Се отвори новата игротека кај колективните згради до градскиот пазар

29.06.2018

Завршија работите за изградба на нова детска игротека кај колективните згради спроти големиот градски пазар во Гостивар. Како дел од проектот на Општина Гостивар за изградба на четири нови и реновирање на две постојни игротеки на територијата на општината.

Новата ирготека веќе е ставена во функција и се користи од страна на децата кои живеат во овј дел од градот, а родителите велат дека се презадоволни што имаат можност почесто да ги носат тука децата, како и полесно да ги имаат под контрола, поради блискоста на игротеката со нивните домови.

Претходно се изгради игротека во дворот на ОУ “Фаик Коница” во село Дебреше и спроти Судот во Гостивар, во која се инсталираше и јавно осветлување, за да може да се користи и во вечерните часови.
За уредување на детски игротеки, Општина Гостивар од својот буџет има издвоено околу 2,3 милиони денари. Но, покрај игротеките кои се предвидени за оваа фаза, во нареден период ќ бидат изградени уште неколку други во градот и низ селата.

Служба за информирање

Известување

29.06.2018

Се известуваат граѓаните дека утре (сабота) е крајниот рок за поднесување барањe за утврдување на правен статус на бесправно изграден објект (легализација) за сите баратели на кои им е одбиено барањето за легализација поднесено во 2011 година.

Исто така, утре е краен рок за доставување на геодетски елаборат за бесправно изградени објекти за кои барање е поднесено во 2015/2016 година.

Со цел да им излезе во пресрет на граѓаните, Општина Гостивар има ангажирано дежурна екипа која утре (сабота) ќе врши прием на барања, и тоа од 9:00 до 20:00 часот во Центарот за општински услуги што се наоѓа на приземјето на зградата на Општина Гостивар.

Барателите треба да достават:
– Лична карта
– Имотен лист
– Уплатница од 250,00 денари (уплатата може да се направи и во Општината, со електронска картичка)

Општина Гостивар ги повикува граѓаните да го искористат последниот рок за утврдување на правен статус на својот бесправно изграден објект и истиот да го претворат во законски економско имот.

Служба за информирање

Започнаа работите за изградба на детска игротека кај колективните згради кај градски

27.06.2018

Започнаа работите за изградба на ново детско игралиште, овојпат кај колективните згради спроти големиот градски пазар во Гостивар.

Ова се прави во рамките на проектот на Општина Гостивар за изградба на четири нови игротеки и реновирање на две постојни игралишта на територијата на општината.

Претходно се изгради игротека во дворот на ОУ “Фаик Коница” во село Дебреше и спроти Судот во Гостивар, во која се инсталираше и јавно осветлување, за може да се користи и во вечерните часови.

“За уредување на детски игротеки, Општина Гостивар од својот буџет има издвоено околу 2,3 милиони денари. Но, покрај игротеките кои веќе сме ги предвиделе за оваа фаза, ќе се трудиме во нареден период да изградиме уште неколку други”, вели Јасин Демир – портпарол на Општина Гостивар.

Служба за информирање

Градоначалникот Таравари го прими светски познатиот фудбалер Адмир Мехмеди

28.06.2018

Градоначалникот на Гостивар, Арбен Таравари, денеска во својот кабинет го прими фудбалерот на швајцарската репрезентација, со потекло од Гостивар, Адмир Меxмеди.

“Нашите луѓе кои живеат надвор од родниот крај се наши најдобри амбасадори ширум светот, особено оние кои покажуваат успех во областа на науката, културата и спортот. Пред неколку дена, ни беше на гости нобеловецот Ферид Мурад, а денес на посета во Општината, е светски познатиот фудбалер Адмир Мехмеди. Ни претставува чест да биде тука со нас, и се надевам дека неговата кариера, која започна пред десет години, ќе продолжи и во наредните десет години, и во репрезентацијата на Швајцарија, така и во фудбалските клубови каде што ќе игра”, истакна Таравари.

Адмир Мехмеди му се заблагодари на градоначалникот Таравари за гостопримството и му посака успех во владеењето, со надеж јдека Општина Гостивар ќе бележи развој и напредок во сите области.

Во знак на почит, Таравари и Мехмеди разменија симболични поклони. Мехмеди му поклони на Таравари дрес од швајцарската репрезентација со број 18. аа Таравари на Мемеди му поколни плаката на Општина Гостивар.

Инаку, Мехмеди е прв фудбалер Албанец кој постигнал гол на Светското фудбалско првенство. Поради оперирање на лигаменти, Мехмеди na ова светско првенство не е дел од националниот тим на Швајцарија.

Служба за информирање

Во понеделник ќе се отвори Канцеларијата за иселеници при Општина Гостивар

27.06.2018

Во понеделник (2 јули) ќе почне да работи Канцеларијата за иселеници при Општина Гостивар.

Канцеларијата ќе биде отворена до 31 август, за да повторно се отвори во месец декември кога нашите иселеници ќе дојдат да го поминат одморот во родниот крај.

Канцеларијата за иселеници ќе работи во форма на “Едношалтерски систем”, а работното време ќе трае од 08:00 до 20:00 секој работен ден.

Отворањето на оваа канцеларија се прави со цел да им ги олесниме до можен максимум административни процедури во Општината.

Канцеларијата за иселеници се наоѓа во Центарот за општински услуги, во приземјето на седиштето на Општина Гостивар.

Служба за информирање

Се уредува дворот на Ученичкиот дом во Гостивар

26.06.2018

По реновирањето на внатрешните простории и подготвувањето на една просторија за кабинет за третман на деца со аутизам, во Ученичкиот дом во Гостивар, се работи и за уредување на дворните површини.

“Почнавме да го уредуваме дворот на Ученичкиот дом, односно да садиме декоративни дрвја и да ги уредуваме зелените површини, се со цел објектот да си добие соодветен изглед”, вели директорот Шпенд Сулејмани.

Сулејмани им се заблагодарува на Општина Гостивар и на гостиварските бизнисмени за континуираната поддршка, благодарение на што овој ученички дом, кој до неодамна личеше на напуштена зграда, се претгвора во погодна средина, како одвнатре така и однадвор, за целта за која е наменета.

Служба за информирање

Добитничката на мансион награда на олимпијадата на средни училишта во Њујорк, Гентиана Јашари на посета кај градоначалникот Таравари   

26.06.2018

Градоначалникот на Гостивар, Арбен Таравари ја прими во неговиот кабинет ученичката Гентиана Јашари, добитнчика на мансион награда на олимпијадата Genius – International High School Environmental Project во Њујорк.

“Секогаш велам дека луѓето од културата и спортот се најдобрите амбасадори во светот на еден народ и нација Гентиана покажа успех на еден меѓународен натпревар од културен и образовен карактер. Тоа нè прави горди затоа што таму таа го претставуваше нашиот град и нашата општина. Во овие седум-осум месеци, општината согласно можностите помагала на културата и спортот во Гостивар и ќе продолжи тоа да го прави и во иднина”, изјави градоначалникот Таравари.

“Му благодарам на градоначалникот Арбен Таравари, Советот на општината, општинската администрација и иселениците од село Чајле за материјалната поддршка. Исто така им се заблагодарувам на Ебрар Мазар и Бастри Ристеми за снимањето на песната, како и мојот ментор професорката Беса Џафери Садики. Јас во Њујорк не претставив само себе си или моето училиште, туку го претставив цел Гостивар и ја пренесов мојата порака за заштита на животната средина. Среќна сум што целиот тој ангажман на крајот беше крунисан со успех”, рече Гентиана Јашари.

На олимпијадата во Њујорк учествуваа ученици од 72 разни земји од светот, кои се натпреваруваа со 729 проекти. Колеџот Јахја Кемал – Македонија се натпреваруваше со 62 проекти при што освои еден златен, три сребрени и четири бронзени медали.

Гентиана Јашари, која е ученичка од втора година во колеџот Јахја Кемал во Гостивар, освои мансион награда во категорија уметност, каде што настапи со хитот Њѕ Рулс на светски познатата албанска пејачка Дуа Липа и есеј за подигање на свеста кај населението за заштита на животната средина и изградба на фабрика за рециклирање на отпад во Гостивар.

Служба за информирање

Градоначалникот Арбен Таравари го прими италијанскиот амбасадор Карло Ромео

25.06.2018

Италијанскиот амбасадор во Скопје, Карло Ромео, ја посети општина Гостивар, каде што беше примен од градоначалникот Арбен Таравари.

На средбата беа разгледани можностите за продлабочување на соработката што нашата земја ја има со пријателската држава Италија на национално ниво, а особено на локално ниво.

“Разговаравме со амбасадорот за продлабочување на соработката на двете земји на национално и локално ниво. Исто така, ја искажавме можноста за збратимување на општина Гостивар со некоја италијанска општина. Го информирав амбасадорот и за нашата подготвеност да воведеме изучување на италијанскиот јазик како втор странски јазик во основните и средните училишта во Гостивар, во согласност со одлуката на владата, со оглед дека во Италија имаме многу иселеници од овој крај”, изјави Таравари по средбата.

На иста линија беше и италијанскиот амбасадор Ромео, кој иселениците од Гостивар во Италија ги опишаа како многу важна заедница.

“Граѓаните на Гостивар кои живеат и работат во Италија претставуваат многу важна заедница. Се надевам дека досегашната соработка меѓу двете земји, конкретно и со општина Гостивар, уште повеќе ќе се продлабочат во економски, културен и образовен апект и ќе има и италијански инвестиции во општината”, истакна амбасадорот Карло Romeo.

Служба за информирање

Се формира Локален совет за превенција

25.06.2018

Во Општина Гостивар, дене одржаа заеднички состанок градоначалникот, претседателот на Основниот суд, еден претставник од Основното обвинителство и командирот на Полициската станица – Гостивар.

Целта на состанокот беше формирање на Локален совет за превенција според препораките на ОБСЕ и Министерството за внатрешни работи.

Градоначалникот на Гостивар, Арбен Таравари, изјави за медиумите дека оваа средба повеќе имаше информативна и консултативна цел, а во иднина ќе се остваруваат редовни состаноци со дефиниран дневен ред, кои ќе се одржат во понеделниците, на секои две недели.

“Одлучивме да формираме Локален совет за превенција со цел да соработуваме и да функционираме во интерес на граѓаните и кон проблемите да имаме превентивен пристап. Како што ме информираше командантот на полициската станица, ние сме прв град што има формирано ваков совет и се надевам дека ќе бидеме позитивен пример и за другите општини. Ќе држиме редовни состаноци на секои две недели во понеделник, со одредени точки на дневен ред и ќе ја информираме јавноста за проблемите со кои се соочуваме, како и за одлуките и активностите кои ќе се преземаат”, изјави Таравари по состанокот.

Општина Гостивар изразува подготвеност за секаков вид меѓусекторска и меѓуинституционална соработка, со цел процесите да одат напред и од нив корист да имаат сите граѓани, особено во однос на безбедноста, без оглед на нивната етничка, верска припадност или политичко убедување.

Служба за инфопрмирање

Се поставува декоративно осветлување на зелените површини во Гостивар, градот добива атрактивен изглед во вечерните часови

25.06.2018

Општина Гостивар продолжува со реализација на проекти за подобрување на инфраструктурата, подобрување на квалитетот на животот на граѓаните и разубавување на јавните површини на нејзина територија.

Последниот од низата проекти кој започнал со реализација е поставување на декоративно осветлување на зелените површини во најфреквентните делови на градот. Првично декоративно осветлување е поставено на декоративните кругови во градскиот парк, поточно спроти Судот.

“Декоративно осветлување ќе се поставува на сите зелени површини во главните делови од градот, односно на местата кои најмногу се фреквентирани од страна на граѓаните, како што се малиот парк на градскиот плоштад, дворот на седиштето на Општината, кружните текови, зелениот појас на булеварите и слични површини. Со овој проект, Гостивар ќе добие убав изглед и ќе стане многу атрактивно место за прошетка во вечерните часови “, изјави портпаролот на Општина Гостивар, Јасин Демири.

ЈП “Јавни паркинзи и зеленило”, значително ја подобрило состојбата со зеленило во градот и околината, а ваквиот тренд во иднина ќе продолжи со зголемен интензитет.

Служба за информирање