Обезбедени 120 илјади евра за изградба на локални патишта во Падалиште и Трново

27.11.2017

Во рамки на програмата за развој на руралната инфраструктура финансирана од Европската Унија и кофинансирана од националниот буџет, Општина Гостивар обезбеди средства во висина од 120.000 евра. Програмата ја имплементира Министерството за финансии, а истата е администрирана од страна на Светска банка.

Општина Гостивар доби право да користи ЕУ грант во висина од 90.000 евра за изградба на два локални патишта, едниот во село Падалиште и другиот во село Трново. Вкупната вредност на проектите изнесува 120.000 евра и истиот ќе биде кофинансиран од националниот буџет во износ од 30.000 евра.

Се очекува со изградбата на овие патишта да се подобри сообраќајната комуникација во овие населени места и истите подобро да се поврзат со градот Гостивар. Благодетите од овие проекти директно ќе ги почуствуваат сите жители на општина Гостивар и ќе се овозможат побезбедни услови за сообраќај на пешаци и возила.

Служба за информирање

ЈП “Јавни паркинзи и зеленило” – акција за кастрење на дрвјата и чистење на речното корито во село Дебреше

29.11.2017

Во пресрет на зимата, Јавното претпријатие “Јавни паркинзи и зеленило”, е пред завршување на акцијата за крастење на дрвјата во јавните површини во градот Гостивар.

“Во моментов работиме на крастење на дрвјата во малиот градски парк и акцијата веќе е во завршна фаза. Ќе ги искористиме до максимум деновите со погодно време за работа, за да зеленилото и дрвјата ги доведеме во задоволителна состојба “, вели директорот на ова претпријатие, Музафер Зулбеари.

Од друга страна, претпријатието презеде акција и за чистење на коритото на реката околу џамијата во село Дебреше. Од ова претпријатие информираат дека ваквата акција се презема поради причини што речното корито било полно со отпадоци и дека тоа било и барање на селаните.

Акции за чистење на речните корита во селата од подрачјето на општина Гостивар, ќе се спроведуваат во континуитет, зависно од потребите.

Служба за информирање

 

Училишните директори назначени поради нивната професионалност, а не поради партиската припадност

29.11.2017

Му благодариме на огранокот на ДУИ во Гостивар што е загрижен за тоа како ги вршиме работите ние во Општината. Само што овие од ДУИ се заложници на минатото и со оглед на тоа дека во нивно време нивните одлуки ги носеше само еден човек, мислиме дека автократија продолжува! Не! Имаме добри вести и за ДУИ. Одлуките кај нас не се носат само од страна на градоначалникот, г. Арбен Таравари, туку од сите надлежни лица овластени со закон, заедно со градоначалникот. Заврши времето на диктаторите! Во овој контекст, ја информираме загрижената јавност на ДУИ, дека сите активности за вработување се преземени во согласност со професионалноста, а не како во изминатиот период кога на луѓето им се гледаше партиската припадност, а не професионалната квалификација.

Иако во Гостивар сите се знаеме едни со други, по се изгледа овие од ДУИ не знаат дека г-ѓа Шпреса Усеини не е претседател на Форумот на жени на Алијансата за Албанците, што би било чест и задоволство доколку беше, бидејќи оваа дама е учителка која работи повеќе години, со висока стручност во Основното училиште “Исмаил Ќемали” и беше колективот на ова училиште што предложи таа да биде на оваа функција оваа институција.

Претседател на Форумот на Жените на Алијансата за Албанците е г-ѓа. Афердита Мислими Хамза, за која сме горди што е во редовите на нашата група. Така што, огранокот на ДУИ во Гостивар, за секоја нејаснотија може да контактира со одговорните лица во Општината, за да наредниот пат не испаднат лажговци.

Ви благодариме,

Општина Гостивар – Служба за информирање

ОБСЕ, МВР и Општина Гостивар, спроведуваат заеднички проект “Кажи НЕ на говорот на омраза”

28.11.2017
ОБСЕ и Отсекот за превенција при СВР Тетово, во соработка со општина Гостивар, започнаа со спроведување на превентивно-едукативниот проект “Кажи НЕ на говорот на омраза”.
Со овој проект ќе бидат опфатени учениците од прва година од четирите општински средни училишта во Гостивар кои посетуваат настава на албански, македонски и турски јазик.

“Проектот ќе се спроведува во текот на оваа недела и следниот месец, а во негови рамки ќе се одржат предавања од посебни обучени полицискли службеници од областа на подобрување на разбирањето меѓу учениците од различна етничка припадност”, информира г-ѓа Аслијан Снопче – раководител на Одделението за образование при Општина Гостивар.

По завршувањето на предавањата, ќе се распише литературен конкурс на тема “Живеј во хармонија со другите”, додека делата кои ќе бидат прогласени за најдобри, ќе бидат претставени на специјална изложба која ќе има за цел да ја подигне свеста кај младите луѓе за значењето на толеранција и почит во етнички мешаните средини.

Служба за информирање

Одбележан Денот на албанското знаме во гостиварските училишта

28.11.2017
Со богата културно-уметничка програма, учениците на ОУ “Исмаил Ќемали”, го одбележаа 28 ноември – Денот на албанското знаме, кој коинцидира и патрониот празник на училиштето.
Претставници од Одделението за образование и Кабинетот на градоначалникот на Гостивар, положија цвеќе на бистата на архитектот на независна Албанија, Исмаил Ќемали.

“Националната историја во текот на своето постоење имала идеолози, патриоти и преродбеници, но најзаслужено место во времето на националната преродба има Исмаил Ќемали, кој не е само лидер на националното движење, туку беше и прв премиер на независна Албанија”, истакна наставничката по историја Диана Шабани и додаде дека е чест и задоволство што денес оваа образовна институција го носи неговото име.

Во уметничкиот дел од програмата, учениците се претставија со хорски и соло песни, стихотворби и народни ора.
Денот на албанското знаме, денес се одбележа во повеќе општински училишта во Гостивар, а вчера во Центарот за култура се одржа централната манифестација во организацијата на училиштата и со поддршка на Општина Гостивар.

Служба за информирање

Именувани в.д. директорите на сите образовни институции во општина Гостивар

27.11.2017

На прес конференција, портпаролот на Општина Гостивар – Јасин Демири, ги објави имињата на новите в.д. директори на соодветните образовни установи во општина Гостивар.

Три институции ќе продолжат да ги раководат досегашните в.д. директори, а во повеќето училишта веќе се назначени нови в.д. директори. Како што знаете, градоначалникот Арбен Таравари посети неколку училипта и доби мислење од колективот, но фактот што неколку училишта не успеаја да ги посети пред да назначи в.д. директори, не значи дека тие се запоставени“, рече Демири.

Тој информираше дека сите вршители на должност директори, ќе бидат набљудувани и од општината, и од колективот, и од родителите, и од учениците и ако се утврди дека тие не успеваат да управуваат како што треба со институцијата, на нивно место ќе бидат назначени други вршители.

В.д. директорите имаат шестмесечен мандат и сите оние кои чесно и успешно ќе ја поминат оваа фаза, ако конкурираат на редовниот конкурс и доколку ги исполнуваат условите, ќе бидат избрани за директори со четиригодишен мандат, следејќи ги законските процедури“, подвлече портпаролот на општина Гостивар.

Во продолжение на прес конференцијата, Демири ги прочита имињата на в.д. директорите во сите основни и средни училишта, нижото музичко училиште и во детската градинка во Гостивар.

Следи комплетната листа на в.д. директори на јавните образовни институции во општина Гостивар:

1. ОУ Исмаил ЌемалиШпреса Усеини

2. ОУ Единство Влера Фидани

3. ОУ Гоце ДелчевСашо Шарески

4. ОУ Мустафа К. АтатуркОктај Нуредин

5. ОУ Чајлас. Чајле Мевлуде Салиу

6. ОУ Ѓон Бузуку с. Србиново Ибиш Илјази

7. ОУ Фаик КОницас. Дебреше Саније Дурмиши

8. ОУ Прпаримис. Чегране Блерим Амети

9. ОУ Лириас. Вруток Назлије Ислами

10. ОУ Форинас. Форино Зеќије Муслиу

11. Музичко училиште Енвер Стафаи –Бетиме Јакупи

12. Детска градинка- Наташа Саздоска

13. Гимназија –Дритон Имери

14. Економско училиште –Јованка Огњаноска

15. Медициснко училиште –Јетон Сулејмани

16. Техничко училипте –Гајур Изаири

Служба за информирање

Започна примената на катчето “Здраво Таравари”, граѓаните можат да ги искажат своите сугестии и забелешки.

24/11/2017

Вторник не е единствен ден кога гостиварските граѓани Гостивар можат да му се обратат на градоначалникот Арбен Таравари. Како што беше најавено, од петоков започна примената на ново катче за директна комуникација “Здраво Таравари”, модел кој започна првично да се применува во Министерството за здравство во времето кога со ова министерство раководеше сегашниот градоначалник на Гостивар.

Катчето “Здраво Таравари” им овозможува на граѓаните, преку електронски пораки на “Whatsapp” и “Viber”, да можат да се обратат за било која идеја, сугестија, пофалба или забелешка, обиди за корупција и други нерегуларности поврзани со функционирањето на локалната самоуправа во Гостивар.

На официјалниот сајт на Општина Гостивар (www.gostivari.gov.mk) поставен е банер со телефонски број: 070 85 80 05, на кој граѓаните ќе можат да воспостават директна комуникација со градоначалникот на Гостивар, г. Арбен Таравари.

Служба за информирање
Општина Гостивар

Градоначалник Таравари и албанскиот премиер Еди Рама, учесници на Самитот во Брисел

23.11.2017

Градоначалникот на Гостивар Арбен Таравари и албанскиот премиер Еди Рама ќе учествуваат на годишниот Европски самит “Западен Балкан на крстопат – Нови предизвици, менување на динамиката”, кој ќе се одржи на 5 декември во Брисел.

Самитот се организира во соработка со Фондацијата Конрад-Аденауер, УНДП и ЕУЦОМ, со поддршка од Регионалниот совет за соработка (РСС), Европската комисија и Фондот Браќата Рокфелер.

Самитот се одржува непосредно пред усвојувањето на новата стратегија на Европската комисија за проширување во регионот, закажана за почетокот на 2018 година.

На самитот ќе присуствуваат и други личности од регионот и од Европската комисија.

Служба за информирање

Претставниците на SECO и ЈП Комуналец, ја оценуваат реализацијата на проектот за водоснабдување

23.11.2017

Управниот одбор на проектот “Подобрување на системот за водоснабдување во општина Гостивар”, одржа редовна седница, осма по ред, при што консултантите направија презентација на втората фаза од проектот.

Експерти од SECO, претставници на ЈП “Комуналец” и на Општина Гостивар, беа на лице место за да ја оценат изградбата на резервоарот до која фаза е стигнато, како и емергентните мерки кои се преземени кај изворот на реката Вардар.

Притоа, директорот на Јавното претпријатие “Комуналец” Исак Лазами, ги увери претставниците на SECO дека јавното претпријатие и општина Гостивар, ќе работат интензивно во спроведувањето на овој проект со витално значење за граѓаните на Гостивар и дека ќе работи со забрзани чекори за да се избегнат доцнењата што се појавија во текот на претходниот мандат.

Инаку, проектот “Подобрување на системот за водоснабдување во општина Гостивар”, се овозможува со грант од SECO (Швајцарски државен секретаријат за економски прашања), кредит од германската банка KFW, како и учество со улсуги на Општина Гостивар. Вкупната вредност на проектот, во сите фази, изнесува 7.200.000 евра.

Служба за информирање

Обука за третман на децата со посебни потреби

21.11.2017

Како да се постигнат подобри резултати во третманот на децата со аутизам, беше целта на денешната обука што се одржа во салата на Советот на општина Гостивар, на која присуствуваа дефектолози, логопеди, наставници, воспитувачки, социјални работници и родители на децата со аутизам.

Обуката ја спроведоа професионалци Центар за деца со аутиѕам “Летај за животот” од Елбасан, во соработка со Центарот за лица со посебни потреби “Порака” од Дебар, со логистичка поддршка на општина Гостивар.

Предавачи на обуката беа логопедот Ѓерѓи Дока, социјалниот работник Џафиор Цанкја и физиотерапевтот Ералд Паса, а на крајот на обуката беше презентиран видео материјал со успешни приказни.

Поздравен говор одржа градоначалникот на Гостивар д-р Арбен Таравари, кој рече дека аутизмот како поим, иако присутен, порано малку бил познат во нашата земја, а сега за жал нашироко е присутен и бара соодветен третман.

“Во овој правец е и оваа денешна обука, која се надевам дека ќе им помогне и на професионалците и на родителите кои имаат деца со аутизам. Им благодарам на претставниците на здруженијата од Елбасан и Дебар, за реализацијата на оваа обука и се надевам дека слични обуки и активности ќе организирате и во иднина, а општинската администрација секогаш ќе ви стои на располагање за потребна асистенција и логистика ” рече Таравари.

Покрај формалниот дел од обуката, присутните разменија искуства за третманот на децата со аутизам, а родителите имаа можност индивидуално да се консултираат со предавачите.

Служба за информирање