Соопштение од Организацискиот одбор на Меморијалниот марш

Почитувани граѓани,

Со големо задоволство ве известуваме дека Меморијалниот марш во чест на настраданите од сообраќајната несреќа кај Ласкарци, помина во најдобар ред и ги надмина нашите очекувања.

На маршот учествуваа неколку стотици граѓани од Гостивар и од други градови низ земјава, од кои дел симболично, околу стотина изодеа една или две етапи, а 46 учесници маршираа од почеток до крај на рута од 53 километри во времетраење од 11:30 часа. Треба да се истакне дека на маршот учествуваа и задоволителен број припаднички од поубавиот пол, од кои 6 ја изодеа целата рута и десетина една или две етапи, а учествуваа и повредени во несреќата како и челнови на семејствата на загинатите.

Она што најмногу не радува е дека како гостиварци, уште еднаш покажавме дека секогаш, и во добро и во зло, сме обединети без оглед на национална, верска, политичка, социјална или било каква припадност. Се надеваме дека успеавме да пратиме силна порака до институциите на државата за преземање мерки за зголемување на безбедноста во патниот сообраќајот, како и подигање на свеста на учесниците во сообраќајот за претпалзиво возење и почитување на правилата, така да вакви трагедии не ни се повторат во иднина.

Изразуваме благодарност до Општина Гостивар и до градоначалникот Арбен Таравари за целосната материјална и логистичка поддршка, како и до Министерството за внатрешни работи за полициска асистенција во текот на целиот марш.

Секако, голема благодарност до локалните, регионалните и националните медиуми што го покрија овој мошне значаен настан.

Веруваме дека овој марш ќе стане традиционален и ќе влезе во агендата на активности на Општина Гостивар, со што ќе се подобри организацијата и ќе се зголеми масовноста.

Организацики одбор

 

Појаснување за лизгалиштето во Гостивар

15.02.2020

Почитувани граѓани,

Ве информираме дека извесен период, лизгалиштето не функционира заради единствена причина – временските услови.

Всушност, лизгалиштата се проектирани така да можат да бидат функционачлни само кога дневните максимални температури се под 8 степени целзиусови. За наша среќа или несреќа, такви температури во текот на зимава имавме само малку, а во тие неколку дена лизгалиштето не само што беше функционално, туку ја користеа голем број млади и деца во придружба на нивните родители.

Во врска со неоснованите обвинувања на огранокот на ДУИ во Гостивар, дека наводно исчезнале лизгалките со кои Агенцијата за млади и спорт ја снабде спортската сала Гостивар, им даваме до знаење и на нив и на секој што барем малку се сомнева дека тие се наоѓаат во просториите на спортската сала и секој што сака може да се увери во тоа (фотографиите што можете да ги видите се направени во текот на денешпниот ден). Исто така, обвинувањето дека лизгалиштето на,мерно не се става во употреба за да моѓат да се паркираат возила, не само што е невистинито, туку сосема нелогично, бидејќи површината што ја зазема лизгалиптето, без разлика дали е таа во функција или не, не може да биде користено за паркирање.

Инаку, ниту едно од осумте лизгалишта во другите градови во Македонија не било функционално во топлите денови, од кои едното оддалеќено само 25 километри, во Тетово, не се искористи ниту еден миг, а со оваа општина раководи една од најекспонираните кадри токму на партијата која неосновано обвинува – ДУИ.

Сепак, врз основа на прогнозите на синоптичарите, температурите ќе се спуштат од среда и се надеваме дека сите оние кои ја обожаваат зима и сакаат да се забавуваат во зимски услови, ќе имаат можност да се лизгаат во лизгалиштето во Гостивар, кое нема претрпено никакво оштетување и е подготвено да биде ставено во функција.

Служба за информирање

 

Почитувани, во продолжение ви го пренесуваме Сопштението на Организацискиот одбор на Меморијалниот марш

Почитувани граѓани на Гостивар,

Ве информираме дека Меморијалниот марш во чест на жртвите и повредените во трагедијата кај Ласкарци, се одвива без проблеми и според планираната динамика.

Маршерите, моментално се на релација Тетово – Гостивар и се очекува кај Наплатната рампа во Гостивар, да пристигнат околу 17:00 часот.

Ги покануваме граѓаните кои од различни причини не биле во можност да ни се приклучат од самиот почеток, а кои сакаат да станат дел од симболиката на овој марш, да ни се придружат во 17 часот кај Наплатната рампа во Гостивар или да не пречекаат на градскиот плоштад околу 17:30 часот, каде што ќе заврши Меморијалниот марш.

Со почит,

Организациски одбор 

АГЕНДА НА МЕМОРИЈАЛНИОТ МАРШ

МЕМОРИАЛЕН МАРШ ВО ЧЕСТ НА ЗАГИНАТИТЕ И ПОВРЕДЕНИТЕ ОД СООБРАЌАЈНАТА НЕСРЕЌА КОЈА СЕ СЛУЧИ НА ДЕН 13.02.2019г.

ВО БЛИЗИНА НА с.ЛАСКАРЦЕ НА РЕЛАЦИЈА

ЛАСКАРЦЕ – ГОСТИВАР    55км

АГЕНДА :

  1. Поаѓање од Гостивар во 04:45мин автобус/минибус од пред општина Гостивар
  2. Страт од с.Ласкарце во 05:30мин – 06 ( положување цвеќе )
  3. Надвозник Групчин 07 – 07:30мин
  4. Патарина Желино 08 – 08:30мин

пауза од 30мин до 45мин

  1. Тетовска патарина 11 – 11:30мин

-пауза од 1ч до 1:30мин

-Изјави на градоначалникот на Гостивар и др.

– Коктел ( сендвичи, пијалоци,…)

  1. Пристигнување во Гостивар околу 17 – 17:30 мин во центарот на градот каде е предвидено да има обраќање од градоначалнкот.

Пријавување за учество на маршот заклучно до 12/02/2020год.  до 12 часот

на контакт телефони : 072 519 109  

логистика подржка – возила кои ќе го следат маршот (вода,храна,пијалоци) и

возила на повик обезбедени од Општина Гостивар.

Од организационот одбор

Општина Гостивар е опремена со нови камиони кои можат да се користат до 14 метри во висина

07.02.2020

Камионот е грант од Светска банка, додека Општина Гостивар исплати дел од средствата за истите.
При промоцијата на опремата, градоначалникот на Гостивар, Арбен Таравари, рече дека камионетот многу ќе му служи на Гостивар и дека истито ќе можат да го користат општинските јавни петпријатија.
Градоначалникот Таравари истакна дека новиот камионет ќе им послужи и за одржување на јавното осветлување. Тој објасни дека за краток период на територијата на Гостивар се заменети над 14 илјади лед сијалици со кои многу се заштедува електрична енергија.
Служба за информирање

Mарш во спомен на жртвите во трагедијата кај Ласкарци

06.02.2020

По повод едногодишнината од трагедијата кај Ласкарци каде што во сообраќајна незгода загинаа 16 лица а децетици други беа повредени, во четврток, на 13 февруари, ќе се одржи граѓански марш.

 Маршот ќе започне на местото каде што се случи трагедијата кај село Ласкарци, а ќе заврши на градскиот плоштад во Гостивар, во должина од околу 55 км.

Иницијативата доаѓа од група планинари а ќе биде целосно поддржана од Општина Гостивар.

– Покрај сежавањето на жртвите од трагедијата, со овој марш имаме намера да испратиме порака до надлежните државни институции да ги преземат сите неопходни мерки за поголема безбедност во патниот сообраќај, како и да ги сензибилизираме сите учесници во сообраќајот вакви трагедии да не се повторат“, велат организаторите на маршот.

Општина Гостивар ги охрабрува граѓаните да учествуваат што помасовно на маршот, а дел од него же биде и градоначалникот Арбен Таравари со негови соработници, кои ќе испешачат неколку километри.

Информативна услуга