Kumtesë nga Këshilli organizativ i Marshit Përkujtimor

Qytetarë të nderuar,

Me kënaqësi të madhe ju njoftojmë se Marshi Memorial për nder të viktimave të aksidentit rrugor te Llaskërca, kaloi mirë dhe i tejkaloi pritjet tona.

Në marsh morën pjesë qindra qytetarë nga Gostivari dhe qytete të tjera nga i gjithë vendi, prej të cilëve një pjesë në mënyrë simbolike, rreth njëqind përshkuan një ose dy etapa, ndërsa 46 pjesëmarrës marshuan nga fillimi deri në fund në rutën e gjatë 53 km në kohëzgjatje prej 11:30 orë. Vlen të theksohet se edhe një numër i konsiderueshëm nga gjinia më e bukur morën pjesë në marsh, 6 prej të cilave e përshkuan rutën e tërë, ndërsa rreth dhjetë përshkuan një apo dy faza të saj, kurse morën pjesë edhe persona të lënduar në këtë tragjedi, si dhe anëtarë të familjeve të viktimave.

Ajo që më së shumti na gëzon, është fakti se si gostivaras dëshmuam edhe një herë se jemi gjithnjë të bashkuar, si në të mirë ashtu edhe në të keqe, pa marrë parasysh përkatësinë kombëtare, fetare, politike, sociale apo çfarëdolloj përkatësie tjetër. Shpresojmë që arritëm të dërgojmë mesazh të fuqishëm deri tek institucionet shtetërore për ndërmarrje të masave për rritjen e sigurisë në trafikun rrugor, si dhe për ndërgjegjësimin e pjesëmarrësve në komunikacion për vozitje të kujdesshme dhe respektim të rregullave, që tragjedi të tilla të mos na përsëriten në të ardhmen. .

I shprehim falënderim Komunës së Gostivarit dhe kryetarit Arben Taravari për mbështetjen e plotë materiale dhe logjistike, si dhe Ministrinë e Punëve të Brendshme për asistencën policore gjatë gjithë marshimit.

Gjithsesi, falënderim i madh për mediat lokale, rajonale dhe kombëtare, për mbulimin e kësaj ngjarje shumë të rëndësishme.

Besojmë se ky marsh do të bëhet tradicional dhe do të përfshihet në agjendën e aktiviteteve të Komunës së Gostivarit, me çka do të përmirësohet niveli i organizimit por edhe masiviteti i pjesëmarrjes.

Këshilli organizativ

 

Sqarim në lidhje me fushën e patinazhit në Gostivar

15.02.2020

Të nderuar qytetarë,

Ju njoftojmë se një periudhë të caktuar kohore, fusha e patinazhit nuk ka qenë në funksion për të vetmen arsye kushtet atmosferike.

Në fakt, fushat e patinazhit janë të projektuara që të mund të jenë funksionale vetëm kur temperaturat maksimale ditore sillen nën 8 gradë Celzius. Për fatin tonë të mirë ose të keq, temperatura të tilla gjatë këtij dimri kemi pasur shumë pak ditë, dhe në ato pak ditë kjo fushë jo vetëm që ka qenë funksionale por edhe atë e kanë shfrytëzuar shumë të rinj dhe fëmijë të shoqëruar nga prindërit e tyre.

Sa i përket akuzave të pabaza të degës së BDI-së në Gostivar, kinse janë zhdukur patinat me të cilat Agjencia për Rini dhe Sport e ka furnizuar Sallën Sportive në Gostivar, ua bëjmë me dije edhe atyre edhe secilit që shpreh dyshimin më të vogël se ato gjenden në mjediset e sallës sportive dhe se kush të dojë mund të vërtetohet në këtë (fotografitë që mund t’i shihni janë bërë gajtë ditës së sotme). Po ashtu, akuza se patinazhi nuk vihet në përdorim që të shfrytëzohet për parkim të automjeteve, lëre që është e pavërtetë por është edhe tejet e palogjikshme sepse sipërfaqja që zen patinazhi, pavarësisht është në funksion ose jo, s’do mend se nuk mund të shfrytëzohet për parkim.

Ndryshe, asnjë prej tetë fushave të patinazhit në qytetet tjera të Maqedonisë nuk ka qenë në funksion gjatë ditëve të ngrohta, ku njëra prej tyre në vetëm 25 kilometra larg, në Tetovë, nuk është shfrytëzuar për asnjë çast, ndërsa kjo komunë udhëhiqet pikërisht nga një ndër kuadrot më të ekspozuara të partisë e cila akuzon pa bazë – BDI.

Megjithatë, bazuar në parashikimet e sinoptikëve, prej ditës së mërkurë do të ulen temperaturat dhe shpresojmë se të gjithë ata që e adhurojnë dimrin dhe duan të argëtohen në kushte dimri, do të kenë rasti që të bëjnë patinazh në këtë fushë, e cila nuk ka pësuar asnjë dëmtim dhe është e gatshme për tu rivënë në funksion.

Shërbimi për informim

Të nderuar, ua përcjellim në vazhdim Komunikatën e Këshillit organizativ të Marshit Memorial

Të nderuar qytetarë të Gostivarit,

Ju njoftojmë se Marshi Memorail për nder të viktimave dhe të lënduarve në tragjedinë e Llaskërcës, rrjedh pa probleme dhe sipas dinamikës së planifikuar.

Marshuesit për momentin janë duke përshkuar rrugën Tetovë – Gostivar dhe pritet që rreth orës 17:00 të mbërrijnë në Pagesën rrugore në Gostivar.

Ftojmë qytetarët të cilët për arsye të ndryshme nuk kanë mundur që prej fillimi të na bashkëngjiten, ndërsa kanë dëshirë që të bëhen pjesë e simbolikës së këtij marshi, të na bashkëngjiten në ora 17:00 te pika pagesore në Gostivar, ose të na presin në sheshin e qytetit rreth orës 17:30 ku edhe do të përfundojë Marshi Memorial.

Me respekt,

Këshilli organizativ

Kryetari Taravari mori pjesë në shënimin e 100 vjetorit të Tiranës si kryeqytet

Kryetari i Komunës së Gostivarit, Arben Taravari mori pjesë në ceremoninë solemne të organizuar me rastin e 100 vjetorit të Tiranës si kryeqytet.

– Tirana sot i mbush 100 vjet kryeqytet. Është privilegj dhe kënaqësi që si Komunë e Gostivarit të jemi zyrtarisht pjesë e festës së kryeqytetit njëshekullor të të gjithë shqiptarëve. U shkruajt sot me germa të arta historia e Tiranës, uroj edhe për 1000 shekuj në vazhdim! Gëzuar datëlindjen Tiranës së të gjithëve! – thotë kryetari Taravari

Në ceremoninë e dedikuar kësaj ngjarje të rëndësishme të kombit shqiptar, morën pjesë deputetë, anëtarë të qeverisë, kryetarë komunash nga vendi dhe trevat shqiptare, personalitete të klerit dhe të kulturës shqiptare si dhe pasardhës të familjeve të vjetra të zonës.

Shërbimi për informim

AGJENDA Е MARSHIT MEMORIAL

AGJENDA Е MARSHIT MEMORIAL

Marshi/maratona memoriale për nder të të vdekurve dhe të lënduarve

në aksidentin rrugor që ndodhi më 13.02.2019 te fshati Llaskërcë, 

në relacionin:

LLASKËRCË – GOSTIVAR 55 km

AGJENDA:

  1. Nisja nga Gostivari, më 13.02.2020 (e enjte) në ora 04:45.  ( është rezervuar minibus ) 
  2. Starti nga  f. Llaskërcë në ora 05:30 – 06:00 (vendosja e luleve)
  3. Mbikalimi në Grupçin në ora 07:00 – 07:30
  4. Pagesa rrugore në Zhelinë në ora 08:00 – 08:30

    – Pushim 30 – 45 min.

  1. Pagesa rrugore në Tetovë në ora 11:00 – 11:30

    – Pushim në ora 13:00 – 13:30

    – Deklarata për mediat – Kryetari Arben Taravari dhe të tjerë

    – Koktej ( pije dhe ushqim)

  1. Mbërritja në Gostivar në ora 17:00-17:30 në sheshin e qytetit –  pritje nga qytetarët dhe fjalimi i kryetarit të komunës.

Do të marshohet në rrugën rajonale përreth autostradës Shkup-Gostivar, ndërsa marshit mund t’i bashkëngjiten edhe pjesëmarrës të cilët duan të  përshkojnë vetëm një pjesë të rutës.  

  •  Mbështetje logjistike  – automjete që e shoqërojnë marshin ( Ujë , pije dhe ushqim )
  •  Automjetet në thirrje ( suportim nga komuna )

Për pjesëmarje në marshimin, paraqitjet bëhen deri më datën: 12.02.2020 deri ne ora 12:00

Telefoni për kontakt: 072 / 519-109 

Nga Këshilli organizativ

 

 

 

 

Komuna e Gostivarit shpërblen nxënësit më të mirë të Gostivarit

Komuna e Gostivarit ka ndarë nga pesë mijë denarë për pesë nxënësit më të mirë të Gostivarit shpallja e të cilëve u bë me 23 dhjetor, në ditën e Komunës së Gostivarit. Fjolla Zendeli, Kostanca Bilibiloska, Nusejba Hanxhi, Behra Beqiri dhe Ilina Dimitrievska shpërblimin e kanë pranuar nga vetë kryetari i Komunës së Gostivarit, Arben Taravari, i cili të njejtat i priti në kabinetin e tij.

Ai me këtë rast nënvizoi se kjo është hera e parë që pushteti lokal i Gostivarit shpërblen nxënësit më të mirë, ndërsa nga ky vit, do të ketë edhe dhjetë bursa për po aq nxënës nga territori i Gostivarit.

Fjolla Zendeli, u zgjodh nxënësja më e mirë te shkolla e mesme e gjimnazit te paralelet shqiptare, Kostanca Bilibiloska, te po e njejta shkollë te paralelet me mësim në gjuhën maqedonase, Nusejba Hanxhi, te shkolla e mesme e mjekësisë te paralalelet me mësim në gjuhën turke, Behra Beqiri nga shkollat fillore me mësim te paralaelet në gjuhën shqipe, e cila vjen nga shkolla fillore “Faik Konica” e fshatit Debresh dhe Ilina Dimitrievska te paralelet me mësim në gjuhën maqedone te shkollat fillore, e cila vjen nga shkolla fillore “Goce Dellcev”. Ata kanë falenderua kryetarin Taravari dhe Komunën e Gostivarit për këtë vlerësim, duke shtuar se kjo do të jetë një stimul shtesë gjatë jetës së tyre për të korrur sukses të reja.

Kjo ishte hera e parë në qytetin e Gostivarit, që bëhet përzgjedhja e nxënësve më të mirë të shkollave fillore dhe të mesme publike. Për përzgjedhjen e nxënësve më të mirë, komuna e Gostvarit formoi edhe një komision pesë antarësh në përbërje të dy mësimdhënësve shqiptarë, një mësimdhënësi maqedonas dhe një të nacionalitetit turk dhe udhëheqëses së Sketorit për Arsim pranë Komunës së Gostivarit, Aslian Snopçe.

Komuna e Gostivarit është pajisur me kamionetë të re e cila shërben për ndërhyrje në lartësi deri 14 metra.

Komuna e Gostivarit është pajisur me kamionetë të re e cila shërben për ndërhyrje në lartësi deri 14 metra.

Kamioneta është grant nga Banka Botërore, ndërsa për sigurimin e së njejtës një pjesë të mjeteve i ka paguar Komuna e Gostivarit.

Gjatë promovimit të paisjes, Kryetari i Komunës së Gostivarit, Arben Taravari, tha se kamioneta do t’i shërbejë mjaftë Gostivarit dhe të njejtën do të mund ta përdorin edhe ndërmarrjet publike të qytetit.

Kryetari Taravari tha se kamioneta e re do të shërben edhe për ndërhyrje në ndiçimin publik. Ai sqaroi se për një periudhë të shkurtër në territorin e Gostivarit janë ndërruar mbi 14 mijë llampa elektrike dhe të njejtit janë me llampa led me çka kursehet shumë në harxhimin e energjisë elektrike.

Shërbimi për informim

Marsh përkujtimor për viktimat e tragjedisë së Llaskërcës

06.02.2020

Me rastin e njëvjetorit të tragjedisë së Llaskërcës ku në një aksident trafiku humbën jetën 16 persona dhe dhjetëra të tjerë u lënduan, të enjten, më 13 shkurt, do të mbahet marsh përkujtimor.

Pikënisja e marshit do të jetë vendi ku ndodhi tragjedia në afërsi të fshatit Llaskërcë, ndërsa do të përfundojë në sheshin e qytetit të Gostivarit, me gjatësi prej rreth 55 kilometra.

Iniciativa vjen nga një grup alpinistësh, ndërsa do të mbështetet në tërësi nga Komuna e Gostivarit.

“Krahas përkujtimit të viktimave në këtë tragjedi, me ktët marsh synojmë të dërgojmë mesazh deri te institucionet kompetente shtetërore që të ndërmarrin të gjitha masat e nevojshme për siguri më të madhe në trafikun rrugor, si dhe sensibilizimin e të gjithë pjesëmarrësve në komunikacion që tragjeditë këtilla mos na përsëriten më”, thonë organizatorët e marshit.

Komuna e Gostivarit i inkurajon qytetarët për pjesëmarrje më masovike në këtë marsh, ndërsa pjesë e marshit do të bëhet edhe kryetari Arben Taravari me bashkëpunëtorët e tij, të cilët do të përshkojnë disa kilometra të rutës.

Shërbimi për informim

Sqarim për opinionin – Komuna e Gostivarit nuk investon në objekt inekzistent

24. 01.2020

Në lidhje me dezinformatat e plasuara në disa portale informative, kinse kryetari i komunës së Gostivarit, Arben Taravari investon në objekt inekzistent, e ndjejmë për obligim t’ia sqarojmë opinionit të gjerë se me Vendim të Këshillit të Komunës së Gostivarit, në seancën VI të mbajtur më datë 31.08.2018 i është dhënë prioritet Rikonstruktimit të objektit Shtëpia e kulturës “Bozhidar Mickoski” në fshatin Zhelezna Rekë.

Asokohe, kryetar i Këshillit të Komunës së Gostivarit ka qenë Nasir Musliu (siç mund të shihet edhe në dokumentin më poshtë) dhe shumicën në këshill e kanë përbërë BDI dhe LSDM.

Kryetari i i komunës, konform ligjit për vetëqeverisje lokale, e përfaqëson Komunën dhe është organ ekzekutiv që duhet të realizojë vendimet e Këshillit të Komunës.

Arben Taravari, në cilësinë e kryetarit të komunës dhe kompetencave të tij, ka bërë kërkesë deri te Agjencia për Përkrahje Financiare të Bujqësisë dhe Zhvillimit Rural për realizim të vendimit përkatës të Këshillit.

Po ashtu, të gjitha procedurat e mëtejshme janë bërë në kuadër të normave ligjore, ndërsa nga fotografia më poshtë shihet edhe objekti për të cilin disa portale pretendojnë se i njëjti nuk ekziston.

Të theksojmë se ky sqarim bëhet enkas për të informuar qytetarët, sepse edhe institucionet shtetërore edhe vetë portalet janë në dijeni se kjo është vetëm një gënjeshtër e kulluar. Nëse eventualisht, gabimi është bërë pa qëllim, lusim portalet që në të ardhmen për çdo dyshim të drejtohen në Komunën e Gostivarit dhe të marrin informata të sakta për punën tonë.

Shërbimi për informim

Kryetari Taravari takon inspektorin Ilievski, zbulojnë skandale korruptive në sistemin arsimor në vend

Kryetari i Komunës së Gostivarit, Arben Taravari ka pritur në kabinetin e tij Inspektorin e arsimit, Gjorgji Ilievski.

Në këtë takim i cili ka ardhur me ftesë të kryetarit Taravari është diskutuar lidhur me sistemin arsimor në vend, në veçanti, siç u njoftua nga palët, për veprimet korruptive në arsim nga disa zyrtarë të lartë qeveritar.

Kryetari i Gostivarit sqaroi se sërisht ka tentime për marrje kompetencash në arsim në Komunën e Gostivarit nga Ministrai e Arsimit dhe Shkencës. Për këtë dëshmi, tha ai, janë inspektorë të shumtë të cilët vijnë nga e gjithë Maqedonia në shkollat e Gostivarit. Ai tha se pushteti qendrorë do të futet në Librin Gunness me marrjen e kompetencave në arsim në Gostivar.

“Me iniciativë nga ana ime, e thirra z. Gjorgji Ilievskin të jetë mysafir në komunën tonë. Ai është një person i cili dy vite lufton në mënyrë të ashpër krimin që ndodh në arsim. Ne si Komunë e Gostivarit kemi pasur shumë probleme me Ministrinë e Arsimit dhe Shkencës dhe me Qeverinë pasi që jemi komunë e vetme urbane opozitare dhe luftohemi në vazhdimësi, sidomos prej ministrit i cili e ka titullin e rrejshëm të docentit dhe na merr dy herë ingerenca. Tash kanë nisur përsëri inspekcionet nëpër shkollat e Gostivarit dhe tentohet për së treti të merren ingerencat dhe të hymë në Librin e Guinness sipas rekordeve që bëhen presione nga pushteti qendror ndaj këtij lokal. LSDM shpesh del dhe thotë se kjo bëhet shkak i BDI-së, por unë do të thoja se kjo nuk është vetëm faj i BDI-së, por është faji i përbashkët LSDM-BDI. BDI mund të insiston, por LSDM mund të thotë stop se e kemi tepruar”, deklaroi kryetari i Komunës së Gostivarit, Arben Taravari.

Inspektori i arsimit, Gjorgji Ilievski, në press-konferencë me kryetarin Taravari, foli fillimisht për avancim të paligjshëm në tituj shkencor të funksionarëve aktual qeveritar nga radhët e BDI-së.
“Filluan vështirësitë kur unë zbulova në Universitetin e Tetovës tre zyrtarë shtetëror të qeverisë së Republikës së Maqedonisë, Ministrin e Arsimit dhe Shkencës z. Arbër Ademi ku është avancuar në njohur shkencore “Docent” jashtligjshëm. I dyti, zv.ministri i Punëve të Brendshme z. Agim Nuhiu, i cili në periudhën e pushimit të detyrës është avancuar në profesor të asociuar. Z. Safet Emruli nga viti 2008 e deri më sot është avancuar nga Asistent i ri, në Asistent, Docent, në Profesor i Asociuar. Për të gjitha këto skandale të bëra, unë i njoftova ambasadat pasi te ata gjeta mirëkuptim dhe përkrahje. Mirëkuptim kisha nga mjetet e informimit në Republikën e Maqedonisë, te zv.avokati i shtetit, Komiteti i Helsinkit për të Drejtat e Njeriut, Trnaparenc Internatonal dhe policitë ndërkombëtare për informatorë të Evropës JugLindore.

Pra, ky problem i imi doli nga Maqedonia dhe kornizat e Ballkanit dhe më gjerë”, deklaroi inspektori I arsimit, Gjorgji Ilievski.
Ai tha se këto zyrtarë jashtligjshëm kanë marrë paga nga UT të cilat, pasi është konstatuar shkelje ligjore, këto ditë i kanë kthyer. Inspektori Iliveksi tha se edhe Taravari është ligjerues universitar në Tetovë dhe Shkup, por ka ndjekur procedurat ligjore dhe nuk ka pranuar pagë.
“Zotrinjtë ministra, kur u pushon marrëdhënia e punës, avancohen. Përveç kësaj, lidhin marrëveshje intelektuale dhe marrin mjete financiare që është në kundërshtim me Ligjin për Arsim të Lartë sipas nenit 133, alinea 14, ku ata mund të ligjerojnë, por nuk mund të pranojnë mjete financiare. Mikoqiri im i nderuar, kryetari poashtu ligjeron në Universitetin e Tetovës dhe të Shkupit, por e respekton ligjin dhe nuk pranon mjete dhe nuk lidh marrëveshje intelektuale. Pra, dikush mund të respektojë e dikush jo. Për gjithë këtë deri te Komisioni Shtetëror për Parandalim të Korrupsionit, te Policia Financiare dhe te Prokuroria Themelore Publike janë dorëzuar dokumente. Duhet të ju njoftojë ekskluzivisht se këta zotërinjë ministra, funksionarë publik, parat e marra i kanë kthyer. Kjo nënkupton se është bërë shkelje, vepër kriminale ose me fjalë të thjeshta është bërë krim arsimor. Për të gjitha këto, kërkova takim edhe me Ali Ahmetin që ta njoftojë, ku në një shtet normal, ligjor për një gjë si kjo menjëher jepen dorëheqje të pa kontetsuara”, tha inspektori Iliveski.
Inspektori Ilievski tha se paratë që kanë marrë këta persona janë të studentëve që prindërit e tyre me shumë mund i sigurojnë për t’i shkolluar fëmijët e tyre. Ai u bëri thirrje kolegëve të tij inspektorë që mos kenë frikë dhe punën ta kryejnë me nderë dhe të mos merren vetëm me Gostivarin. U bëri thirrje të shkojnë edhe në Strug, pasi kryetari i këtij qyteti, Ramiz Merko, tha ai, ka diplomë të pa nostrifikuar nga Novi Sadi dhe në Univesritetin e tij “Universiteti Ndërkombëtar i Strugës”, ka mbi 800 diploma të dhëna të pa nostrifikuara. Ilievski tha se për pagat e marra jashtligjshëm nga zyrtarët e lartpërmendur do ti njoftojë të gjitha ambasadat me relevancë në vend.