Избрано најдоброто идејно решение за аква-паркот во Гостивар

20.07.2018

Согласно конкурсот објавен по електронскиот систем за јавни набавки објави, во кој се бараше идејно решение за изградба на воден парк со пропратни содржини, посебна Комисија при Општина Гостивар, како најдобро идејно решение го одбра проектот на Друштво за архитектура, урбанизам и инженеринг Тетракстис Кристијан Дооел експорт импрот Скопје.

Со реализацијата на овој проект Гостивар во блиска иднина ќе има на располагање содржини на водна површина со над две илјади квадратни метри.

Во проект предвидено е аквапаркот да има базени за спирални тобогани, за брзи тобогани, базен со бранови, мрзлива река, плиток базен за деца до четири години и детски базен за деца од 4 до 14 годишна возраст.

Изградбата на аква-паркот ќе биде економична и нема да го оптовари општинскиот буџет, бидејќи целосната реазлизација ќе биде на принцип на јавно-приватно партнерство.

Покрај технички простории, паркинг, гардероби и тоалети, во овој комплекс ќе функционираат ресторан и кафетерија.

Локацијата се наоѓа во Урбан блок 16 во зоната која е предвидена за спортски-рекреативни активности, каде што веќе постојат спортски терени, односно на десниот брег на Вардар во населбата Дутлок, помеѓу двата фудбалски стадиони.

Се очекува проектот да се реализира во текот на 2019 година.

Служба за информирање

Во Гостивар ќе се отвори Центар за младински активности

Потпишан Меморандум за разбирање со организацијата Демокраси лаб

18.07.2018

Градоначалникот на Гостивар, Арбен Таравари и претседателот на невладината организација Демокраси лаб, Сефер Селими, потпишаа Меморандум за соработка со цел отворање на Центар за младински активности во Гостивар.

Проектот ќе биде имплементиран од страна на Демокраси лаб а ќе се финансира од Општина Гостивар и Американската амбасада во Скопје.

Центарот има за цел продлабочување на соработката и довербата помеѓу различните заедници што живеат во Гостивар, отстранување на предрасудите и да промовирање на мултиетничноста.

По потпишувањето на Меморандумот, градоначалникот на Гостивар Арбен Таравари рече дека оваа благородна иницијатива заслужува да биде поддржана.

“Првично, овој Центар ќе биде кофинансиран од страна на Демокраси лаб и Општина Гостивар, а после неколку години ќе продолжи да се финансира само од Општина Гостивар”, истакна Таравари.

Сефер Селими – извршен директор на Демокраси лаб објасни дека во рамките на Центарот ќе бидат иницирани програми, обуки и разни курсеви за создавање на нова генерација активни граѓани кои ќе можат да ги препознаваат своите права и одговорности како граѓани.

Седиштето на Центарот за младински активности ќе биде на улицата која води кон гостиварската општа болница.

Информативна служба

Вчера во Гостивар сe отвори манифестацијата “Денови на иселениците”

16.07.2018

Манифестацијата “Денови на иселениците”, што се одржува под покровителство на градоначалникот на Гостивар, Арбен Таравари, под мотото “Добредојдовте иселеници”, се отвори вчера со пренос на финалето на Светското првенство во фудбал и Стенд ап комедијата на познатиот комичар Хасим Мемиши Сопи.

“Преку оваа манифестација сакаме на нашите иселеници да им посакаме добредојде и да нивниот престој во родниот крај да им го направиме поатрактивен. Поради фактот што тие остануваат во својата матична земја многу кратко време во текот на годината, нашиот пристап кон нив мора да биде како туристи, иако Гостивар е нивно родно место. Ќе имаме бројни настани во различни сфери, култура, спорт, забава, рекреација, и тоа за сите возрасти и заедници”, рече градоначалникот Таравари.

Пренесувањето на финалниот натпревар Франција:Хрватска и Стенд ап комедијата на Хашим Мемиши Сопи се одржа на градскиот плоштад во Гостивар и бњеа проследени од голем број граѓани и иселеници.

Следниот настан ќе се одржи утре во 18:30 часот во Центарот за култура во Гостивар, каде што театарска трупа од студенти на драмската уметност при УТ, ќе се претстават со комедијата “Сонот на седум студенти”.

Служба за информирање

Му се враќа сјајот на летниот амфитеатар покрај реката Вардар

13.07.2018

Во пресрет на бројните активности во рамките на проектот “Добредојдовте иселеници”, се бојадисаа ѕидовите на летниот амфитеатар на Гостивар лоциран на шеталиштето на реката Вардар.

“Покрај бојадисувањето на ѕидовите, дополнително ќе се исчисти и ќе се уреди околината, бидејќи во наредните недели во овој амфитеатар, како едно од обележјата на град Гостивар, ќе се реализираат бројни активности во рамките на проектот Добредојдовте иселеници”, вели Јасин Демири – портпарол на Општина Гостивар.

Вреди да се спомне дека во летниот амфитеатар покрај реката Вардар, планирано е во следните две недели да се одржат 5-6 културни и забавни активности.

Служба за информирање

Градоначалникот Таравари, со апел до граѓаните и полицијата по повод доаѓањето на иселениците

13.07.2018

По повод доаѓањето на иселениците, градоначалникот на Гостивар, Арбен Таравари, на граѓаните на Гостивар и полицијата им упати апел со кој ги повикува да се покажат поширокогради и погостољубиви.

Апелот а градоначалникот Таравари ви го пренесуваме интегрално:

Почитувани граѓани на општина Гостивар,

Деновиве нашите иселеници доаѓаат во родниот крај за да ги поминат летните одмори. Најголемиот прилив се очекува викендов и во деновите што следат. Гостивар, во соработка и со други институции и разни граѓански здруженија, се залага годинава престојот на иселениците во својата татковина, да им го направи што попријатен и што попривлечен.

Иселениците престојуваат само неколкудена во родниот крај, и во тие денови, трошат и инвестираат толку многу пари што ја држат во живот економијата на државава.

Ако мал дел од нив, во главно помладите, не се доволно дисциплиниран во сообраќајот, и заедно со други млади од нашиот град се однесуваат на начин кој потешко можат да го прифатат постарите генерации, сепак треба да биде малку поширокогради и потолерантни, сé додека нивното однесување не остава последици, или не претставува некоја посериозна повреда на законот и нормативите.

Оттука, и годинава упатувам апел до Полициската станица – Гостивар, односно до командирот на Полициската станица, да ги мобилизираат што поефикасно полициските службеници да бидат на ниво на задачата, повеќе да влијаат превентивно и што повеќе да асистираат што повеќе за успешно справување со гужвата во сообраќајот, без да се има потреба за казнени мерки.

Со почит,

Арбен Таравари – градоначалник на Гостивар

ВТОРА ИНФОРМАТИВНА СРЕДБА ЗА ПРЕДЛОГ-РЕБАЛАНСОТ НА БУЏЕТОТ НА ОПШТИНА ГОСТИВАР

06.07.2018

Секторот за финансии и буџет на Општина Гостивар, организира втора информативна средба на која ќе биде презентиран предлог-ребалансот на буџетот на Општина Гостивар за 2018 година.

Информативната средба ќе се одржи во салата на Советот на Општина Гостивар на 13.07.2018 (петок) од 15:00 до 16:00 часот.

Се покануваат граѓаните, претставниците да Месните заедници, цивилниот сектор и сите други заинтересирани граѓани, да земаат учество о да дадат свои сугестии и предлози за измени и дополнувања на предлог-ребалансот на буџетот за 2018 година.

Служба за информирање

Гостивар: Бројни културно-спортско-рекреативни активности за време на престојот на иселениците во Гостивар

10.07.2018

Под мотото “Добрoдојдовте иселеници”, годинава Општина Гостивар ќе ги пречека на достоинствен начин нашите иселеници и ќе им овозможи пријатен престој во родниот крај за време на летните одмори.

Првиот чекор што го презеде Општина Гостивар во оваа насока, е реактивирање на Канцеларијата а иселеници во рамките на општинската администрација од 1 јули која ќе биде отворена до 31 август, а ќе дава бесплатни услуги 12 часа на ден.

Покрај тоа, за време на нивниот престој во родниот крај, на иселениците ќе им се овозможи бесплатно да ги носат децата од предучилишна возраст во гостиварските градинки, за што веќе е обезбеден дополнителен кадар, како и следење на бесплатни курсеви по албански јазик.

За да им се посака добредојде, во деновите кога приливот на иселеници ќе биде наjголем, активисти на Младинскиот форум во придружба на општински службеници, на влезот од градот ќе споделат флаери со агендата на културно-спортските активности oд проектот “Денови на иселенеците”.

Разните културно-забавни спортско-рекреативно активности ќе започнат на 15 јули (недела) на градскиот плоштад со Стенд ап комедија под изведба на познатиот комичар Хашим Мемиши Сопи, а предвидени се уште две други театарски претстави.

Во богатата агенда вклучени се и неколку концерти, еден со фолклорни песни и ора, еден концерт со албански забавни песни еден мултиетнички младински концерт и еден концерт со Илахии

За децата ќе се организира специјален концерт и квиз на знаење, и на дневен ред е организирање на турнир во мал фудбал, шаховски турнир и подесување и Тјунинг шоу со авотмобили.

Општина Гостивар, иселениците ги смета како мошне важна категорија на граѓани, и на локално и на централно ниво, така што со цел тие да ги раскинат врските со татковината и да останат и понатаму клучен фактор за економскиот развој на земјава, ќе вложи максимални напори нивниот престој во родниот крај, да им го напраи поатрактивен и да ги привлече помладите генерации редовно да го посетуваат Гостивар.

Општина Гостивар има за цел во оваа насока да послужи како позитивен пример кој што ќе го следат и другите општини, како и Владата.

За следната година, Општина Гостивар планира да ги прошири активностите во времето на летните одмори, а воедно ги охрабрува граѓанскиот сектор и бизнис секторот да преземат разни активности и да соработуваат со Општината, со единствена цел Гостивар да стане омилена дестинација не само за иселениците од Гостивар и околината, туку и од соседните општини.

Телеграма со сочувство до семејството Хасани

Почитувано семејство Хасани,

Со длабоко жалење ја примив веста за смртта на членот на вашето семејство, Зуди Хасани.

Со неговата смрт, Територијалната Противпожарна единица – Гостивар изгуби еден вреден работник, а неговото семејство еден посветен родител и сопруг.

Дозволете ми во мое лично име, во името на општинската администрација и на Територијалната противпожарна единица – Гостивар, да ви изразам најискресно сочувство.

Починатиот Бог нека го благослови, а вам нека ви даде трпение!

Со почит,

Арбен Таравари – градоначалник на Гостивар

ИНФОРМАТИВНА СРЕДБА ЗА ПРЕДЛОГ-РЕБАЛАНЦОТ НА БУЏЕТОТ НА ОПШТИНА ГОСТИВАР

06.07.2018

Секторот за финансии и буџет на Општина Гостивар, организира информативна средба на која ќе биде презентиран предлог-ребалансот на буџетот на Општина Гостивар за 2018 година.

Информативната средба ќе се одржи во салата на Советот на Општина Гостивар на 09.07.2018 (понеделник) од 16:00 до 17:00 часот.

Се покануваат граѓаните да земат учество.

Служба за информирање

Сектор за финансии: Приходите во општина Гостивар во првото полугодие зголемени за 14%, а расходите за 6%

04.07.2018

Остварените јавни приход во консолидираниот буџет на Општина Гостивар за првото полугодие од 2018 година, односно за периодот од 01.01.2018 до 30.06.2018, достигнаа вкупен износ од 467.660.829 денари, каде што се вклучени и трансферите од претходната година, а што претставува 44,30% од планираните приходи за буџетот од 2018 година кои изнесуваат 1.055.777.000 денари.

Споредено со истиот период лани, годинава се бележи раст на приходите во износ од 57.408.903 денари, или изразено во проценти околу 14%.

Овој раст се должи на зголемување на даночните приходи во износ од 15.208.186 денари, на неданочните приходи во износ од 3.575.231 денари, донации и траснфери 37.702.440 денари, како и капитални приходи во износ од 923.046 денари.

Што се однесува на трошоците за првата половина од оваа година, тие изнесуваат 428.452.210 денари, или 40,58% од планираните расходи на консолидираниот буџет за 2018 година.

Споредено со претходната година, извршувањето на расходите се зголеми за 23.805.894 денари, односно околу 6%.

“Ова е добар показател дека буџетот ќе надмине 80 отсто, што значи дека буџетот за оваа година би можел да помине само низ мали промени и дополнувања во првиот ребаланс. Исто така. извршувањето на буџетот за овој период од годината може да се смета како мошне успешно, со оглед на фактот дека дури три од првите шест месеци, Општина Гостивар работеше со привремен буџет, којшто е доста рестриктивен и предизвикува големи застои во реализација”, истакнуваат од Сектор за финансии при Општина Гостивар.

Информациите за приходите и расходите реализирани во општинскиот буџет, ажурирани по месеци, како нова поѕитивна пракса во Општина Гостивар, можете да ги најдат на следниот линк:

http://gostivari.gov.mk/wp-content/uploads/2018/07/Raportet-per-Web-faqen-e-Komunes-1.pdf

Служба за информирање