Се кастрат дрвјата на патот Чајле-Форино, се овозможува слободен проток на возила

31.01.2018

При неодамнешната посета на градоначалникот Арбен Таравари во село Форино, жителите од ова подрачје изразија загриженост во врска со патот Чајла-Форина, каде што гранките на дрвјата долж патот, го попречуваат слободниот проток на возилата.

По наредба на градоначалникот Таравари, Јавното претпријатие “Јавни паркиралишта и зеленило” започна акцијата за кастрење на дрвјата низ целата должина на патот.

“На оваа делница од регионалниот пат, која што е и најтесна, гранките од дрвјата долж патот ја намалуваат видливоста, а особено го попречуваат протокот на возила од поголемите категории, со што се загрозува безбедноста во сообраќајот на патиштата. На барање на жителите од подрачјево и по налог на градоначалникот Арбен Таравари, ја презедовме оваа акција и истата е при крај”, истакна директорот на претпријатието Музафер Зулбеари.

Вреди да се спомене дека патот Чајле-Форино е дел од регионалниот пат Гостивар-Чегране-Тетово кој е во надлежност на ЈП “Македонски патишта”. Но, поради небрежност на ова претпријатие, Општина Гостивар, со цел да не страдаат граѓаните, е принудена во одредени случаи да интервенира со сопствени средства.

Служба за информирање

Делегација од Општина Гостивар го посети Центарот за аутизам во Тирана. Директорката Бериша ветува стручна поддршка

31.01.2018

Раководителката на Одделението за образование во Општина Гостивар, Аслиан Снопче придружувана од група експерти за деца со посебни потреби во составот Самир Грбле – дефектолог, Арта Арифи Креци – психолог, и Генц Таравари – логопед, го посетија Центарот за аутизам во Тирана.

Во оваа прилика, делегацијата беше примена од директорката на центарот, Лири Бериша.

На средбата, г-ѓа Бериша изрази подготвеност да им помогне на стручњаците и институциите од Општина Гостивар во насока на организирање на обуки и стручни семинари, план-програми, материјали и стручна литература.

Раководителката на Одделението за образование при Општина Гостивар, Аслиан Снопче, посетата во Тирана ја оцени како мошне продуктивна и изрази уверување дека оваа соработка ќе биде делотворна и во корист на институциите, кадрите и децата со посебни потреби во Општина Гостивар.

Служба за информирање

Се продлабочува соработката помеѓу Гостивар и Акхисар (Турција), се најавуваат конкретни инвестиции

30.01.2018

Градоначалникот на Гостивар, Арбен Таравари, придружуван од раководителот на Канцеларијата за локален економски развој, Бесим Догани, бизнисменoт Хајбер Таравари и координаторoт на посетата Гзим Хаџи Ејупи, при престојот во Република Турција ја посетија општината Акхисар.

Делегацијата од Општина Гостивар се сретна со градоначланикот на Акхисар, Салих Хизли, неговите помошнци Латиф Чакмак, Омер Ишчи, директор за односи со јавноста Ибрахим Топалоглу, како и со претседателот на АК партијата за Акхисар, Ибрахим Сајин.

Градоначалникот на Ахисар, Салих Хизли првично му честиташе на градоначалникот Таравари за неговиот избор на чело на општина Гостивар, изразувајќи подготвеност за соработка меѓу двете институции со кои раководат.

Тема на средбата беше размената на позитивни искуства, со посебен акцент креирање и имплементација на проектите.

Исто така, беа разгледани можностите за воспоставување на соработка во повеќе области кои се во надлежност на локалната самоуправа.

Во духот на интензивирање на институционалната соработка, челниците на Општина Акхисар му донираа на Јавното претпријатие “Комуналец” облека и обувки за педесетина вработените во претпријатието.
На средбата беше договорено во март или април да има повторна посета на Општина Гостивар. Во состав на делегацијата ќе бидат и бизнисмени од регионот Акхисар, а целта на посетата ќе биде разгелдувањето на можностите за конкретни инвестиции на територијата на Општина Гостивар.

Градоначалникот Таравари истакна дека градот Гостивар е симбол на мултикултурни градови каде што повеќе заедници живеат во целосна хармонија.

На крајот на средбата, домаќинот Салих Хизли, на градоначалникот Таравари му поклони симболичен подарок од порцелан изработен од Општинската уметничка работилница, како и дрес од градскиот фудбалски клуб на Акхисар. За возврат, градоначалникот Таравари на домаќинот му го поколони симболот на градот Гостивар.

За време на посетата на Ахисар, делегацијата од Општина Гостивар присуствуваше на инаугурацијата на новиот градски стадион.

Потсетуваме дека Гостивар и Акисар од Република Турција, се збратимени општини.

Служба за информирање

Градоначалникот Таравари се сретна со амбасадорот на Германија, Томас Герберих – беше ветена соработка и максимална поддршка

30.01.2018

Амбасадорот на Сојузна Република Германија, Томас Герберих, престојуваше во официјална посета на Општина Гостивар при што се сретна со градоначланикот, Арбен Таравари.

За време на пријателската средба во Кабинетот на градоначалникот, се разговараше за предизвиците со кои се соочува Општина Гостивар, со посебен акцент на проблемите предизвикани од недонесувањето на општинскиот буџет.

Градоначалникот Таравари го информираше амбасадорот Герберих за капиталните проекти кои се очекува да се реализираат во Општина Гостивар, како што е проектот за Градската депонија, како и водоводниот систем и канализацијата.

На средбата, амбасадорот Герберих вети соработка и максимална поддршка, а двајцата соговорници се согласија контактот да биде постојан и во интерес на меѓусебна коректна соработка.

По средбата во Општината, абасадорот посетата ја продолжи во Општата болница “Ферид Мурад” во Гостивар, каде што ги посети одделите и одблизу се запозна со инвестициите во форма на донации од германската држава.

Служба за информирање

Таравари: Образованието во минатиот мандат – наставниците се плаќале и за Фејсбук

25.01.2018

Градоначалникот на Гостивар, Арбен Таравари, денеска во рамки на кампањата “Вистината за ДУИ” одржа прес-конференција, при што ги изложи неуспесите и злоупотребите направени во минатиот мандат во областа на образованието во општина Гостивар. Тој појасни дека за денес ја одбрал областа на образованието, поттикнат од вчерашната изјава за медиумите на некои поранешни просветни работници, партиски војници, за нивна наводна замена со несоодветен кадар.

“Во 2013 година, партиски војници од тоа време, во истиот период од годината отстранија 166 работници со решенија и договори, кои ги имаме по име и презиме. А сега, од вкупно 147 вработени со договор, 117 останале на работа, додека само 30 се заменети со нови. Ова значи дека 80% останале исти, додека само 20% се заменети, и тоа главно поради тоа што не биле компетентни за предметите што ги предавале”, објасни Таравари.

Тој, на денешната прес-конференција, исто така наведе повеќе случаи на нецелосно спроведување на Законот за сметководство и буџетски корисници, што се потврдува со внатрешните ревизии во јавните училишта во Гостивар.

“Во ОУ Лирија од с. Вруток, биле платени сметки со вртоглав износ за службени мобилни телефони, кои ви ги ставам на располагање. Врз основа на Ревизорскиот извештај за периодот 06.11.2016 – 16.11.2017 од страна на инспекторатот, едно училиште било оценето со оценка 2.25. Во средното техничко училиште внатрешната ревизија извршена од поранешниот градоначалник, за периодот од 03.03.-29.03.2017, покажала нецелосно спроведување на законот за сметководство. Исплати за договорна дело во износ од 397 илјади денари, за што нема извештаи за лицата кои се ангажирани со работа”, подвлече градоначалникот Таравари доставувајќи им на новинарите докази за тоа.

Потоа тој наведе и еден еклатантен случај во средното техничко училиште, каде што било вработено несоодветно лице за предметот информатика, кој имал завршено за бизнис.

“Ова лице било ангажирано 4 часа за ИТ поддршка, 4 часа за екстерно тестирање, 3 часа за фотокопирање и замислете 2 часа за Фејсбук. Нормално ова лице не може да се држи на работа. Еден друг случај, инструкторот за практична работа бил со училиште за биохемија. Додека во ОУ Чајле, за нафта за косилката биле потрошени, замислете, 600 евра “, истакна Таравари.

Градоначалникот на Гостивар, исто така, наведе случаи на непотизам, истакнувајќи го случајот во ОУ Ѓон Бузуку во село Србиново, каде што едно семејство го контролира целото училиште. Поранешниот директор ја вработил како секретарка неговата снаа, а во истото училиште биле вработени неговиот брат и други членови од неговото семејство.

Служба за информирање

Општината финансиски ќe и помогне на едно ранливо семејство од Гостивар

22.01.2018

Афердита Хамза од кабинетот на градоначалникот на Гостивар, Арбен Таравари, го посети тричленото семејство Јосифоски од гостиварската населба “Циглана“ кое се соочува со големи финансиски и здравствени проблеми.

Семејството Јосифоски ја информираше г-ѓа Хамза дека тие живеат со социјална помош од 2.300 денари, куќата им е во многу лоша состојба, а покрај тоа нивната ќерка е со посебни потреби и болна, а нејзиниот медицински третман, тие не можат финансиски да го издржат.

Г-ѓа Хамза го запозна семејството Јосифоски дека градоначалникот на Гостивар, Арбен Таравари, во согласност со своите овластувања, ќе донесе одлука за доделување на финансиска помош.

Инаку, на семејството Јосифоски им излезе во пресрет и месната заедница “Циглана” кои ќе им го реновираат домот, додека граѓаните организираат хуманитарни акции за собирање на финансиски средства и прехранбени производи.

Служба за информирање

Таравари го посети JП Комуналец, одблизу се запозна со предизвиците на претпријатието

22.01.2018

Градоначалникот на Гостивар Арбен Таравари го посети Јавното претпријатие “Комуналец”, при што беше запознат со предизвиците со кои се соочува ова претпријатие.

Директорот на претпријатието Исак Лазами го запозна Таравари дека како последица на лошото раководење во минатиот мандатот, ова претпријатие се соочува со многубројни проблеми, особено од финансиски и материјален аспект. Тој, исто така, го извести градоначалникот дека за овие два-три месеци откако е на чело на претпријатието успеал да формира ефикасен менаџерски тим и дека работите почнале да се движат во позитивна насока, реализирајќи и неколку важни проекти покрај секојдневните активности.

Градоначалникот Таравари го охрабри директорот Лазами за работата што ја врши, уверувајќи го дека ќе има постојана поддршка од Општина Гостивар, за да ова претпријатие може успешно да ги обавува услугите кои ги покрива, а кои се од витално значење за граѓаните на Гостивар.

Вреди да се спомне дека дел од многубројните злоупотреби во ЈП Комуналец беа објавени во рамките на кампањата “Вистината за ДУИ”, а посебна комисија работи на откривaње на други случаи, со кои ќе биде запозната јавноста.

Служба за информирање

Градоначалникот Арбен Таравари го посети Здружението на лица со оштетен вид “Реалитети” од Гостивар

22.12.2018

Градоначалникот на Гостивар, Арбен Таравари и неговите соработници го посети Здружението на слепи и лица со оштетен вид “Реалитети”. Првично, претседателот на здружението, Џеват Фејзули му се заблагодари на градоначалникот Таравари што лично побарал да се сретне со членовите на ова здружение, а потоа го запозна со активностите и со предизвиците со кои се соочува ова здружение.

“Ние сме невладина организација која не се финансира од страна на државата, но благодарение на нашата посветеност и луѓето со добра волја, успеваме да реализираме некои помали активности и да им помогнеме на нашите членови да се справат со предизвиците на животот. Нашето здружение брои 62 члена и имаме прилично скромна годишна програма, со некои активности кои не се скапи”, го информираше Фејзули градоначалникот Таравари.

Тој му се заблагодари и на новиот директор на ЈП Комуналец, Исак Лазами, каде што се наоѓа седиштето на здружението, што им овозможи да го користат централно греење и дека покажува интерес да им помогне.

Градоначалникот Таравари побара од присутните членови да ги искажат нивните проблеми и слободно да побараат помош за било кое нивно барање.

“Не само барањата кои сега ќе ги искажeтe, туку било која потреба што ќе се ви појави, слободно контактирајте не било мене како градоначалник, било општинските служби, а и директорот на јавното претпријатие . За се што е можно во рамките на нашите надлежности, ќе ви биде понудена помош. Ќе ви помогнеме со канцелариски материјали и друга логистичка поддршка. Ќе се ангажираме за организирање на семинари и работилници со стручни лица кои се занимаваат со третман на лица со оштетен вид. Во соработка и со приватниот сектор ќе ви овозможиме да организирате разни настани за кои ќе пројавите интерес”, истакна Таравари.

Меѓу барањата на членовите на здружението беа лицата со оштетен вид да се ослободат од плаќање за вода, ставање ред во сообраќајот за да не се паркираст возилата по тротоари, спуштање на ивичниците кај пешачките премини, изградба на пристапни рампи за лица со инвалидност, бесплатен јавен превоз и други рационални барања.

Градоначалникот Таравари ги увери дека ќе се ангажира за сите овие барања, во соработка и со Советот на општината и други државни институции, како и со приватниот сектор за да се изнајде решение и да се подобри квалитетот на живеење на лицата со оштетен вид и на другите лица со посебни потреби.

Служба за информирање

Гостиварските општински училишта, подготвени за второто полугодие

19.01.2018

Сите општински основни и средни училишта, почетокот на второто полугодие го чекаат подготвени. Во сите училиште направено е генерално чистење, а во некои училишта извршени се и неопходни интервенции.

“Училиштата се исчистени и интервенирано е зависно од потребите, а исто така снабдени се и со гориво . Значи можеме да кажеме дека подготвено го очекуваме почетокот на второто полугодие. Од друга страна, направен е изборот на наставници според објавените конкурси, при што сме се обиделе да задржиме континуитет на наставниот кадар и да го деполитизираме образованието до што повисок степен. Изборот на кадри го направија самите колективи и училишните одбори, а ние како општина се залагавме да помогнеме во тој процес. Евидентно е дека има и некои пропусти, но се надеваме дека тие ќе бидат што помалубројни во иднина”, вели раководителката на Скетрот за образование при Општина Гостивар, Аслиан Снопче.

Инаку, денеска се одржа средба со директорите и помдиректорите на општинските основни и средни училишта, при што ги добија неопходните упатства за работа и ги изложија потребите за што подобар напредок во образовниот процес.

Служба за информирање

Градоначалникот Таравари во поддршка на развојот на велосипедизмот во Гостивар

19.01.2018

Градоначалникот на Гостивар, Арбен Таравари, се сретна со претставници на Велосипедскиот клуб “Адреналин” од Гостивар, при што се запозна со нивните активности и успеси.

Потпретседателот на ВК “Адреналин” Шпенд Калиси, го запозна градоначалникот Таравари дека во овој клуб членуваат голем број велосипедисти, меѓу кои и припадници од помладите генерации, кои зад себе веќе имаат врвни резултати на државно ниво. При оваа прилика, тој ги издвои резултатите на државно ниво на У13, шампионот Џемалетин Ќорбарјами и вицешампионот Даим Муахреми. Посебно ги прави горди Убејда Дeвa. Која е единствена девојка во Македонија која се натпреварува во машка конкуренција У 13.

Градоначалникот Таравари им честиташе на претставниците на ВК “Адреналин”, особено на младите шампиони за нивната посветеност и постигнатите резултати, повторувајќи го својот став за поддршка на здруженија и клубови кои придонесуваат за подобрување на квалитетот на спортско-рекреативниот живот во Гостивар. Во таа насока, тој вети дека ќе го поддржи организирањето на велосипедска трка во Гостивар, за која тие пројавиле интерес.

Служба за информирање