NJOFTIM: Të martën do të bëhet dezinsektimi i parë nga toka në territorin e komunës së Gostivarit

04.07.2018

Njoftohen qytetarët se më datë 10.07.2018 (e martë), do të bëhet dezinsektimi i parë nga toka në territorin e Komunës së Gostivarit për zhdukjen e mushkojave të rritura dhe dëmtuesve të tjerë.
Dezinsektimi do të kryhet në mbrëmje pas orës 24:00 deri në orët e hershme të mëngjesit, vetëm në kushte të mira atmosferike.

Lokacionet në të cilat do të bëhet dezinsektimi nga toka janë me sa vijon:
Rr. “Zhivko Brajkoski” – Parku i i qytetit nga ana e majtë e lumit Vardar, rr. “M.Ç Filiposki” – Parku i qytetit nga ana e djathtë e lumit Vardar, Spitali i qytetit, rr. “JNA” deri te udhëkryqi i Zdunjës, shtrati i lumit Vardar në atarin e fshatit Raven, kanali prej udhëkryqit të Zdunjës – Zona e VI – Maleardi – rr. Boris Kidriç – rr.Beliçica deri në lagjen Fazaneria- vendbanimi Banjicë – bulevari i Vëllezërit Gjinoski, përmes Sheshit të qytetit deri në dalje të qytetit kah fshati Çajlë e deri tek lumi Jahorkë në fshatin Forinë .

Në rast të kohës me shi ose me erë të fortë dezinsektimi do të anulohet për ditën e ardhshme ose për ndonjë ditë tjetër me kushte më të mira atmosferike.
Për dezinsektim do të përdorët Aurodil i tretur në bazë të prospekteve të prodhuesit për përdorim, edhe atë 50 ml / 5 l.

Luten kultivuesit e bletëve që të marrin masat e duhura mbrojtëse, që do të thotë të strehojnë bletët në kutitë e tyre, të sigurojnë sasi të nevojshme të ujit për mbajtjen e bletëve të mbyllura minimum 5-6 orë pas trajtimit të territorit.
Dezinsektimin do ta kryejë SHPTSHP “PLANT MEDIKA”.

Shërbimi për informim

Rikonstruktohet dhe zgjerohet një segment i rrugës rajonale Gostivar-Sërmnovë

03.06.2018

Pas përfundimit të fazës përgatitore për rikonstruktim dhe zgjerim të rrugës rajonale Gostivar-Sërmnovë në pjesën ndërmjet fshatrave Llakavicë dhe Sërmnovë, nesër do të fillojë gërryerja dhe asfaltimi i segmentit në gjatësi prej 1967 metra.

Ndonëse rruga Gostivar – Llakavicë si rrugë rajonale është nën menaxhimin e shtetit, më së shumti mjete investon Komuna e Gostivarit, me qëllim që tu dilet në ndihmë qytetarëve të kësaj ane të cilët prej shumë vitesh ballafaqohen me një rrugë tejet të dëmtuar, ku mezi shihen gjurmët e asfaltit të dikurshëm.

Rikonstruktimi i një pjese të segmentit rrugor Llakvicë – Sërmnovë është projekt i përbashkët i Komunës së Gostivarit, Byrosë për Zhvillim Rajonal, Qendrës për Zhvillim Planor të Rajonit të Pollogut, si dhe banorëve dhe mërgimtarëve të kësaj ane të cilët kanë kryer punë në vlerë prej 150 mijë eurosh, respektivisht kanë zgjeruar rrugën për 1,5 metra në gjithë gjatësinë e saj prej mbi 8 kilometra.

Për të ndjekur nga afër punimet, dje dolën në terren kryetari i komunës së Gostivarit, Arben Taravari, drejtori i Byrosë për Zhvillim Rajonal, Ramiz Rexhepi, si dhe banorët e fshatit Sërmnovë.

“Kontratës që kishim me Byronë për Zhvillim Rajonal dhe Qendrës për Zhvillim Planor të Pollogut , i shtuam një aneks me të cilin ne si Komunë u pajtuam që të rrisim shumën e participimit, kështu që projekti në fjalë arrit vlerën prej 10,3 milion denarë, pa mos llogaritur këtu koston e punimeve që u financuan nga vetë banorët lokalë. Pra, participimi i komunës për këtë fazë të punimeve arriti vlerën prej 6 milion denarë. ndërsa i Byrosë 4,3 milion denarë. Po ashtu, pranuam kërkesën e banorëve që të zvogëlohet gjatësia e segmenti që rikonstruktohet në favor të gjerësisë, që të mundësohet përkalimi i papenguar i dy automjeteve”, theksoi Taravari.

Pjesa e asfaltuar e rrugës do të ketë gjerësi prej 4,5 metrash, që nënkupton se shtresa e përgjithshme e asfaltit të ri do të jetë me sipërfaqe të përgjithshme prej 8850 metra katrorë, ndërsa në vijim Komuna e Gostivarit do të bëjë mbushjen dhe arnimin e gropave në pjesën e mbetur të rrugës.

Kryetari Arben Taravari, u premtoi banorëve të kësaj ane se në rast se nga NP “Rrugët e Maqedonisë, nuk përmbushin obligimin e tyre për vendosjen e sinjalistikës horizontale dhe vertikale, Komuna e Gostivarit është e gatshme që ta bëjë edhe këtë, megjithëse nuk është obligim i saj.

Shërbimi për informim

Taravari ia dorëzon çelësin e artë të qytetit shkencëtarit dr. Feigenblatt

02.07.2018

Kryetari i komunës së Gostivarit, Arben Taravari ia dorëzoi Çelësin e artë të qytetit, profesorit dhe veprimtarit Dr. Otto F von Feigenblatt.

Është hera e parë që Komuna e Gostivarit ndan Çelësin e artë të qytetit dhe është një nder i veçantë që atë ia dorëzojmë pikërisht një veprimtari dhe shkencëtari i cili ka doktoruar në shkencat juridike dhe shoqërore. Është i ri për nga mosha por mjaft i suksesshëm. Shpresoj që me zotërinë të vazhdojmë të kemi bashkëpunim edhe në të ardhmen në të gjitha aspektet. Njëherit shpresoj se në Gostivar, edhe në të ardhmen do të kemi personalitete të cilëve do tu dorëzojmë Çelësin e artë” theksoi Taravari.

Profesori Feigenblatt, falënderoi kryetarin Taravari për këtë nder të veçantë, duke theksuar rolin shumë të rëndësishëm të komunave në zhvillimin dhe përparimin e të gjitha vendeve në botë.

Vetëqeverisjet lokale janë shumë të rëndësishme për zhvillimin e shteteve dhe të botës në përgjithësi dhe shpresoj e akademikët si unë, mund të ndihmojnë në përparimin e komunave. Ju falënderoj nga zemra dhe ndjehem shumë i nderuar që pranova këtë çmim”, theksoi profesori Feigenblatt.

Ndryshe, Dr. Otto F von Feigenblatt përveç që është një mik i madh Gostivarit, është edhe një lobues i mirë i çështjeve të mëdha të cilat i shoqërojnë shqiptarët në përgjithësi. Është një nga lobuesit kryesor për njohjen e Kosovës në vendet e Amerikës Latine dhe vende tjera. Është një personalitet që angazhohet të bashkëlidhë institucionet akademike shqiptare në Maqedoni, Kosovë dhe Shqipëri me institucionet më prestigjioze akademike në Spanjë, SHBA, Amerikës Latine dhe Evropën Perëndimore, si dhe për promovimin e trojeve shiptare si destinacione turistike dhe vende të përshtatshme për investime.

Shërbimi për informim

Në Gostivar do të hapet stacionar për trajtim të qenve endacak

02.07.2018

Kryetari i i komunës së Gostivarit, Arben Taravari në një prononcim të tij për media gjatë një aksioni ekologjike në Gostivar, parajalmëroi hapejn e një stacionari për trajtimin qenve endacakë në territorin e komunës. Ai njoftoi se tashmë është hapur tenderi dhe se shumë shpjet do të aktivizohen 20 bokse për vendosje e qenve për të cilët do të përkujdeset ekip profesional.

Tenderi tashmë është shpallur dhe së shpejti do të vihet në funksion Stacionari për trajtimin qenve endacakë të cilët do të kapen në territorin komunës së Gostivarit. Në njërin nga ish objektet e ish kazermës, do të ketë 20 bokse për qen, do të angazhohen dy veterinerë të cilët do t’i vaksinojnë dhe do t’i sterilizojnë qentë endacak, do tu vendosen çipa nën lëkurë si garanci se janë të pastër dhe nëse do të ketë të interesuar, do të mund t’i adoptojnë ato”, theksoi Taravari.

Nëse gjithçka shkon sipas dinamikës së paraparë, stacioni do të mund të lëshohet në përdorim deri në fund të këtij muaji.

Shërbimi për informim

Aksion i madh ekologjik në Gostivar, deponitë e egra do të shndërrohen në sipërfaqe të gjelbëruara

02.07.2018

Gjatë fundjavës, Komuna e Gostivarit nëpërmjet dy ndërmarrjeve publike “Komunalec” dhe “Parkingje publike dhe gjelbërime”, realizoi gjatë[ë fundjavës që lame pas një aksion të gjerë ekologjik për pastrimin e deponive të egra të krijuara në disa lokacione brenda dhe në periferi të qytetit.

Aksionin në fjalë, në të cilin u angazhuan mekanizimi dhe krahu i punës së dy ndërmarrjeve publike, me ç’rast u pastruan dhe u bartën dhjetëra kamionë me mbeturina dhe mbetje ndërtimore, e ndoqi edhe kryetari i komunës së Gostivarit, Arben Taravari.

Ashtu siç kemi premtuar, të gjitha mini-deponitë e krijuara nga qytetarët e pandërgjegjshëm, do t’i pastrojmë dhe do t’i shndërrojmë në sipërfaqe të gjelbëruara. Në këtë pjesë, do t’i pastrojmë të gjitha deponitë e egra, duke filluar prej këtu, te isha kazermat e deri në fshatin Gjonovicë e Poshtme”, theksoi Taravari.

Ai njëherit bëri apel deri tek qytetarët që të kujdesen më shumë për një mjedis të pastër jetësor, si dhe tu bashkëngjiten aksioneve të cilat i organizon Komuna e Gostivarit apo shoqatat e ndryshme ekologjike, sepse sipërfaqet e gjelbra publike janë një pasuri e përbashkët e të gjithë qytetarëve.

Drejtoi I NP “Komunalec”, Isak Lazami, njoftoi se këtyre ditëve do të fillojë edhe monitorimi i rrugës e cila çon deri te deponia Rusino, rrugë kjo përskaj së cilës edhe hidhen më së shumti mbetje urbane dhe ndërtimore, respektivisht do të ketë roje dhe kamera dhe do të ndërmerren masa adekuate ndaj shkelësve.

Gjatë fundjavës u pastruan mini-deponitë e egra te ish kazerma dhe lokacione tjera në afërsi të saj, si dhe mini-deponitë ndërmjet dy stadiumeve të futbollit, në zonën rekreativ-sportive të qytetit.

Shërbimi për informim

Hapet këndi i ri fëmijëve te banesat kolektive te tregu i qytetit

29.02.2018

Kanë përfunduar punimet për ndërtimin e këndit ë ri për fëmijë tek banesat kolektive përballë tregut të madh të qytetit në Gostivar, si pjesë e projektit të Komunës së Gostivarit për ndërtimin e katër këndeve të reja dhe riparimin e dy këndeve ekzistuese të lojërave në territorin e komunës.

Këndi i ri i fëmijëve tashmë është në funksion dhe shfrytëzohet nga fëmijët që banojnë në këtë pjesë, ndërsa prindërit shprehen shumë të kënaqur që tani kanë mundësi më shpesh t’i nxjerrin fëmijët si dhe më lehtë t’i kenë nën kontroll, shkaku i afërsisë së këndit me banesat e tyre.

Paraprakisht u ndërtuan këndet e lojërave te shkolla “Faik Konica” në fshatin Debresh, dhe përballë Gjykatës në Gostivar, kënd ky tek i cili u instalua edhe ndriçim publik që të mund të shfrytëzohet edhe në orët e mbrëmjes.
Për rregullimin e këndeve të fëmijëve Komuna e Gostivarit ka ndarë nga buxheti i saj rreth 2,3 milion denarë. Por, krahas këndeve që janë planifikuar për këtë fazë, në periudhën e ardhshme do të ndërtohen edhe disa të tjera në qytet dhe nëpër fshatra.

Shërbimi për informim

Njoftim

29.06.2018

Njoftohen qytetarët se nesër (e shtunë) është afati i fundit për dorëzimin të kërkesave për rregullim të statusit juridik të objektit të ndërtuar pa leje (legalizim) për të gjithë ata aplikues të cilëve u është refuzuar kërkesa për legalizim e parashtruar në vitin 2011.

Po ashtu, nesër është afati i fundit edhe për dorëzim të elaboratit gjeodezik për objektet e ndërtuara pa leje për të cilët kërkesë është parashtruar në vitin 2015/2016.

Me qëllim që tu dalë në ndihmë qytetarëve,, Komuna e Gostivarit ka angazhuar ekip kujdestar i cili nesër (e shtunë), do të bëjë pranimin e kërkesave, edhe atë prej në ora 9:00 deri në ora 20:00 në Qendrën për Shërbime Komunale që gjendet në katin përdhes të objektit të Komunës së Gostivarit.

Aplikuesit do të duhet të dorëzojnë:

– Letërnjoftim

-Fletëporosinë

– Fletëpagesë prej 250,00 denarë (mund ta bëjnë edhe në Komunë me kartelë elektronike)

Komuna e Gostivarit ftojnë qytetarët të shfrytëzojnë afatin e fundit për të rregulluar statusin juridik të objektit të tyre të ndërtuar pa leje dhe ta shndërrojnë atë në pasuri ligjor ekonomike.

Shërbimi për informim

Kryetari Taravari priti futbollistin e mirënjohur Admir Mehmedi

28.06.2018

Kryetari i komunës së Gostivarit, Arben Taravari priti sot në kabinetin e tij futbollistin e kombëtares së Zvicrës, me prejardhje nga Gostivari, Admir Mehmedi.

“Njerëzit tanë të cilët jetojnë jashtë vendlindjes janë ambasadorët tanë më të mirë nëpër botë, sidomos ata të cilët shënojnë suksese në sferën e shkencës, kulturës dhe sportit. Para disa ditësh patëm nobelistin Ferid Murad, ndërsa sot kemi mysafir në Komunën tonë futbollistin me famë botërore, Admir Mehmedi. Na bën nder që është sot këtu me ne dhe shpresoj se karriera e tij e cila ka filluar patra dhjetë vitesh, do të vazhdojë edhe dhjetë vite tjera, si në kombëtaren e Zvicrës, ashtu edhe në klubet futbollistike ku ai do të luajë”, theksoi Taravari.

Admir Mehmedi falënderoi kryetarin Taravari për mikpritjen dhe i dëshiroi atij sukses në qeverisje, duke uruar që Komuna e Gostivarit të ketë një zhvillim dhe përparim sa më të madh në të gjitha fushat.

Në shenjë respekti ndaj njëri-tjetrit, Taravari dhe Mehmedi shkëmbyen dhurata simbolike. Mehmedi i dhuroi Taravarit fanellën e kombëtares zvicerane me numrin 18, ndërsa Taravari Memedit i dhuroi pllakatën e Komunës së Gostivarit.

Ndryshe, Mehmedi është futbollisti i parë shqiptar, i cili ka shënuar gol në Kampionat Botëror të futbollit. Shkaku i një operacionit të ligamentit, Mehmedi në këtë kampionat botëror nuk është pjesë e kombëtares së Zvicrës.

Shërbimi për informim

Filluan punimet për ndërtimin e këndit të fëmijëve te banesat kolektive te tregu i qytetit

27.06.2018

Kanë filluar punimet për ndërtimin edhe të një këndi të ri për fëmijë, kësaj radhe tek banesat kolektivë përballë tregut të madh të qytetit në Gostivar.

Kjo bëhet në kaudër të projektit të Komunës së Gostivarit për ndërtimin e katër këndeve të reja dhe riparimin e dy këndeve ekzistuese të lojërave në territorin e komunës.

Paraprakisht u ndërtuan këndet e lojërave te shkolla “Faik Konica” në fshatin Debresh, dhe përballë Gjykatës në Gostivar, kënd ky tek i cili u instalua edhe ndriçim publik që të mund të shfrytëzohet edhe në orët e mbrëmjes.

“Për rregullimin e këndeve të fëmijëve Komuna e Gostivarit ka ndarë nga buxheti i saj rreth 2,3 milion denarë. Por, krahas këtyre këndeve që i kemi planifikuar për këtë fazë, do të mundohemi që në periudhën e ardhshme të ndërtojmë edhe disa të reja”, thotë Jasin Demiri – zëdhënës i komunës së Gostivarit .

Shërbimi për informim

Të hënën do të hapet Zyra për Mërgimtarët pranë Komunës së Gostivarit

27.06.2018

Të hënën (2 korrik), do të fillojë me punë Zyra për Mërgimtarët pranë Komunës së Gostivarit.

Zyra do të qëndrojë e hapur deri më 31 gusht, për tu rihapur sërish në muajin dhjetor kur mërgimtarët tanë do të kthehen sërish në vendlindje për të kaluar pushimet.

Zyra për Mërgimtarët do të funksionojë në formën e “Sistemit një sportel”, ndërsa orari i punës do të zgjasë prej në ora 08:00 deri në ora 20:00, çdo ditë pune.

Hapja e kësaj zyre bëhet me qëllim që mërgimtarëve tanë tua lehtësojmë deri në maksimumin e mundshëm procedurat administrative pranë Komunës.

Zyra për Mërgimtarët gjendet në Qendrën për Shërbime Komunale, në katin përdhes të selisë së Komunës së Gostivarit.

Shërbimi për informim