Ќе се прошири и реасфалтира една улица во село Дебреше. Почетокот на работите го проследи градоначалникот Таравари

30.08.2018

Градоначалникот на Гостивар, Арбен Таравари, одблизу го следеше почетокот на градежните работи за проширување и реасфалтирање на дел од една улица во горниот дел на селото Дебреше.

Улицата, која ќе се прошири и реасфалтира има должина од околу 200 метри, моментално е широка околу 3 метри, а по реконструкцијата ќе добие широчина 4,20 метри, доволна ширина за непречен сообраќај во двете насоки.

“Беше барање на жителите на село Дебреше, бидејќи овој дел од улицата беше доста оштетен и тесен, а е доста фреквентен. Покрај тоа, ќе се асфалтира и паркингот на селската џамија во оваа населба. Со реализацијата на овој проект, ние всушност ќе ги заокружиме планираните инвестиции за оваа година во областа на инфраструктурата, односно водоснабдување, канализација, асфалтирање како и асистенција на активности преземени од страна на Месната заедница на селото”, истакна Таравари.

Жителите на селото Дебреше, изразија благодарност за досегашните инвестиции на Општина Гостивар во нивното село и за одржаните ветувања од страна на градоначалникот Арбен Таравари.

Служба за информирање

Aкцијата за уривање на бесправните градби во Гостивар

30.07.2018
Започна денес акцијата за уривање на бесправните градби на територијата на општина Гостивар. Првата градба која што
денес беше урната е еден ѕид во населбата Питарница, кој беше изграден без соодветна дозвола и на локација предвидена за улица.

Со уривањето на овој ѕид, всушност се овозможува слободно движење на возилата на тој дел од населба Питарница.
Општина Гостивар ќе продолжи со уривање на бесправните градби, како што се ѕидовите кои зафаќаат дел од улиците, доградби, како и станбени објекти кои што се изградени бесправно. Од Секторот за урбанизам при Општина Гостивар, ги повикуваат граѓаните да не градат без соодветна дозвола, бидејќи ќе се соочат со сите мерки согласно позитивните закони на Република Македонија.

Служба за информирање

Во рамките на “Денови на иселениците” во Гостивар се одржа шаховски турнир

30.07.2018

На симболичен начин, со повлекување на првиот потег од страна на градоначалникот на Гостивар, Арбен Таравари, вчера на градскиот плоштад во Гостивар свечено беше отворен шаховскиот турнир организиран во рамките на манифестацијата “Добредојдовте иселеници“.

“Една од многуте културни и спортски активности организирани во рамките на манифестацијата Денови на иселениците е денешниот шаховски турнир. Општина Гостивар ја поддржува оваа интелигентна игра. Се надевам дека денес ќе имаме многу силни мечеви и нека победи најдобриот”, истака градоначалникот Арбен Таравари.

Додека, пак, претседателот на Шаховскиот клубот “Гостивар”, Ахмет Салмани, информираше дека на овој турнир учествуваат 26 натпреварувачи. Некои од нив се членови на клубот, некои се лица кои ја следат шаховската школа, како и други граѓани кои се пријавиле за учество на турнирот, од кои дел се иселеници.

Турнирот се одржа во формат 7 кола, со темпо 5 минути плус 2 секунди.

Прво место го зазеде Узеир Бајрами со 6 освоени поени од вкупно 7 можни, второто место му припадна на Саит Зибери со 5,5 поени, а третото на Васко Јовановски со 5 освоени поени.

Првите три места беа наградени со пехар, а третото и четвртото место со медали. Наградите ги врачи Бесим Догани, раководител на Канцеларијата за имплементација на проекти при Општина Гостивар.

Служба за информирање

Оптшина Гостивар се приклучи на кампањата “На секое дете му треба семејство“

26.07.2018

Гостивар се вклучи во кампањата „На секое дете му треба семејство“, која има за цел да ги поттикне граѓаните да станат згрижувачи за децата без родителска грижа. Во Летниот амфитеатар се одржа настан со културно-уметничка програма и беа испратени пораки за поддршка на згрижувањето на деца во топла, семејна атмосфера.

Настанот мод мотото “Посебна вечер за посебни деца“, го организираше Општина Гостивар во соработка со Министерството за труд и социјална политика и УНИЦЕФ.

“Општина Гостивар ќе биде отворена и секогаш ќе ги поддржува децата со посебни потреби. Ја поддржуваме кампањата На секое дете му треба семејство и ќе се залагаме тие деца да се социјализираат, да се дружат и да ги имаат сите услови, да го живеат животот исто како нивните врсници“, изјави Аслиан Снопче.

„Само во семејна средина детото може да почувствува љубов, поддршка и припадност. Згрижувачките семејства обезбедуваат најдобра алтернативна грижа во случаи кога биолошкото семејство не е во можност да му ја пружи сета љубов и грижа кои му се потребни на детето“, рече Билјана Ангелеска од Центарот за социјална работа во Гостивар.

Претставничката на УНИЦЕФ, Билјана Велковска исто така нагласи дека сакаат да ги мотивираат граѓаните да станат згрижувачи со што се збогатува животот на детето и на семејството кое му пружа дом.

Служба за информирање

 

“Денс балет” ги обедини децата од детските градинки од Гостивар

24.07.2018

Во рамките на Културното лето во Гостивар, кое се одржува под мотото “Добродојдовте иселеници”, вчера се одржа Денс балет за деца, каде што настапија деца од сите националности, кои ги посетуваат јавни градинки во општина Гостивар, како и приватна детска градинка “СТАР”.

Специјален гостин на настанот беше Лина Демири – добитник на неколку награди на Фестивали за детски песни, а настапи и балетската група Денс студио предводено од Сарита Селмани.

За доброто расположение на гостиварските полетарчиња, настанот се појавија и неколку маскоти: Елса, Пиратот Џими и Кловнот.

Во рамките на Денот на иселениците, ќе се одржи уште еден настан за деца, а вечерва во програмата е Концертот со илахии, што ќе се одрќи на отворениот амфитеатар во Гостивар со почеток во 20:30 часот.

Служба за информирање

Сензибилизирачката кампања “Вие сте сончоглед” во Гостивар

24.07.2018

Познататра албанска презентерка Албана Османи која ја предводи сензибилирачката кампања “Ти си сончоглед”, беше ја посети Општина Гостивар, при што беше пречекана од градоначалникот на Гостивар, Арбен Таравари и членовите на неговиот кабинет.

“Горд сум што Гостивар станува дел од оваа кампања и ги повикувам граѓаните на Гостивар, а посебно бизнисмените, да се приклучат на оваа иницијатива. Посакувам оваа иницијатива да биде успешна и што поскоро оваа мисија да се прошири и во Гостивар и Македонија и да им помогне на децата кои страдаат од болести на крвта. Ги знаеме лошите услови во кои се третираат децата со овој вид на болест, како во нашата земја така и во земјите од регионот, така што мислам дека оваа мисија треба да се поддржи и прошири за да на овие деца им се овозможи соодветен медицински третман” истакна Таравари.

Албана Османи истакна дека е задоволен од текот на оваа кампања во Македонија и дека е многу среќна што во нејзиниот тим има човек од Гостивар.

“Ќе се залагаме да сториме сé од човечка страна, а останатото да се остави во Божји раце. Би ги повикала граѓаните на Гостивар да нарачаат од маичка и да придонесат за третманот на овие деца. Вашиот придонес ќе оди сто проценти за овие деца”, истакна Албана Османи.

Маички од сенззибилирачката кампања „Ти си сончоглед“ можат да се нарачаат во канцеларијата на Аграм Констракшн во Гостивар.

Градоначалникот на Гостивар, Арбен Таравари купи маички за општинските службеници во поддршка на оваа иницијатива и со цел поттикнување на граѓаните на Гостивар да придонесат во овој правец. Собраните средства ќе одат за медицински третман на заболените од болести на крвта, канцер и леукемија кои се лекуваат на Клиниката за онкологија во Клиничкиот центар “Мајка Тереза” – Скопје.

Служба за информирање

Избрано најдоброто идејно решение за аква-паркот во Гостивар

20.07.2018

Согласно конкурсот објавен по електронскиот систем за јавни набавки објави, во кој се бараше идејно решение за изградба на воден парк со пропратни содржини, посебна Комисија при Општина Гостивар, како најдобро идејно решение го одбра проектот на Друштво за архитектура, урбанизам и инженеринг Тетракстис Кристијан Дооел експорт импрот Скопје.

Со реализацијата на овој проект Гостивар во блиска иднина ќе има на располагање содржини на водна површина со над две илјади квадратни метри.

Во проект предвидено е аквапаркот да има базени за спирални тобогани, за брзи тобогани, базен со бранови, мрзлива река, плиток базен за деца до четири години и детски базен за деца од 4 до 14 годишна возраст.

Изградбата на аква-паркот ќе биде економична и нема да го оптовари општинскиот буџет, бидејќи целосната реазлизација ќе биде на принцип на јавно-приватно партнерство.

Покрај технички простории, паркинг, гардероби и тоалети, во овој комплекс ќе функционираат ресторан и кафетерија.

Локацијата се наоѓа во Урбан блок 16 во зоната која е предвидена за спортски-рекреативни активности, каде што веќе постојат спортски терени, односно на десниот брег на Вардар во населбата Дутлок, помеѓу двата фудбалски стадиони.

Се очекува проектот да се реализира во текот на 2019 година.

Служба за информирање

Во Гостивар ќе се отвори Центар за младински активности

Потпишан Меморандум за разбирање со организацијата Демокраси лаб

18.07.2018

Градоначалникот на Гостивар, Арбен Таравари и претседателот на невладината организација Демокраси лаб, Сефер Селими, потпишаа Меморандум за соработка со цел отворање на Центар за младински активности во Гостивар.

Проектот ќе биде имплементиран од страна на Демокраси лаб а ќе се финансира од Општина Гостивар и Американската амбасада во Скопје.

Центарот има за цел продлабочување на соработката и довербата помеѓу различните заедници што живеат во Гостивар, отстранување на предрасудите и да промовирање на мултиетничноста.

По потпишувањето на Меморандумот, градоначалникот на Гостивар Арбен Таравари рече дека оваа благородна иницијатива заслужува да биде поддржана.

“Првично, овој Центар ќе биде кофинансиран од страна на Демокраси лаб и Општина Гостивар, а после неколку години ќе продолжи да се финансира само од Општина Гостивар”, истакна Таравари.

Сефер Селими – извршен директор на Демокраси лаб објасни дека во рамките на Центарот ќе бидат иницирани програми, обуки и разни курсеви за создавање на нова генерација активни граѓани кои ќе можат да ги препознаваат своите права и одговорности како граѓани.

Седиштето на Центарот за младински активности ќе биде на улицата која води кон гостиварската општа болница.

Информативна служба

Вчера во Гостивар сe отвори манифестацијата “Денови на иселениците”

16.07.2018

Манифестацијата “Денови на иселениците”, што се одржува под покровителство на градоначалникот на Гостивар, Арбен Таравари, под мотото “Добредојдовте иселеници”, се отвори вчера со пренос на финалето на Светското првенство во фудбал и Стенд ап комедијата на познатиот комичар Хасим Мемиши Сопи.

“Преку оваа манифестација сакаме на нашите иселеници да им посакаме добредојде и да нивниот престој во родниот крај да им го направиме поатрактивен. Поради фактот што тие остануваат во својата матична земја многу кратко време во текот на годината, нашиот пристап кон нив мора да биде како туристи, иако Гостивар е нивно родно место. Ќе имаме бројни настани во различни сфери, култура, спорт, забава, рекреација, и тоа за сите возрасти и заедници”, рече градоначалникот Таравари.

Пренесувањето на финалниот натпревар Франција:Хрватска и Стенд ап комедијата на Хашим Мемиши Сопи се одржа на градскиот плоштад во Гостивар и бњеа проследени од голем број граѓани и иселеници.

Следниот настан ќе се одржи утре во 18:30 часот во Центарот за култура во Гостивар, каде што театарска трупа од студенти на драмската уметност при УТ, ќе се претстават со комедијата “Сонот на седум студенти”.

Служба за информирање