Gostivari shënoi Ditën e Mësuesit me program kulturor dhe ndarje mirënjohjesh

08.03.2018

E vogël ishte salla e Qendrës për Kulturë në Gostivar, për të pranuar të gjithë ata të cilët deshën që mbrëmë me pjesëmarrjen e tyre në manifestim, të shprehin respektin ndaj mësuesve.

Manifestimi qendror për shënimin e 7 Marsit – Ditës së Mësuesit, u bë në organizim të Komunës së Gostivarit dhe i njëjti u përcoll me një program të pasur kulturor dhe me ndarje të mirënjohjeve veteranëve të arsimit.

Për rëndësinë e Ditës së Mësuesit, në emër të kryetarit të komunës Arben Taravari i cili për shkaqe objektive nuk ishte i pranishëm në manifestim, foli udhëheqësja e Sektorit për arsim, Aslian Snopçe, ndërsa për personalitetin e dy mësimdhënësve të cilët ndërruan jetë pas 7 marsit të fundit, foli moderatorja Vjollca Baftiu Zylbehari.

Mirënjohje post mortem, për kontribut të veçantë në sferën e edukimit dhe arsimimit të gjeneratave të reja, Komuna e Gostivarit ndau për mësimdhënësit Hazir Mustafai dhe Nuri Ibrahimi, si dhe për të gjithë mësimdhënësit e pensionuar gjatë vitit shkollor 2016/2017.

Në pjesën kulturore-artistike të manifestimit, me recitale, këngë dhe valle u prezantuan nxënës të disa shkollave fillore të qytetit, si dhe grupi “Rinia”.

Manifestimi u përmbyll në një atmosferë tejet festive, për çka u përkujdesën orkestra dhe këngëtarët e AKVP “Besa”, ansambël ky që pas disa vitesh pasivitet, rikthehet fuqishëm në skenë.

Shërbimi për informim

Konferencë shtypi “E vërteta për BDI-në” – MASH për dikend nënë, për dikend njerkë

08.03.2018

Drejtorët e shkollave, të shkarkuar në vitin 2013 kur komunën e Gostivarit e drejtonte Nevzat Bejta i BDI-së, në një konferencë për shtyp, prezantuan dëshmi se janë shkarkuar pa asnjë procedurë dhe se Ministria e Arsimit dhe Shkencës (MASH) nuk ka ndërmarrë asgjë.

“Е thirrëm këtë pres-konferencë pëр të demantuar të pavërtetat e ministrit, zv.ministirt nga radhët e BDI-së dhe ish kryetarit të komunës të thëna në media dhe në rrjetet sociale, se kinse kryetari i tanishëm i Gostivarit ka shkelur Ligjin për arsim fillor dhe të mesëm dhe për këtë arsye MASH-i ia ka marrë kompetencat në pjesën për emërim dhe shkarkim të drejtorëve. Ata, sikur harruan se para 5 viteve, gjegjësisht në vitin 2013, ish kryetari i komunës në ditën e parë të marrjes së detyrës si kryetar, me një cinizëm të paskrupullt, në rrjetet sociale na paralajmëroi për atë se çka do të ndodhte, duke postuar një shkrim “Mirëmëngjesi, drejtora” dhe kjo u realizua, ashtu që na ftoi në komunë të gjithë neve 15 drejtorëve për të na kumtuar se opsioni jonë politik ka humbur dhe se duhet të japim dorëheqje”, tha në emër të kolegëve Ekrem Ismaili, ish drejtor i SHF Ismail Qemali në periudhën 2009-2013

Ai bëri me dije se reagimet e tyre se janë përzgjedhur me konkurs dhe se për shkarkimin e tyre duhet të thirren në Ligjin për arsim fillor dhe të mesëm, nuk janë marrë parasysh aspak dhe se brenda dy javëve kryetari i atëhershëm Nevzat Bejta i ka shkarkuar të gjithë duke u thirrur në nenin i cili përcakton se kryetari i komunës emëron dhe shkarkon drejtorë.

“Me këtë qartë vërtetohet se marrja e ingerencave është një akt politik dhe se nuk ka asnjë lidhje me Ligjin për arsim fillor dhe të mesëm, si dhe se dispozitat ligjore vlejnë për të gjithë dhe në çdo kohë derisa janë në fuqi, ndërsa në rastin konkret MASH-i, për njërin sillet si nënë ndërsa për tjetrin si njerkë”, nënvizoi Ismaili
Në konferencën për shtyp, si dëshmi para gazetarëve dhe opinionit publik, u shpalosën edhe aktvendimet për shkarkim të drejtorëve në vitin 2013.

Shërbimi për informim

Dita e Mësuesit shënohet nëpër shkolla, në mbrëmje manifestimi qendror në Pallatin e kulturës

07.03.2018
Dita e Mësuesit – 7 Marsi, po festohet sot nëpër të gjitha shkollat në territorin e komunës së Gostivarit, ku mësimi zhvillohet në gjuhën shqipe.

Nxënësit, nën udhëheqjen e mësimdhënësve të gjuhës shqipe, arsimit figurativ, arsimit muzikor dhe edukatës fizike, me program kulturor dhe artistik shënojnë hapjen e mësonjëtores së parë në mars të vitit 1887 në Korçë, duke treguar njëkohësisht respekt ndaj mësimdhënësve të tyre për misionin e tyre të shenjtë.

Sonte me fillim në ora 19, në Qendrën për Kulturë, në organizim të Komunës së Gostivarit, do të mbahet manifestimi qendror, me një program të pasur kulturor-artistik nga ana e AKVP “Besa”, ndërsa kryetari Arben Taravari do tu ndajë mirënjohje mësimdhënësve të cilët janë pensionuar, apo kanë ndërruar jetë pas 7 marsit të vitit të kaluar.

Kryetari i komunës së Gostivarit, Arben Taravari dhe administrata komunale, të gjithë mësimdhënësve shqiptarë ua uron Ditën e Mësuesit.

Shërbimi për informim

NJOFTIM

07.03.2018

Njoftohen qytetarët e Gostivarit, se Komuna e Gostivarit ka formuar Komision për përcaktimin e dëmeve të shkaktuara nga vërshimet në përputhje me dispozitat ekzistuese ligjore.

Në përputhje edhe me rekomandimet e dala nga seanca e 6-të e Komitetit drejtues për koordinim dhe administrim në sistemin për menaxhim me kriza në nivel qendror, të mbajtur më 05.03.2018. Komuna e Gostivarit:

Fton të gjithë qytetarët e komunës së Gostivarit të cilët kanë pësuar dëme nga vërshimet e fundit, ato t’i raportojnë në Qendrën për shërbime komunale pranë Komunës së Gostivarit.

Komisioni për vlerësimin e dëmeve të shkaktuara, do të del në vendngjarje dhe konform dispozitave ligjore do të përcaktohet lartësia e zhdëmtimit.

Shërbimi për informim

SHF “Ismail Qemali” dhe SHF “Gjon Buzuku” riparojnë mjediset shkollore

Dëshmi se me investime të vogla dhe me punë të përkushtuar, por edhe me ndihmë të donatorëve mund të bëhen punë shumë të rëndësishme, janë dy shkollat fillore komunale Ismail “Qemali – Gostivar dhe “Gjon Buzuku” – Sërmnovë.
Në SHF “Ismail Qemali”, me vetëfinancim nga ndarja e terminëve në sallën sportive, është zëvendësuar inventari i vjetër me inventar të ri në sallën dhe kuzhinën e arsimtarëve, si dhe rregullimi i dhomës së pritjes për prindërit, fëmijët e të cilëve vijojnë mësimin në këtë shkollë.
Krahas kësaj, një donator i cili shmang publicitetin, është duke rinovuar mësonjëtoret e kësaj shkolle. Tashmë ka përfunduar zëvendësimi i bankave, karrigeve dhe perdeve, ndërsa janë lyer edhe muret e një mësonjëtoreje, ndërsa në vazhdim do të punohet edhe për rinovimin e mësonjëtoreve tjera.
Në SHF “Gjon Buzuku” të fshatit Sërmnovë, me mjete simbolike financiare, vetë nxënësit dhe mësimdhënësit kanë bërë zbukurimin e korridoreve duke i dhënë hapësirave shkollore një pamje tërheqëse, siç e kanë shkollat e zhvilluara në mjediset më urbane.
Komuna e Gostivarit, i përshëndet iniciativat e këtilla dhe i inkurajon edhe shkollat tjera që të ndërmarrin aktivitete të këtilla, me çka nxënësit do ta duаn më shumë shkollën ku mësojnë, do ta ndjejnë si të veten, dhe si rezultat i kësaj edhe më shumë do t’i përkushtohen mësimit.

Shërbimi për informim

Taravari u ndau mirënjohje matematikanëve të rinj dhe profesorëve të tyre

06.03.2018

Kryetari i komunës së Gostivarit, Arben Taravari priti në kabinetin e tij nxënësit e gjimnazit të Gostivarit, fitues të medaljeve në “Garat pa kufij” nga lënda e matematikës dhe profesorët e tyre.

“Kam nderin që sot të kem mysafirë nxënësit e gjimnazit të Gostivarit dhe profesorët e tyre, të cilët fituan 7 medalje ari, një medalje argjendi dhe një medalje bronzi në një garë prestigjioze rajonale nga lënda e matematikës. Ne si administratë komunale dhe gjimnazi i Gostivarit, ndjehemi shumë krenar. Nxënësit e talentuar e gëzojnë mbështetjen e Komunës së Gostivarit, sepse konsiderojmë se ambasadorët më të mirë të një populli dhe një vendi janë nxënësit е suksesshëm. Me këto rezultate të arritura të nxënësve tanë, ne i dëshmojmë regjionit dhe më gjerë, se me punë dhe vullnet mund të arrihen rezultate kulmore dhe nga radhët e këtyre nxënësve, nesër të dalin edhe shkencëtarë të mirëfilltë”, theksoi kryetari Taravari.

Në emër të nxënësve dhe profesorëve, për mikpritjen dhe ndarjen e mirënjohjeve, kryetarit iu falënderuar drejtori i SHMK “Gostivar, Dritan Imeri, duke e njoftuar atë se në garat regjionale në Bullgari, të titulluara Gara pa Kufij morën pjesë 16 mijë nxënës.

“Shpresoj se nxënësit dhe profesorët e shkollës tonë do të vazhdojnë edhe më tutje me punë, me siguri me elan akoma më të madh pas këtyre sukseseve dhe se në të ardhmen do të sjellin shpërblime akoma më prestigjioze për qytetin tonë”, nënvizoi drejtori Dritan Imeri.

Vlen të thekesohet se medalje ari në Garat pa Kufij, fituna Zehra Ebibi, Fjolla Fetaji, Hana Hasanicaj, Angela Trifunoska, Simona Janakieska, Kristina Jovanoska dhe Mustafa Esti, medalje argjenti fitoi Esra Matjan, ndërsa Egzona Jonuzi fitoi medalje bronzi.
Mentorë të nxënësve ishin profesorët Muhamed Musliu, Zejnel Efendiler, Mile Apostolloski, Irena Nofitoska. Ajbean Selimi dhe Muzafer Zulbeari.

Shërbimi për informim

Komuna e Gostivarit do të zbatojë Platformë online për ankesat e qytetarëve

05.03.2018

Komuna e Gostivarit dhe Nexus CC, nënshkruan Memorandum bashkëpunimi për zbatimin e një Platforme online që do t’ua  mundësojë qytetarëve të raportojnë ankesat lehtë dhe shpejtë, ndërsa institucioneve komunale ju mundëson kanalizimin e këtyre kërkesave në një vend të përshtatshëm.

Raporto.mk është platformë online që mbledhë ankesat e qytetarëve për shërbime  publike komunale dhe i paraqet në një hartë interaktive.

Në Platformë do të mund të raportohen problemet e kategorive siç janë: mbeturinat, gropat në rrugë, ndotësit e ajrit (tymi nga fabrikat, shtëpitë, deponitë e egra, ujërate zeza; dhe një kategori – Të ndryshme (ndriçimi publik, trotuarete dëmtuara, rrugë të papastruara nga bora dhe akulli etj.)

Për nevojat e Platformës dhe raportimin e problemeve, Komuna e Gostivarit do të caktojënjë person përgjegjës i cili do të informojë qytetarët për pranimin e ankesave deri ku është niveli i veprimit dhe në fund për zgjidhjen përfundimtare të problemit. Ky person do të jetë linku deri tek ndërmarrjet publike të cilat duhet të veprojnë dhe zgjedhin problemin.

Pas përpilimit të Platformës, përfaqësues të NEXUS, do të realizojnë  prezantim për përdorimin e  Platformës në komunën e Gostivarit.

Raporto.mk është e bazuar në platformën e hapur FixMyStreet të mySociety.

NEXUS e sjell në Maqedoni këtë Platformë në partneritet me Institutin Demokratik Kombëtar (NDI) në Uashington.

Projekti është i financuar nga Ambasada e SHBA-ve në Maqedoni përmes OJQ Democracy Lab nga Tetova.

Komuna e Gostivarit eliminon pasojat dhe parandalon përmbytjet në më shumë vendbanime

04.03.2018
Shkrirja e shpejtë e borës si pasojë e temperaturave të larta, e përcjellë edhe me reshje të shiut, ditëve të fundit rezultoi edhe me pasoja në disa pjesë të qytetit dhe nëpër fshatra. Por, i shpejtë ishte intervenimi i Komunës së Gostivarit dhe situata p vihet nën kontroll.

Ekip të Ndërmarrjes Publike “Komunalec” intervenuan në të gjitha vendbanimit ku rrjeti ekzistues i kanalizimit nuk pati kapacitet që të pranojë gjithë sasinë e ujërave atmosferikë që kapluan rrugët, ndërsa si preventivë u pastruan edhe shumë kanale dhe lumenj që të pengohet dalja e tyre nga shtrati
dhe të pengohet përmbytja e shtëpive.

Lagjet Banjeshnica dhe Grudajca, si dhe fshatrat Forinë, Balindoll dhe Turçan i Vogël ishin më të rrezikuarat, andaj dhe intervenimet e para në këto dy ditë janë bërë pikërisht në këto vendbanime.

Komuna e Gostivarit ka formuar shtabin e krizës dhe i njëjti në kontinuitet po e përcjell situatën në terren.

Shërbimi për informim

Kryetari Taravari vizitoi komunën sllovene Ljutomer – iniciohet binjakëzimi i dy komunave

02.03.2018

Kryetari i komunës së Gostivarit Arben Taravari më 28 shkurt, qëndroi në Slloveni me ç’rast vizitoi Komunën Ljutomer, ku u prit nga nënkryetari i kësaj komune, Boro Zemljak.

Qëllimi i kësaj vizite ishte që të mësohet më shumë rreth projekteve që lidhen me trajtimin e ujërave të zeza dhe menaxhimin me mbeturina komunale, si dhe të përfitohet nga përvoja e madhe e Komunës Ljutomer në aplikimin për fonde të BE-së.

Përfaqësuesit e dy komunave ranë dakord që nxënësit e shkollave të mesme të dy qyteteve të realizojnë vizita të ndërsjella.

Kryetari i komunës së Gostivarit, Arben Taravari dhe nënkryetari i komunës Ljutomer, Boro Zemljak shfaqën interesim edhe për binjakëzimin e dy komunave, për çka pritet që shumë shpejtë të fillojnë edhe procedurat përkatëse.

Taravari dhe Zemljak, shkëmbyen dhurata me simbolet e qyteteve.

Gjatë vizitës në komunën Ljutomer të Sllovenisë, kryetari Taravari ishte i shoqëruar nga shefi i kabinetit të tij, Seadin Ejupi, udhëheqësi i Zyrës për Zhvilli ekonomik lokal, Besim Dogani, si dhe profesori Abdyladi Sallmani i cili është edhe iniciator për binjakëzimin e komunës së Gostivarit me këtë komunë sllovene.

Shërbimi për informim

“E vërteta për BDI-në – rrafshohen me tokën objektet e ndërtuara me donacione të huaja”

01.03.2018

Në kuadër të press konferencave të organizuara në lidhje me fushatën “Еvërteta për BDI-në“, zëdhënësi i NP Komunalec, Mirtezan Selimi, shpalosi sot të dhëna në lidhje me keqpërdorimet e kryera gjatë mandatit të udhëhequr nga kuadro të kësaj strukture, e që kanë të bëjnë me këtë ndërmarrje.

Jua sjellim në mënyrë integrale:

“Të nderuar qytetarë, përskaj shumë keqpërdorimeve që janë bërë në ndërmarrje, ne sot do t’ju njoftojmë   për një keqpërdorim që është bërë ndaj një donacioni të huaj, konkretisht bëhet fjalë për donacion Finlandez të cilët në bashkëpunim me komunën e Gostivarit në burimin e lumit Vardar në fshatin Vërtok, ndërtuan një shtëpizë ku sipas donatorit dhe komunës, por edhe sipas projektit ishte paraparë që të ndërtohet një Info-qendër në burimin e lumit Vardar e që do të shërbente për informim të turistëve për llojllojshmërinë  biologjike të komunës së Gostivarit, ndërsa me qëllim të tërheqjes së turistëve dhe zhvillim të turizmit rural.

Pas marrjes së pushtetit lokal nga ana e funksionarëve të BDI-së, këtë objekt e rrënuan duke mos pasur parasysh qëllimin për të cilin është ndërtuar, në këtë rast për zhvillim të turizmit rural, por gjithashtu duke mos pasur respektin e duhur edhe ndaj donacioneve të huaja të cilat mezi që arrijnë në komunën e Gostivarit.

Vlera e këtij donacioni sipas projektit ka kapur shumën prej 25 mijë dollarëve amerikanë, ndërsa është rrënuar pa mos i kushtuar rëndësinë e duhur qëllimit të ndërtimit, pra zhvillim të turizmit rural në Komunën e Gostivarit. Qëllimi i projektuesit ka qenë që me këtë objekt të menaxhojë ndërmarrja publike Komunalec e cila do të punësonte edhe një ciceron që do t’i njoftonte turistët edhe me burimin e lumit Vardar, por edhe për llojllojshmërinë biologjike të këtij regjioni ku edhe përfitimet nga vizitat e turistëve do të shkonin në konto të ndërmarrjes.Ky është një shembull klasik i keqmenaxhimit me institucionet komunale.”