Известување

16.11.2018

Ги известуваме жителите на село Чајле дека на ден 19.11.2018 во 14:00 часот ќе има прекин на електрилчна енергија во делот околу Амбулантата и покрај училиштето.

Како што не информираат од ЕВН, планираниот прекин во снабдубвањето со електрична енергија ќе се случи со цел нивни екипи да работат на реконструкција и модернизација на дистрибутивната мрежа на горенаведената локација.

Служба за информирање – Општина Гостивар

Таравари: Нема да паднеме на ниво на посмртни кампањи, ќе ја сочуваме почитта кон споменот за ова девојче

08.11.2018

Градоначалникот на Гостивар, Арбен Таравари, денеска одржа прес-конференција во која изрази сочувство до семејството Меџити за губење на нивната ќерка и ги отфрли гласините што беа ставени на јавноста со ставот дека овој случај ќе биде неуспех на општинско раководство и дека некој ќе има политичка корист од оваа многу болна несреќа.

Во продолжение, целосно го преведуваме говорот на градоначалникот Таравари.

“Во мое лично име и во име на сите гостиварци, би сакал на семејството Меџити да им изразам најискрено сочувство.

Како што знаете, на 5 ноември, почина една млада девојка. Девојка која никогаш не би знаела дека со нејзината смрт, ќе стане политичка игра и шаховска фигура.

И покрај гневот акумулиран овие денови кои сме ги броиле со часови, јас и мојот тим нема да паднеме на ниво на посмртни кампањи, ќе ја сочуваме почитта кон споменот за ова девојче и за семејството Меџити.

Според полицискиот извештај, точно е појаснето зошто и како се случила несреќата. Се што произлезе од гласините што се поајвија побрзо од самата вест за смртта, не е точно.

Вистината е најтешка, нејзината загуба!

Секој новинар, граѓанин, политичар или криминалец кој себеси се нарекува поинаку, е слободен да оди и подетално да се информира во полиција што се случило. Јас не давам никаков детал кој поткопува во раната предизвикана од оваа голема загуба за семејството Меџити.

На ова семејство, исто како и нам ни е јасно како тоа се случило, a што е само несреќа која не е предизвикана од никаква небрежност, туку само од судбината која се поигрува со вакви трагедии.

Би ве замолил да покажете респект во овие тешки часови за семејството Меџити. Особено ова барање гио упатувам до оние кои се заслепени од копнежот за власт и сакаат да прават политика со човечка трагедија.

Тука до мене требаше да биде таткото на починатата, но тој веќе 3 часа е во полициј. Претпоставувам дека го држат во полиција со цел да се изврши квалитетна истрага, а не се некаква позадина да не учествува на оваа прес конференција.

Јас сум лекар по професија, но никогаш не научив како да бидам цврст во вакви случаи. Нека младата девојка биде близу до Бога! Им благодарам на гостиварци за покажаната солидарност во анксиозните часови додека се трагаше по телото. Го молам Бога, на сите нас а особено на семејството Меџити, да ни ја ублажи болката на она што заминува и никогаш не се враќа.

Ова е една од најтешките прес-конференции што сум одржал, да даде Господ да биде и последна од ваков вид!

Нека почива во мир!”

Служба за информирање

ЈАВЕН ПОВИК

ЈАВЕН ПОВИК

за изразување интерес за учество на претставник од граѓанските организации како набљудувач во Комисијата за евалуација на предлог проекти во рамките на ReLOaD проектот во општина Гостивар

Главната цел на проектот ReLOaD, кој е финансиран од Европската унија, а имплементиран од Програмата за развој на Обединетите Нации (УНДП), е јакнење на партиципативната демократија и процесот на интеграција на земјите од Западен Балкан во ЕУ, а преку оспособување на граѓанските организации активно да учествуваат во процесот на донесување одлуки. Проектот ReLOaD работи со пет партнерски општини: Куманово, Ресен, Гостивар, Кавадарци и Струмица, на усвојување на транспарентен пристап за финансирање на проекти на граѓанските организации, со кој ќе се поттикне поголема граѓанска вклученост во процесот на донесување одлуки и ќе се подобрат услугите што се обезбедуваат на локално ниво.

Општина Гостивар објави јавен повик во рамките на ReLOaD проектот за предлог проекти од граѓанските организации. Повикот беше објавен на 24ти октомври 2018 и ќе трае до 5ти Декември 2018,  при што евалуацијата на  пристигнатите предлог проекти е планирана да се одржи после 10ти декември 2018 година. Евалуацијата се очекува да трае не повеќе од 2-3 дена и ќе зависи од бројот на добиени предлог проекти.

За да се обезбеди транспарентен и отворен процес на селекција на предлог проектите од граѓанските организации за доделување на грант во рамките на ReLOaD проектот, општина Гостивар во соработка со УНДП објавува Јавен повик за изразување интерес за учество на претставник од граѓанските организации како набљудувач во Комисијата за евалуација на предлог проектите поднесени од граѓанските организации во рамките јавниот повик кој е објавен во општина Гостивар.

Претставникот на граѓанските организации во Комисијата за евалуација ќе ги има следниве должности и обврски:

  • ќе биде набљудувач во Комисијата за евалуација без право на глас;
  • ќе потпише изјава за доверливост и непристрасност и нема да споделува никакви информации околу процесот на евалуација;
  • ќе биде присутен за целото времетраење на евалуацијата од почеток до крај;
  • во случај на неможност да присуствува, на местото на претставникот на граѓанските организации ќе дојде заменик, при што заменикот ќе ја преземе улогата на набљудувач – претставник на граѓанските организации;
  • ќе го потпише извештајот на Комисијата за евалуација, кој ќе ги резимира наодите од евалуацијата на предлог проектите.

Кандидатот за набљудувач во Комисијата за евалуација мора да биде член и/или постојано вработено лице во граѓанска организација што е законски основана согласно со Законот за асоцијации и фондации. Пожелно е кандидатот да има:

  • претходно искуство и вештини за спроведување на евалуација на предлог проекти од граѓански организации. Искуство со грантови доделени од ЕУ ќе се смета за предност;
  • искуство во подготвување и/или имплементација на проекти финансирани од јавни средства;

Кандидатите мора да ги достават следниве документи по електронски пат на info@gostivari.gov.mk:

  • писмо за искажување интерес со куса биографија – со кое ќе се искаже интерес за учество во Комисијата за евалуација како набљудувач (писмото не треба да е подолго од една страница)
  • Изјава на овластеното лице на граѓанската организација, со која се овластува кандидатот да ја претставува таа граѓанска организација во Комисијата за евалуација.

Претставникот на граѓанските организации ќе работи на доброволна основа / без финансиски надомест. Проектот ќе ги надомести основните трошоци, како што се патните трошоци и лесен оброк

Граѓанската организација во која избраниот кандидат е член и/или постојано вработен НЕ МОЖЕ да аплицира (ниту како носител ниту како партнер на носителот) на јавниот повик за поднесување на предлог проекти во рамките на ReLOaD проектот во општинa Гостивар.

Крајниот рок за поднесување на апликациите е 27 ноември 2018 до 17:00 часот.

Доколку Ви се потребни дополнителни информации, Ве молиме обратете се кај Дашмир Османи  (dashmir.osmani@gostivari.gov.mk).

Изјаснување на градоначалникот Арбен Таравари во врска со трагичниот настан во Гостивар

Во врска со трагичниот настан кој се случи синоќа во Гостивар, при што 17 годишната Џехја Меџити од село Здуње, според првичните информации, бегајќи од куче скитник паднала во водите на реката Вардар и се удавила, градоначaлникот на Гостивар Арбен Таравари на семејството на починатата им изрази сочувство и се изјасни во врска со настанот.

Во продолжение, инегрално го пренесуваме ставот на градоначалникот Таравари:

Почитувани граѓани на Гостивар,.

Со длабока тага ја примив веста дека Џејха Меџити, младо девојче од село Здуње, починала вчера давејќи се во водите на реката Вардар.

Ваков трагичен настан не е туѓ за мене, бидејќи во исти околности изгубив член од моето потесно семејството.

Знам како се чувствува семејството на девојчето кое веќе не е меѓу нас!

Кога ја примив веста за давењето на Џехја, многу ме натажи случајот но и ме врати во траумите на моето семејство.

Девојчето, велат дека се удавило обидувајќи се да се спаси од куче скитник.

Иако случајот сеуште нема службена верзија, наклонет сум да му верувам. Гостиварци не измислуваат политички напади до овој степен.

Чувствувам целосна одговорност како градоначалник да објаснам дека во нашиот мандат, наследивме трло од 400 кучиња кои моѓевме да ги изброиме само во Гостивар, а нивниот реален број сигурно бил многу поголем.

Сме собирале колку што сме можеле надминувајќи ги и можностите за згрижување, сме оперирале 50 од нив и сме ваксинирале 100. Јас му се придружив на ветеринарната екипа за да им помогнам во нивната огромна работа што ја имаме пред нас.

Изразувајќи  им најискрени сочувства на семејството на девојчето, како брат кој по вторпат ја изгуби својата сестра, би замолил да не влегуваат во политички драми оние кои воопшто не ги засега болката на семејството или на оние кои биле погодени со вакви несреќи!

Ве молиме   оставете ја екипата да работи без притисоци за згрижување на кучињата и да измислуваме драматично-политички приказни.

Не сум навикнал да не сносам одговорност, но математички нашата екипа го  правеше и го прави невозможното за да се стабилизира состојбата каде што затекнавме 1 куче на метар квадратен!

Ако се откажеме, покажуваме 0 одговорност, ако продолжиме да ја водиме битката со кучињата, значи имаме сила и дигнитет.

Ценета Џехја, почивај во мир!

Трагедија која силно ја доживувам …

Битката ни зеде еден Ангел, но го разбуди 1000 пати повеќе мотивот за да продолжи нашата акција за решавање на проблемот со бездомните кучиња!“

Известување по Проектот ReLOaD

Почитувани,

Во врска со објавениот Јавен повик за граѓански организации за поднесување предлог проекти во рамки на регионалната програма за локална демократија во Западен Балкан (ReLOaD) ,ве известуваме дека во наредиот период на планот на активности се предвидени менториски сесии за сите граѓански организации. Менторските сесии се организираат со цел преку консултации да им се помогне на организациите кои сакаат да аплицираат на јавниот повик, во проверка дали проектите се подготвени согласно со насоките од јавниот повик и да им се појаснат или дообјаснат одредени работи кои можеби не биле покриени со обуките а кои им се неопходни за да го подготват целосно проектот. За општина Гостивар планирано е да се оддржат 4 менторски сесии и тоа за следните дати:

12 ноември 2018 (понеделник)

13 ноември 2018 (вторник)

23 ноември 2018 (петок)

4 декември 2018 (вторник)

Ги замолуваме сите Граѓански организации да се пријават намајлку три дена пред почетокот на секоја менотрска сесија, и да наведат на која дата сакаат да учествуваат.( може да учествуваат на повеќе од една менторска сесија). Точната дата за учество ни е потребна со цел менторoт да може навремено да ги испланира своите посети по сите пет пилот општини од овој проект.

Пријавувањето за сесиите може да го извршите кај лицето задолжено за координација со невладиниот сектор во општина Гостивар –

Dashmir Osmani – dashmir.osmani@gostivari.gov.mk

Започна асфалтирањето на главната улица во гостиварско Ново Маало

05.11.2018

На улица “18 Нентори”, делот од булеварот Браќа Ѓиноски до трафо-станицата во Нова Маало, започна денес асфалтирањето. Делот кој се асфалтира има должина од 480 метри со просечна ширина од 6,5 метри.

“Претходно, во поголемиот дел поради несоодветната дебелина на постојниот асфалт, истито се ископа, а во помал дел асфалтот само се изгреба. Се изврши нивелизација на сливниците за атмосферска каналзиација и на шахтите за фекална канализација, беа заменети оштетените рабници на тротоарите како и други дополнителни работи. Денес започнавме со асфалтирањето и се надеваме дека во рок од два-три дена работите да бидат завршени”, нагласува Бесим Догани од ЛЕР канцеларијата на општина Гостивар.

Овој дел од улица 18-ти Ноември е доста фркфентиран од возила и пешаци, бидејќи станува збор за густо населена населба каде што се наоѓа Џамијата, а покрај неа се наоѓа и Центарот за култура и ООУ “Исмаил Ќемали”.

По асфалтирањето на улицата, ќе следи поставување на вертикална и хоризонтална сигнализација и наскоро ќе се инсталира соодветно јавно осветлување.

Служба за информирање

ИЗВЕСТУВАЊЕ

Почитувани граѓани, Ве известуваме дека во понеделник (05.11.2018 година) во 08:00 часот ќе започнат работите за реасфалтирање на патната делница од завршетокот на булеварот “Браќа Ѓиноски” до распаќето во село Долна Бањица.

При изведување на градеѓните работи, во оваа делница сообраќајот ќе се одвива отежнато а во одредени периоди ќе биде во целосен прекин.

Општина Гостивар и изведувачот, Ви благодарат за разбирањето.

Служба за информирање – Општина Гостивар

Градоначалникот Арбен Таравари даде отчет за сработеното во првата година од раководењето со Општина Гостивар

01.11.2018

Градоначалникот на Гостивар, Арбен Таравари, во салата на општинскиот совет, пред граѓаните на Гостивар даде отчет за работите и активностите спроведени во првата година од неговиот мандат.

Неговиот говор ви го пренесуваме интегрално:

“Почитувани граѓани на Гостивар,

Когa ја добив вашата довербата за да раководам со Општина Гостивар, не верував дека ќе имам толку многу проблеми од оние кои, како што гелдаме, не сакаат дасе помират со фактот дека ги изгубија изборите, но од друга страна не верував дека ќе постигнам токлу многу успеси благодарение на силната волја на луѓето кои му сакаат добро на овој град.

Не верував дека толку многу ќе ме факторизираат определени поединци и кругови, кои за ме спречат мене, подготвени се да земат на шија еден цел град, но за среќа не им успева.

Често миоте сорсботници, граѓаните и многумина со кои контактирам, ми честитаат за позитивниот пристап во управувањето и подадена рака за соработка со било кој човек или субјект, независно од различна припаднсот и убедување. Дури ми велат дека токму тука лежи тајната на мојот успех. Дали јас лично сум успешен или не, то не го знам, но знам дека Општина Гостивар во рок од една година забележала видни резултати и за тоа н изавидуваат и многу поразвиените општини, со многу поголем буџет и слина поддршка од централната власт. Јас овој успех им го препишувам на моите соработници, општинската администрација и на граѓаните на Гостивар во општо.

Кога сме кај моите соработници, треба да напоменам дека поради кратење на буџетот, работам со мал тим, и тоа, со луѓе кои се согласија ако е потребно да работат и без никаков надомест, со единствена цел, отпочнатиот процес за ставање на општината на вистиснки колосек, заедно да чекориме напред.

Почитувани граѓани,

Ако почнеме да ги броиме успесите што ги постигнавме оваа година, ќе ни треба многу време. Дел од работите и активностите се обидовме да ги резимираме во презентација на Power Point која подоцна ќе ви ја преставиме. Повеќето од вас се запознаени со нив, бидејќи постојано сме ве информирале за спроведените активности и проекти преку медиумите, веб-страницата на општината и социјалните мрежи. Политичките противници често не критикуваа дека премногу се рекламираме, со изговор дека објавуваме некои работи кои според нив се од мала важност. Но, тоа го правиме во полза на транспарентноста и ќе продолжиме така и понатаму. Не обвинуваат дека информираме за, како што велат, туѓи активности и проекти кои се реализираат во нашата општина, но ние ќе продолжиме да ве информираме и да му се радуваме на секој успех и секоја добра работа што се случува во нашата општина, дури и кога материјалната поддршка од општината е симболична.

Ќе се задржам малце на оние работи кои не се вклучени во презентацијата и би почнал со фактот дека многу брзо по добивање на довербата, ги релаксиравмре меѓучовечки односи во општинската администрација, но и воопшто на градот. Успеавме за краток период, во главно да го деполитизираме образованието, но ни ги одзедоа ингеренциите од централната власт, кои на 21 овој месец ќе ни се вратат повторно и го продолжиме и тој процес.

Еден од најуспешните сектори во Општината, благодарение на посветеноста на раководителката и нејзиниот тим, кој што сектор јас како градоначалник сум му посветил големо внимание, е Секторот за јавни дејности. За образованието спомнав претходно, а би додал и за културата, младите, спорт, рекреација, социјална заштита, подобрување на квалитетот на живеење на маргинализираните групи и социајлно заргозените лица. Овие области се можеби оние кои помалку се коментираат за работата на општините, но тие се многу важни за граѓаните.

Во сферата на урбанизмот, можеме да се пофалиме дека сме успеале, да не кажеме да ги искорениме злоупотребите, но барем да ги сведеме на минимум. Градењето во диво е минимизирано, колку благодарение на работата на инспекторите, толку и поради самиот факт што никој никого не охрабрува гради без дозвола или да му се гарантира дека никој ништо не му може, пракса која беше многу присутен во минатиот мандат. Би сакал накратко да се задржам и на некои податоци од облсата на урбанизмот:

Легализирани се 954 бесправно изградени објекти – изработени се 25 АУП од кои 14 завршени и 11 во постапка, Инфраструктурни проекти 11, ЛУПД завршени 3 и 2 во процедура, ДУП-ови 16 се во постапка а одобрени се само 2 од причина што на ресорноите Министерства не им се допаѓа да издаваат дозволи и согласноти не само за урбанизам, туку и за детски градинки во гостиварските села. Градежни дозволи издадени се 99, од кои 9 за колектвни станбени згради. Отуѓување на градежно земјиште 11 завршени и 12 во постапка.

Почитувани граѓани,

Буџетот на општина Гостивар, до крајот на годината ќе има реализација од над 80%, и тоа без ниеден ребаланс, измена, дополнување или кратење на буџетот, што потврдува за реално планирање, многу подобро споредено со претходните години и во тој поглед, ние сме без конкуренција во Македонија. За разлика од владата или другите општини кои прават повеќе ребаланси годишно и извршувањето на буџетот едвај надминува 50%.

Благодарение на ангажирањето на општинската администрација и зголемувањето на довербата на граѓаните во новиот општински менаџмент, забележуваме значително зголемување буџетските приходи на општината за околу 10 проценти.

Нешто би сакал посебно да го спомнам. Оваа година на управување, а се надевам и убеден сум дека така ќе помине целиот мандат, докажува дека ако нема злоупотреби, фаворизирања и неправда, иако ние сме просечно развиена општина во една многу сиромашна држава, може да се направи многу работа и очигледен напредок може во подобрувањето на квалитетот на животот на граѓаните.

На крајот, да сумирам – во рок од една година сме инвестирале помеѓу 2 и 3 милиони евра, а со ова темпо ќе продолжиме и во идните три години од мандатот, со што инвестициите ќе се достигнат најмалку 10 милиони евра.

Велат дека сите градоначалници инвестираат на крајот од мандатот, а Таравари инвестира на почетокот на мандатот. Ве уверувам, почитувани граѓани, дека темпото на инвестирање ќе биде еквиваленто секоја година, но тоа не значи дека ако како резултат на чесна работа, посветеност и ангажман, секоја година да имаме зголемување на инвестициите од својот сопствен буџет, а особено од меѓународни фондови, а зошто да не и од централната власт – ситуацијата најверојатно ќе се смени во државната политика. Посакувам резултатите од првава година од мандатот, брзо да се заборават и падна во сенка на резултатите кои ќе ги забележиме заедно во наредните години.

Гостивар не беше изборно ветување, Гостивар е наш Дом куќа, тој е нашето Семејство, нашата Гордост и Обвсрка.

Сите како тим, среќни сме што можеме да работиме за градот којшто го сакаме најмногу во светот. Ништо не може да нè спречи.

Гостивар заслужува повеќе!

Гостивари и Пари! (Гостивар Прв)

Ви благодарам!“

Повеќе детаљи за инвестициите и активностите спроведени од него, неговите соработници и општинската администрација, градоначалникот Таравари ги изложи преку повер поинт презентација, а на крајот од настанот беше презентирана кратка ТВ-репортажа од ТВ Глоби и анкетата со граѓаните спроведена од ТВ 2 Гостивар.

Служба за информирање

Покана за јавна дебата

Почитувани граѓани, општинската администрација ја изготвува Развојната програмата на Општина Гостивар за 2018 година.

Со цел програмата која е во подготвителна фаза да ги одрази реалните потреби на жителите на Гостивар, во петок (2 ноември 2018) во 18:00 часот и сабота (3 ноември 2018) во 13:00 часот во салата на Советот, ќе се одржи ЈАВНА ДЕБАТА.

Се покануваат интелектуалците, стопанствениците, претставници на јавни и државни институции, претставници од граѓанскиот сектор и сите заинтересирани граѓани, да учествуваат во дебатата и со нивни предлози, сугестии, забелешки и препораки да придонесат зво креирањето на што поквалитетна Развојна програма на Општина Гостивар за 2018 година.

Со почит,

Арбен Таравари – градоначалник на Гостивар