Комеморација во чест на првата гостиварска воспитувачка Албанка, Вафирe Сејфули

24.09.2018

Во салата на Советот на општина Гостивар, се одржа комеморација во чест на првата гостиварска воспитувачка Албанка, Вафире Сејфули, на која присуствуваа членови од семејството, колешки, поранешни нејзини ученици и пријатели.

Исто така, присутен беше и градоначалник на Гостивар, Арбен Таравари кој што бил нејзин ученик и и лекар кој заедно со сега веќе покојната воспитувачка се бореле со тешката болест во последниве неколку години.

“Со најдлабоко жалење ја испративме пред неколку дена госпоѓата, учителката, нашата мајка Вафире Сејфули. Постојат некои луѓе кои го обележуваат животот, кои секогаш остануваат во нас, кои се архитекти на карактерот и личноста. Една од нив беше мојата прва воспитувачка и учителка која за жал замина од овој живот, оставајќи ни болка и тага “, рече Таравари и додаде” Учителката Вафире беше пример за професионалец, за среќа бевме ученици на една исклучителна жена која воедно беше и учителка и мајка. Среча и чест е за Гостивар што животот и делото на учителката Вафире се одвиваа тука “.

Меѓу другото, Таравари истакна и дека младите воспитувачки и учителки треба да го следат примерот на Вафире Сејфули.

“Нека е вечен споменот за нашата сакана воспитувачка, учителка и мајка! Сочувство до нејзиното семејството и и нејзините билски”, рече на крајот од својот говор градоначалникот Арбен Таравари на комеморацијата во чест на првата албанска воспитувачка во Гостивар, Вафире Сејфули.

За животот и дејноста на покојната учителка Вафире Сејфули зборуваа и ченови од нејзиното семејство Афердита Курти и Вилдане Сејфули, како и раководителката на Секторот за образование Аслиан Снопче и нејзината колешка Јелица Стефаноска.

Вафире Сејфули родена е на 21 март 1948 година во село Бањица. Вишата педагошка школа ја завршила во Гњилане. Освен како воспитувачка и учителка, придонес дала и во разни невладини организации, а љубовта за едукација на младите генерации ја натера и по пензионирањето да работи како воспитувачка во една детска градинка.

Служба за информирање

СТОС донираше технолошка опрема за гостиварските училиштата

24.09.2018

Технолошка опрема, поточно 16 компјутери и 16 проектори, беа донирани од страна на Сојузот на турски општини во светот (СТОС), кои во петокот ги дистрибуираа низ неколку гостиварски училишта, градоначалникот Арбен Таравари и генералниот секретар на СТОС, Фахри Солак.

При примањето на донацијата, градоначалникот Таравари изрази задоволство што е домаќин на генералниот секретар на СТОС, Фахри Солак кому му се заблагодари за донацијата и подготвеноста во иднина ваквите донации не само да не отсуствуваат, туку во иднина соработката да се издигне на највисоко ниво за конкретни проекти во различни области.

“Им благодарам на Сојузот на турските општини во светот за донирањето на 16 лап-топи и 16 проектори за јавните училишта во општина Гостивар. Поделивме опрема во средното економско училиште. потоа во специјалната паралелка во ОУ Исмаил Ќемали, како и во други училишта каде што беше потребно. Со генералниот секретар, г. Солак имаме коректни односи и суштинска соработка. Мислам дека нашата соработка ќе продолжи и понатаму и тоа со спроведување на заеднички конкретни проекти во различни сфери “, рече градоначалникот Таравари.

“Гостивар е посебен град во Македонија, каде што ние поддржуваме разни активности. Во овој случај ние донираме технолошка опрема за гостиварските училишта, но поддршка во иднина ќе се зголеми со други проекти, со цел да се подобри квалитетот на услугите во општината “, изјави Солак.

Тој му се заблагодари на градоначалникот Арбен Таравари за неговата подготвеност да соработува во реализацијата на заеднички проекти што се очекува да се спроведат во иднина.

Служба за информирање

 

Градоначалникот Таравари учествуваше на “Штафета за еднаквоста”

24.09.2018

Општина Гостивар во соработка со невладините организации “Заедно можеме” од Гостивар, “Лето” од Струмица и Центарот на ресурси на родители на деца со посебни потреби, организираа активност насловена “Штафета на еднаквоста”.

Беше тоа четврта штафета на децата со посебни потреби, на која присуствуваа градоначалникот на Гостивар, Арбен Таравари, претседателот на Собранието Талат Џафери, активисти, волонтери, ученици, уметници и други граѓани.

Учесниците во овој настан, преку оваа активност ја дадоа својата поддршка и упатија порака до општеството во кое живееме дека децата со посебни потреби се дел од општеството, и дека сите се еднакви.

“Совеста е сеопфатна и целокупна. Јас лично и Општина Гостивар секогаш ќе бидеме на страната на децата со посебни потреби. Тие се составен дел на нашето општество и заслужуваат поголемо внимание за да бидат рамноправен дел од општеството и да го вкусат животот исто како нивните врсници “, изјави градоначалникот Таравари.

Служба за информирање

 

ИЗВЕСТУВАЊЕ

24.09.2018

Поради дефект на главниот цевковод во село Мирдита, денес од 9:00 до 16:00 часот, во селата Мирдита, Долна Бањица, Горна Бањица, Дебреше, Здуње, како и во населба Малеарди ќе има прекин во снабдувањето со вода за пиење.

Се молат граѓаните за разбирање.

Служба за информирање

ИЗВЕСТУВАЊЕ

18.09.2018

Почитувани граѓани,

Од ЕВН – КЕЦ Гостивар известуваат дека утре (среда) од 9:30 до 11:30 часот, поради технички зафати во мрежа, без напојување со електрична енергија ќе останат потрошувачите од ул. “Мајор Чеде Филипоски” – област кај големиот парк, како и дел од улица”Слободан Пепоски” – Гостивар

Со почит,

Служба за информирање – Општина Гостивар

Логопеди од Албанија одржаа семинар за пречки и тешкотии во говорот

18.09.2018

Во организација на Општина Гостивар и во соработка со здруженија и стручњаци кои се занимаваат со прашања на децата со посебни потреби, денес во салата на Советот на општина Гостивар се одржа семинар на тема “Нарушувања и тешкотии во говорот”.

На семинарот учествуваа родители на деца со пречки во говорот, педагози, психолози, наставници од основните училишта, воспитувачки, социјални работници, вработените во Дневниот центар, како и службеници на Општина Гостивар.

На семинарот предаваа експерти од Албанија, логопедите Адриана Понде и Ана Котро.

Овој семинар е продолжение на напорите на градоначалникот на Гостивар, Арбен Таравари за подобрување на квалитетот на живеење на лицата со посебни потреби и пуштање во работа на Центарот за аутизам во рамките на зградата на Ученичкиот дом во Гостивар. Во однос на просторните услови и потребната опрема, центарот е веќе комплетиран, а во тек се постапките за добивање на работна дозвола, што се очекува наскоро да се случи.

Служба за информирање

Градоначалникот Арбен Таравари го прими американскиот амбасадор Џеси Бејли

12.09.2018

Градоначалникот на Гостивар, Арбен Таравари го прчека вчера попладне во неговиот кабинет амбасадорот на Соединетите Американски Држави, Џес Бејли.

На средбата која помина во мошне пријателска атмосфера, Таравари го запозна амбасадорот Бејли за постигнатите резултати во текот на неговото раководење со Општина Гостивар, но и со предизвиците и проблемите со кои се соочува, посочувајќи дека воведувањето на нови стандарди во управувањето со општината во неговиот мандат, ги дава и првите резултати во однос на подобрување на состојбите.

Како главно вознемирување, градоначалникот Таравари ја посочи горчливата вистина – постојаниот пад на квалитетот на живеење во земјатв, каде што не се исклучок ни жителите на општина Гостивар. Како најпогодени области, Таравари ги посочи образованието, здравството и социјалната заштита, каде што погрешните политики во повеќегодишното лошо владеење, сé повеќе ги ваѓа во површина последиците.

Меѓу главните проблеми, Таравари ги спомна и скратениот буџет на општината, блокадите од страна на советниците кои доаѓаат од редовите на партиите што ја контролираат централната власт, одземањето на надлежностите во образованието како последица на несуштинската децентрализација. Конкретно, Таравари го запозна амбасадорот Бејли и за длабоката ДУИ-зација на образованието во општина Гостивар, односно дека одлуките за парашања од образовнието се донесуваат во партиските канцеларии на ДУИ во Гостивар.

Таравари изрази подготвеност да седне со сите релевантни фактори за да се подготви соодветна стратегија за деполитизирање на училиштата и образованието.

На средбата, Таравари и Бејли, разговараа и за референдумот од 30 септември, при што градоначалникот на Гостивар, воедно и генералн секретар на Алијансата за Албанците, го искажа ставот на неговата партија по ова прашање. Во то јправец, градоначалникот Таравари го изрази неговото стравување за мал одзив на референдумот поради масовното заминување на населението, особено на младите од Гостивар и околината, појава мошне пристуна и на ниво на земјата, особено кај албанската популација.

Сепак, Таравари го увери амбасадорот Бели дека граѓаните на Гостивар се определени за интеграција во НАТО и ЕУ, и дека поголемиот дел од гостиварското население, таа ориентација ќе ја потврдат и на референдумот.

По средбата, гостиварскиот градоначалник и американскиот амбасадор, пешки се упатија кон Центарот за млади и заедницата, за да присуствуваат на свеченото отворање на истиот, проект кој се реализира од страна на невладината Демокраси лаб, со поддршка на Амбасадата на САД во Скопје и на Општина Гостивар.

Центар за информирање

Гостивар ќе биде првиот град на Балканот со смарт-систем за зонско паркирање

13.09.2018

Во Гостивар се враќа зонското паркирање. Денес се потпиша договор за јавно-приватно партнерство кој што на претпријатието за управување со јавни паркиралишта и на граѓаните на Гостивар, ќе им донесе многу придобивки, а следната година ќе се применува и смарт-систем, прв од ваков вид не само во Македонија, туку и на Балканот.

Во просториите на Општина Гостивар, денеска беше потпишан договор за јавно-приватно партнерство помеѓу ЈП “јзавни паркиралишта и зеленило” и Електро Софт Инженеринг. Потпишаниот договор оди во корист на Општина Гостивар и нејзините граѓани, и истиот доаѓа неколку месеци по поништувањето на штетниот договор склучен во минатиот мандат.

Договорот беше потпишани во присуство на градоначалникот на Гостивар, Арбен Таравари, а истиот во име на ЈП “Јавни паркиралишта и зеленило” го потпиша директорот Музафер Зулбеари, а во име на “Електро Софт Инженеринг“, директорот Златко Ризов.

“Според претходниот договор склучен помеѓу поранешното општинското раководство и тогашниот приватен партнер, 62% од средствата што се собираат од наплатата за паркирање одеа за јавното претпријатие а за приватниот партнер 38 проценти. Договорот кој го потпишавме денеска е многу поповолен во однос на претходниот, затоа што дури 90 проценти од средствата ќе одат за општината односно за јавното претпријатие, а само 10 проценти за приватниот партер. Очекуваме зонското паркирање да започне со работа во рок од две недели, а новитет ќе биде воведувањето на сензори и светлосна сигнализација со што возачите ќе можат да се информираат во секое време, каде има слободно паркинг-место, така што не ќе треба да талкаат по улиците за да најдат паркинг, да трошат повеќе гориво а со тоа и повеќе да го загадуваат воздухот“, изјави градоначалникот на Гостивар, Арбен Таравари по потпишувањето на договорот.

Директорот на “Електро Софт Инженеринг“, претпријатието што го доби тендерот, изјави дека по две недели започнува првата фаза на проектот, што значи дека ќе почне да функционира зонското паркирање, во втората фаза ќе бидат пуштени во употреба два затворени паркинзи, а во третата фаза , наредната година, ќе започне примената на сензори.

“Примената на системот со сензори подразбира дека возачите преку мобилен телефон ќе можат точно да знаат каде има слободен паркинг, а и без таа апликација на мобилен ќе можат да се ориентираат преку инсталираната светлосна сигнализација. Кога ќе го направиме тоа, Гостивар не само што ќе биде првиот град во Македонија со такво паркирање, туку најверојатно и на Балканот”, изјави директорот Златко Ризов.

“Како што ветивме кога го раскинавме претходниот договор, така и се случи, значи потпишавме денес договор во корист на нашето претпријатие и на граѓаните на Гостивар. Средства од профитот, каде што за нашето претпријатие одат 90 отсто, ќе ги инвестираме за одржување на постојните и за проширување на зелените површини на територијата на општина Гостивар”, истакна директорот на ЈП “Јавни паркиралишта и зеленило”- Музафер Зулбеари.

Вреди да се нагласи дека цените на услугите според зони, остануваат исти.

Служба за информирање

Таравари: Кои се луѓето што ги учат нашите деца?

11.09.2011

Градоначалникот на Гостивар, Арбен Таравари, на денешната прес-конференција, ги обелодени проблемите со кои се соочуваат општинските училишта поради неодговорното управување и опструкциите од страна на принудните директори

“Од почетокот на новата учебна година, значи за само неколку дена, 35 наставници бесправно се избркани опд работа. На нивно место се вработиле луѓе кои не се пријавени во Агенцијата за вработување и немаат здравствено и пензиско осигурување што е спротивно на член 13 став 7 од Законот за работни односи. Ги прашувам бесправно наз назначените директори од страна на Министерството за образование, кои се овие луѓе што држат настава а нашите граѓани не знаат кој им ги воспитува и образува моемнтално децата. Дали тие имаат лиценци и дали ги исполнуваат условите за држење настава?”, истакна Таравари

Градоначалникот на Гостивар подвлече дека веќе е јасно зошто МОН му ги одзеде надлежностите на градоначалникот во областа на образованието.

“Значи нивната цел била инсталирање на партиски војници кои, како што докажав со аргументи, официјални документи ги доставуваат во седиштето на партијата. Затоа ги повикуваме Просветниот инспекторат, Државниот инспекторат за труд и Обвинителството, а кои претходно ги известивме писмено, да преземат мерки и да видиме кои се луѓето што им држат предавање на гостиварските ученици”, потенцираше градоначалникот Таравари на денешната прес-конференција.

Тој, исто така, ги изложи проблемите со организираниот превоз на ученици во некои основни и средни училишта.

“Одредени принудни директори кои објавија тендер за јавен превоз, на училиштата: Исмаил Ќемали, Единство, техничко и медицинско, се уште не го завршиле тендерот, само го објавиле, и тоа, без да имаат средства во нивниот буџет, а тоа јасно покажува дека моментално учениците останале без превоз. Ние како Општина, иако не сме обврзани, ќе интервенираме со единствена цел да не ги оставиме овие ученици без транспорт “, додаде Таравари.

На крајот, градоначалникот на Гостивар, како конкретен пример за разните опструкции што ги прават принудните директори, го наведе парадоксот каде што директорот на училиштето “Исмаил Ќемали” одбива Општината да му ги плати сметките за електрична енергија, без да му ги плати сите други долгови создадени во училиштето со кое тој управува.

Служба за информирање

Аслиан Снопче: Последните дејствија на огранокот на ДУИ во Гостивар потврдуваат дека целта на одземањето на ингеренциите во образованието била чисто политичка

05.08.2018

Раководителката на Секторот за образование, Аслиан Снопче одржа прес конференција во всрка со последните дејствија на огрaнокот на ДУИ во Гостивар од каде бараат принудните директори на гостиварските основни и средни училишта од нивните редови, службената документација да ја достават до седиштето на партискиот огранок.

Содржината на прес конференцијата, ви ја пренесуваме интегрално.

Почитувани медиуми,

Денешната прес конференција има за цел јавноста во Гостивар и пошироко, да се запознае дека започна да се остварува застрашувачкиот план креиран од страна на Министерството за образование, за уништување на образованието во Гостивар.

Овој план првично започна да се остварува со преземање на надлежностите на Општина Гостивар за наводно непочитување на законските постапки. Дека планот е добро дизајниран, се потврдува со фактот дека наместо за 6 месеци колку што било пракса во минатото, на Општина Гостивар му се одзедоа надлежности за 9 месеци. Несомнено заклучокот е многу едноставен. Да се ​​спречи градоначалникот во стратешкото планирање во областа на образованието, оневозможувајќи му да влијае здрав тек во оваа област, бидејќи стратегиите и плановите се правата токму на почетокот на учебната година. Дејствата на огранокот на ДУИ во Гостивар сведочат за она што за што предупредивме неколку пати. Целта била чисто политичка.

Ова се потврди вчера. Сите гостиварци видоа како директорите назначени од министерот за образование добиваат партиски наредби, принудувајќи ги документациите на училиштата да ги доставата во седиштето на ДУИ. Дали има поголема мизерија од ова? Дали има поголемо понижување за образованието, па и за партиските директори? Нормално ова се прави во координација и со министерот за образование. Министерот вели да не шириме невистини за скандалот од 5,3 милиони евра за договорот во четири очи вон редовните процедури. Го прашуваме министерот како ќе го прикрие овој нов скандал на назначените директори од него?

Затоа, време е да се откажеме од добро координираната стратегија од страна на владата, каде што реализатор е министер за образование – Албанец, кој за жал има за цел да го уништи образованието во Гостивар.

Наместо да има инвестиции, наместо да надвладеат вредностите, во време кога младите во голема мера се иселуваат од земјава, ДУИ ја деградира и таа трунка надеж на општеството, а тоа е здравото образование на младите генерации.

Општина Гостивар, предводена од градоначалникот Таравари, најдобро покажа како да се управува без политизација на образованието. Ве потсетуваме сите дека вработувањата се извршија со редовни конкурси, а од 150 работни места со договор на дело, се интервенираше само во 30 случаи кои во најголем дел се однесуваа на некомпетентен кадар. Последната форма со која дејствуваат назначените директори покажува јасна тенденција на политизација во оваа област. Ја повикуваме владата, сега кога наголемо се трумбетира за евроинтеграции, да не се чепка со образованието во Гостивар. Во Европа постојат сосема други принципи. Не можеме да зборуваме со полна уста за Европа, а од друга страна да дејствуваме како што вчера се случи со партиските директори на ДУИ. Не можеш да бидеш за Европа а 6 месеци да не одговориш на барањата на општината за трансфер на работните места.

Ние како општина, не направивме партиска селекција избори како што правеа и продолжуваат да прават тие од ДУИ. Ние поднесовме барање за над 40 работници. Не одговарањето, држењето во фиока на документацијата со валидно барање од страна на општината, ја одразува целта и интеракцијата на Министерството во овие скандали. Го повикуваме јавниот обвинител и просветните инспектори да спроведат соодветна истрага во врска со прикривањето на одговорот со цел да се деградира и да се направи чистка на наставниот кадар во Гостивар. Според информациите со кои располагаме, одговори од оваа природа се добивале во рок од 3 недели. Во овој период, Комисијата за трансформација на работине места три пати поднело барање за трансформација и сé уште не сме добиле никаков одговор.

Ги покануваме граѓаните да бидат трпеливи. Нашата стратегија за деполитизација секако ќе се спроведе. Ни ги одзедоа ингеренциите, но по два месеци ќе ни вратат. Заедно со некршливата волја на граѓаните на Гостивар, ќе успееме. Дозволете ми да ги запознаам сите гостиварци, сите просветни работници, учители, наставници и професори,м да се грижат. Во Гостивар, образованието, од 22 ноември, еднаш и засекогаш ќе се стави на здрави шини. Ќе нема повластувања, ќе нема диференцијации. Еднаш засекогаш, ќе се отстрани партизацијата во образовните институции. Нашиот проект “Гостивар прв”, како што се ефектуира од инфраструктурен аспект во општината, исто ќе се ефектуира и во образованието. Тоа наскоро и ќе се потврди.

Во наредните денови ќе излеземе и со конкретни бројки за направената чистка од страна на партиските директори на ДУИ по наредба на нивните локални челници (за што ги изнесовме горенаведените докази) и со директна согласност на министерот за образование.

Служба за информирање