Заврши реконструкцијата на улицата пред ОУ “Гоце Делчев” во Гостивар

31.08.2018

Заврши денес целосната рехабилитација и реасфалтирање на улицата “Браќа Блажески” пред Основно училиште “Гоце Делчев” во Гостивар, долга 315 метри и широка 9 метри.

Оваа инвестиција е дел од проектот спроведен од страна на Општина Гостивар, со кој се рехабилитираат некои улици во овој дел на градот, со вкупна должина од 1.000 метри во вредност од над 200 илјади евра.

Пред асфалтирањето, се заменија и санира ивичниците, како и се нивелизираа шахтите, а покрај главната улица се асфалтираше и кракот наречен “Улица 1” со должина од 45 метри и широчина од 4,5 метри.

Сегментот, чие асфалтирање заврши денес, е најдолг во рамките на овој проект, а останува да се асфалтира и делот од улица “18 Ноември” од близина на Полициската станица до близу излезот за на булеварот “Браќа Ѓиноски “.

Во овој сегмент, при крај се работите за изградба на водоводна и канализациска линија во должина од 130 метри, што беше барање на жителите и се реализира пред асфалтирањето за да подоцна не се селче асфалтот.

Служба за информирање

СООПШТЕНИЕ

29.08.2018

Општина Гостивар, чувствува обврска на јавноста, особено на учениците, нивните родители и на просветните работници, да им објасни и аргументира дека сите обврски кон основните и средните училишта, ги извршува правовремено и со полна одговорност.

На Општина Гостивар и се префрлуваат средства од централната власт во форма на блок дотациите, кои за 2018 година се планирани во износ од 600.266.000 денари, наменети за основните и средните училишта, детските градинки и противпожарната единица.

Заклучно со денешен ден, од планираните 385.187.374 денари реализирани се 383.263.721 денари или во проценти 99,50%, додека 0,5% се во фаза на реализација.

Покрај блок дотациите, на горенаведените субјекти, Општина Гостивар им префрлува средства од основниот буџет, како одраз на добра волја на градоначалникот, што претставува ретка пракса во Македонија. Конкретно, во однос на областа на образованието, Општината на училиштата и градинките досега и префрлила над 9.000.000 денари или околу 150.000 евра од својот основен буџет.

Од ова што беше објаснето погоре, лесно може да се разбере дека покрај тоа што Општина Гостивар на училиштата им ги префрлува средствата од блок дотациите како условени финансиски средства кои не можат да се користат за ниту една друга намена, таа од својот основен буџет одвојува и дополнителни средства за поддршка на основните и средните училишта, сé со цел успешен тек на образовниот процес, како една од областите за кои градоначалникот Таравари сде обврза дека ќе му посвети посебно внимание и со сите средства ќе се бори образованието да се деполитизира и департизира.

Повторуваме дека сите обвинувања насочени кон градоначалникот на Гостивар, Арбен Таравари од страна на принудните директори на училиштата (партиски војници на ДУИ), се политички мотивирани и нарачани од страна на лицето кое сеуште не може да се пмири со фактот дека ги изгуби последните локални избори и покрај ангажманот во негова полза на целокупниот државен и полициски апарат на Република Македонија.

 Служба за информирање

Градоначалникот Таравари пречека четириесетина уметници од разни земји низ светот

27.08.2018

Ликовните уметници од различни земји кои учествуваат во меѓународната ликовна колонија “Гостивар 2018”, ја посети Општина Гостивар при што беа пречекани од градоначалникот Таравари.

На средбата која се одржа во салата на Советот на Општина Гостивар, градоначалникот Таравари даде краток опис на општината и градот Гостивар, при што кажа дека Гостивар е познат како град на гостопримството, но и како град на ликовните уметници.

“Ви посакувам пријатен престој во нашиот град и ви посакувам да создадете што подобри дела во рамките на уметничката колонија. Ние како општина Гостивар, ќе продолжиме да поддржуваме различни активности од областа на ликовната уметност, но и на културата во општо, бидејќи уметноста и културата се оние кои им даваат душа на општеството”, истакна меѓу другото градоначалникот Таравари.

Решат Амети – претседател на Здружението на ликовни уметници “Драудацум” со седиште во Гостивар, му се заблагодари на градоначалникот Таравари за поддршката и го запозна дека оваа колонија е традиционална и 13-ти по ред, каде што годинава учествуваат 40 ликовни уметници од 12 земји од светот.

На оваа мошне пријателска средба уметниците и градоначалникот Таравари, зборуваа и уметниците Владимир Темков, Светислав Савковиќ – Кајзер, Ваихид Хакан и Шефкет Ислиген.

На 13-тата Меѓународна ликовна колонија 13 “Гостивар 2018”, учествуваат уметници од Косово, Албанија, Македонија, САД, Украина, Црна Гора, Турција, Египет, Франција, Србија, Босна и Херцеговина и Јужна Кореја.

Колонија ја организира ЗЛУМ “Драудацум”- Гостивар, а истата е финансирана од страна на Министерството за култура и Општина Гостивар.

Претседателот на “Драудацум” – Решат Амети, го покани градоначалникот Арбен Таравари на изложбата со дела создадени во оваа колонија, што ќе се одржи во Центарот за култура во Гостивар на 29 август.

Служба за информирање

Се гради канализација во должина од 2000 метри во село Мало Турчане

27.08.2018

Во склоп на последователните инвестиции во областа на инфраструктурата, последниот во низата проекти на Општина Гостивар е изградбата на канализација во село Мало Турчане.

Ова е уште едно остварено ветување на градоначалникот Арбен Таравари, дадено на жителите на Мало Турчане како нивно разумно барање, при неговата посета на ова село минатиот петок.

Канализационата линија е во должина од околу 2000 метри, а со нејзина изградба се решава проблемот на целото село.

Општина Гостивар веќе е влезена во фаза на инвестициски бум, а во септември започнува реализацијата на уште повеќе проекти од областа на инфраструктурата и подобрувањето на квалитетот на живеење на граѓаните на Општина Гостивар.

Информативна служба

 

Јавна средба организирана од ЦИВИЛ: Таравари ги претстави заложбите на Општина Гостивар за европските вредности и зелените иницијативи

24.08.2018

Во организација на невладината организација “ЦИВИЛ”, во салата на Советот на Општина Гостивар се одржа јавна средба со локалните власти, граѓанското општество и граѓаните во рамки на кампањата “Акција-интеграција”, која има за цел промовирање на европските вредности и зелените иницијативи.

Напорите на Општина Гостивар во овие области на присутните им ги презентираше градоначалникот на Гостивар, Арбен Таравари.

“Како општина сме спровеле голем број активности во рамките на нашите надлежности и можностите кои ни ги дозволува општинскиот буџет. Сме имале акции и проекти за позеленување на градот, чистење на дивите депонии и нивно позеленување. Планираме да воведеме јавен превоз со минибуси на електрична енергија. Посветени сме на конечно решавање на проблемот со регионалната депонија Русино. Ќе промовираме минималната употреба на автомобили, односно масовно користење на велосипеди, каде што планираме на есен да објавиме тендер за физибилити студија. Сето ова со цел да се зачува животната средина, да имаме помалку загаден воздух и многу други еколошки компоненти за кои западните земји инвестираат многу, додека ние како држава инвестираме многу малку. Како општина која се соочува со разни опструкции од централната власт се залагаме со скромниот буџет да иницираме некои работи кои можеме да ги направиме, сето тоа за доброто на граѓаните на општина Гостивар “, истакна Таравари.

Џабир Дерала од невладината “ЦИВИЛ“ му се заблагодари на градоначалникот на Гостивар за континуираната соработка со организацијата што тој ја претставува, како и неговиот коректен пристап кон граѓанскиот сектор во целина.

“Овие иницијативи, кои Општина Гостивар ги презема и планира да ги спроведе, се иницијативите кои во Европа и во развиените земји се сметаат за голема работа. Јас изразив жалење како и многу мои пријатели за тоа што д-р Таравари ја напушти функцијата министер за здравство, каде што се покажа многу успешен, но сега кога гледам дека бележи последователни резултати како градоначалник, мило ми е што ја избра оваа функција и дека и покрај фактот што е градоначалник кој доаѓа од редовите на опозицијата, многу придонесува за граѓаните на Гостивар “, рече меѓу другото, Дерала.

На прашањето на присутните што презема Општина Гостивар за решавање на проблемот со кучињата скитници, градоначалникот Таравари одговори дека во тек е изградба на Стационар за третман на бездомните кучиња, со што Гостивар ќе стане првиот град во Македонија кој ќе го реши адекватно овој дамнешен проблем.

Служба за информирање

Во гостиварско Трново се асфалтира локалниот пат кој води до селското училиште

24.08.2018

Заврши изградбата на локалниот пат во с. Трново кој што води до училиштето. Патот е со должина од околу 800 метри, а асфалтираниот коловоз е со просечна ширина од околу 4 метри.

Изградбата на овој пат се прави во рамките на проект финансиран преку грант од ИПА компонента на Европската Унија, кој што вклучува изградба на уште еден пат во селото Падалиште, со вкупна вредност од 7,314,814.80 денари, односно во противредност 118.940 евра,

“Изградбата на овие патишта им за цел во овој дел од гостиварските планински села да се создаде поволна бизнис клима за развој на агрикултурата, земјоделието, шумарство и квалитетот на снабдување со вода, како и развој на туризмот и руралното угостителство”, вели Бесим Догани – раководител на ЛЕР Канцеларијата при Општина Гостивар.

Вреди да се истакне дека деновие Општина Гостивар влегла во фаза на инвестициски бум, бидејќи паралелно се реализираат повеќе капитални проекти, а при крај се и процедурите за реализација и на некои други проекти од областа на инфраструктурата.

Служба за информирање

 

 

Лекавичани го пречекаа Курбан Бајрам со новоасфалтирана улица

23.08.2018

Жителите на село Лакавица празникот Курбан Бајрам годинава го одбележаа со новоасфалтирана улица на влезот на селото.

Иведувачиоте на работите интензивно работеа и во празничните денови, со цел да ги завршаат работите за асажфалтирање на улицата долга 230 метри со површина од над 1300 квадратни метри, односно од регионалниот пат Гостивар-Србиново па се до мостот над реката Лакашница во внатрешноста на селото Лакавица.

Претходно, се изгреба постојниот асфалт кој беше доста оштетен, со дебелина од 4 цм, а потоа се постави нов висококвалитетен асфалт.

За таа цел Општина Гостивар издвоиод својот буџет 1.046.000 денари.

Ова беше уште едно остварено ветување на градоначалникот на Гостивар, Арбен Таравари, за првата година од неговиот мандат.

Инаку, Општина Гостивар за во село Лакавица има предвидено уште неколку инфраструктурни проекти за овој четиригодишен мандат, како разумни барања на жителите на оваа област.

Служба за информирање

ИЗВЕСТУВАЊЕ

22.08.2018

Се известуваат граѓаните дека утре (четврток) во 08:00 ќе започнат градежните работи за асфалтирање на улица “Светозар Пепоски”, односно улицата кај ЈП “Комуналец” во близина на ОУ “Гоце Делчев“, по цела нејзина должина.

Ги повикуваме сите граѓани, вечерва, односно најдоцна до утре во 08:00 часот, да ги тргнат паркираните возила од оваа улица, за да не го попречуваат текот на работите.

Возилата кои евентуално ќе се затекнат утре на самото место, ќе бидат дислоцирани преку “Пајак“ – службата.

Општина Гостивар и изведувачот на работите, Ви се заблагодаруваат за разбирањето.

Служба за информирање – Општина Гостивар

Честитка на градоначалникот Арбен Таравари по повод Курбан Бајрами

20.08.2018

Почитувани граѓани на Гостивар, припадници на исламска вероисповест,

Големиот празник на Курбан Бајрам, ја симболизира пожртвуваноста за да им се помогне на луѓето кои имаат потреба, но исто и најдобра прилика за оддалечување од лутина и несогласувања, и да преовладува љубовта и добрината.

Да му се молиме на големиот Бог да за нашите напори и жртвување, не награди со добрина и просперитет, среќата, здравје и љубовта за сите нас.

Почитувани верници, посакувам во вашето семејство да владее Божји мир и милост!

Нека ви е честит Големиот Празник Курбан Бајрам!

Искрено,

Арбен Таравари
Градоначалник на општина Гостивар

Поставена вештачка трева на теренот за мал фудбал во Чегране

17.08.2018

Во продолжение на напорите на Општина Гостивар, за да покрај инвестиции во инфраструктурата да се инвестира и во проекти кои го подобруваат квалитетот на животот на граѓаните, како што се културата, спортот и рекреацијата, деновиве беше поставена вештачка трева на теренот за мал фудбал во Чегране.

Општина Гостивар одвои од својот буџет 1.750.000 денари за набавка и поставување на вештачка трева од висок квалитет, на две терени за мал фудбал во Чегране и Балиндол.

“Сега кога веќе завршија работите во Чегране, ќе следи уредувањето и на теренот во Балиндол. Вреди да се напомене дека покрај поставувањето на вештачка трева на теренот за мал фудбал во Чегране, поставено е и соодветно осветлување, а извршени се и други дополнителни работи за да теренот ги исполнува сите потребни стандарди “, вели Јасин Демир – портпаролот на општина Гостивар, кој воедно им посакува на младите од село Чегране што подолго да го користат истиот и да се грижат за него како за нивна приватна сопственост.

Служба за информирање