe t’u mundësojmë kushte më të mira. Shpresojmë ky të jetë viti i fundit që festojmë në ndonjë restorant, dhe vitin e ardhshëm urojmë të jemi në qendrën për fëmijë me nevoja të veçanta dhe aty në kushte më të përshtatshme së bashku me këta fëmijë ta ndajmë dashurinë ndërmjet nesh”, tha kryetari Arben Taravari.

Ndërkaq përgjegjësja çështje sociale pranë Komunës së Gostivarit – Afërdita Hamza, tha se sivjet nuk ka paraparë ndonjë organizim më madhështor sikurse vitet e kaluara, për shkak të viktimave nga tërmeti në Shqipëri.

Një shenjë falënderimi për aktivitetin e organizuar, fëmijët e pranishëm, kryetarit Taravari i dhuruan një pikturë dhe kartolina të përgatitura nga vetë ata. 

Shërbimi për informim

Kryetari Taravari rikonfirmon – Zero tolerancë ndërtimeve të egra

02.12.2019

Kryetari Taravari me përgjegjësit e urbanizimit konstatojnë devijim nga plani gjatë ndërtimit të banesave kolektive, investitorëve u jep afat brenda një jave vetë t’i prishin pjesët shtojcë.

Gjatë ditës së sotme, kryetar i komunës së Gostivarit, Arben Taravari së bashku me udhëheqësin e Sektorit të urbanizmit dhe inspektorët e autorizuar dolën në terren për të ndjekur nga afër situatën me ndërtimin e banesave kolektive në Gostivar. U konstatua se në dy raste kemi të bëjmë me devijim nga leja e punës, respektivisht se ndërtohet përtej gabaritit të përcaktuar me planet detaje urbanistike në fuqi.

Me këtë rast, kryetari Taravari rikonfirmoi se i mbetet besnik qëndrimit se nuk do të tolerojë aspak ndërtime të egra, duke u dhënë afat investitorëve që brenda një jave gabaritin e objekteve ta kthejnë në përputhje me lejen e ndërtimit.

“Siç kam theksuar disa herë, toleranca ndaj ndërtimeve të egra do të jetë zero. Ne sot hasëm dy raste ku ndërtohet përtej lejes së ndërtimit, respektivisht mbi gabaritin e lejuar. Investitorët kanë afat një javë që t’i prishin ndërtimet shtojcë dhe objektin të vazhdojnë ta ndërtojnë në përputhje me lejen për ndërtim. Në të kundërtën, ne do të veprojmë”, ishte i prerë kryetari Taravari.

Komuna e Gostivarit apelon deri te të gjithë investitorët që gjatë ndërtimit t’i përmbahen strikt lejes, rregullave dhe strandardeve, ndërsa qytetarët i inkurajon që rastet e ndërtimeve të egra t’i denoncojnë para organeve.

Shërbimi për informim

Shtabi i emergjencës raportoi për mbarëvajtjen e aktiviteteve

29.11.2019

Në mjediset e Komunës së Gostivarit sot mbajti mbledhje Shtabi i emergjencës për transport të ndihmave dedikuar rajonit të goditur nga tërmeti.

Mbledhjen, në cilësinë e kryetarit të Shtabit të emergjencës, e udhëhoqi kryetari i komunës së Gostivarit Arben Taravari, i cili u shprehu falënderim anëtarëve për angazhimin e tyre për mbarëvajtjen e aktiviteteve si dhe ua përcolli mirënjohjet e qytetarëve të Durrësit dhe Thumanës si dhe autoriteteve shqiptare për ndihmën e ofruar, që ia adresuan atij gjatë vizitës në rajonin e goditur nga tërmetet.

Anëtarët e Shtabit të emergjencës e informuan në mënyrë të detajuar kryetarin Taravari në lidhje me sfidat dhe menaxhimin e suksesshëm të grumbullimit të ndihmave nëpër vende publike, sigurimin e dokumentacionit të duhur për transport, si dhe me asistencën e ndërmarrjeve publike komunale dhe njësisë së zjarrfikësve gjatë aktiviteteve të zhvilluara.

U soll vendim që Shtabi i emergjencës të vazhdojë të jetë aktiv përderisa do të ketë nevojë për këtë.

Shërbimi për informim

 

Shtabi i emergjencës raportoi për mbarëvajtjen e aktiviteteve

29.11.2019

Në mjediset e Komunës së Gostivarit sot mbajti mbledhje Shtabi i emergjencës për transport të ndihmave dedikuar rajonit të goditur nga tërmeti.

Mbledhjen, në cilësinë e kryetarit të Shtabit të emergjencës, e udhëhoqi kryetari i komunës së Gostivarit Arben Taravari, i cili u shprehu falënderim anëtarëve për angazhimin e tyre për mbarëvajtjen e aktiviteteve si dhe ua përcolli mirënjohjet e qytetarëve të Durrësit dhe Thumanës si dhe autoriteteve shqiptare për ndihmën e ofruar, që ia adresuan atij gjatë vizitës në rajonin e goditur nga tërmetet.

Anëtarët e Shtabit të emergjencës e informuan në mënyrë të detajuar kryetarin Taravari në lidhje me sfidat dhe menaxhimin e suksesshëm të grumbullimit të ndihmave nëpër vende publike, sigurimin e dokumentacionit të duhur për transport, si dhe me asistencën e ndërmarrjeve publike komunale dhe njësisë së zjarrfikësve gjatë aktiviteteve të zhvilluara.

U soll vendim që Shtabi i emergjencës të vazhdojë të jetë aktiv përderisa do të ketë nevojë për këtë.

Shërbimi për informim

Gostivari do të bëhet me Qendër Rinore për Resurse

28.11.2019

Kryetari i Komunës së Gostivarit Arben Taravari dhe përfaqësuesja e përhershme e UNDP-së Narine Sahakzan nënshkruan një Memorandum bashkëpunimi për hapjen e një Qendre Rinore të Resurseve në Gostivar, e cila do t’i shërbejë gjithë Rajonit të Pollogut.

Kryetari i Komunës së Gostivarit, Arben Taravari, shprehu kënaqësinë që pikërisht kjo komunë u zgjodh si një vend ku do të themelohet ky lloj qendre rinore dhe shprehu optimizmin e tij se një model i tillë i përkrahjes së të rinjve mund të reflektojë edhe në komunat tjera, por edhe në rajon.

“Shpresoj që kjo qendër resursesh do të kontribuojë që të rinjtë në rrethinën tonë të mos largohen nga vendi dhe të fillojnë një biznes këtu me mbështetjen e pushtetit lokal dhe atij qendror”, nënvizoi Taravari.

Nisma është pjesë e projektit “Krijimi i mundësive për punë për të gjithë”, i implementuar nga UNDP në partneritet me MPPS dhe Agjencinë për punësim, ndërsa me mbështetje të Agjencisë Zvicerane për Zhvillim dhe Bashkëpunim (SDC).

Pritet që i njëjti të vihet në funskion vitin e ardhshëm, si mbështetje për sipërmarrësit, zejtarët dhe novatorët e rinj.

Shërbimi për informim

Komuna e Gostivarit mbështet me 18 mijë euro të prekurit nga tërmeti, shpall tri ditë zie dhe formon Shtabin e emergjencës

27.11.2019

Në seancën e sotme të jashtëzakonshme  të Këshillit të Komunës së Gostivarit të konvokuar nga kryetari Arben Taravari, këshilltarët komunalë njëzëri sollën vendim për ndarjen e mjete financiare si mbështetje për qytetarët e Republikës së Shqipërisë të prekur nga tërmeti i fuqishëm në Durrës me rrethinë. Lartësia e mjeteve financiare është në vlerë prej  1.084.500 denarë nga të cilat 184,500.00 denarë si materiale ndërsa pjesa tjetër si mjete financiare.

Duke shprehur ngushëllimet e sinqerta për familjarëve të atyre që humbën jetën dhe duke u dëshiruar shërim sa më të shpejtë të lënduarve, kryetari Taravari shpjegoi se mjetet e destinuara për dekorim të qytetit për festat e fundvitit, do të ridestinohen për këtë qëllim. 

Krahas kësaj, këshilltarët njëzëri miratuan edhe vendim për shpallje tri ditë zie, si dhe vendim për formimin e Shtabit të emergjencës për transportimin e ndihmave të grumbulluara për zonat e prekura nga tërmeti.

Anëtar të shtabit të emergjencës do të jenë kryetari i komunës, kryetari i këshillit, sekretari i komunës, drejtorët e ndërmarrjeve publike komunale, komandanti i Stacionit policor dhe drejtori i Shtëpisë së shëndetit. 

Shërbimi për informim 

Komuna e Gostivarit shpreh keqardhje lidhur me situatën e rëndë nga tërmeti i rënë në Shqipëri dhe ngushëllon familjet e viktimave dhe të lënduarve nga tërmeti.

Për këto orë të rënda që janë duke i përejtuar vllezërit dhe motrat tona nga Shqipëria, ne si pushtet lokal jemi në mobilizim të plotë që sadopak t’ua zbusim dhimbjen.

Me këtë rast dua të njoftojë se me iniciativ të kryetarit të Komunës së Gostivarit,  Arben Taravari, komuna jonë do të ndihmojë me 300 batanie dhe pesë zjarrfikës qytetin më të goditur nga tërmeti në Shqipëri, Durrësin. Me institucionet lokale të Durrësit administrata e Komunës së Gostivarit është në kontakt të vazhdueshëm dhe për çdo nevojë të tyre, jemi të gatshëm t’u dalim në ndihmë.

Për këtë rast do të ketë edhe ndihmë financiare nga Komuna e Gostivarit, për çka kryetari Taravari kërkoi mbajtjen e një séance të jashtzakonshme të Këshillit komunal të Gostivarit. Seanca është thirrur për ditën e nesërme ku do të vendoset shuma e parave që nga buxheti komunal i Gostivarit, do t’i ndihmohet qyteti i Durrësit.

Menjëherë, pas koordinimit të plotë, zjarrfikësit nga Njësia Territoriale kundër Zjarreve në Gostivar, bataniet dhe gjithçka tjetër e nevojshme, do të nisen për në Shqipëri.

Urojmë numri i viktimave të mos rritet më nga tërmeti shkatërrues dhe lutjet tona nuk do të mungojnë që të mos përsëritet kjo goditje e rëndë asnjëherë për Shqipërinë.

Kryetari i Komunës së Gostivarit solidarizohet me Shqipërinë pas tërmetit

Kryetari Taravari: Apel institucioneve të vendit tonë të ndihmojnë Shqipërinë në këto orë të vështira

Kryetari i Komunës së Gostivarit Arben Taravari shpreh keqardhje lidhur me situatën e rëndë nga tërmeti i rënë në Shqipëri dhe ngushëllon familjet e viktimave dhe të lënduarve nga tërmeti. Në emër të të gjithë banorëve të Gostivarit, kryetari Taravari ka apeluar institucionet e vendit tonë të ndihmojnë Shqipërinë në këto moment të vështira.

“Shqipëria është goditur nga një tërmet vdekjeprurës, duke shkaktuar humbje në njerëz. Ende shtohet numri i viktimave. Ka njerëz ende nën rrënoja dhe nuk dihet ende fati i tyre! Ndërkohë plagosje të shumta dhe dëme të pafundme materiale janë pjesa tjetër e këtij bilanci tragjik! Nuk kisha dashur për asnjë rrethanë të shkruaja këtë apel, e sidomos për Shqipërinë. Gjithsesi, bëj apel tek çdo insitucion, organizatë qeveritare dhe jo qeveritare, sipërmarrje private e deri tek të gjithë qytetarët e Maqedonisë së Veriut që të ndihmojmë Shqipërinë në këto orë të vështira!”, shkruan kryetari i Komunës së Gostivarit, Arben Taravari në apelin e tij.

Kryetari Taravari thotë se zemra dhe shpirti i çdo gostivarasi është me vllezërit dhe motrat tona nga Shqipëria dhe lutjet tona nuk do të mungojnë që të mos përsëritet kjo goditje e rëndë asnjëherë.