Се поставуваат нови корпи за отпадоци низ градските улици

30.03.2018

Започна денес распределбата на нови корпи за отпадоци кои се поставуваат низ главните градски улици во градот Гостивар.

Станува збор за проект на Јавното претпријатие “Комуналец” – Гостивар, чија цел е да се подигне нивото на јавна чистота во градот.

“Претпријатието за оваа фаза, е снабдено со 30 нови корпи за отпадоци, бидејќи постојните корпи беа оштетени и нефункционални. Со овој проект имаме за цел да ја подобриме јавната хигиена во градот”, велат од компанијата.

Од ЈП “Комуналец” исто така апелираат до граѓаните, корпите за отпадоци да ги користат во согласност со нивната намена, и во истите да не се фрла и комуианлен отпад од домаќинствата и бизнисите.

Служба за информирање

Започна акцијата за санација на улиците

30.03.2018

Јавното претпријатие “Комуналец”, со поддршка на Општина Гостивар, започна широка акција за саанција на ударните дупки низ градските улици.

“По лоштото време пропратено со поројни дождови и снего што го зафати подрачјето на општина Гостивар, улиците и патиштата имаат претрпено големи оштетувања, односно се појавиле ударни дупки на сфалтот. Сега кога времето се подобрило и има поволни услови за градежни работи, започнавме со широка акција за пополнување на дупки низ сите оштетени улици, давајќи им приоритет на главните и попрометните улици”, вели директорот на ЈП Комуналец”, Исак Лазами.

Од Општина Гостивар известуваат во текот на годината ќе се санираат и реконструираат повеќе градски улици и локални патишта, кои се најоштетени.

Служба за информирање

Граѓаните за Општината: Работиме заедно за транспаретност и одговорност

Во рамките на проектот „Граѓаните за Општината – Работиме заедно за транспарентност и одговорност“, НЕКСУС – Граѓански Концепт во соработка со Општината Гостивар ќе спроведува заеднички активности од истоимениот проект.

Се работи за веб Платформа која има за цел да го зголеми учеството на граѓаните во утврдувањето и решавањето на секојдневните локални проблеми. Овој проект ќе поттикне поголема интеракција помеѓу единиците на локалната самоуправа и граѓаните, ќе создаде атмосфера на поголемо граѓанско учество, преку која граѓаните ќе можат директно да ги искажат нивните жалби и поплаки, а со тоа да вршат и следење на работата на локалната власт.

Линк

Сите малверзации во Општина Гостивар, се пријавуваат пред надлежните органи

29.03.2018

Портпаролот на општина Гостивар, Јасин Демири, на денешната прес-конференција информираше дека од денеска се прекинува кампањата “Вистината за ДУИ”, но не затоа што нема нови докази за злоупотреби, туку за да се остави простор надлежните органи да дејствуваат во согласност со утврдените прекршоци.

– Сите повреди и злоупотреби кои сме ги утврдиле при внатрешните контроли, односно за сите случаи каде што постои основано сомнение за сторен прекршок или кривично дело, сме ги пријавиле пред надлежните органи: Министерството за внатрешни работи – Финансиска полиција, Јавно обвинителство, истакна Демири

Тој рече дека покрај тоа што Општина Гостивар има побарано контрола од страна на државната ревизија, побарао е исто така и Трудовата инспекција и Државниот инспекторат за образование да спроведат вонредни контроли со цел вистината да излезе на виделина и за било каква злоупотреба да се поабара одговорност.

– Општина Гостивар ќе продолжи со внатрешни контроли за работата на општинските раководства во минатите мандати, без да се заобиколи и работата на општинската администрација во овој мандат. Значи, никој не може да бега од одговорност, бидејќи никој не смее да биде над законот. Не постои човекот за државата, туку државата постои за човекот – истакна општинскиот портпарол.

Демири изрази уверување дека судскиот систем во Република Македонија час поскоро ќе се реформира и сите прекрштели на законот и криминалците, ќе ја добијат заслужената казна.

Служба за информирање

Градоначалникот Таравари го прими балканскиот шампион во карате Берат Јакупи

26.03.2018

Градоначалникот на Гостивар, Арбен Таравари, го прими во неговиот кабинет каратистот Берат Јакупи по последниот успех постигнат на Балканското првенство во Истанбул, од каде се врати со златен медал.

“Сите времиња имаат свои херои. Во последниве години, симбол и амбасадор на Гостивар во Балканот и во Европа, но и во светот, го носи името Берат Јакупи. Пред мене ги имам медалите на Берат и овој факт, како гостиварец, ме прави многу горд со овој успех “, истакна Таравари.

Јакупи му се заблагодари на градоначалникот Таравари за топлото гостопримство и неговиот интерес за унапредување на спортот во Гостивар.

“Мојот сон не завршува тука. Освоените медали ми го отворатпатот за учество на Олимписките игри во Токио 2020 година. Се надевам дека на Европското првенство ќе се накитам со медал и постепено и на Светското првенство кон крајот на оваа година да бидам тука некаде. И ако ги постигнам овие резултати, нашиот сон че стане реалност, Гостивар да има претставници на Олимписките игри”, истакна оптимистички Јакупи.

Инаку, Берат Јакупи досега е накитен со многу медали, при што особено вреди да се истакне златниот медал во категоријата + 78кг на европското првенство за У-21 во Лисабон, Португалија. Тој се смета за еден од најуспешните каратисти на сите времиња во Македонија.

Служба за информирање

Во гостиварските училишта се одржуваат дебати за интеграција на младите во образованието

23.03.2018

Во три гостиварски општински основни училишта, во тек е пилот-проектот “Интеграција на младите во образованието”. Проектот го спроведува Американската агенција за меѓународен развој (УСАИД) во соработка со Секторот за образование при Општина Гостивар.

“Првично овој пилот проект се спроведува во две градски основни училишта Единство и Гоце Делчев како и во ОУ “Чајла’ во село Чајле, а во иднина ќе бидат опфатени и другите општински училишта. Проектот го спроведува УСАИД во соработка со Општина Гостивар, а во моментов се водат младиснки дебати, каде што експерти од оваа област, преку разговор ги детектираат барањата и потребите на младите за интеграција во образованието “, објаснува Аслијан Снопче – раководителка на Секторот за образование.

Младински дебати се реализираат со групи сочинтеи од по 20 ученици.

Служба за информирање

Вистината за ДУИ – Шефот на кабинетот се почестил со 4 лап-топа и еден таблет

22.03.2018

Во рамките на кампањата “Вистината за ДУИ“, портпаролот на Општина Гостивар, Јасин Демири, на денешната прес-конференција информираше за два случаи на флагрантно кршење на процедурите и за злоупотреба на стварите на Општина Гостивар, од страна на шефот на кабинетот на поранешниот градоначалник Невзат Бејта.

“На 18.10.2013 Општина Гостивар се снабдела со Таблет – Aplle iPad во вредност од 42.901 без отворен тендер. Приемот на стоката го потпишал шеф на кабинетот на поранешниот градоначалник со напомена дека таблетот се наоѓа во неговата канцеларија, но тој таблет, истото лице не го предало при напуштање на канцеларијата. Во случајов има две сериозни повреди, односно необјавување на тендер за јавна набавка со вредност повисока од 30.000 и класична кражба на општински ствари“, истакна Демири.

Понатаму тој информираше за друг случај, каде што е направена уште по тешка злоупотреба. Поточно станува збор за злоупотреба на средства во износ од 321.300 денари (или над 5000 евра).

“Општина Гостивар на ден 17.10.2013 година се снабдела со 4 лап-топаа по поединечна цена од 76500 денари плус ДДВ. Никој досега не ги видел тие лап-топи во општината и не се знае каде завршиле истите. Иако не стои потпис, се знае дека ги примил шефот на кабинетот на поранешниот градоначалник Невзат Бејта“, рече портпаролот на општината.

“За тоа каде завршиле четирите лап-топа и Таблетот, ќе треба да даде отчет поранешната раководна структура на Општина Гостивар, и пред општинската администрација и пред истражните органи“, рече на крајот на прес-конференцијата портпаролот Демири.

Центар за информирање

Потпишан Меморандум за соработка помеѓу Општина Гостивар и Фондацијата Метаморфозис

19.03.2018

Во присуство на шефот на Делегацијата на Европската унија во Македонија, Самуел Жбогар, на пригодна свеченост Општина Гостивар и Фондацијата Метаморфозис, потпишаа денес Меморандум за соработка за Проектот за зајакнување на иновативен туризам.

Во името на Општина Гостивар, Меморандумот го потпиша градоначалникот Арбен Таравари, а во името на Метаморфозис, извршниот директор на фондацијата Бардил Јашари.

Целта на проектот е да се промовира енергичен туристички сектор кој ефикасно се прилагодува на потребите на домашните и меѓународните пазари и придонесува за забрзување на растот и стимулирање на отворањето нови работни места во прекуграничната туристичка зона помеѓу Македонија и Албанија, поточно во подрачјето на Гостивар и Елбасан.

Согласно Меморандумот, Фондацијата Метаморфозис се обврзува да ги промовира вредностите на сите потенцијални места и можности за развој на туризмот во полошкиот регион, а Општина Гостивар ќе обезбеди информации, експертиза и искуство, како и ќе ги поттикне малите и средни претпријатија и сите заинтересирани страни активно да дадат придонес кон реализирање на целите на проектот.

Времетраењетo на Меморандумот за соработка е од 19 март 2018 година до 31 март 2020 година.

Проектот е финансиран од Програмата за меѓугранична соработка на Европската Унија.

Служба за информирање

 

Жбогар: Очекувам буџетот да се донесе како што го предложил градоначалникот Таравари

19.03.2018

Градоначалникот на Гостивар, Арбен Таравари го прими денес во неговиот кабинет на шефот на дипломатијата на Европската унија во Македонија, Самуел Жбогар.

По средбата, двајцата соговорници на прес-конференција одржана во прес-центарот на општината рекoa дека средбата поминалa во мошне пријателска атмосфера и дека разговарале за заеднички проекти кои се во тек, оние кои наскоро ќе започнат да се спроведуваат, како и за потенцијални проекти кои би ги добила Општина Гостивар, а се финансираат преку разни фондови на Европската унија.

“Ми беше посебна чест и задоволство денес да ми биде гостин евроамбасадорот Жбогар. Разговаравме со него за актуелната состојба во Гостивар и за заеднички проекти со Европската унија. Го информирав г. Жбогар дека утре во десет часот ќе биде седницата на Советот и се очекува дефинитивно буџетот да биде усвоен, бидејќи тоа е во интерес на сите граѓани”, изјави за медиумите градоначалникот Арбен Таравари.

“Задоволството за денешната средба беше мое. Се познавам со г Таравари ушпе пред да биде избран за градоначалник, дури и пред да стане министер за здравство. Се сретнавме за прв пат во болница кога го посетивме господинот Села по нападот врз него на 27-ми април. Како што посочи и градоначалникот Таравари, разговаравме за проекти за кои може да апчлицира и да ги добие општината”, истакна Жбогар.

Евроамбасадорот, исто така, информираше дека на средбата разговарале и за состојбата во општината во однос на буџетот.

“Општината треба да се развива, да се градат градинки во кои ќе бидат сместени децата. Затоа се надевам дека општинскиот буџет ќе биде усвоен утре, и тоа во рамката која ја предлага градоначалникот на Гостивар, Арбен Таравари”, подвлече Жбогар.

Во рамки на посетата, евроамбасадорот Жбогар и градоначалникот Таравари, заедно со своите соработници, се прошетаа низ град Гостивар.

Служба за информирање

Таравари најави започнување на шест инфраструктурни проекти

16.03.2018

Започнале работите за целосна реконструкција на големиот градски парк во Гостивар.

За да ги проследи одблизу работите, на самото место излезе градоначалникот Арбен Таравари, кој при оваа прилика најави дека наскоро ќе започне и асфалтирањето на пет улици на подрачјето во општина Гостивар.

“Како што гледате, веќе започнале работите за целосна реконструкцијата на големиот градски парк, што подразбира израмнување на земјиштето, уредување на патеките со бекатонски плочки, сечење на дрва во фаза на распаѓање и нивна замена со нови садници, садење на зеленило и слично, и тоа од двете страни на реката Вардар”, изјави за медиумите градоначалникот Таравари.

Работите за реконструкција на паркот ги врши јавното претпријатие “Јавни паркиралишта и зеленило”. Директор на претпријатието, Музафер Зулбехари информираше дека работите ќе завршат за околу еден месец, а вредноста на проектот е околу 30 илјади евра, средства обезбедени од самото претптирјатие.

Градоначалникот Таравари, исто така, најави дека со почетокот на пролетта ќе се работи интензивно за реализирање на разни инфраструктурни проекти, со посебен акцент, асфалтирање на пет улици во подрачјето на општина Гостивар.

Служба за информирање