Почитувани гостиварци

Иако денеска во групата на кризниот штаб, донивме информација дека кафитериите можат да работат по моделот купи и оди, сега гледам дека сеуште оваа одлука не е официјализирана. Затоа ве молам, уште овој викенд да бидеме стрпливи, додека ни стигне и писмено известување од централниот кризен штаб.

Се до цел, никој да нема никакви правни последици, ги молам сите кафитерии во градот Гостивар, утре да не започнат со работа, туку да ја причекаме одлуката и писмено да ни стигне до понеделник.
Имајте убав викенд со вашите семејства!

#ЕденГрад #ЕднаКуќа #ЗаедноМожеме

Гостивар меѓуопштински штаб ќе му предложи на Централниот кризен штаб, олеснување на мерките

28.04.2020

Меѓуопштинскиот кризен штаб – Гостивар, денеска го одржа својот дванаесетти состанок, на кој релевантните институции известуваа за актуелната состојба со пандемијата „Ковид-19“.

Во гостиварскиот регион регистрирани се 3 нови случаи (во послединте два дена) на инфектирани со “Ковид-19“, со што вкупниот број заразени се покачи  на 17.

„За жал, имаме еден починат, излечени се 6 и имаме 10 активни случаи, од кои 6 во општина Гостивар и 4 во општина Врапчиште, додека вкупно се тестирани 202 лица“, информираше градоначалникот на Гостивар Арбен Таравари, во својство на претседател на Меѓуопштинскиот кризен штаб.

Тој подвлече дека ситуацијата е релативно стабилна, но дека претпазливоста на граѓаните и почитувањето на препораките од владата треба уште повеќе да се зголемат, особено по олеснувањето на мерките за изолација.

Една од препораките што произлегоа од денешниот состанок беше да му се предложи на Централниот штаб, полицискиот часо во работни денови да започне во 21 часот, а во викенди и државни празници од 15 часот.

Исто така, градоначалникот Таравари предложи кафеаните да работат според моделот „Земи и оди„ (шалтерка форма), исто како локалите кои продаваат храна.

Служба за информирање

Акција за донирање на опрема за следење на онлајн настава

Честопати ја користиме фраѕата „Заедно сме посилни“. Фраза, која во различни околности и услови, секогаш го докажувала своето значење. Тековниот период, кој го доживуваме, уште еднаш ја истакна потребата за оваа фразаа. Овој пат, нашиот невидлив непријател успеа физички да нè раздели, но како никогаш досега, создаде желба и потреба да се обединиме духовно.

Овој непријател успеа буквално да го допре секој кров и секого од нас на различни начини. Меѓу другото, оваа состојба успеа да допре до основните столбови на формирањето на општеството, образованието и образовниот процес. И ова, директно директно ги погоди најскапоцените суштества, децата. Многу деца ја уживаат можноста да ги следат алтернативните начини на образовниот процес без никакви проблеми, но некои од учениците поради најразлични услови и околности, со недели немаат можност да им се придружат на своите другари. Оваа група ученици која во Гостива  се приближува на четирицифрен број, и покрај желбата да селдат настава, заради тешката социјална состојба, економската неможност, не го уживаат правото да продолжат да учат како и другите деца. Ученици од различна возраст поради неможноста да поседуваат еден од технолошките уреди (лаптоп, таблет, смартфон), отсуствуваат од наставни часови.

Драги сограѓани, драги родители и вие иселеници, знаејќи дека децата се воедно наше најмоќно и најчувствително оружје, ве повикуваме да се приклучите на оваа иницијатива која има за цел обезбедување на уреди за секое семејство и дете погодено од овој феномен.

Доколку на вашите полици имате телефон или лаптоп, подарете го. Според ваша желба донирајте колку што можете.

Да не дозволиме оваа ситуација да влијае уште повеќе на развојот на нашите деца. Тие се нашата иднина, иднината на оваа земја.

Уверени сме дека еден ден, вашата помош ќе ве направи да се гордеете со нивните достигнувања. Бидете дел од успехот на децата на кои сега повеќе од кога и да е, им е  потребна вашата помош.

Опремата можете да ја донесете од втроник до петок, од 11:00 до 14:00 во просториите на Општина Гостивар.

Дизајн: Vigan Demiri

Безбедни практики на Рамазан во контекст на KОВИД-19

Привремена препорака

15 април 2020 година

Информација

Светиот месец Рамазан се обележува со социјални и религиозни собири каде муслиманските семејства и пријатели се здружуваат за да го прекинат постот заедно после зајдисонцето, за ифтар или пред зори за суфур. Многу муслимани ги зголемуваат нивните посети во џамиите во текот на месецот и се собираат на подолги молитви, за време на теравијата a и молитви во текот на ноќта. Некои муслимани исто така минуваат денови и ноќи во џамијата во последните 10 дена од Рамазан (I’tikaf) за молитва. Овие традиционални и верски практики редовно се следат во текот на целиот месец. Оваа година Рамазан започнува кон крајот на месец април и завршувакон крајот на месец мај, додека трае пандемијата COVID-19.

COVID-19 лесно се пренесува преку близок контакт помеѓу луѓето бидејќи вирусот се шири преку респираторни капки и контакт со контаминирани површини. За да се ублажи влијанието врз јавното здравство, некои земји имаат спроведено мерки на физичко растојание насочени кон прекин на преносот со намалување на интеракцијата меѓу луѓето. Овие мерки се основни механизми за контрола на ширењето на заразни болести, особено респираторните инфекции, поврзани со големи собири на луѓе. Мерките за физичко дистанцирање, вклучително и затворањето на џамиите, следењето на јавните собири и другите ограничувања на движење, ќе имаат директни импликации врз собирите во социјалните и верските центри за време на месецот Рамазан.

Цел

Земјите ширум светот преземаат различни мерки за да го контролираат ширењето на COVID-19. Овој документ ги потенцира советите на јавното здравство за социјалните и религиозните практики и собири за време на Рамазан кои можат да се применат во најразлични национални контексти.

Информирано донесување одлуки за спроведување религиозни и социјални собири

Ограничувањето на социјалните и верските собири треба да се сфати сериозно. Затоа, СЗО препорачува, да секоја одлука за ограничување, менување, одложување, откажување или продолжување на одржувањето или масовното собирање на населението, треба да се заснова врз стандардизирана вежба за проценка на ризикот. Овие одлуки мора да бидат дел од сеопфатниот пристап на националните власти за спротивставување на ширењето.

а) Доброволни молитви коимуслиманите ги извршуваат ноќе после молитвата на Јација во првиот дел од ноќта. Овие молитви непрекинато се организираат за време на светиот месец Рамазан.
б) Доброволни молитви коимуслиманите ги извршуваат ноќе после молитвата на Јација, но во доцниот дел од ноќта. Овие молитви непрекинато се организираат за време на светиот месец Рамазан

Ако откажете социјални и религиозни собири, таму каде што се спроведливи, може да се користат виртуелни алтернативи користејќи платформи, како што се телевизија, радио, дигитални и социјални медиуми. Ако се дозволи да се одржат собирите и во текот на Рамазанот, треба да се спроведат мерки за ублажување на ризикот од пренесување на COVID-19.

Државните здравствени власти треба да се сметаат за главен извор на информации и совети во врска со физичката оддалеченост и другите мерки поврзани со COVID-19 во контекст на светиот месец Рамазан. Мора да се обезбеди усогласеност со наведените мерки. Верските водачи треба да бидат вклучени во рани фазина донесувањето одлуки за да можат да бидат активно вклучени во соопштувањето на која било одлука што се однесува на настаните поврзани со месецот Рамазан.

Од суштинско значењее постоењето на една силна стратегија за комуникација, за да им се објаснат на населението причините за донесените одлуки. Треба да се воспостават јасни насоки и треба да се зајакне важноста за спроведување на национални политики. Стратегијата за комуникација исто така треба да содржи проактивни пораки за здраво однесување за време на пандемии и да се пренесувапреку различни платформи за медиуми.

Сеопфатни размислувања

Совети за физичко растојание

– Практикувајте физичко растојание со строго одржување на растојание од најмалку 1 метар (3 чекори) помеѓу луѓето во секое време.
– Користете дозволени културни и религиозни поздрави кои избегнуваат физички контакт, како што се мавтање со рака или ставање рака на срце.
– Спречете голем број на луѓе кои се собираат на места поврзани со активности на Рамазан, како места за забава, маркети и продавници.

Совети за групи со висок ризик

– Охрабрете ги луѓето што не се чувствуваат добро или имаат симптоми на СОVID-19 да не присуствуваат на настаните и да ги следат државните упатства за следење и управување со симптоматски случаи.
– Охрабрете ги старите лица и секого кој има хронични заболувања (како што се кардиоваскуларните заболувања, дијабетес, хронична респираторна болест и карцином) да не присуствуваат на собири, бидејќи се смета дека се изложени на ризик од сериозна фатална болест предизвикана од вирусот СОVID-19.

Олеснителни мерки за физички собири

Следниве мерки треба да се применат за било какви собири што се одржуваат за време на Рамазан, како што се молитвите, аџилаците и заедничките оброци или банкети.

Собирни места

– Ако е можноразмислете за одржување на настанот на отворени места; во спротивно, проверете дали затворениот простор има соодветна вентилација и циркулација на воздухот
– Скратите го времетраењето на настанот колку што е можно за да се ограничи можната изложеност
– Дајте им приоритет на почести нопомали богослужби со помала посетеност, отколку да организирате големи собири

– Почитувајте ја физичката оддалеченост помеѓу присутните, како седнати, така и стоејќи, создавајќи и определувајќи фиксни места, вклучително и за време на молитвата, додека земате абдест (ритуали на абдес) во заеднички простори за миење/абдес и посветени зони за чување на чевлите.
– Прилагодите го бројот и протокот на луѓе што влегуваат, присуствуваат и заминуваат од местата на богослужба, местата за аџилак или други места за да обезбедите безбедно растојание во секое време
– Разгледајте ги мерките за олеснување на откривањето на контакти во случај кога болното лице се идентификува меѓу присутните за време на собирот.

Охрабрување за здрава хигиена

Муслиманите земаат абдест пред молитвите, што помага да се одржи здрава хигиена. Треба да се земат предвид следниве дополнителни мерки:

– Осигурете се дека објектите за миење раце се соодветно опремени со сапун и вода и обезбедуваат средства за дезинфекција базирана на алкохол (најмалку 70% алкохол) на влезот и во внатрешноста на џамиите.
– Обезбедете достапност на марамчиња и канти со капаци кои гарантираат безбедно отстранување на отпадот.
– Охрабрете ги луѓето за употребата на лични черги за молитва кои ќе бидат поставени врз теписите.
– Обезбедете визуелно прикажување на советите за физичко растојание, хигиената на рацете, етикетите за дишење и општите пораки за превенција од COVID-19.

Честопати чистете ги просторите, местата и објектите за богослужба

– Направете рутинско чистење на местата каде што луѓето се собираат пред и после секој настан, користејќи средства за чистење и средства за дезинфекција.
– Во џамијата, чувајте ги просториите и местата за абдес чисти и одржувајте општа хигиена и санитет.
– Исчистете ги предмети што често се допираат, како што се кваките на вратите, прекинувачите и ракофатите на скалилата со средства за чистење и средства за дезинфекција.

Добротворни цели

Кога верниците посветуваат посебно внимание на оние кои можат да бидат негативно погодени за време на распределбата на нивната садака или зеќат за време на овој Рамазан, разгледајте ги мерките за физичката оддалеченост кои важат во земјата. За да избегнете собирање на премногу луѓе за време на заедничките ифтари во форма на банкет, размислете да користите пакувана храна за секој поединец. Тоа може да се организира од централизирани единици и институции, кои мора да се придржуваат кон физичката оддалеченост во текот на целиот циклус (собирање, пакување, складирање и дистрибуција).

Благосостојба

ПОСТ

Не се спроведени студии за постот и ризикот од инфекција со COVID-19. Здравите луѓе треба да бидат во состојба да постат во текот на овој Рамазан како и претходните години, додека пациентите со COVID-19 треба да ги земаат предвид верските олеснувања во врска со прекин на постот во консултација со своите лекари, како што би правеле со која било друга болест.

Физичка активност

За време на пандемијата COVID-19, многу луѓе се ограничени во движењата; но, доколку ограничувањадозволуваат, секогаш вежбајте со соодветно физичко растојание и хигиена на рацете дури и за време на било каквафизичка активност. Наместо активности на отворено, се препорачуваат физички активности внатре и охрабрени преку онлајн- вежби.

Здрава диета и исхрана

Правилната исхрана и хидратацијата се неопходни за време на месецот Рамазан. Луѓето треба да јадат најразлична свежа и сурова храна секој ден и да пијат многу вода.

Употреба на тутун

Употребата на тутун, односно откажувањето е силно советувано во која било околност, особено за време на рамазан и пандемијата COVID-19. Честите пушачи можат веќе да имаат заболувања на белите дробови или намален капацитет на белите дробови, што во голема мера го зголемува ризикот од сериозната болест COVID-19. Кога пушите, прстите (а можеби и контаминираната цигара) ги допираат усните, што ги зголемува вашите шанси за внесување на вирусот во респираторниот систем. Кога се користи наргиле, може да се распрснат капки од устата, што исто така го олеснува пренесувањето на вирусот.

Поддршка за ментално и психосоцијално здравје

И покрај различната примена на практики, оваа година важно е да се уверат верниците дека сè уште можат да рефлектираат, да се подобрат, да се молат, да споделат и да се грижат – се од здрава далечина. Убедувајќи се со сигурност дека семејството, пријателите и старите лица се сè уште поврзани во светло на физичко растојание; дека е неопходно да се поттикнат алтернативни и дигитални платформи за интеракција. Обезбедување посебни молитви за болните, покрај пораките на надеж и утеха, се методи за извршување на практиките на Рамазан, додека го чуваат јавното здравје.

Одговор во ситуации на семејно насилство

Во средини каде има ограничувања во движењето, веројатно ќе дојде допораст наинциденти на семејно насилство, особено врз жените, децата и маргинализираните лица. Верските водачи можат активно да зборуваат против насилството и да обезбедат поддршка или да ги охрабрат жртвите да бараат помош.

Благодарност

Благодарност до Регионалната канцеларија на СЗО за Источен Медитеран за подготовката на ова упатство.

Референци

  1. Светска здравствена организација. Практични размислувања и препораки за верските водачи и верски заедници во контекст на публикацијата KОВИД-19, алатка за проценка на ризикот, листа на одлуки

(https://www.who.int/emergencies/diseases/novel- coronavirus-2019 / technician-guidance/ points-ofentry-and-mass-gatherings)

СЗО продолжува внимателно да ја следи состојбата за какви било промени што можат да влијаат на оваа привремено упатство. Ако дојде до промена на некој фактор, СЗО ќе издаде дополнително ажурирање на упатството. Во спротивно, ова привремено упатство ќе истече 2 години од денот на објавувањето.

 

Градоначалникот Арбен Таравари додели благодарници на компаниите и здруженијата кои помогнаа на загрозени домаќинства од Гостивар

Градоначалникот на Гостивар Арбен Таравари, во знак на благодарност за даден придонес и солидарност со семејствата со социјален ризик во време на пандемија, денес сподели благодарници за шест правни субјекти во Гостивар.

Станува збор за компанијата „Вардар Доломит“, маркетот „Консум“, Xуманитарната организација „Младинска рака“ од селото Фринo, Хуманитарното здружение „ДАВА – Гостивар“, Xуманитарната организација „Мешечина – Гостивар“ и менувачницата „Алпина“. Во текот на изминатиот период истите тие помогнаа со храна и санитарни производи со стотици сиромашни семејства во поширокиот регион во Гостивар.

Градоначалникот Таравари им се заблагодари на овие субјекти дека благодарение со својата максимална посветеност, многу семејства успеваат да ги задоволат нивните дневни потреби.

Поради ситуацијата, церемонијата беше симболична со прием во канцеларијата на градоначалникот, каде беa доделени благодарниците.

Тој посака успешно да се надмине епидемијата на коронавирус кај нас.

Економски оператори кои ќе работат и за време на полицискиот час во викендов

Kризниот штаб на општина Гостивар, во согласност со своите надлежности, на неколку економски оператори им издаде дозволи за работа за време на полицискиот час викендов, со цел сите граѓани кои ќе имаат итна потреба од храна, хигиенски и прехранбени производи или лекови, да можат нив да ги обезбедат преку волонтери и други лица кои имаат дозвола за движење.

Во продолжение следи целосната табела со телефонски броеви:

Аптека „Кенан“ – 077 / 787-888

Али Фарм – 078 / 477-148

Елкос Груп ЕТЦ – 071-240 804

Маркет „Деликатес“ – 078 / 456-875

Маркет„Фикри Компани“ – Форино – 070 / 444-462

Маркет „Абаз Комерц“ – Чегране – 070 / 875-506

Маркет „Ермија“ – 070 / 204-847

Ема логистикс: 071 / 686-666

Али Маркет: 070/553 071

Пица деливри Кинг: 078/886 996

Пица Хаус: 070/800 350

Пица Твинг Твинг – 078 346 501

Пица Сити – Чегране – 070 643 111

Пица Розафа – 071 966 094

Ресторан „Игнација“: 078/365 771

Хуманитарно здружение ДАВА – 071 / 755-557

Центар за младинско образование: 072 / 722-995

Мобилни екипи на Општина Гостивар: 072 577 713 и 072 577 741

Забелешка: Аптеките од списоков се оние што најавија дека ќе работат во текот на викендот, инаку дозволи за работа на аптеките им издава централната власт. Ги молиме граѓаните да се придржуваат кон одлуките и препораките на владата и да го почитуваат полицискиот час. # СедиДома

Општина Гостивар ги поканува субјектите кои ќе работат во текот на викендот да добијат лиценца за работа

Крзиниот штаб на општина Гостивар ги покани сите оператори, конкретно супер-маркети и аптеки кои преку нарачки преку on-line ќе работат и дистрибуираат производи на граѓаните за време на викендот кога движење то e ограниченo 24 часа, да се јават во крзиниот штаб да за добијат дозвола за работа.

Заинтересираните субјекти можат да аплицираат најдоцна до утре во 12:00 часот, бидејќи општина Гостивар до 15:00 часот следниот ден треба да ја известат локалната полиција за компаниите што ќе дистрибуираат храна и лекови на граѓаните.

Општина Гостивар им стави на располагање на граѓаните и два телефонски броја, каде што ќе може да се јават за потребните продукти да ги дистрибуира општинскиот мобилен тим, додека трошоците ги покрива самиот граѓанин. Истата работа е овозможена и од мобилната услуга на општинската организација на Црвен крст во Гостивар.

На сите членови на овие тимови им е стручно наложено да ги извршуваат своите должности успешно.

Ве молиме, доколку е потребно, контактирајте ги броевите наведени подолу:

072 577  713 & 072 577 741

Доколку има итна здравствена потреба, граѓаните можат да се јават во полицискиот број 192, но можат и веднаш да одат кај лекар, додека полицијата потоа ќе ја направи идентификацијата.

Обука за волонтери за дистрибуција на хуманитарна помош

02.04.2020

Ги известуваме сите институции, невладини организации, хуманитарни здруженија и неформални групи кои во моментот дистрибуираат или планираат да дистрибуираат хуманитарна помош за време на пандемија во поширокиот Гостиварски регион (општините: Гостивар, Врапчишите и Маврово-Ростуше) да делегираат свои волонтери кои ќе поминат низ кратка обука за безбедно спроведување на дистрибуцијата на помошта.

Обуката ќе се одржи утре во 12:00 часот во салата на Советот на општина Гостивар а ќе ја спроведат експерти од Клиниката за инфективни болести и Институтот за јавно здравје.

Исто така, информираме дека во рамките на Регионалниот кризен штаб – Гостивар, веќе функционира Координативен одобор за дистрибуција на помош и за какви било активности преземени надвор од нејзините рамки, одговорноста ќе ја сносат самите правни и физички лица.

Регионален кризен штаб – Гостивар

 

Координативна средба со директорите од основните и средните училишта во Гостивар

01.04.2020

Со цел вклучување на што повеќе ученици во онлајна настава во изолациони услови, градоначалникот на Гостивар, Арбен Таравари и одговорната за образование, Аслиан Снопче, денеска се сретнаа со директорите на гостиварските општински основни и средни училишта.

Директорите информираа околу активностите што се преземаат во моментов, како и за проблемите со кои се соочуваат наставниците и учениците при спроведување на учењето преку интернет. Со оглед на тоа што во моментов не постои унифицирана платформа за спроведување на ваков вид настава, и поради тоа што владата не изготвила акционен план, а се доцни и со снабдувањето со соодветна технолошка опрема за уеници кои доаѓаат од семејства со социјално загрозен статус, наставниопт процесот се одвива со големи проблеми, но сепак опфатеноста на учениците достигнува до околу две третини.

Градоначалникот Таравари им честиташе на директорите и на наставниот кадар што со максимална посветеност, успеваат барем учениците да не ја изгубат навиката на ангажман и следење настава, и посака епидемијата на коронавирусот во нашата земја успешно да се надмине и кон средината на наредниот месец, да се продолжи со редовна настава.

Додека низ училиптата не се држи редовна анстава, времето ќе се искористи за извршување на планираните работи во училишните згради, а една недела пред да се продолжи со настава, истите ќе бидат целосно дезинфицирани.

Служба за информирање