ЈАВЕН ПОВИК

Почитувани граѓани,

Ве покануваме да учествувате на третата сесија на ПРОЕКТНИОТ ФОРУМ на Oпштина Гостивар, штo ќе се oдржи на 27.09.2019г (петок) вo прoстoрите на ресторант The Grand Гoстивар, сo пoчетoк oд 15:00 часoт.

Главната тема на форумите е социјалното вклучување, вклучувајќи ги темите за родова еднаквост, добро владеење и мултиетничката соработка.

На оваа сесија ќе бидат презентирани правилата за избор на проекти и ќе се презентират предлог проектите.

Фондот на проектот изнесува 50,000CHF, и во рамките на овој буџет ќе се финансират најмалку 1 до 3 проекти што ќе бидат избрани и обработени од граданите учесници на ФОРУМИТЕ.

Наслов на проектот: “Зајакнување на општинските совети

Донатор: Швајцарска агенција за развој и соработка СДС

Спроведувач: Програма за развој на обединетите нации (UNDP)

Со почит,

Општина Гостивар.

Денес е Европски ден на јазиците

26.09.2019

Јазичната разноликост е алатка за постигнување на поголемо меѓукултурно разбирање и клучен елемент во богатото културно наследство на Европа.

Осумсто милиони жители, низ целиот континент, застапени во 47 земји-членки на Советот на Европа се охрабрени да учат повеќе јазици, на било која возраст, во и надвор од училиштaтa.

Денешиниот ден, 26-ти Септември, од 2001 гоина се слави како Европски ден на јазиците.

Општина Гостивар силно го подрржува промовирањето на плурилингуализам во цела Европа.

Служба за информирање

Во градот Гостивар и некои села, cе одбележа Светскиот ден на чистењето

21.09.2019

Општинската администрација, некои села каде што се активни месните заедници, еколошки организации и граѓани кои се грижат за здрава животна средина, се вклучени во акцијата организирана од страна на Општина Гостивар за одбележувањето на Светскиот ден на чистењето.

Во чистењето на јавните површини се вклучи и градоначалникот на Гостивар, Арбен Тараваи кој заедно со општинските службеници, активисти и други граѓани собираше отпадоци на улиците и другите јавни места во градот.

– Целта на оваа акција е да се подигне свеста на граѓаните за одржување на чиста и здрава животна средина. Јавното претрпијатие ги извршува своите должности редовно, но за да имаме почист град, сите граѓани мора да се грижат да не фрлаат отпадоци и на различни начини, како што е денешната акција, да придонесат за почиста и поубава средина. Како што можете да видите, се вклучија неколку здруженија кои се фокусирани на заштитата на животната средина, како и некожлку месни заедници, но за жал директорите на училиштата не ни се приклучија и не овозможија оваа акција да биде помасовна и да вроди со љубов кон чистотата кај наредните генерации на кои најмногу тоа им е потребно“, изјави градоначалникот Таравари.

Претседателот на Здружението ГВ Еко, Ахмет Салмани рече дека јавната чистота, не само што позитивно влијае на нашето здравје, туку и му дава поубав изглед на градот. Додека претседателката на невладината организација ИГИ, Сунчица Ѓурчиноска рече дека денес секој родител требаше да ги земе своите деца и да се приклучи на оваа акција, бидејќи навиките за чиста и здрава животна средина се создаваат уште од раното детство.

Градоначалникот Таравари го посети и Чајле, каде беше пречекан од претседателот на месната заедница, Синан Елези, кој го информираше за текот на акцијата. Таравари му честиташе на Елези за одличната организација и генерално за резултатите кои ги забележува оваа месна заедница.

Служба за информирање

Гостивар го одбележа Светскиот ден без автомобили

22.09.2019

Светскиот ден без автомобили во Гостивар се одбележа во организација на Општината. По тој повод се одржа дефиле со велосипеди низ главните градски улици, поточно во централното градско подрачје.

На настанот учествуваа десетици граѓани од двата пола и од сите возрасни групи кои го гледаат велосипедот како поеколошкио, поздраво и поекономично превозно средство.

Градоначалникот Арбен Таравари, кој исто така присуствуваше на настанот, рече дека ова е втора активност овој викенд за подигање на свеста на граѓаните за заштита на животната средина.

– Како Општина Гостивар, ние имаме проект за набавка на велосипеди, околу 20-30, кои ќе ги ставиме во служба на граѓаните за да можат да ги користат за задоволување на нивните потреби кога не е неопходно да користат автомобили. Како градоначалник ќе се обидам да влијаам врз општинската администрација, да што е можно повеќе да користат велосипеди, и барем оние што живеат во градот, според можнпстите на работа да доаѓаат без автомобили, подвлече Таравари.

Целта на оваа активност е да се намали глобалното затоплување барем на еден ден, поттикнувајќи ги луѓето да бидат помалку зависни од своите автомобили и да бараат други алтернативи.

Служба за информирање

Гостиварските спортисти ќе се наградуваат согласно Правилникот кој е во фаза на подготовка

23.09.2019
Oпштина Гостивар изготви предлог Правилник за доделување награди и признанија на спортисти, спортски работници, клубови, тренери, здруженија и училишни тимови. Hаградите од областа на спортот ќе се состојат во плакети, медали и парични средства. Првичната верзија, пред љубителите на спортот и граѓаните, беше презентирана во салата на општинскиот совет, а откако ќе се дефинираат сите детали, Правилникот ќе биде ставен на гласање пред Советот.

Пофалби и награди ќе им се доделуваат на најуспешни спортисти – мажи и жени, јуниори и јуниорки, тимови во машка и женска категорија, спортисти/спортско лице со попречености, спортско здружение – екипни и поединечни спортови, училишен тим како и спортист од Гостивар кој се натпреварува во странство. Кандидатите ќе ги рангира посебна петчлена комисија, а висината на паричната награда ќе ја определува градоначалникот, врз основа на буџетската ставка за спорт.

– На овој начин ќе ги остраниме сомнежите дека при распределба на парите за спорт од општинскиот буџет има фаворизирања. Постојат субјективни коментари од некои луѓе, дека одредени клубови и спортисти добиваат повеќе пари од општината, а други помалку. Со овој Правилник ќе ги минимизираме ваквите озборувања. Го претставуваме најпрво пред спортистите, клубовите, спортските работници за да го слушнеме нивното мислење, предлози, забелешки, така е најдемократски“, изјави градоначалникот на Гпостивар Арбен Таравари.

Содржината на Правилникот ја презентираше советникот во советот и европски првак во карате, Берат Јакупи, кој ги повика сите активни спортисти и клубови, кои не се регистрирани да ја завршат оваа обврска, за да може да конкурираат за наградите.

„Има доста клубови коишто се активни, но не се институционализирани и заради тоа не можат да конкурираат, не само во општината, туку и во другите институции и донатори. Затоа нека биде ова еден апел, да се институционализираат. Свесни сме дека најчесто пречка за регистрирање се финансиите, но спортистите треба да гледаат долгорочно, дека на тој начин губат многу “, рече Јакупи.

Служба за информирање

 

ПОКАНА

Почитувани љубители на спортот,

 

Утре (понеделник) со почеток во 10:00 часот во салата на Советот на Општина Гостивар, ќе биде претставен нацрт-Правилникот  за избор на најдобри спортисти на годината на општинско ниво.

 

По тој повод, ги покануваме сите спортисти, спортски клубови, спортски работници, медиумите и сите љубители на спортот да учествуваат во презентацијата и со свои забелешки, предлози и сугестии да дадат свој придонес во насока на изготвување на што подобар Правилник.

Со почит,

Општина Гостивар

ЈАВЕН ПОВИК

Почитувани граѓани нa општина Гостивар,

Во сабота (21.09.2019) во 10:00-12:00 часот, на ниво на општинa Гостивар, ќе се одбележи Светскиот ден на чистењето.

По тој повод, во соработка со Месните заедници и јавните општински инстуции, ке се организира широка акција за чистење на јавните површини во нашaта општина.

Апелираме до сите вас, независно од возраста и полот, да стaнете дел од оваа aктивност и да придонесеме заедно за почиста средина и подигање на свеста за јавната хигиена.

Подетални информации за текот на активностите, ќе можете да добиете во Општина Гостивар, Месните заедници и соодевтните институции.

Со почит,
Арбен Таравари,
градоначалник на Општина Гостивар

Д-р Бесим Мемеди избран за претседател на Советот на Општина Гостивар – создадено е ново мнозинство

16.09.2019

На 16-та седница на општинскиот совет на Гостивар, советниците со 16 гласа „за“, 2 воздржани и 13 „против“ го избраа за нов претседател д-р Бесим Мемеди – носител на советничката лсита на Алијансата за Албанците.

Претходно, досегашниот претседател др. Насир Муслиу поднесе оставка за да му отвори пат на новосоздаденото мнозинство да избере за претседател лице од своите редови.

Новоизбраниот претседател Бесир Мемеди им се заблагодари на советниците за дадената доверба и го поздрави потегот на досегашниот претседател, изразувајќи оптимизам дека со поранешниот претседател ќе соработува во интерес на граѓаните на општина Гостивар.

Вреди да се напомене дека со цел подобра координација со советничките групи и успешниот тек во работата на Советот, продолжувањето на седницата се закажа запеток во 9:30 часот.

Служба за информирање

Акцијата “Со срце дарувај, ученик израдувај”, израдува над 500 основци од општина Гостивар

12.09.2019

Акцијата „Со срце дарувај, ученик и израдува“ резултираше со бројни донации за ученици од социјално загрозениу семејтва.

Оваа акција беше иницирана и организирана од страна на Секторот за јавни дејности при Општина Гостивар, во соработка со општинските основни училишта, два супермаркета и неколку книжарници од градот.

Собраните донации, односно над 500 чанти и друг училишен прибор, беа дистрибуриани неделава по училиштата.

Како што информира раководителот на секторот за јавни работи, г-ѓа Аслиан Снопче, покрај многубројните родители кои донираа училишен прибор, менувачницата Алпина подари 100 чанти, супермаркетот ЕТЦ донираше 60 чанти, Бени Бетон 50 чанти полни со училишен прибор, и универзитетот Визион 50 училишни чанти.

„Гостиварци уште еднаш ја докажаа на делов нивната хуманост и солидарност. Успехот на оваа акција ги надмина дури и нашите очекувања. Ова не е првпат заинтересираните да донираат за ученици од семејства со понизок економски стандард на почетокот на учебната година, но овој начин на организирање овозможува повеќе лица и субјекти да станат дел од акцијата и донациите да стигнат до сите оние кои имаат потреба. Затоа, планираме вакви акции да организираме и во наредните години “, вели г-ѓа. Снопче.

Основните училишта, како урбаните така и руралните, ќе се погрижат самките за донациите да стигнат токму кај учениците кои имаат најголема потреба.

Општина Гостивар им се заблагодарува на сите родители и донатори, како и на супермаркетите и книжарниците кои станаа дел од оваа акција.

Служба за информирање

Првиот ден од новата учебна година во основните училишта во Гостивар започна со скромни церемонии

03/09/2019

Околу 650 деца денес седеа за прв пат денес на клупите на општинските основни училишта Гостивар. Првиот ден од новата учебна година, како во градските училишта, така и во руралните средини, беше одбележан со скромни церемонии, за кои покрај училиштата, се погрижи и Секторот за образование во Општина Гостивар.

Претставници на образовниот сектор ги посетија денес скоро сите јавни училишта, каде на сите ученици од прво одделение им беа надарени пакет наставни средства и прирачници кои пренесуваа разни пораки.

На свечената церемонија за прием на ученици од прво одделение во КФК „Фаик Коница“ беше присутен и градоначалникот на Арбен Таравари, кој им честиташе на децата за почетокот на своето патување за образование и изрази поддршка за барањата. наставници за подобри услови за работа.

Говорот го одржа и директорката на училиштето г. Саније Дурмиши.

Учениците од општина Гостивар, облечени како анимирани филмски ликови, се грижеа за доброто расположение на учениците.

Информативна услуга