OУ “Единство” – Гостивар, два гранта од УСАИД и донација од Швајцарија

28.02.2018

Во Основното училиште “Единство” со два добиени грантови од УСАИД, како и со швајцарска донација, со поддршка и на Општина Гостивар, во тек се бројни активности за подобрување на условите за работа и подигнување на квалитетот на образовниот процес.

Добиените грантови од УСАИД ќе се искористат за кабинетот за ликовно образование и за реализација на часовите по предметот граѓанска култура.

Швајцарската донација е наменета главно за кабинетот по биологија и се состои од микроскоп и четири печатачи, како и од елки за декорација на ходниците и другите училишни простории.

Вреди да се напомене, исто така, дека покрај веќе лиценцираните наставнички, обука во Нансен Дијалог Центар следат уште две други наставнички, а училиштето аплицирало за спроведување на Нансен моделот и се очекува во блиска иднина да започне реализацијата на истиот.

Инаку, во ОУ “Единство” наставата ја следат 1.300 ученици, на три наставни јазици: албански, македонски и турски.

Служба за информирање

Таравари присуствуваше на симпозиумот на градоначалници во Виена

28.02.2018

Во организација на Светската банка – Австриска програма за урбано партнерство, на 26 и 27 февруари во Виена, се одржа симпозиум на градоначалници на тема Одржливост и вклучување во урбаниот развој во Југоисточна Европа – Градовите за народот.

Во овој симпозиум учествуваа 150 градоначалници и претставници на локални самоуправи од седум земји од Југоисточна Европа, учествуваше и градоначалникот на Гостивар, Арбен Таравари.
Учесниците на симпозиумот имаа можност да се запознаат со напредокот и иновативните случувања во градовите на Југоисточна Европа и пошироко.

“Ова беше добра можност да дискутираме за одржливоста на локалниот развој, одговорноста и вклучувањето на јавноста во подобрување на квалитетот на живеење на граѓаните”, вели градоначалникот на општина Гостивар, Арбен Таравари.
Градоначалникот Таравари, престојот во Виена, го искористи и за средби со наши сограѓани кои живеат и работат во Австрија.

Служба за информирање

Се определија приоритетните области на општина Гостивар за доделување на грантови на НВОи

27.02.2018

Во рамките на активностите на проектот на УНДП – Регионална програма за локална демократија во Западен Балкан, во салата на Советот на млади на општина Гостивар, се одржа јавна дебата со претставници на невладини организации, при што се определија проектните области за кои ќе се примат апликации за грант.

Во рамките на овој проект ќе се доделат грантови во вкупен износ од 100.000 евра за активности во пет приоритетни области: Образование и социјална инклузија, Животна средина, Човекови права и недискриминација, Локален економски развој и Култура, уметност, млади и спорт.

Учесниците на оваа јавна дебата, ги избраа  и 5 членови и еден заменик член на Комисијата за оценување, и тоа 2 претставници од УНДП, 2 од Општина Гостивар и 2 претставници од невладиниот сектор.

Претставниците на УНДП и Канцеларијата за локален економски развој и имплементација на проекти при Општина Гостивар, најавија дека во продолжение ќе се организираат инфо-сесии во кои сите заинтересирани организации ќе бидат одблизу информирани за формата на апликациите, како и ќе им се понуди асистенција за изготвување на квалитетни проекти.

Нсе охрабруваат НВОите кои не  учествуваа на оваа дебата, да стапат во контакт со ЛЕР канцеларијата во Општина Гостивар и да се вклучат во конкурсот за грантови.

Служба за информирање

Општина Гостивар мобилизирана за чистење на снегот од патиштата, улиците и тротоари

26.02.2017

Под надзор на Општина Гостивар и во координација со економскиот оператор за зимско одржување на патиштата, како и со двете јавни претпријатија “Комуналец” и “Јавни паркиралишта и зеленило,” интензивно се работи за чистење на снегот од патиштата, улиците, тротоарите и другите јавни површини.

Во текот на ноќта постојано се работеше на терен и како резултат на тоа сите локални патишта и главни градски сообраќајници се проодни, а по потреба фрлена е и сол на патиштата и улиците.

Од утрото, се чистат и споредните улици, додека екипи на двете општински претпријатија ги чистат тротоарите и другите јавни површини.

Службата за зимско одржување при Општина Гостивар, состојбата ќе ја следи 24 часа на ден.

Потсетуваме дека сопствениците на деловни простори имаат законска обврска да ги чистат површините пред нивните дуќани, а апелираме до граѓаните да не ги паркираат своите возила неправилно, за да не го попречуваат ефикасното чистење на улиците.

Служба за информирање

Одрони на регионалниот пат Гостивар-Србиново, Општината успешно се справи со проблемот

2018/02/26

Општина Гостивар, преку јавните претпријатија “Комуналец” и “Јавни паркиралишта и зеленило” успеа успешно да се справи со лизгањето на земјиштето  на делницата Лакавица-Србиново, како дел од регионалниот пат Гостивар-Србиново.

До одронување на земјата на ова ридско-планинско подрачје дојде како последица од  обилните врнежи од снег и во еден дел  земјата го блокира патот со што во одреден период,  жителите од овој крај останаа отсечени од градот. Но, интервенцијата на Општина Гостивар беше итна и благодарение на интензивната работа на екипите од двете јавни претпријатија тим, за кратко време патот се врати во претходната состојба.

Патот Гостивар-Србиново е регионален пат и истиот се управува од јавното претпријатие на државно ниво “Македонија пат”. Но, Општина Гостивар, иако ја нема таа обврска, во многу случаи интервенираше за подобрување на состојбата на регионалните патишта, со цел граѓаните на Гостивар да не страдаат поради небрежност на институциите на централната власт.

Служба за информирање

Во ОУ “Единство” – Гостивар се одржа натпревар во шах

22.02.2018

Учениците од Основното училиште “Единство” Гостивар се натпреваруваа во шах. Организирањето дојде преку Шаховскиот клуб “Гостивар” и со поддршка на Секторот за образование при Општина Гостивар.

Целта на оваа активност е да се откријат нови таленти во градот кои кои во иднина ќе би се занимавале со овој вид спорт.

“Во сите основни училишта во Гостивар че се организираат слични натпревари со основците до месец јуни, каде што и тие ќе се натпреваруваат едни со други. Најдобрите, ќе учествуваат на локалниот шаховски натпревар што ќе се одржи помеѓу сите основни училишта во градот “, рече Ахмет Салмани, претседател на шаховскиот клуб “Гостивар“.

Идејата за ваков натпревар се појави поради фактот што во Гостиварскиот шаховски клуб денес има членови со возраст од над 40 години, па затоа да се стимулираат младите генерации од градот да се занимаваат со овој спорт и еден ден да го претставуваат Гостивар на значајни шаховски натпреварувања.

Од Секторот за образование при Општина Гостивар ги охрабруваат родителите на учениците кои го сакаат или имаат талент за оваа интелигентна игра, да ги запишат своите деца во Гостиварскиот шаховски клуб.

Од Шаховскиот клуб “Гостивар” најавуваат дека во нивната шаховска школа можат да се запишат деца на возраст од над 6 години и дека запишувањето ќе продолжат до 10 март.

Служба за информирање

За две-три години ќе се подобрат условите во ромската населба “Дупка” во Гостивар

22.02.2018

Министерот без ресор Аксел Ахмедовски и претседателот на Партијата за целосна еманципација на Ромите, Самка Ибрахимовски престојуваа во општина Гостивар, при што, во придружба на градоначалникот Арбен Таравари ја посетија т.н. ромска населба “Дупка” во Гостивар.

Нивна заедничка констатација беше дека условите за живот во ова соседство се мизерни и дека ваквата ситуација може да се надмине само со координирани мерки на локалните и државните институции.

“Оваа населба се наоѓа во јадрото на градот и навистина е недостојно во 21 век да се дозволи граѓаните на една цела населба да живеат во вакви услови. Најпрвин ќе се изготви акционен план во соработка со Министерството за транспорт и врски, и за две-три години ќе се комплетира инфраструктурата и оваа населба ќе заличи на урбана населба”, истакна Таравари.

Министерот Ахмедовски рече дека е трогнат од она што го гледа, но исто така е оптимист со оглед на позитивното расположение на градоначалникот Таравари и поддршката на ресорните министерства, ќе се подобрат условите за живот во оваа населба и таа ќе се претвори во елитна населба.

Вреди да се напомне дека во општина Гостивар, веќе е вработен припадник на ромската заедница, како соработника за прашања поврзани со Ромите.

Служба за информирање

“Вистината за ДУИ” – Бејта издавал решенија за легализација без потпис на шефот на урбанизам

22.02.2018

На денешната прес-конференција во рамките на кампањата “Вистината за ДУИ”, портпаролот на општина Гостивар, Јасин Демири, преку службени документи обелодени случаи на флагрантни прекршоци во сферата на урбанизмот од страна на поранешниот градоначалник на Гостивар, Невзат Бејта.

„Како прво, ве потсетуваме дека кога Невзат Бејта беше министер за локална власт во 2011 година, на владин состанок тој побара да му се одземат надлежностите во сферата на урбанизмот на Општина Гостивар кога со неа раководеше Руфи Османи. Тогашната влада ВМРО-ДУИ истото и го направи на 29 јануари 2012 година, токму во времето кога во сила беа два паралелни закони, односно Законот за градење и Законот за легализација на бесправно изградени објекти. Во тоа време, инспекторите евидентираа 52 објекти во изградба, без соодветна документација, а истите објекти до ден денес имаат проблеми со решавање на правниот статус. Односно за сите овие објекти беа составени Записници и Решенија за рушење и се евидентираат како дивоградби кои треба да се рушат, што подразбира дека не можат ниту да се легализираат, ниту за нив да се издаде градежна дозвола“, објасни Демири.

“Но, за “гостиварскиот газда, законите не важат” и тој, значи Невзат Бејта, кога биле во прашање негови лични интереси, најверојатно за материјални придобивки, бил во состојба да ги супримира законите и да ги занемари соодветните служби, па самиот-лично потпишувал решенија за легализација на дивоградбите.

Тој, на новинарите им ги достави во увид и решенијата во кои отсуствува потписот на раководителот на Секторот за урбанизам, што јасно укажува дека истиот, барем во овој случај, не сакал да стане дел од криминалот.

Служба за информирање

Градоначалникот Арбен Таравари го пречека амбасадорот на Република Албанија, Фатос Река

22.02.2018

Амбасадорот на Република Албанија во Македонија, Фатос Река, престојуваше за официјална посета во општина Гостивар, и по овој повод беше пречекан од страна на градоначалникот Арбен Таравари.

Во една срдечна и пријателска средба, градоначалникот Таравари го запозна амбасадорот Река со предизвиците со кои се соочува новото општинско раководство, како и со постигнатите успеси преку имплементација на еден нов пристап на раководење во овие три-четири први месеци на мандатот.

“Ми претставува задоволство и чест денеска да го пречекам амбасадорот на Република Албанија во Македонија, Фатос Река. Разговаравме за сите проекти кои што ние како општина Гостивар може заеднички да ги оствариме со општините од Република Албанија. Нашите односи се коректни и ние ќе се обидеме заеднички да го направиме најдоброто за граѓаните на двете земји во текот на следните четири години”, рече Таравари во неговата изјава за медиумите.

Бидејќи ова беше првата посета на Албанскиот амбасадор во општина Гостивар после локалните избори, Река му го честиташе на Таравари преземањето на градоначалничката функција, и му посака успешна работа, уверувајќи го за поддршка и продлабочување на соработката меѓу општините од Македонија и Албанија.

“Ми претставуваше посебна чест, да денеска бидам гостин на г-дин Таравари. Дојдов да му ја честитам новата задача и да разговарам за зголемување на ефикасноста на привлекување и спроведување на европските фондови. Го уверив г-дин Таравари дека ние ќе го поддржиме во сите иницијативи во корист на граѓаните. Верувам дека како и во претходните задачи, г. Таравари ќе има успеси и во функција на градоначалник на Гостивар”, рече амбасадорот на Албанија во Скопје, Фатос Река.

Таравари го информираше амбасадорот за формирањето на Унијата на албански општини, чиј центар ќе биде во Тирана. Работниот тим на оваа Унија ќе биде составен од претставници на сите албански центри. Задачата на Унијата ќе биде користењето на ИПА фондови за регионална соработка на албанските општини од Македонија, Косово и Албанија, преку конкретни проекти.

Вреди да се истакне дека општина Гостивар, во рамките на Програмата ИПА за преку – гранична соработка, реализираше заеднички проект со Општина Корча, додека намерата е да се воспостави директна соработка и размена на искуства со повеќе општини од република Албанија.

Центар за информирање

Во Гостивар ќе се одржи јавна дебата со НВО-и

21.02.2018

Општина Гостивар е меѓу избраните пилот-општини во која започнува да се  имплементира проектот на УНДП –  Регионална Програма за Локална демократија на Западен Балкан. Во рамки на предвидените проектни активности, НВО-и и Општината ќе ги надградат основните познавања за транспарентниот модел на финансирање на НВО-и, а ќе се креира и методологија за финансирање на НВО-и од општинскиот буџет.

Во рамките на проектните активности, во понеделник (26.02.2018) со почеток во 13:30 часот, во салата на Младинскиот совет при Општина Гостивар, че се одржи јавна дебата.

“Ги покануваме невладините организации да учествуваат на јавната дебата на којa ќе се дискутираат дефинираните Приоритети, очекувајќи од страна на НВО-и, мислења, сугестии и предлози за истите. По дискусиите околу приоритетите, на настанот ќе бидат избрани двајца членови кои ќе се предложат од страна на НВО-и, членови и заменици членови во комисијата за оценување на апликациите“, вели Дашмир Османи – координатор на проектот ReLOaD.

На средбата ќе учествува и екипа на УНДП.

Служба за информирање