Се збратимија Општина Гостивар и Општина Света Недеља од Хрватска

21.05.2018

Градоначалникот на Гостивар, Арбен Таравари и градоначалникот на хрватскта општина Света Недеља, Дарио Зуровец, во саботата ја потпишаа Повелбата за пријателство и соработка помеѓу двете општини, со што и официјално овие два града се збратимија.

Повелбата за пријателство и соработка се потпиша во рамките на свечената седница на Градскиот совет на Света Недеља по повод Денот на градот.

Градоначалникот на Гостивар, Арбен Таравари, им се обрати на присутните и изрази особена чест што Општина Гостивар стана партнер со Општина Света Недеља.

“Општина Света Недеља е совршен пример за тоа како функционирањето на општинската администрација и соработката со бизнис секторот може да создаде клима за работа и живот. Со збратимувањето на нашите две општини, убеден сум дека ќе имаме голема корист од меѓусебната размена на искуствата”, истакна градоначалникот Таравари.

Градоначалникот, пак, на Света Недеља, Дарио Зуровец, подвлече дека темелите на оваа соработка се остварија благодарение на почесниот конзул на Република Хрватска во Скопје, г-ѓа Вита Хузјан.

Збратимувањето на двете општини има за цел воспоставување на пријателски, културни, општествени и претприемачки односи, како и подобрување на развојот на меѓудржавната соработка на локалните заедници во име на демократијата и заедништвото.

Претходно, на последната седница на Советот на Општина Гостивар, општинските советници едногласно усвоија одлука за збратимување на Општина Гостивар со Општина Света Недеља.

Служба за информирање

Делегација од Коџаели ја посети општина Гостивар

18.05.2018

Делегација од општина Картепе на градот Коџаели (Република Турција), предводена од заменик-градоначалникот Абдула Јилмаз ја посети општина Гостивар каде што беше примен од страна на градоначалникот Арбен Таравари.

Градоначалникот Таравари ги запозна гостите од Турција со актуелната состојба во општина Гостивар и традиционалното пријателство со турската држава и турските општини.

Заменик-градоначалникот Јилмаз го запозна градоначалникот Таравари со  нивната идеја, на 4 август и 5 во Гостивар да се одржи фестивал насловен “Заборавени вредности”, на кој ќе бидат промовирани традиционалните и фолклорни вредности на двете пријателски општини.

На средбата беше договорено фестивалот да се реализира, и истиот ќе биде финансиран од страна на Унијата на турски општини во светот , а ќе се спроведува во соработка со Општина Гостивар. За координатор беше избран Геѕим Хаџиејуп, вработен во Општина Гостивар.

Инаку, ова ќе биде четврт фестивал од ваков вид, конкретно втор по ред што ќе се одржи воземјите од Западен Балкан.

Служба за информирање

Координативен состанок за безбедни училишта

18.05.2018

Во рамки на проектот “Безбедни училишта” финансиран од ОБСЕ, кој   што се спроведува во шест општини во Македонија, во Гостивар се одржа координативен состанок на кој се  дискутираше за едногодишниот план на  задачи и активности.

На состанокот учествуваа претставници на ОБСЕ во Македонија, стручните служби на општинските средни училишта, наставници и претставници од Секторот за образование при Општина Гостивар.

Темите за кои се дискутираше беа борбата против насилството, екстремизмот и другите злоупотреби во училиштата, а се определи и агендата на активности за едногодишен период, односно обуки со професори и ученици, работилници и други активности.

Служба за информирање

Градоначалникот Таравари пишува во Министерството за финансии: копилиња и казина, најмалку 500 метри од училиштата

17.05.2018

Градоначалникот на Гостивар, Арбен Таравари, преку службено писмо побара од Министерството за финансии да во иднина издава дозволи за работа само за кладилници и казина лоцирани на над 500 метри оддалеченост од образовните институции.

Во писмото, исто така, се бара од соодветното министерство да ја разгледа можноста да ги обврзе сопствениците кои веќе поседуваат дозвола за работа за организирање на игри на среќа во објекти кои се наоѓаат во близина на училиштата, да ги дислоцираат истите.

Служба за информирање

 

Таравари учествуваше на отворањето на Граѓанскиот ресурсен центар во Гостивар

17.05.2018

Градоначалникот на Гостивар, Арбен Таравари присуствуваше на свеченото отворање на Граѓанскиот ресурсен центар во Гостивар.

“Ова е добра можност за невладините организации да имаат лесен пристап до потребните ресурси и информации за нивно нормално функционирање. Општина Гостивар ги гледа граѓанските организации како независен фактор во формирање на демократијата и општествениот живот, а во рамките на своите надлежности и можности континуирано ќе ги поддржува”, истакна градоначалникот Таравари во неговиот поздравен говор на отворањето на центарот.

Граѓански ресурсен центар – Гостивар е тригодишен проект финансиран од Европската Унија, а се имплементиран од страна на Асоцијацијата за демократски иницијативи – АДИ Гостивар.

Општина Гостивар ги поттикнува граѓанските организации да ги користат услугите на овој центар и да го подигнат нивото на меѓусебна соработка.

Служба за информирање

Поставени рефлектори во фудбалското игралиште во Старо Чајле

17.05.2018

Во низата на активностите на Општина Гостивар за подобрување на квалитетот на животот и поттикнувањето на младите за занимавање со спортски активности, во фудбалското игралиште во Старо Чајле се поставија рефлектори.

Жителите на село Чајле изразуваат задоволство од оваа инвестиција на Општина Гостивар и велат дека сега овој спортски терен е комплетен и ќе може да се користи и во свежите летни вечери кога младите обично се занимаваат со спортски активности .

Вреди да се спомене дека Општина Гостивар помага и во изградбата на фудбалскиот стадион во село Балиндол.

Служба за информирање

Честитка на градоначалникот на Гостивар, Арбен Таравари, по повод Светиот Месец Рамазан

15.05.2018

Градоначалникот на Гостивар, Арбен Таравари, на сите верници од исламска вероисповед им го честита Светиот Месец Рамазан.

“Над една милијарда луѓе ширум светот ќе влезат во Светиот Месец Рамазан. И во Гостивар се подготвуваме да го почнеме Рамазан.

Посакувајќи ви лесен пост, убеден сум дека овој месец ќе ни послужи за што поголемо рефлектирање на нашето однесување, ќе нè доближи до Бога и да нè направи што посвесни, дека љубовта и почитта се главниот клуч за слога.

Бог нека ни го прифати постот и нашите молитви”, се вели во пораката на градоначалникот Таравари.

Служба за информирање

ИЗВЕСТУВАЊЕ

Се известуваат граѓаните, органите на државната власт и други органи и организации утврдени со закон, установите и јавните служби, месните заедници, јавните претпријатија, заводите, фондовите, невладините организации, правните и физички лица што вршат јавни овластувања и сите други кои ги користат општинските услуги, дека во согласност со Одлуката бр.09-1009/1 од 15.05.2018 година, за времено распоредување на работнотo време на Општина Гостивар во текот на месец “Рамазан” – 2018 година, општинската администрација ќе работи од 09.30 до 16.00 часот, почнувајќи од 16 Мај 2018 до 14 Јуни 2018 година.

Служба за информирање

Концертот “Музиката сите нé обединува” ги обедини младите од Гостивар

15.05.2018

Под мотото “Музиката сите нé обединува” синоќа на гостиварскиот плоштад се одржа голем концерт на кој учествуваа млади луѓе од сите националности.

Организатор на настанот беше Форумот на млади а истиот беше поддржан од страна на Општина Гостивар, ЈП “Комуналец – Гостивар и Министерството за култура.

“Целта на овој концерт е да се промовира мултикултурализмот и соживотот во Гостивар, вредности кои што гостиварци ги негуваат повеќе генерации. За да учесничките групи имаат што подобар настап, интензивно вежбаа во просториите на Форумот на млади во зградата на Општина Гостивар. Би сакал, во оваа да им се заблагодарам на сите што го поддржаа овој настан и би додал дека во иднина уште повеќе ќе се интензивираат активностите и Гостивар ќе стане атрактивно место за младите луѓе”, вели Енис Мифтари – претседател на Советот на млади на Општина Гостивар.

На концертот настапија “Gos YC Music Group”, “Da Lee&Nband” и “DJ Knockout” a концерт следат голем број на граѓани и претставници на општинската администрација.

Служба за информирање

Советот на млади на општина Гостивар организираше велосипедски тура низ градот

14.05.2018

Со цел сензибилизација на граѓаните за зачувување на животната средина и против загадувањето на воздухот, Советот на млади на општина Гостивар организираше велосипедска турнеја низ улиците на градот Гостивар.

Под мотото “Let’s go cycling”,, велосипедистите тргнаа од општинската зграда, кружејќи низ главните градски улици за да на крајот се вратат во општинската зграда.
Активноста се спроведе со целосна поддршка од Општина Гостивар, а велосипедистите ги придружи градоначалникот на Гостивар, Арбен Таравари и неговите соработници.

Меѓу учесниците на велосипедската тура беше и иселеникот Арафат Абдија кој му поклони симболичен подарок на градоначалникот Таравари, посакувајќи му да продолжи со неуморната работа за подигнување на квалитетот на живеење на граѓаните на општина Гостивар.

Служба за информирање