Општина Гостивар, воведува електронското плаќање на комунални такси

15.02.2018

Од денес, вo Центарот за општински услуги при Општина Гостивар, почна да се спроведува електронска наплата на општински даноци за разни барања.

Воведувањето на плаќање со електронски картички, се прави со цел граѓаните да не талкаат и да не чекаат во долги редици во банките, за плаќање на општинските такси за различни барања.

Покрај заштеда на време и избегнување на малтретирања, плаќајќи со банкарски картички, граѓаните ќе ги одбегнат и високите провизии за банкарски трансакции.

Исто така, плаќање ќе може да се изврши и во одредени празници, кога банките во земјава не работат, а општинската администрација работи.

Служба за информирање

“Вистината за ДУИ“ – Злоупотреби со трошоците за гориво

15.02.2018

Портпаролот на Општина Гостивар, Јасин Демири, на прес конференција презентираше факти за злоупотреби со снабдување со гориво на возилата во сопственост на општината и трошоци без покритие на ЈП “Хигиена“ – Чегране.

Во продолжение, ви го претставуваме интегрално:

“Почитувани новинари, на денешната прес-конференција ќе ве информираме за трошоците на Општина Гостивар за гориво за службените возила во периодот 2014-2017 година, како и за трошоците на JП “Хигиена“ – Чегране за периодот 2015-2017 година.

За периодот 2014-2017 година, внатрешната ревизија утврди дека ya возила во сопственост на Општина Гостивар, потрошени се 5.089.907 денари. Можеби тука нема ништо чудно во ова, но само на прв поглед. Ако анализираме кои возила со какво гориво се снабдувале, сигурно ќе се зачудат и самите конструктори.

Возила кои трошат бензин, се снабдувале со дизел, додека оние кои трошат дизел гориво се снабдувале со бензин. Трошоците за несоодветно гориво се во износ од 74.496 денари, што ако земеме како просек 50 денари по литар, значи дека општинските возила потрошиле 1500 литри, несоодветно гориво: наместо дизел, бензин и наместо дизел бензин. Ова, се разбира, е измама и можеме да претпоставиме дека со пари на граѓаните се снабдувале партиски послушници и партиски војници. Но, од друга страна, со право можеме да претпоставиме и дека износот на соодветно гориво со кое се снабдувале приватни возила, најверојатно е неколку пати поголем од горенаведениот износ.

– Eвиденцијата за снабдување со гориво, подготвена од внатрешната ревизија на општината покажува дека во ист ден општинските службени возила се полнеле по 3 пати.

Во продолжение ќе ве информираме за злоупотребите извршени во Јавното претпријатие “Хигиена” од село Черане, чиј основач е Општина Гостивар и што врши комунални услуги на територијата на селото Чегране.

Во ова претпријатие, внатрешната ревизија, за периодот 2015-2017 год. утврди неосновани трошоци.

1. На ден 02.11.2017 год., направен е сомнителен трошок за материјали за одржување на водоводната мрежа во висина од 720.000 денари (околу 11.800 евра) до снабдувачот Меркатор АНГ-Гостивар. Во документацијата на претпријатието фигурира само про-фактура бр. 096/2017, но од оваа компанија тврдат дека ЈП Хигиена не ја прифатило понудата, ниту пак извршило уплата на средствата.

Ви доставуваме на увид Извештај од внатрешната ревизија, про-фактурата и изјавата од Меркатор АНГ, како и извадок од Дневникот на благајна на ЈП “Хигиена” (заради блокираната сметка, плаќањата се вршле во готово)

2. Покрај тоа, направени се и други неоправдани, неосновани или неаргументирани трошоци, како што се:

– Одговорното лице во текот на 2017 година си зел 40.000 денари за прекувремена работа за месец јануари, февруари, март, април, мај, јули, август и септември (најверојатно во наредните месеци се потрошиле средства и немал што повеќе да земе), и

– На 27.01.2017 год. со пари од претпријатието патувал во Германија. Бидејќи причините за ова патување не се наведени, можеме да претпоставиме дека патувањето било направено за приватни потреби.

Исто така, и за ова што го истакнавме, ви доставуваме извод од Дневникот на благајна и Известувањето од туристичката агенција.

Ќе го повторам тоа што го вели градоначалникот Арбен Таравари, дека целта на кампањата “Вистината за ДУИ” е да им се овозможи на граѓаните да знаат како се трошат нивните пари и да се запознаат надлежните органи дека во многу случаи има основано сомнение за покренување на кривична постапка. Ниту една раководна структура не е вечна. После нас, ќе дојдат други и нека ги обелоденат сите случаи за кои ќе има сомнение за злоупотреба.

Ви благодарам“

Служба за информирање

Градоначалникот Таравари го посети меѓународниот Универзитет ВИЗИОН во Гостивар

13.02.2017

Градоначалникот на Гостивар, Арбен Таравари придружуван од раководителот на Секторот за образование, Аслиан Снопче портпаролот на општината Јасин Демири, го посетија Меѓународниот универзитет ВИЗИОН во Гостивар.

Делегацијата на Општина Гостивар ја пречека ректорот на универзитетот, проф. д-р Фадил Хоџа и академскиот кадар, кои ги запозна со условите и одвивањето на образовниот процес во оваа институција.

Таравари им честиташе на академскиот кадар за работата што ја прават и изрази подготвеност, постојната соработка меѓу Гостивар и Универзитетот ВИЗИОН да се продлабочи  во иднина.

Ректорот Хоџа, му се заблагодари на градоначалникот Таравари за посетата и изрази пофални зборови за неговите заложби за подобрување на квалитетот на образованието во општина Гостивар.

На средбата се разговараше за проекти кои што двете институции би можеле заеднички да ги спроведат.

Информативна служба

Градоначалникот Таравари, ги презентираше резултатите во првите 100 дена од мандатот

12.02.2018

Градоначалникот на општина Гостивар, Арбен Таравари, пред новинарите, ги презентираше постигнатите резултати на новото општинско раководтсвоп во првите 100 дена од мандатот 2017-2021.
“Го деполитизиравме образованието со назначување на директори, во главно предложени од самите колективи на училиштата. Ги заменивме несоодветните образовни кадри со кадри од соодветна струка. Го деполитизиравме, исто така, Советот на млади на општина Гостивар, без да влијаеме на изборот на раководството. За само 100 дена, со екстремно рационализирање на непродуктивните трошоци, успеавме да платиме над 300.000 евра наследен долг. Од превозот на ученици, без фаворизирање на одредени компании, успеавме да заштедиме 250 илјади евра, пари кои ќе ги искористиме за инвестиции за подобрување на условите во јавните училишта“, истакна Таравари на почетокот на прес конференцијата.

Благодарение на донатори и бизнисмени од Гостивар, продолжи Таравари, изнајдовме привремено решение за проблемот со покривот на училиштето “Гоце Делчев”, а во блиска иднина, проблемот ќе го решиме долгорочно.
Тој посочи, дека се постигна договор со Амбасадата на Швајцарија за започнување на работите во депонијата Русино, а во април ќе биде решен еден проблем од животно прашање за граѓаните на нашата општина, поточно филтер-станицата за вода за пиење ќе почне со работа.

“Значително го подобривме јавното осветлување во градот и во селата, а направивме и физибилити студија за SMART осветлување, чија имплементација ќе започне за неколку месеци низ градот. Формиравме екипа за протоколот и односи со јавноста, со цел да ја зголемиме транспарентноста и да го олесниме слободниот пристап до информации од јавен карактер. Исто така, назначивме портпаролот на општината“, потенцирашеТаравари и продолжи: “За првпат во Општина Гостивар се организираше презентацијата на предлог-буџетот пред граѓаните и се дебатираше по истиот. Ги зголемивме даночните приходи за околу 20% во јануари 2018 година, споредено со истиот месец минатата година (2017), што говори дека е зголемена довербата на граѓаните кон институцијата општина администрација“.

Градоначалникот на Гостивар информираше дека се раскина штетен договор со една приватна фирма за зонско паркирање, со којшто договор граѓаните на Гостивар се оштетуваа за по над 5 илјади евра месечно.
Потоа Таравари спомна и остварени средби и контакти со повеќе бизнисмени и потенцијални инвеститори од земјава и од странство, при што е изразена подготвеност за пружање на инфраструктурни поволности со цел тие да можат да инвестираат во нашата општина.

“Остваривме бројни средби со амбасадори, како во општина Гостивар, така и во седиштата на амбасадите. Се сретнавме и со градоначалниците на две вашни престолнини на Албанците, Тирана и Приштина, т.е. г. Ерион Велиај и г. Шпенд Ахмети“, истакна тој.
Презентирањето на достигнувањата во првите 100 дена од мандатот, градоначалникот Арбен Таравари го заврши со информацијата дека Општина Гостивар доби гранд од УНДП и Европската унија во вредност од 120 илјади евра, а потоа одговори и на многубројни прашања од присутните новинари.

Портпаролот на општина та , Јасин Демир, преку пауер поинт презентација даде детали за активностите и резултатите во првите сто дена од разни области: образование, социјала, транспарентност, невладин сектор, протоколарни средби и друго.

Служба за информирање

Ќе се отворат детски градинки во Форино и Равен

09.02.2018

Општина Гостивар има добиено грант oд УНИЦЕФ во вредност од околу 18 илјади евра за отворање на два центри за ран детски развој. Една паралелка за деца на 3 до 5 годишна возраст ќе се отвори во село Форино, а другата во селото Равен.

Според потпишаниот меморандум за соработка со УНИЦЕФ, Општина Гостивар се обврзува да кофинанцира 10 илјади евра, средства кои се потребни за да се исполнат сите неопходни услови за училниците  кои ќе функционираат во рамките на постојните училишни згради.

Од страна на Канцеларијата за локален економски развој и имплементација на проекти при општина Гостивар, информираат дека по следењето на соодветните процедури веднаш ќе се помине на реализација на соодветните работи и Центрите за ран детски развој во Форино и Равен да почнат да функционираат во текот на оваа година.

Општина Гостивар ќе се ангажирада преку грантови и со сопствени буџетски средства, да отвори што повеќевакви центри и со згрижување и воспитување, да бидат опфатени и децата од предучилишна возраст од подалечните рурални средини.

Служба за информирање

Општина Гостивар доби грант од 120 илјади евра од EУ и УНДП

09.02.2018

Во рамките на Регионалната програма за локална демократија во Западен Балкан, градоначалникот на Гостивар Арбен Таравари потпиша Меморандум за соработка со претставничкaта на УНДП, Луиза Винтон и претставникот на делегацијата на ЕУ, Николас Бертолини.

Во наредните две години, УНДП ќе му додели на општина Гостиваргрант од 120.000 евра за разни проекти поврзани со барањата и потребите на граѓаните. Општина Гостивар е една од само  5 општини во Македонија кои добиваат од ваков грант од УНДП и избрана е според неколку критериуми, вклучувајќи географска разновидност, можност за кофинансирање и транспарентно финансирање со граѓанското општество.

Програмата финансирана од ЕУ а кофинансирана од УНДП и општините, обезбедува поддршка за проекти од јавен интерес и подобрување на општинските услуги и квалитетот на живеење на жителите во општините. Посебно внимание ќе се посвети на проекти за социјална инклузија, родова еднаквост, ранливи групи, човекови права и заштита на животната средина.

Служба за информирање

“Вистината за ДУИ” – По 5 илјади евра месечно повеќе му се исплатувале на приватниот партнер за зонско паркирање во Гостивар

08.02.2018

Во рамките на кампањата “Вистината за ДУИ”, денеска прес-конференција одржа портпаролот на ЈП “Јавни паркиралишта и зеленило”, Расим Абдул, при што информираше за спорниот договор склучен во минатиот мандат, со приватниот партнер за зонско паркирање.

“Како што информиравме на минатата прес-конференција во рамките на кампањата “Вистината за ДУИ ЗА неправилностите кои ги воочивме  во ова претпријатие, денес ќе го одвоиме  склучениот договор за зонско паркирање помеѓу нашето претпријатие и приватниот партнер “Дуна Компјутерс” од Скопје. Сметаме дека процентот наменет за приватниот партнер бил превисок, а исто така имало и други престапи. Всушност, според договорот предвидени се 38% за горенаведената компанија и 62% за јавното претпријатие. Процентот бил предвиден во нето, додека цело време исплатата била направена во бруто. Значи, јавното претпријатие е оштетено просечно по 300.000 денари, или пет илјади евра месечно”, изјави Абдули.

Тој искористи прилика да ги информира граѓаните на Гостивар, дека поради овие злоупотреби, од вчера договорот со приватниот партнер е раскинат,в и дека  паркирањето ќе биде слободно во неопределено време.

“Ги разгледуваме сите можности, се надеваме на што подобро решение и сигурно ќе ве информираме во наредните денови за конечното решение”, изјави портпаролот на компанијата, Абдул Расим.

Информативна служба

Образовниот сектор почна да ги посетува училиштата. Аслиан Снопче: Да ја вратиме дисциплината и редовноста

06.02.2018

Раководителот на Секторот за образование при Општина Гостивар, Аслиан Снопче, денеска со низата посети на гостиварските основни и средни општински училишта.

Во текот на денешниот ден, г-ѓа Снопче го посети Општинското средно училиште Гостивар, каде што се состана со директорот Дритан Имери, педагошката служба и претседателите на четвртите класови.

“Целта на посетата беше одблизу да видиме како се реализира образовниот процес, но и да ги слушнеме барањата на наставниот кадар и учениците. Вофокусот ги имавме дисциплината, редовноста, носењето униформи, но и да дадеме сугестии  како да се подобри актуелната ситуација. Беше заедничка констатација дека е потребен координиран ангажман и поголема посветеност за да со конкретни чекори се подигне нивото на дисциплина и да се се преземат дисциплински мерки против учениците и професорите кои ги прекршуваат пропишаните одредби”, вели г-ѓа Снопче.

Директорот Дритан Имери истакна дека ваквите посети се добредојдени и дека во координација и соработка со општинската администрација, можностите за напредок со побрзи чекори, се поголеми.

Во однос на ученичките екскурзии кои треба да се реализираат кон крајот на учебната година, како и матурската вечер, беше договорено да се земат предвид барањата на учениците, но тие мора да се реализираат  во координација и со согласност на родителите, управата на училиштето и Секторот за образование при општина Гостивар.

Посетите од страна на претставниците на Секторот за образование во општинските основни и средни училишта, како и во детските градинки, ќе бидат редовни и истите ќе се спроведат без определена агенда.

Служба за информирање

Градоначалникот Таравари одблизу ги виде штетите од поплавите во Падалиште, вети дека наскоро ќе бидат евитирани

05.02.2018

Градоначалникот на Гостивар, Арбен Таравари придружуван од неговите соработници, го посети селото Падалиште каде што поројните дождови предизвикаа оштетување на локалниот пат кој води до селото.

При увидот на самото место беше утврдено дека не само невремето го предизвикало оштетувањето на патот, туку и факторот човек.

“Невремето го има направено своето, но и човечкиот фактор во конкретниов случај влијаел штетите да бидат поизразени. Значи, покрај поројните дождови,   ситуацијата ја имаат влошено работите за  изградба на една мини-хидроцентрала и предизвикана е значително оштетување со кои се отежнува нормалниот текна сообраќајот на оваа патнаделница”, истакна Таравари.

Тој посочи дека увидот на самото место утврди дека како последица на градежните работи се создал теснец воводотекот по должината на патот што води кон село Падалиште и асфалтот не можел да го издржи притисокот од водата.

“Наскоро ќе се изготви записник со кој ќе се утврди причината и висината на штетата и ќе се побара од инвеститорот да ги отстрани последиците, нормално и со наша поддршка како општинската администрација. Значи, ќе бидат преземени брзи и конкретни чекори за надминување на состојбата, а наскоро ќе се врати слободното движење на селаните и на сите оние кои гравитираат по овој пат”, подвлече градоначалникот на Гостивар, Арбен Таравари.

Служба за информирање

Бизнисмени од турската општина Акхисар, заинтересирани за инвестирање во Гостивар

05.02.2018

Во рамките на неговата посета на Општина Акхисар, градоначалник на Гостивар, Арбен Таравари имаше средба со зам/претседателот на оваа општина, Омер Ишчи.

Таравари и Ишчи, во правец на продлабочување на соработката помеѓу двете општини, разговараа за можноста за инвестирање во општина Гостивар од страна на бизнисмените од Акисар, но и од Турција во општо.

Тие се согласија, поширока делегација составена од официјални лица од Општина Акхисар, претставници на турските стопански комори, во блиска иднина да остварат посета на општина Гостивар и да се запознаат со овдешната бизнис клима.

Градоначалникот Таравари истакна дека градот Гостивар е познат за гостопримство и  дека на гостиварските граѓани ќе бидат почестени да бидат домаќини на делегација од пријателската општина Акисар. При посетата на Гостивар, ќе им биде овозможено да го истражат пазарот во Гостивар и околината, да се запознаат со поддршката и олеснувањата кои ги нуди  државата во општо и Општина Гостивар посебно, за странски инвестиции.

Служба за информирање