Општина Гостивар го доби проектот “Зајакнување на Советот на Општината“ во износ од 62 илјади долари

31.12.2018

Општина Гостивар е избрна да учествува во проектот “Зајакнување на Советот на Општината” за периодот 2019-2020, финансиран од Швајцарската агенција за развој и соработка (SDC), а имплементиран од страна на Програмата за развој на ОН (УНДП) .

Од овој проект, Општина Гостивар ќе обезбеди нефинансиски и финансиски придобивки. Општинските советници ќе придобијат од можноста да учествуваат во Програмата за развој на капацитетите која се состои од 11 модули за обука, како и учество во разни настани на вмрежување, семинари и конференции, додека Општина Гостивар ќе добие финансиски средства во вкупен износ од 62.000 американски долари.

Церемонијата на потпишување на Меморандумот за разбирање ќе се одржи во јануари во Скопје.

Служба за информирање

Драги мои гостиварци!

Денес е последен ден од годината која успеавме заедно да ја надминеме, независно од пречките кои ги имавме по патот!

Посакувам во 2019 година да бидеме многу подобро од годинава и сигурен сум дека ќе бидеме, бидејќи не чекаат подобри денови!

Нека Ви е Среќна Новата Година!

Здравје и успех на сите!

Нов камион Ивеко за собирање на отпад – донација од Турција за Општина Гостивар

29.12.2018

Во служба на Јавното претпријатие “Комуналец” е ставен нов камион за собирање отпадоци. Станува збор за донација од Унијата на турски општини, чии претставници престојуваа во Општина Гостивар за извршат примо-предавање на истата.

Гостите беа пречекани од градоначалникот Арбен Таравари, кој во оваа прилика им се заблагодари на донаторите, истакнувајќи дека тоа е подарок што му беше ветен при неговата неодамнешна посета на Анкара.

“Искрено и благодарам на Унијата на турски општини, бидејќи од кога сум јас градоначалник сме имале неколку донации од Репулбика Турција, две возила на итан помош од типот Мерцедес, сега ни стигна новиот камион за собирање и превезување на отпад од типот Ивеко, исто така нов, а се надеваме дека во мај ќе примиме уште еден поголем камион. Многу брзо, можеби во јануари, како донација од Турција ќе изградиме голема игротека во дел од градскиот парк”, подвлече градоначалникот Таравари.

Вршителот на должноста генерален секретар на Унијата на турски општини, Ахмет Казан изјави дека идејата за оваа донација доаѓа по консултација со градоначалникот, кој ја нагласи потребата за камион за собирање отпад.

“Би сакал да ви ги пренесам поздравите од турскиот народ и да му се заблагодарам на градоначалникот на Гостивар за гостопримството. Претходно Арбен Таравари не извести дека општината со која тој раководи има потреба од камион за отпадоци и ние како Сојуз на турски општини се обидовме да одговориме на ова барање што е можно побрзо. Оваа донација е во рамикте на годишната програма на ниво на Балканот. Ние како народ имаме тесна врска со населението во Гостивар, па се надеваме дека добрите односи меѓу нас ќе продолжат и во иднина “, истакна Ахмет Казан.

Директорот на ЈП “Комуналец” Исак Лазами, рече дека оваа донација ќе влијае во подобрувањето на квалитетот на услугите, нагласувајќи дека ќе продолжат напорите за обезбедување на други камиони, кои ќе бидат ставени во функција на собирање и превезување на отпадоци.

Служба за информирање

Градоначалникот Таравари го промовираше реновирањето на јавните детски градинки во Гостивар

28.12.2018

Децата од јавните градинки во Гостивар, со кратка програма, ја прославија Новата година. Во нивното славење им се придружи и градоначалникот на Гостивар, Арбен Таравари и раководителката на Секторот за јавни дејности, Аслиан Снопче.

Денешната прослава во централната детска градинка на ЈУДГ “Детска радост“ се совпадна со промовирањето на неодамнешните инвестиции во оваа и во другите јавни детски градинки во градот Гостивар, со што сега сите ги исполнуваат неопходните услови за дневен престој на децата.

Градоначалникот Арбен Таравари им ја честиташе Новата година на децата со желби за здравје и среќа и им подели симболични подароци.

Служба за информирање

Градоначалникот Арбен Таравари им подели подароци на децата од Дневниот центар

27.12.2018

Во пресрет на новогодишните празници, градоначалникот на Гостивар, Арбен Таравари ги посети децата во Дневниот центар за деца со посебни потреби, при што им подели новогодишни пакетчиења.

” Ми беше посебно задоволство што на прагот на новогодишните празници, заедно со моите соработници споделив радосни мигови со децата и лицата кои најмногу му се радуваат на животот, и покрај тоа што се соочуваат со многубројни предизвици.” истакна Таравари.

Освен подароците што ги подели градоначалникот Таравари во Дневниот центар, Општина Гостивар обезбеди новогодишни пакетчиња и за уште 300 други деца.

“Денес поделивме новогодишни пакетчиња во специјалните паралелки во ОУ Исмаил Ќемали и ОУ М.К.Ататурк, како и во Здружението на лица со оштетен вид Реалност и Здружението на глуви и наглуви лица Тишина. Во наредните денови, исто така ќе им поделиме подароци на ромските деца и децата од социјално ранливи семејства. Со овие подароци испраќаме порака дека институциите и општеството треба посебно да се грижат“, истакна Афердита Хамза – одговорна за социјални прашања во Општина Гостивар.

Инаку, утре во 13:00 часот на градскиот плоштад во Гостивар ќе се одржи богата празнична програма за деца, каде што градоначалникот Таравари и членовите на Младинскиот форум на Општина Гостивар ќе поделат симболични новогодишни подароци за децата случајни минувачи.

Служба за информирање

Од 1 јануари 20 паркинзите од гостиварските училишта, отворени за граѓаните

27.12.2018

Поради тоа што капацитетот на јавните паркиралишта во градот Гостивар, не ги задоволува потребите на иселениците за време на нивниот престој во родниот крај, градоначалникот на Гостивар, Арбен Таравари и годинава одлучи општинските основни и средни училишта да ги отворат портите и овозможат да нивните паркиралишта послужат како бесплатен јавен паркинг.

Паркирањето во училишните паркинзи ќе биде можно од 1 до 20 јануари, односно додека трае зимскиот распуст на учениците.

“Сето ова се прави со цел на нашите сограѓани им се овозможат подобри услови за време на нивниот престој во татковината. Ја користам оваа прилика, уште еднаш да им посакам добредојде и среќни мигови со нивното семејство, роднини и пријатели  и да им ја честитам Нова 2019 Година“, вели гардончалникот Таравари.

Потсетуваме дека во Општина Гостивар, откога градоначалникот е Арбен Таравари, за време на летните одмори и новогодипните празници,  функционира Канцеларијата за иселеници, а се организираат и поддржуваат разни активности кои се фокусираат на нашите сограѓани кои живеат и работат во странство.

Служба за информирање

Утре во Гостивар ќе се одржaт турнири во шах, фудбал и баскет

26.12.2018

Центарот за Заедничка Основа (CFCG), со поддршка на Британската амбасада и Амбасадата на Кралството Холандија во Скопје, во соработка со Општина Гостивар ќе го спроведат проектот “Јакнење на отпорноста локалните заедници кон насилен екстремизам во Македонија”, при што во четвртокот (27.12.2018) ќе организираат спортски и културни настани кои ќе вклучуваат елементи на соработка, комуникација и поврзување на децата со различно етничко потекло.

Во 12:00 часот во спортската сала на ООУ “Гоце Делчев” ќе се одржи турнир во шах, во 13:00 часот во спортската сала на ООУ “М.Ќ. Ататурк “ќе се одржи турнир во мал фудбал, а во 14:00 часот во спортската сала на ООУ „Исмаил Ќемали” ќе се одржи турнир во баскет. Организаторите предвиделе симболични подароци за учесниците, а спортските реквизити кои ќе се користат во активностите ќе им бидат донирани на училиштата.

Служба за информирање

Ранг листа на предлог проекти од организациите на граѓанското општестводобиени на јавниот повик во рамките на ReLOaD проектот отворен од 24.10.2018 до 05.12.2018

Oпштина Гостивар

Ранг листа на предлог проекти од организациите на граѓанското општестводобиени на јавниот повик во рамките на ReLOaD проектот отворен од 24.10.2018 до 05.12.2018

Scoring table_Gostivar

Повторно ќе се стави во функција Канцеларијата на иселениците

24.12.2018

По повод престојот на иселениците во родниот крај, Општина Гостивар повторно ја става во функција Канцеларијата на иселенците.

Канцеларијата на иселениците, која се наоѓа во просториите на Центарот за општински услуги во приземјето на зградата на Општина Гостивар, ќе работи од денес (24.12.2018) до 07.01.2019 година, и тоа секој работен ден од 08:00 до 19:00 часот.

Во оваа канцеларија, иселениците ќе можат да ги добијат сите потребни информации за општинските услуги, како и да ги се посоветуваат до кои институции да се обратат за решавање на нивните барања.

Со оглед на тоа дека рокот за поднесување барања за легализација на бесправно изградени објекти истекува на 31.12.2018 година, апелираме до сите граѓани да ја искористат оваа последна законска можност.

Служба за информирање 

Нов цевковод во две населби на село Равен гостиварско

18.12.2018

Дотарениот цевковод за водоснабдување во две населби на село Равен, деновиве беше заменет со нов, со што завршија проблемите со снабдувањето со вода за пиење на локалните жители.

“Во две населби во село Равен, поради дотраеност на цевките, ни се појавуваа чести дефекти, односно доаѓаше до пукање на цевките, кои што од време на време предизвикуваа прекини во водоснабдувањето. Овие денови интервениравме и го заменивме цевководот во два крака едниот со должина од 120 метри и другиот со должина од 70 метри, со што ќе се овозможи непречено снабдување со вода за пиење од градскиот водовод”, инфомира директорот на ЈП “Комуналец”, Исак Лазами.

Тој додава дека јавното претпријатие со кое тој раководи, благодарение и на безрезервната помош на Општина Гостивар, досега во повеќе наврати има интервенирано во водоводната мрежа, и ќе ги преземе сите чекори во согласност со својот капацитет за да се подобри квалитетот на услугите во водоводната и канализационата мрежа, како и другите услуги што им ги нуди на граѓаните на Општина Гостивар.

Служба за информирање