Аслиан Снoпче: Ученичките екскурзии ќе се реализираат според планот

30.04.2018

Раководителката на Секторот за образование при Општина Гостивар, Аслан Снопче, ги информираше денеска новинарите дека сите училишни екскурзии ќе се реализираат според предвидениот план и дека учениците и родителите не треба воопшто да се грижат. за тоа.

„Би сакала да ја запознаам јавноста, а особено учениците и нивните родители дека ученичките екскурзии ќе се реализираат согласно предвидениот план на МОН и дека ние како општина ниту сакаме ниту можеме да интервенираме тука, во ситуација кога ни се одземени надлежности во образованието”, информираше г-ѓа Снопче.

Таа објасни дека шпекулациите за наводно неспроведување на екскурзиите се појавиле по поднесување на жалба од страна на една туристичка агенција за во гостиварската гимназија и дека постапката ќе продолжи преку судски пат и дека нема да биде поврзана со реализацијата на екскурзии.

“Кога станува збор за интересот на учениците, Општина Гостивар никогаш нема да прави проблеми и ниедено наше дејствие нема и ќе нема политичка заднина.

Служба за информирање

Се одржа меѓународниот натпревар во Параглајдерство “Маврово Опен” 2018, со поддршка и на Општина Гостивар

30.04.2018

Изминатиот викенд , на 28 и 29 април, се одржа меѓународен натпревар во Параглајдерство – прецизно слетувањe “Маврово Опен” 2018 во организација на Летачки Клуб Кондор од Гостивар, со поддршка и на Општина Гостивар.

Свеченото оттварање се одржа во сабота во 10 часот на Спортскиот Стадион Маврово, каде што поздравен говор одржа и портпароклот на општина Гостивар, Јасин Демири.

На натпреварот зедоа учество пилоти на крила од 6 држави, Македонија, Албанија, Косово, Турција Србија, Бугарија и Романија.

Градоначалникот на Гостивар, Арбен Таравари, учествуваше на церемонијата на прогласување на победниците што се одржа в недела во 15 часот.

“Му честитам на клубот Кондор од Гостивар, а особено на претседателот на клубот Ментор Саити за оваа одлична организација. Им честитам на победниците, но и на сите учесници од разни балкански земји и се надевам дека се воодушевени од прекрасниот пејсаж што го нуди Маврово и топлото гостиварско гостопримство. Општина Гостивар секогаш ќе биде на располагање на сите спортско-рекреативни активности како мoшне важен дел од животот младите и на луѓето во општо”, рече меѓу Меѓународниот натпревар во параглајдерство “Маврово Опен” 2018, е дел од календарот на Интернационалната Воздухопловна Федерација (FAI), а се реализира со поддршка на Воздухопловна Федерација на Македонија.

Служба за информирање

Ученици од ОУ “Гоце Делчев“ на посета во Општина Гостивар

26.04.2018

Учениците од четврто одделение, паралелки на македонски јазик, при Основното општинско училиште “Гоце Делчев“- Гостивар, во придружба на нивните учителки, денеска беа во посета на Општина Гостивар, за да се запознаат како функционира локалната власт.

При посетата тие се сретнаа со градоначалникот Арбен Таравари и неговите соработници, а ги посетија и просториите каде што општинската администрација ги извршува своите задачи.
Градоначалникот Арбен Таравари и членовите на неговиот кабинет, ги запознаа учениците со функционирањето на локалната самоуправа со јазик разбирлив за нивната возраст, посакувајќи им кога ќе пораснат да станат дел од општинската администрација, да преземат раководни позиции, а некој од нив да стане и градоначалник.

Учениците од ООУ “Гоце Делчев”, разговараа со градоначалникот Таравари и му поставија многубројни прашања.

Служба за информирање

Општина Гостивар првa ја применува веб-платформата Raporto.mk

26.04.2018

Од денес па натаму, жителите на општина Гостивар ќе можат да ги пријавуваат на лесен начин нивните поплаки за проблеми од категории како што се: отпадоци, дупки на пат, загадувачи на воздухот, јавно осветлување, оштетени тротоари, неисчистени улици и патишта од снег и мраз, како и други комунални проблеми со кои се соочуваат на местата каде што живеат и гравитираат. Ова, благодарение на воведувањето на онлајн платформата Prijavi.mk.

Во денешната промоцијата на оваа платформа пред претставниците на општинската администрација, граѓанското општество и граѓаните во салата на Советот на Општина Гостивар, градоначалникот Арбен Таравари истакна дека спроведувањето на ваквата платформа се роди како идеја за време на посетата на Општина Тирана, каде што веќе се применува слична платформа наречена “Мојата Тирана” и одлучил Општина Гостивар да биде прва пилот општина во Македонија во која ќе се стави во функција платформата Prijavi.mk.

“Општина Гостивар е прва општина која што воспоставува алатка за комуникација на граѓаните со општинските служби користејќи технолошки алатки во Македонија. Ние сме решени да продолжиме со транспарентност и отчетност кон граѓаните преку развивање на други технолошки алатки за развој на демократијата”, истакна меѓу другото Таравари.

Тој им се заблагодари на здружението Nexuѕ СС, Амбасадата на САД во Скопје и НВО Democracy Lab, што го овозможија воведувањето на оваа платформа.

“Наш план е по одреден период на успешна употреба на оваа платформа од страна на граѓаните на Гостивар, истата да се примени и во другите поголеми урбани општини во Македонија, каде што општина Гостивар ќе служи како позитивен пример. Би сакала да му се заблагодарам на градоначалникот Арбен Таравари што ни даде можност да го реализираме овој проект, како и општинската администрација за организирањето на овој настан денес”, истакна претседателката на Nexuѕ СС,Афродита Муслиу.

Поздравен говор одржа и претставникот на Амбасадата на САД во Скопје, Албион Абдулаи, кој рече дека се чувствува горд што поддржува еден ваков проект во Општина Гостивар и верува во успешноста на иститот.

Raporto.mk реално ќе ги одрази сите тешкотии со кои се соочуваат граѓаните на Гостивар, а одлучноста на раководтсвото на општина Гостивар е многу јасна и ќе се тежнее со човечките ресурси со кои располага, да се решат што повеќе случаи кои ќе бидат пријавени преку платформата.

Prijavi.mk. е креиран врз основа на отворената платформа FixMyStreet на MySociety и овозможена преку DemTools на Националниот демократски институт (NDI).

Платформата е дел од проектот “Граѓаните за општината: Заедно за транспарентност и отчетност” спроведен од страна на ГО NEXUS – Граѓански концепт и делумно поддржан со гран од Амбасадата на САД во Скопје, а за нејзина имплементација во Општина Гостивар, на 5 март, градоначалникот Таравари потпишаа Меморандум за соработка со претставниците на Граѓанската органиѕација Nexus CC.

Служба за информирање

Утре се става во функција Платформата PRIJAVI.МК

Здружението на граѓани НЕКСУС – Граѓански Концепт (НЕКСУС), ќе го промовира ставањето во функција на Платформата  Prijavi.mk. Промоцијата ќе се одржи во салата на Советот на Општина Гостивар со почеток во 10:00 часот .

На промоцијата поканети се граѓански организации, институциите, донатори,  како и сите засегнати страни кои соработувале или биле дел од проектот,  а поздравно обраќање ќе има градоначалникот Арбен Таравари.

Платформата има за цел да го зголеми учеството на граѓаните во утврдувањето и решавањето на секојдневните локални проблеми.  Целта на Prijavi.mk е да поттикне поголема интеракција помеѓу единиците на локалната самоуправа и граѓаните, да создаде атмосфера на поголемо граѓанско учество, преку која граѓаните ќе можат  директно да ги искажат нивните жалби и поплаки, а со тоа да вршат  и следење на работата на локалната власт.

Prijavi.mk е создадена врз основа на отворената платформа FixMyStreet на mySociety и обезбедена преку DemTools од National Democratic Institute (NDI).

Платформата е дел од Проектот „Граѓаните за општината: Заедно за транспарентност и одговорност“, имплементиран од

З.Г. НЕКСУС – Граѓански Концепт, и делумно поддржан со грант од Амбасадата на САД во Скопје.

Слуѓба за информирање

Принудните директори од ДУИ објавуваат незаконски конкурси

24.04.2018

ДУИ успеа преку разни притисоци врз владата на Заев, да му ги одземе ингеренциите во образованието на градоначалникот на Гостивар, Арбен Таравари.

Алудирајќи на тоа дека ќе воведат ред во образованието, донесоа принудни директори кои ги кршат законските одредби.

Во средното медицинско училиште, директорот Агрон Алили, на 23.04.2018 објави оглас за работни места на определено време до 31.08.2018 година, за истите работни места во кои претходно беа ангажирани професори и педагогот на училиштето, со договор од 18.01 до 31.08.2018 година.

Со оглед на тоа што директорот објавува конкурс без да има ита потреба или недостиг на кадри, во време кога има наставници ангажиран во истиот временски период, тој прави законски прекршок, што нема како поинаку да се објасни, освен како политички реваншизам, што сериозно го поткопува квалитетот на наставниот процес и правата на работникот кој е во работен однос.

Бараме јавно, а ќе побараме и институционално од надлежните органи како што се Државниот инспекторат за образование, Трудовиот инспекторат, Народниот правобранител итн. заштита на наставниците и на педагогот на средното медицинско училиште “Гостивар“.

Служба за информирање

Турската амбасадорка на градоначалникот Таравари му ги предаде клучевите од две амбуланти коли

24.04.2018

Амбасадорката на Република Турција во Скопје, Тулин Еркал Кара, на градоначалникот на Гостивар, Арбен Таравари, му ги предаде клучевите на две амбуланти коли – турска донација за потребите на Општата болница во Гостивар.

Оваа донација беше договорена уште во времето кога Арбен Таравари беше министер за здравство, а предавањетос случи денес.

Амбасадорката Кара, претходно беше во посета на Општина Гостивар. Во пријателска атмосфера, турската амбасадорка и градоначалникот Таравари разговараа за актуелната состојба и предизвиците со кои се соочува Општина Гостивар.

Инаку, ова беше втората посета на турската амбасадор Тулин Еркал Кара во Гостивар за време на мандатот на градоначалникот Арбен Таравари.

Служба за информирање

Во текот на викендот се пополнија ударните дупки на сите градски улици во Гостивар

23.04.2018

Јавното претпријатие “Комуналец”, со поддршка на Општина Гостивар, ja заврши акцијата за пополнување на ударните дупки на сите градски улици.

“Акцијата која ја започнавме со пристигнувањето на пролетта, во текот на изминатитот викенд ја завршивме и веќе сите ударни дупки на градските улици се пополнети со што е овозможено нормално движење на возилата“, вели директорот на ЈП Комуналец”, Исак Лазами.

За годинава, Општина Гостивар планира да асфалтира околу 15 локални патишта и улици во градот и во руралните средини.

Служба за информирање

По иницијатива на жителите и со помош на Општина Гостивар, се уредува ромската населба “Дупка”

21.04.2018

Жителите на маргинализираната ромска населба “Дупка” во Гостивар, спроведоа акција за чистење на нивната наслеба а во пресрет им излезе Општина Гостивар преку Јавното претпријатие “Комуналец”.

Локалните жители ги чистат отпадоците и го собираат на едно место, а јавното претпријатие го превезува отпадот, го израмнува патот и go расчистува каналoт за атмосферските води.

Општина Гостивар ги поддржува и помага во сите акции на жителите од градоските населби и селата, a и иницира вакви активности.

Инаку, ромската населба “Дупка” постои неколку децении, но целосно била маргинализирана и од локалната и од централната власт. Сегашното раководство на Општина Гостивар е посветено на создавање нормални услови за сите граѓани кои живеат на нејзина територија.

Служба за информирање

ТППE се снабде со 10 легла – донација од Општина Гостивар

20.04.2018

Со цел подобрување на условите за работа на вработените во Територијална противпожарна единица – Гостивар, Општина Гостивар додели донација од 10 легла.

Јусуф Бајрами – овластен координатор од страна на Општина Гостивар во ТППЕ, му се заблагодари на градоначалникот Арбен Таравари за оваа донација, најавувајќи дека подобрувањето на условите за работа во оваа единица, ќе биде пшерманентен процес.

“Професионалните пожарникари, ги извршуваат своите должности во смени од 12 часа, а во согласност со законот, во текот на работното време можат да се одмараат, односно да спијат во определени периоди. Леглата со кои располагаше ТППЕ беа вон секој стандард, па во име на пожарникарите, му благодарам на градоначалникот Таравари што се грижи за обезбедување на што подобри услови за да тие ги извршуваат своите должности”, истакна координаторот Бајрами.

Вреди да се спомне дека претходно на ТППЕ – Гостивар од Република Турција и беа донирани работни униформи за пет пожарникари, а во отсуство на доволни дотации од централната власт, Општина Гостивар ќе одвои средства од својот буџет за подобрување на условите за работа, технички и просторни услови, со цел да се овозможи ефикасно работење на лицата кои вршат толку благородна работа, како што е професијата пожарникар.

Територијалната противпожарна единица – Гостивар, ја покрива целата територија на општина Гостивар и општина Врапчиште, како и дел од општина Маврово – Ростуше, односно територија со околу 100 илјади жители, а дотациите кои доаѓаат од централната власт не исполнуваат ниту третина од потреби за суштинско функционирање на оваа единица.

Служба за информирање