АПЕЛ

29.01.2019

Со цел ефикасно чистење на снегот, Општина Гостивар апелира до сите граѓани да ги отстранат возилата од патиштата, улиците, тротоарите и други јавни површини.

Општинските служби во координација со јавните претпријатија, економскиот оператор за зимско одржување и полицијата ќе ги преземат сите мерки предвидени со закон и во согласност со нивните надлежности против сите физички и правни лица кои нема да се придржуваат кон овој апел .

Служба за информирање – Општина Гостивар

Пристгнува донација од “Еагле” – 300 работници од Гостивар ќе се снабдат со квалитетни униформи

04.01.2019

Триста работни униформи од висок квалитет му се доделуваат на општина Гостивар како донација од реномираната компанија “Еагле”.

Првите униформи од оваа донација му беа предадени на градоначалникот Арбен Таравари, од страна на претставникот на оваа компанија, Баки Сулејмани од Гостивар.

“Компанијата Еагле му донира на општина Гостивар 300 пара униформирани облеки, и тоа за чуварите на Општина Гостивар 8 пара, за вработените во ЈП Комуналец – 150 пара, за Паркинзи и зеленило – 70 пара за ученичкиот дом – 30 пара, како и за пожарникарите – 50 пара кои што ги примивме денес. Му благодарам на Роланд, Јетмир и Баки, како и на компанијата Еагле кои ја даваат оваа многу значајна доанција. Униформите за сите вработени се исти, а ќе се разликуваат само по бојата. Инаку, компанијата Еагле е реномирана компанија за производство на униформи, која исто така произведува дресеви за многу фудбалски клубови кои се натпреваруваат во европските лиги. Се надеваме дека до февруари ќе ја примиме целата донација и им ја пподелиме на вработените во општина Гостивар и во претпријатијата во нејзина надлежност, и тие ќе имаат квалитетна работна униформа“, изјави градоначалникот Таравари.

Баки Сулејмани му се заблагодари на градоначалникот на Гостивар и на општинската администрација за плодната соработката која трае веќе шест месеци, и истакна дека благодарение на оваа соработка во Гостивар ќе се одржи Фудбалскиот камп Едмилсон и ќе има и други донации кои одат во полза и во интерес на општеството во Гостивар.

Во знак на почит и благодарност, градоначалникот Арбен Таравари му поклони симболичен подарок на координаторот на донацијата, Баки Сулејмани.

Служба за информирање

ПОКАНА ЗА УЧЕСТВО НА НАСТАН ЗА ЗАПОЗНАВАЊЕ СО ПРОЕКТОТ „ПОДОБРУВАЊЕ НА ОТПОРНОСТА НА ПОПЛАВИ ВО ПОЛОШКИОТ РЕГИОН“

ПОКАНА
ЗА УЧЕСТВО НА НАСТАН ЗА ЗАПОЗНАВАЊЕ СО ПРОЕКТОТ „ПОДОБРУВАЊЕ НА ОТПОРНОСТА НА
ПОПЛАВИ ВО ПОЛОШКИОТ РЕГИОН“
Почитувани,
Со задоволство Ве покануваме да земете учество на настанот за запознавање со неодамна започнатиот проект „Подобрување на отпорноста на поплави во Полошкиот регион“ кој ќе се одржи на 29 јануари 2019 година, во Хотел Меркур, Тетово, со почеток во 9.30 часот.

Проектот е финансиран од страна на Швајцарската влада а го спроведува Програмата за развој на Обединетите нации (УНДП), во партнерство со Министерството за животна средина и просторно планирање, општините од Полошкиот регион и голем број на други релевантни институции.

Целта на настанот е здруженијата на граѓани активни во Полошкиот регион да се запознаат со:
а) главните сознанија од проценките на ризици од поплави во Полошкиот регион и предложените мерки за нивно ублажување;
б) целите и активностите на проектот планирани за наредните неколку години;
в) работата на новоформираната меѓуопштинска Мрежа за отпорен и заштитен Полог која е поддржана од проектот.

На настанот ќе се дискутира и околу поддршката што граѓанскиот сектор може да ја даде во зајакнувањето на вкупната отпорност на заедниците кон поплавите и другите придружни појави, како и можните модалитети за соработка со проектот.

Би биле благодарни доколку навреме го потврдите Вашето присуство на Ермира Фида, на ermira.fida@undp.org, или на 071-289-326 најдоцна до 21 јануари, 2019 год.

Ви стоиме на располагање за сите дополнителни информации

Покана и агенда

Градоначалникот Таравари се приклучи на доброволната акција за чистење на снегот

 

13.01.2019

Болницата и верските објекти беа точките каде што денеска се спроведе доброволна акција за чистење на снегот на која се приклучи градоначалникот на Гостивар, Арбен Таравари и директорите на јавните претпријатијата со нивни соработници.

Во реализацијата на оваа акција се приклучи и економскиот оператор за зимско одржување, Насир Турс, а асистираше и полицијата.

“Група млади од Алијансата за Албанците покрена иницијатива за реализација на ваква акција, на која што со голема волја се приклучивме јас и моите соработници. Освен што даваме симболичен придонес, ние испраќаме и силна порака до граѓаните за чистење на површините пред нивните домови или дуќани. Морам да кажам дека сум презадоволен од придонесот на мнозинството граѓани во овој поглед, но секогаш може да се направи повеќе како од страна на институциите така и од страна на граѓаните”, истакна Таравари.

Тој информираше дека за овој период е многу задоволен од соработката со полицијата и изрази уверување дека соработката ќе продолжи и во иднина.

“Во врска со справувањето со ситуацијата, со задоволство можам да објавам дека општина Гостивар е оценета со оценка 5 од страна на полиција на скала од 1 до 5. Ако се остварат прогнозите на синоптичарите дека повторно ќе имаме снег, ќе ги интензивираме активностите и, доколку е потребно, и ќе го нпосиме снегот, што исто така ќе бара зголемена дисциплина од граѓаните за отстранување на возила кои ги оставиле на улица или на јавните паркинзи”, подвлече градоначалникот.

Доброволците во денешната акција, со копачи и лопати го кршеа мразот и го чистеа снегот од површините околу Саат џамијата, Црквата Света Богородица, паркингот кај Болницата и пешачките патеки во кругот на оваа здравствена институција. На одредени места се фрлаше и сол.

Општина Гостивар подготвена да се справи со невремето кое не очекува

09.01.2018

Според временската прогноза на Управата за хидрометеоролошки работи и по препорака на Владата на Република Македонија, Општина Гостивар ги врши сите потребни подготовки за справување со лошото време кое не очекува, проследено со обилни врнежи од снег и ниски температури.

Со цел преземање на благовремени превентини активности за намалување на последиците од најавената временска нестабилност, известени се раководствата на месните заедници на територијата на општината.

По потреба, покрај операротрот за зимско одржување на улиците и локалните патишта, ќе бидат ангажирани со полн капацитет и јавните претпријатија и противпожарната единица.

Општинскиот кризен штаб ќе биде во постојана соработка со Регионалниот штаб за управување со кризи.

Вреди да се напомене дека сите улици и локални патишта на подрачјето на општинa Гостивар се проодни и сообраќајот се одвива без потешки проблеми. Улиците и пaтиштата редовно се чистат од снег, а при пад на температурите постојано се посолуваат.

За поуспешно справување со состојбата, се молат граѓаните и правните лица, да ги почитуваат нoрмите пропишани со закон за вакви услови.

Служба за информирање

Градоначалникот Таравари им додели признанија на најзаслужните субјекти и поединци во 2018 година

04.01.2019

Градоначалникот на Гостивар, Арбен Таравари, денеска им додели признанија на субјектите и поединците кои во 2018 година дадоа посебен придонес за реализација на разни активности и проекти со цел подобрување на квалитетот на живеење на граѓаните на општина Гостивар.

“Денес им доделувам признаија на неколку месни заедници и поединци, за кои оценив дека во 2018 година забележаа резултати и дадоа посебен придонес за благосостојбата на нашите граѓани, и тоа преку одлична соработка со Општина Гостивар, но и со други институции. Би ги одвоил забележаните резултати на месните заедници на Чајле, Чегране, Форино, Лакавица и Дебреше. Овие месни заедници, иако како последица на минимизирање на нивната улога со Законот за месна самоуправа, речиси целосно се пасивизираа, тие сепак постигнуваат одлични резултати и можат и успеваат да се организираат како вистински институции”, истакна градоначалникот Таравари.

Тој подвлече дека со доделување на признанија на месните заедници, всушност ги удостојува сите жители на овие села за нивното залагње, како и иселениците за финансиската поддршка со што се овозможи реализација на активности и проекти, како што не се памети на овие простори. Таравари изрази подготвеност овие месни заедници во иднина да имаат поголема поддршка од страна на општината, а воедно ги охрабри и другите меснни заедници да го следат нивниот пример во насока на подорбрување на квалитетот на живеење на нивните жители.

Градоначалникот Таравари им додели приѕнанија и на четворица поединци за кои оцени дека нивниот вложен труд исто така остави траг во 2018 година.

“Шпенд Сулејмани, како поранешен в.д. директор во Ученичкиот дом, само за неколку месеци заврши работа колку а дава мандата, реновирајќи го објектот и однатре и однадвор, иако знаеше дека не ќе може да биде именуван за директор . Беким Аме, претседател на Здружението на лица со посебни потреби “Порака” од Дебар, многу чини и за децата од Гостивар, особено оние со аутизам. Во текот на 2018 година добивме многу донации од Турција и поставивме нови мостови на соработка. Координатор за соработка со Република Турција е Гџзим Хаџијепу, кому исто така му доделуваме денес признание со што им правиме чест на сите институции од Турција кои ни помогнаа во различни форми, за што е запознаена јавноста”, подвлече Таравари

Признание му беше доделено и на Хакан Гостивар, кој живее во Турција, е турски државјанин, но постојано се ангажира во хуманитарни акции и доелување на многу вредни донации во Гостивар и гостиварско

Служба за информирање