Do të asfaltohet një krah i rrugës së Dibrës, në Lagjen e Re

12.08.2019

Me mjete të siguruara nga buxheti I Komunës së Gostivarit, në vijim janë punët përgatitore për asfaltimin e një krahu të rrugës së Dibrës përballë Kolegjit privat “Jahja Kemal”.

Rruga ka një gjatësi prej 183 metra, ndërsa gjerësi mesatare prej 8 metrash.

“Edhe pse kjo pjesë e qytetit është e banuar prej disa dekadash, deri më tani nuk ka qenë e asfaltuar. Ky projekt është pjesë e Programit zhvillimor të Komunës së Gostivarit dhe financohet me mjete të buxhetit komunal. Projekti peshon 1.627.012 denarë, në bazë të lejes për ndërtim PA1 nr.18-112, ndërsa punimet i realizon ndërmarrja Magnum Trans-R, sipas kontratës 24-2217/17”, thekson Besim Dogani nga Zyra e ZHEL-it pranë Komunës së Gostivarit.

Vlen të theksohet se disa ditë para fillimit të punimeve për asfaltimin e kësaj rruge, përfundoi rikonstruktimi i plotë i rrugës Sllobodan Peposki, në pjesën qendrore të qytetit.

Shërbimi për informim

“The Park Festival” eventi që la gjurmë në Verën kulturore Gostivaroi 2019

05.08.2019

Me performancën e Elina Duni dhe Sasho Popovski Trio në një skenë fantastike të improvizuar mbi lumin Vardar , të dielën përfundoi edicioni i parë i ngjarjes “The Park Festival” që gjashtë ditët e kaluara u mbajt në Gostivar dhe brenda të cilit dashamirët e muzikës mundën t’i ndjekin shfaqjet e artistëve të njohur të muzikës nga vendi dhe jashtë saj.

Në pamundësi për të marrë pjesë në përmbylljen e Festivalit, kryetari Arben Taravari falënderoi publikisht të gjithë ata që kontribuan që ky festival, ashtu siç e kishte edhe moton, të lë gjurmë dhe të synojë të bëhet tradicional.

“Organizatorëve (Inbox Entertainment) të “The Park Music Festival”, përzemërsisht ju falënderohem për organizimin e shkëlqyeshëm të festivalit. Faleminderit që krijuat një ambient fantastik në komunën e Gostivarit. Faleminderit ish ministrit për kulturë Asaf Ademit, si njeri që mundësoi që të ndahet një buxhet i konsiderueshëm për organizimin e këtij festivali. Dhe më ne fund, faleminderit këshilltarëve të komunës së Gostivarit që njëzëri votuan për ko-financimin e kêtij festivali kaq të suksesshëm në qytetin tonë”, shkroi Taravari në profilin e tij në FB.

Ministri i Kulturës, Hysni Ismaili, i cili mori pjesë në përmbylljen e kësaj ngjarjeje, në fjalimin e tij para të pranishmëve theksoi se festivali me shenjën e tij ndërkombëtare, vizitorët e shumtë dhe energjinë që rrezaton nga skenat e vendosura në lokacione të shumta në qytet janë vetëm një konfirmim për hapjen e perspektivave të reja mbi zhvillimin dhe pasurimin e hapësirës kulturore, jo vetëm në Gostivar, por edhe në vendin tonë.

Vlen të theksohet se The Park Festival gjeti mbështetjen edhe të ndërmarrjeve publike të Komunës së Gostivarit, si dhe nga disa organizata joqeveritare ndërsa gjatë 6 netëve, ai u vizitua nga mijëra qytetarë të Gostivarit dhe më gjerë.

Shërbimi për informim

U mbajt Konferenca shkencore “Etno-kultura e trevës së Gostivarit”

07.08.2019

Në kuadër të Verës kulturore të Gostivarit, gjatë fundjavës që lame pas, u mbajt në Mavorvë, Konferenca shkencore e titulluar “Etno-kultura e trevës së Gostivarit”, projekt ky i mbështetur nga Ministria e Kulturës dhe Komuna e Gostivarit në organizim të Shoqatës së etnokluturës shqiptare “Etnolab”.

Në hapjen e Konferencës, të pranishmëve iu drejtua kryetarja e shoqatës Bukruije Mustafa, e cila njoftoi se kjo është konfernca e tretë me radhë dhe se punimet e kësaj konfernece do të botohen në një numër të veçantë të revistës “Etnoalb”, organ ky i shoqatës.

“Shoqata Etnoalb është e përcaktuar që të vazhdojë me synimet e afirmimit dhe promovimit të vlerave kulturore shqiptare, sepse mendojmë se kemi një thesar të paçmueshëm etnokulutuor i cili vlen të prezanothet si në vend, ashtu edhe jashtë”, theksoi znj. Mustafa.

Ndër temat të cilat u trajtuan në këtë kofernecë mund të veçojmë: Elementet identirare të Gostivarit dhe të Rekës, Këngët dhe rritet e motmotit, Etnoklutura dhe tarshëgimia në trevën e Rekës së Epërme, Kurbeti i shprehur nëpërmjet vargjeve popullore, Kontributi i Edibe Osmanit si etnologe, si dhe Specifikat e shënimit të Sëngjergjit në fshatin Reçan.

Shërbimi për informim

APEL

07.08.2019

Apelojmë deri tek të gjithë qytetarët e komunës së Gostivarit, që me rastin e prerjes së kurbaneve të Bajramit, të kujdesen për higjienën publike dhe mbetjet nga kafshët e therura të mos i hedhin nëpër kontejnerë.

Kjo me qëllim që të shmanget kundërmimi i erës së keqe dhe që kjo Ditë e Madhe të kalojë në frymë festive.

Rekomandojmë që ata të cilët kanë mundësi, mbetjet t’i groposin në pronën e tyre private, ose të njëjtat t’i hedhin në deponinë Rusinë.

Inspektorët dhe rendmbajtësit komunalë do të jenë vazhdimisht në terren dhe do të ndërmarrin të gjitha masat e parapara me Ligjin për pastërti publike, ndërsa luten qytetarët që të denoncojnë veprimet jashtë normave të personave të papërgjegjshëm.

Me respekt,

Inspektorati komunal pranë Komunës së Gostivarit

Shërbimi për informim

NJOFTIM

07.08.2019

Nesër (e enjte) prej në ora 10:00 deri në ora 14:00, në sallën e Këshillit të Komunës së Gostivarit, Kryqi i Kuq në bahskëpunim me Reaprtine Transfuziologjisë do të realizojnë Aksion për dhurimin e gjakut.

Komuna e Gostiavarit i inkurajon të gjithë qytetarët e shëndetshëm të moshës madhore, të bëhen pjesë e këtij aksioni dhe të dhurojnë gajk për të shpëtuar jetë.

Shërbimi për informim

Press konferencë: E vërteta për shkarkimin e drejtorëve të shkollave për të 6-tën herë

29.07.2019

Në një konferencë për shtyp ne lidhje me shkarkimin e drejtorëve të shkollave për të 6-tën herë u prononcua Shkëlqim Veseli nga shërbimi juridik pranë komunës së Gostivari.

“Është e ditur se dy herë radhazi Kryetarit të komunës së Gostivarit i merren kompetencat nga ana e ministrit të arsimit, në pjesën për emërim dhe shkarkim të drejtorëve.

Në periudhën kur kompetencat i kryen ministri, të gjitha veprimet i ndërmerr në emër dhe llogari të kryetarit të komunës së Gostivarit, e theksuar në dispozitiv të aktvendimit.

Me marrjen e kompetencave për herë të parë, ministri ka emëruar drejtorë në të gjitha shkollat fillore dhe të mesme të komunës së Gostivarit. Po ashtu, ka një rast të veçantë pasi që ministri në këtë periudhë ka shpallur nul aktvendim për zgjedhje të drejtorit në SHFK Përparimi, me arsyetim se shpallja publike nuk ka qenë në pajtueshmëri me ligjin.

Me kthimin e kompetencave dhe duke pasur njohuri për aktvendimin e ministrit, Kryetari i komunës së Gostivarit i është drejtuar Inspektoratit Shtetëror të Arsimit (ISHA), të vërtetoj gjendjen në të gjitha shkollat e Komunës së GV.

Me njoftim të ISHA, është vërtetuar se në të gjitha shkollat shpallja publike për zgjedhje të drejtorit nuk ka qenë në pajtueshmëri me ligjin.

Me kalimin e afatit të aktvendimit për marrjen e kompetencave, Kryetari i komunës i ka ndërmarrë të gjitha veprimet në pajtueshmëri me ligjin për të evituar veprimet antiligjore të bëra nga ministri në emër dhe llogari të tij. Respektivisht kryetari i komunës në të gjitha shkollat fillore ka shpallë nul aktvendime për zgjedhje të drejtorëve pasi që shpallja publikë për zgjedhjen e tyre nuk është bërë në pajtueshmëri me ligjin, ndërsa meqë në ligjin për arsim të mesëm nuk është paraparë sakt se në sa gazeta ditore duhet të bëhet shpallja, është bërë shkarkimi i drejtorëve

Pas këtyre veprime nga ana e ISHA është kryer mbikëqyrje e jashtëzakonshme në të gjitha shkollat. Për rast të njëjtë kemi dy udhëzime te ndryshme nga ana e ISHA.

Në SHFK Ismail Qemali, është kryer mbikëqyrje është sjell përfundim se nuk është shkaktuar asnjë shkelje nga ana e Kryetarit të komunës.

Për rastin e njëjtë në shkollë fillore tjetër, është dhënë udhëzim për veprime të tjera.

E gjithë kjo procedurë e përshpejtuar nga ISHA  për të arritur deri te qëllimi politik, për ti marrë kompetencat Kryetarit të komunës. Pra misioni i ISHA ka qenë të vijë deri te marrja e kompetencave, duke e ditur se Komisioni i shkallës së dytë për vendosje në procedurë administrative dhe procedurë nga marrëdhënia e punës është organ kompetent për vendosje.

Ministri i arsimit i merr kompetencat kryetari akoma pa mos pasur vendim nga komisioni i shkallës së dytë si organ kompetent, me qëllim që ai të vendos në bazë të vendimit të komisionit.

Më pas kemi Vendime te komisionit të shkallës së dytë që janë identik me aktvendimin me të cilën  merren kompetencat. Aty theksohet se kryetari nuk është as organ i shkallës së parë, as organ i shkallës së dytë as organ që mund të ushtroj kontroll! Pyesim publikisht këto institucione çfarë organi është kryetari atëherë?

Kryetari i komunës është organ i shkallës së parë, në emër dhe për llogari të të cilit ministri i arsimit ka emëruar dhe shkarkuar drejtorë në cilësinë e organit të shkallës së parë, në periudhën kur i ka  ushtruar kompetencat ne atë pjesë. Nuk mundet dikush në emër dhe llogari të kryetarit të ketë mundësi ta bëjë, ndërsa për veprimet e njëjta kryetari të mos ketë mundësi në emër dhe për llogari te vetë të veprojë.”

Mini-spektakël me fëmijët me nevoja speciale në kuadër të Verës Kulturore Gostivari 2019

26.07.2019

Në ditën e dytë të Verës Kulturore Gostivari 2019 që edhe sivjet mban moton “Mirë se vini mërgimtarë” u realizua aktiviteti i titulluar “Sporti na bashkon”. Ky aktivitet i cili ngjasonte në një mini-spektakël u mbajt në sallën sportive “Rinia” dhe ishte i dedikuar për fëmijët me nevoja të posaçme.

Për disponim të mirë të fëmijëve u kujdes Klubi i Karatesë “Asiart”, nën udhëheqjen e karateistit Berat Jakupi, ndërsa gjatë gjithë kohës të gjithë fëmijët pjesëmarrës bënin aktivitet sportiv dhe argëtues.

Aktiviteti u mbështet nga Komuna e Gostivarit në bashkëpunim me Shoqatën për persona me aftësi të kufizuara “Bashkërisht Mundemi”.

Nga Sektori për veprimtari publike thonë se Komuna e Gostivarit i kushton vëmendje të veçantë kësaj kategorie fëmijësh dhe se do të vazhdojë të organizojë apo mbështesë çdo aktivitet në drejtim të inkluzionit të tyre social.

Sonte, në natën e tretë të Verës Kulturore, hapet The Park Festival ku do të perfomojë MC Kresha Lirical Son dhe disa dixhejë.

Shërbimi për informim

Fillim i mbarë i Verës Kulturore Gostivari 2019 – u realizuan dy projekte me më shumë aktivitete

25.07.2019

Vera Kulturore Gostivari 2019 që edhe sivjet mban moton “Mirë se vini mërgimtarë” filloi dje me dy projekte, me ç’rast u realizuan një sërë aktivitetesh kulturore dhe sportive-rekreative.

Gjatë ditës, u mbajt “Fly, bike and hike”, projekt ky i ambasadës së Britanisë së Madhe dhe ambasadës së Holandës me mbështetje të Komunës së Gostivarit, ku u bë fluturimi me paraglajder mbi fshatin Çegran, marsh me biçikleta nga Komuna deri në stacionin filtrues ne Vërtok dhe ecje në natyrë përskaj lumit Vardar prej Vërtoku në qytet.

“Fly, bike and hike” është aktivitet në kuadër të projektit “Fuqizimi i qëndrueshmërisë kundër ekstremizmit të dhunshëm të komuniteteve lokale në Maqedoni”.

Në aktivitete u kyç edhe kryetari i komunës së Gostivarit, Arben Taravari i shoqëruar nga ambasadorja britanike Rachel Galeway dhe zv.ambasadori i Holadnës Andri Van Mens.  

Në mbrëmje, të rinjtë e Gostivarit patën rastin që në sheshin e qytetit të argëtohen nën tingujt e muzikës të bashkëmoshanikëve të tyre në koncertin e titulluar “New Stars are Coming”, ku performuan këngëtarë të përkatësive të ndryshme etnike, organizuar nga Këshilli Rinor i Komunës së Gostivarit.

Ndërsa, sonte në program është aktiviteti i titulluar “Sporti na bashkon” që do të mbahet në sallën sportive “Rinia” me fillim në ora 18:00 , me pjesëmarrje të fëmijëve me nevoja të posaçme.    

Shërbimi për informim

[/lsvr_accordion]

Njohtim për realizim të aktivitetit sportiv “Fluturim, Çiklizëm dhe Ecje“ në Komunën e Gostivarit si pjesë e projektit “Fuqizimi i qëndrueshmërisë kundër ekstremizmit të dhunshëm të komuniteteve lokale në Maqedoni”

Të nderuar,

Qendra për bazë të përbashkët QBP me përkrahje nga Ambasada Britanike dhe Ambasada e Mbretërisë së Holandës në Shkup realizon projektin “Fuqizimi i qëndrueshmërise kundër ekstremizmit të dhunshëm të komuniteteve lokale në Maqedoni”, me kohëzgjatje prej 15 tetor 2018 deri më 15 tetor 2020. Projekti synon të mbështesë Strategjinë Kombëtare dhe Planin Aksional për Kundërshtimin e Ekstremizmit të Dhunshëm duke forcuar bashkëpunimin ndërmjet aktorëve lokal duke përfshirë drejtuesit civilë, fetarë dhe të rinjt dhe autoritetet lokale / qendrore për çështjet e Parandalimit dhe Kundërshtimin e Ekstremizmit të Dhunshëm duke krijuar Ekipet e Veprimit në Komunitetit (EVK) brenda tre pilot komunave Çair, Gostivar dhe Kërçovë.

Përveç këtyre aktiviteteve, do të organizohen ngjarje sportive dhe kulturore në tre pilot komuna, ku do të marrin pjesë të rinj, qytetarë nga Komuna e Gostvarit. Aktiviteti i dytë sportiv është paraparë të realizohet në Komunën e Gostvarit në 24.07.2019 (e mërkurë), ky aktivitet përfshin elemente të bashkëpunimit, komunikimit dhe ndërlidhjen e fëmijëve dhe të tjerëve me prejardhje të ndryshme etnike, në të njëjtën kohë, promovimin e tolerancës, bashkëjetesës paqësore, kohezionit social dhe bashkëpunim në nivel kulturor. Aktiviteti sportiv “Fluturim, Çiklizëm dhe Ecje“ do të fillojë në ora 10.00 në Fshatin Koritë. Gjatë orës së parë, paraglaiderista profesionistë do të fluturojnë së bashku me pjesëmarrësit e interesuar. Pikë-nisja me paraglaider do të jetë në fshatin Koritë, ndërsa zbritja në fshatin Çegran. E pasuar me çiklizëm, ku pjesëmarrësit do të sjellin biçikletat personale dhe do të ngasin biçikletë nga Gostivari deri në Vërtok. Në fund, qytetarët do të bëjnë ecje gjysëm malore/të lehtë rreth lumit Vardar, duke u nisur nga Vërtoku për në Gostivar.

Në orën 12.30 Kryetari i Komunës së Gostivarit Z. Arben Taravari do të mirëpresi Ambasadoren e Mbretërisë së Bashkuar Zonjën Rachel Galloway, në Vërtok dhe më pas Zonja Galloway do të marri pjesë në aktivitetitn e ecjes deri në Gostivar.
Përveç qytetarëve, çiklistë profesionistë dhe paraglaideristë do të jenë pjesë e ngjarjes një ditore.
Ngjarja nuk do të ketë fjalime oficiale, e njejta do të fokusohet vetëm në promovimin e sportit si vlerë dhe çiklizmin si mënyrë ekologjike dhe e shëndetshme transportuese.

Për më shumë informacione dhe pregaditjet e mëtejshme në lidhje me këtë ngjarje mund të më kontaktoni në mob 078/243-953.

Faleminderit paraprakisht për bashkëpunimin.