Njoftim

18.04.2018

Njoftohen banorët e rrugëve “Boris Kidriç” (prej te Kisha deri te Marketi “Montenegro”), “Dimitar Vllahov” dhe “Mlladen Grujevski”, se sot prej në ora 12 deri në ora 15, do të kenë shtypje të reduktuar të ujësjellësit.

Kjo si pasojë e punimeve që po realizohen për sanimin e defektit në tubacionin kryesor Ф 100.

Nga NP Komunalec kërkojnë mirëkuptim nga qytetarët.

Shërbimi për informim

Njoftim 2

18.04.2018

Njoftohen qytetarët se asfaltimi i rrugëkryqit te Kompleksi “Barok” do të bëhet nesër në mëngjes.

Deri te vonesa e asfaltimit vjen si pasojë e një defekti të makinës të ndërmarrjes realizuese të punimeve.

Nga SHA “Pellagonija”, kërkojnë falje publike dhe mirëkuptim nga ana e qytetarëve të Gostivarit për vonesën.

Shërbimi për informim

Njoftim

18.04.2018

Komuna e Gostivarit i njofton qytetarët se në rrjedhë është aksioni për sanimin e rrugëve të dëmtuara në territorin e qytetit të Gostivarit.

Për këtë arsye, nëpër shumë rrugë të qytetit është bërë heqja e asfaltit të dëmtuar dhe po bëhet përgatitja për shtrimin e asfaltit të ri.

Arnimi i gropave në rrugët “Beliçica”, “Kej Vardar” dhe lagjen “Banjeshnica” do të behet gjatë ditës së sotme, ndërsa në rrugët tjera në ditët në vijim.

Apelojmë deri tek qytetarët që të jenë më të kujdesshëm gjatë vozitjes dhe njëkohësisht i falënderojmë për mirëkuptimin.

Shërbimi për informim

Taravari: Kërkojmë nga MPB – mos t’i mbrojë banditët

Kryetari i Komunës së Gostivarit, Arben Taravari sot mbajti një konferencë për shtyp në lidhje me incidentin që ndodhi në gjimnazin e Gostivarit.

“Në historinë e Gostivarit asnjëherë nuk ka ndodhur që militantë partiakë të futen në shkollë dhe të rrahin profesorë. Dhuna ndaj dy profesorëve është ushtruar nga një ish i burgosur dhe truproje apo shofer i Nevzat Bejtës dhe nga djali i drejtorit të shkollës që po ashtu njihet si njeri problematik. Ata janë futur në shkollë të armatosur, ndërsa e tërë situata ka qenë e orkestruar nga drejtori i shkollës, i cili nga mëngjesi i ka thënë njërit prej profesorëve të rrahur se – do ta shikosh sot se çka do të të ndodhë. Ashtu edhe ndodhi, dy profesorët përfunduan me lëndime serioze në neuro-kirurgji në Shkup”, sqaroi kryetari i komunës, Arben Taravari.

Ai kërkoi që Ministria e Arsimit t’ia kthejë kompetencat kryetarit të komunës ndërsa organet kompetente të bëjnë zbardhjen e plotë të rastit dhe dhunuesit të marrin dënimin e merituar.

“ Ne thamë se marrja e ingirencave në arsim do të sjellë pasoja dhe ja ku i shohim pasojat. Ne kërkojmë nga Ministria e Arsimit që të na i kthejnë kompetencat, të suspendohet drejtori i gjimnazit si orkestrues i këtij sulmi, kërkojmë që Ministria e Arsimit të informojë komunën se çfarë hapash janë ndërmarrë për rastin konkret. Ne si komunë kemi formuar komision i cili po merret me hulumtime se përse ka ardhur deri në këtë incident të dhunshëm, ndërsa nga MPB kërkojmë që të mos i mbrojë banditët dhe ta zbardh rastin. Unë jam shumë i sigurt se nëse atë ditë, sulmues do të ishin aktivistë të ASH-së, ata sot do të ishin në burg. Ndërsa dy personat që rrahën profesorët, shëtisin lirshëm dhe u kanosen qytetarëve dhe aktivistëve të tjerë të ASH-së”, deklaroi Taravri

Taravari kërkoi gjakftohtësi nga të gjithë qytetarët ndaj provokimeve të këtilla. Ai tha se nuk dëshiron hakmarrje por se insiston që organet kompetente ta kryejnë detyrën në favor të drejtësisë.

“Fatkeqësisht, shteti shpesh ka insistuar që shqiptarët të kenë luftë në mes veti. Unë këtë nuk do ta lejoj. Unë kam kërkuar tolerancë nga të gjithë qytetarët, por edhe nga anëtarët e ASH-së që të jenë gjakftohtë ndaj provokimeve të këtilla, me qëllim që organet kompetente t’i zgjidhin këto punë.

Ai tha se do të dëshironte që dega e BDI-së në Gostivar të udhëhiqej nga një njeri meritor, me të cilin do të bashkëpunonin dhe do të ndërtonin strategji të përbashkëta në favor të qytetarëve.

Rregullimi i parkut të qytetit drejt finalizimit

14.04.2018

Pas nivelimit të tokës dhe instalimit të sistemit nëntokësor të ujitjes në parkun e madh të qytetit, në anën e djathtë të lumit Vardar, punët dalë ngadalë shkojnë drejt finalizimit. Për momentin punohet në rregullimin e shtegut të këmbësorëve, respektivisht shtrimi me pllaka bekatoni.

“Pranverën do ta quaja stina e ndërmarrjes sonë.  Jemi duke rregulluar të gjitha sipërfaqet e gjelbra, bëjmë mbjelljen e drunjve dekorativë, do të vendosen ulëse të reja dhe do të bëjmë të mundur që qytetarët e Gostivarit ta shijojnë stinën e  pranverës ashtu siç duhet”, theksoi  Muzafer Zulbeari, drejtor i NP “Parkingje dhe Gjelbërime”, ndërmarrje kjo e cila realizon projektin në fjalë.

Krahas rregullimit të parkut të qytetit, punohet rregullisht edhe në përmirësimin e gjendjes me gjelbërimin në të gjitha sipërfaqet tjera publike, siç janë oborret e banesave kolektive, qarkoret, brezi i gjelbër i bulevardeve, parqet e vogla nëpër qytet dhe sipërfaqet tjera publike, si dhe mënjanohet vegjetacioni i padëshiruar përgjatë rrjedhës së lumit Vardar dhe përskaj rrugëve lokale dhe rajonale në territorin e komunës së Gostivarit.

Shërbimi për informim

Nxënësit e klasës së katërt u njoftuan me funksionimin e pushtetit lokal në Gostivar

13.04.2018

Nxënësit e klasës së katërt pranë Shkollës Fillore Komunale “Goce Dellçev” të shoqëruar nga mësueset e tyre, ishin sot për vizitë në Komunën e Gostivarit, për tu njoftuar me mënyrën e funksionimit të pushtetit lokal.

Gjatë vizitës ata takuan kryetarin e komunës Arben Taravari, ndërsa vizituan edhe sallën e Këshillit të Komunës së Gostivarit dhe zyrat e administratës komunale.

Kryetari i komunës Arben Taravari dhe pjesëtarët e kabinetit të tij, i njoftuan nxënësit me mënyrën e funksionimit të vetëqeverisjes lokale me një gjuhë të kuptueshme për moshën e tyre, duke u dëshiruar atyre që kur të rriten edhe ata të bëhen pjesë e administratës komunale, të marrin poste udhëheqëse dhe dikush të bëhet edhe kryetar komune.

Gjatë vizitës, 55 nxënësit nga tre paralelet e klasës IV pranë SHFK “Goce Dellçev”, kryetarit dhe bashkëpunëtorëve të tij u parashtruan pyetje aq përmbajtjesore, saqë edhe të rritur do tua kishin lakmi.

Shërbimi për informim

Kryetari i Akhisarit me bashkëpunëtorët e tij për vizitë në Komunën e Gostivarit

13.04.2018

Kryetari i komunës së Akhisarit të Republikës së Turqisë, Sali Hızlı, i shoqëruar nga bashkëpunëtorët e tij, vizitoi sot komunën e Gostivarit ku u prit nga kryetari Arben Taravari dhe anëtarët e kabinetit të tij.

“Në komunën e Gostivarit, sipas regjistrimit të fundit, jetojnë mbi 82 mijë banorë, ku shumicën e popullsisë e përbëjnë shqiptarët, ndërsa pasojnë maqedonasit, turqit dhe romët. Bashkësitë etnike në Gostivar jetojnë në një harmoni të shkëlqyer, e sidomos shqiptarët dhe turqit të cilët kryesisht njohin gjuhën e njëri-tjetrit dhe festat, dasmat dhe varrimet i bëjnë bashkë. Gostivari dhe Akhisari janë dy komuna të vëllazëruara dhe bashkëpunimin i cili daton prej shumë herët, me siguri se do ta thellojmë akoma më shumë dhe do ta shtrijmë në më shumë fusha”, theksoi Taravari në takimin në sallën e Këshillit të Komunës së Gostivarit, duke ftuar pjesëtarët e delegacionit që gjatë qëndrimit në Gostivar të ndjehen si në qytetin e tyre.

Edhe kryetari i komunës së Akhisarit bëri një prezantim të komunës me të cilën ai udhëheq tashmë tre mandate.

“Komuna e Akhisarit ka rreth 170 mijë banorë dhe 109 vendbanime. Viteve të fundit kemi pasur një zhvillim të madh ekonomik, shoqëror dhe kulturor. Por në Gostivar nuk vijmë që vetëm të përcjellim përvojat tona, por edhe të mësojmë nga përvojat tuaja. Kemi dëshirë që një delegacion i gjerë nga komuna e Gostivarit të na vizitojë kështu siç ju vizitojmë ne juve, ndërsa për këtë do t’ju bëjmë së shpejti edhe ftesë zyrtare”, theksoi mes tjerash z. Hızlı.

Ndryshe, delegacioni i komunës së Akhisarit përbëhej prej udhëheqësve të sektorëve pranë komunës dhe të disa këshilltarëve komunalë. Gjatë qëndrimit në Komunën e Gostivarit, u zhvillua një bashkëbisedim i gjerë me ç’rast të dyja palët u njoftuan më për së afërmi me sukseset dhe sfidat e komunave përkatëse, si dhe u shkëmbyen përvoja pozitive.

Kryetarët Taravari dhe Hızlı shkëmbyen dhurata të cilat simbolizojnë komunat të cilët ata i udhëheqin, ndërsa takimi përfundoi me një koktej rasti.

Gjatë qëndrimit në Gostivar, delegacioni nga Akhisari do të vizitojë SHF “Mustafa K. Ataturk”, Muftininë e Gostivarit dhe monumentet e trashëgimisë kulturore.

Shërbimi për informim

Filloi rikonstruktimi i plotë i rrugëkryqit më të frekuentuar në Gostivar

12.04.2018

Ashtu siç u paralajmërua dje, sot filloi rikonstruktimi i plotë i rrugëkryqit më të frekuentuar në Gostivar.

“Bëhet fjalë për rikonstruktimin e plotë të një rrugëkryqi shumë të rëndësishëm në bërthamën e qytetit të Gostivarit, me një sipërfaqe prej rreth 400 m2. Do të punohet intensivisht me qëllim që sa më shpejtë të përfundojnë punimet, që mos të ngarkohet trafiku në qytet. Shpresojmë se deri të shtunën të përfundojë”, deklaroi për mediat kryetari i komunës së Gostivarit, Arben Taravari.

Ai paralajmëroi edhe shumë projekte tjera kapitale që do të realizohen gjatë këtij viti kalendarik, e të cilat kapin shumën prej rreth 1 milion euro mjete buxhetore të komunës së Gostivarit.

“Çdo ditë do të kemi asfaltime dhe punë tjera ndërtimore, të cilat do t’i ndjekim së bashku me mediat dhe qytetarët. Janë rreth 15 rrugë në territorin e komunës së Gostivarit të cilat i kemi caktuar si prioritete për këtë vit kalendarik. Një rrugë në Debresh , një rrugë në Forinë, Llakavicë, rruga për në Tërnovë, rruga për në Padalisht, Do të riasfaltohet po ashtu edhe rruga Llakavicë-Sërmnovë. Vlen të përmendim edhe ndërtimin e kanalizimeve në fshatrat Çajlë, Çegran dhe Banjicë e Epërme, si dhe shumë projekte të tjera”, tha Taravari.

Ai sqaroi se sivjet do të ndodhin ndryshime të cilat konsideron se janë problem të realizohen madje edhe brenda një mandati të plotë katërvjeçar.

Punët ndërtimore për rikonstruktimin e plotë të kryqëzimit të bulevardit “Goce Dellçev” me rrugën “Boris Kidriç” do të përfshijnë mënjanimin e shtresës së vjetër të asfaltit, planifikimin, nivelimin dhe tamponimin e shtresës, nivelimin e pusetave dhe riasfaltimin e rrugëkryqit në sipërfaqe prej 400 metra katror.

Deri sa të zgjasin punimet, komunikacioni do të zhvillohet në kushte të vështirësuara dhe për atë periudhë luten qytetarët që ta shmangin shfrytëzimin e këtij rrugëkryqi për lëvizje me automjete.

Shërbimi për informim

NJOFTIM

11.04.2018

Lajmërohen qytetarët se nesër me fillim në ora 7:00, do të fillojnë punët ndërtimore për rikonstruktimin e plotë të kryqëzimit të rrugëve Bul. “Goce Dellçev” dhe “Boris Kidriç” (te City Center).

Punët ndërtimore do të përfshijnë mënjanimin e shtresës së vjetër të asfaltit, planifikimin, nivelimin dhe tamponimin e shtresës, nivelimin e pusetave dhe riasfaltimin e rrugëkryqit në sipërfaqe prej 400 metra katror.

Punimet do të zgjasin rreth 15 ditë dhe për këtë kohë komunikacioni do të zhvillohet në kushte të vështira, ndërsa në periudha të caktuara do të jetë edhe i bllokuar.

Luten qytetarët që ta shmangin shfrytëzimin e këtij rrugëkryqi për lëvizje me automjete.

Ju falënderojmë për mirëkuptimin!

Shërbimi për informim

Thirrje për oferta

Republika e Maqedonisë

Projekti për përmirësimin e shërbimeve komunale – MSIP

Grante investuese IPA

MSIP-IPA-NCB-018-18

1. Kjo Thirrje për Oferta e pason Njoftimin e përgjithshëm për prokurime për këtë Projekt të publikuar në botimin e UN Development Business, me nr. 767, të datës 31 janar 2010 (edicioni i shtypur) dhe e publikuar në mënyrë elektronike më 06 Janar 2010.

2. Republika e Maqedonisë fitoi grant nga Komisioni Evropian në kuadër të IPA fondit për investime rurale të Komisionit Evropian për rindërtim dhe zhvillim për Projektin për përmirësim të shërbimeve komunale (MSIP) dhe ka për qëllim që një pjesë të mjeteve nga kjo kredi ta shfrytëzojë për pagesa sipas kontratës për: Ndërtimin e rrugës lokale për fshatin Padalisht dhe ndërtimin e rrugës lokale për fshatin Tërnovë.

3. Komuna e Gostivarit fton ofertuesit e përshtatshëm dhe të kualifikuar që të japin oferta të vulosura për punët ndërtimore që përfshijnë Ndërtimin e rrugës lokale për f. Padalisht dhe ndërtimin e rrugës lokale për f. Tërnovë.

4. Procesi i ofertimit do të kryhet përmes procedurave për licitim publik nacional siç është specifikuar në Udhëzimin e Bankës Botërore: Prokurim me mjete të marra nga Huaja IBRD dhe Kreditë IDA, nga janari i vitit 2011 dhe është i hapur për të gjithë ofertuesit nga vendet e përshtatshme siç është definuar në dokumentacionin tenderik.

5. Ofertiesit e përshtatshëm që janë të interesuar, mund të marrin informacione shtesë në adresën e cekur më poshtë prej në ora 08:30 deri në ora 16:30.

Adresa: Rr. Vëllezërit Gjinoski nr. 61

Qyteti: Gostivar

Numri i postës: 1230

Shteti: Republika e Maqedonisë

Telefon: +389 (0) 42 214 406

Fax: +389 (0) 42 214 406

Adresa elektronike: info@gostivari.gov.mk

6. Dokumentacionin e kompletuar tenderik në gjuhën maqedonase, ofertuesit e interesuarit mund ta blejnë pas parashtrimit të aplikacionit me shkrim në adresën e dhënë më poshtë dhe pas pagesës së taksës së pakthyeshme prej 2.000,00 MKD. Metoda e pagesës do të jetë përmes formularit PP50, në llogarinë në vijim:

a) Për pagesë në denarë:

Banka: Banka Popllore e Republkiëps së Maqedonsië

Numri i llogarisë: 100000000063095

Llogaria e shfrytëzuesit buxhetor: 716014021563012

Kontoja e të radhurave: 725939 00

Dokumentacioni tenderik do të dorëzohet përmes postës elektronike ose mund të merret drejtpërsëdrejti nga Komuna e Gostivarit.

8. Ofertat patjetër të dorëzohen në adresën e më poshtme deri në ora 12:00 dt. 15.05.2018. Dorëzimi elektronik i ofertave nuk është i lejuar. Ofertat e vonuara do të refuzohen. Ofertat do të hapen fizikisht në prani të përfaqësuesve të ofertuesve të cilët do të zgjedhin të marrin pjesë personalsiht në adresëlne dhënë më poshtl në ora 12:00, dt. 15.05.2018.

9. Të gjitha ofertat patjetër të shoqërohen me Garanci bankare prej 250,000.00 MKD.

10. Adresa: Vëllezërit Gjionoski 61

Qyteti: Gostivar

Numri postar: 1230

Arkivi

Shteti: Republika e Maqedonisë