Ќе се отворат четири детски игралишта, а во вкупно шест ќе се постават реквизити

11.04.2018

Денес започна поставувањето на реквизити во детското игралиште спроти Судот во Гостивар, а наредните денови ќе бидат поставени реквизити и на пет други локации.

Четири од шесте локации каде што ќе бидат поставени реквизити, се нови детски игралишта, а само две од нив постоеле од порано и сега застарените реквизити ќе бидат заменети со нови.

Детски игралишта се отвораат спроти Судот, кај комплексот на колективно згради во населбата Малеарди, кај комплексот на згради спроти големиот градски пазар и во дворот на Основното училиште “Фаик Коница” – Дебреше.

Старите реквизити ќе бидат заменети со нови во двете детски градинки во градот, каде ќе се уреди и инфраструктурата околу нив.

За уредување на детските игралишта, Општина Гостивар издвои околу 2,3 милиони денари од својот буџет, а работите се очекува да завршат во текот на месецов .

Служба за информирање

Да придонесеме сите заедно за чист и убав Гостивар!

Општина Гостивар преку Јавното претпријатие “Паркинзи и зеленило“ посебно внимание посветува на одржувањето на зеленилото и заштита на животната средина.
Да придонесеме сите заедно за чист и убав Гостивар!

Во Гостивар одбележан 9 Мај – Денот на Европа

Амбасадорите на Вишеградската група, и година го одбраа Гостивар за одбележување на Денот на Европската Унија – 9 Мај. Првично амбасадорите на три од четирите земји од Вишеградската група во Скопје, односно на Чешка – Мирослав Томан, на Полска – Јацек Мултанопски и на Унгарија – Ласло Дукс беа примени од страна на Арбен Таравари во неговиот кабинет, при што зборуваа за актуелната состојба во општината и можностите за продлабочување на постоечката соработка.

Потоа, градоначалникот Таравари и тројцата амбасадори присуствуваа на свеченоста организирана по повод Денот на Европа, што започна со интонирање на химната на ЕУ – Ода на радоста, во изведба на хорот на ОУ М.К. Ататурк – Гостивар, проследено со музички нумери од земјите на ЕУ во изведба на учениците од Нижото музичко училиште “Енвер Стафаи” – Гостивар.

Градоначалникот Таравари во својот поздравен говор, им се заблагодари на амбасадорите од Вишеградската група што редовно го избираат Гостивар за одбележување на најважниот ден на Европската унија, и им честиташе на учениците за прекрасната програма специјално подготвена за овој ден, во чест на гостите.

На присутните, во името на земјите од Вишеградската група, им се обрати и унгарскиот амбасадор Ласло Дукс, кој приклучувањето на Вишеградската земји во ЕУ го претстави како успешна приказна, и посака наскоро и Македонија да стане дел од големото европско семејство.

Со богата културно-уметничка програма се претставија и учениците од ОУ “Гоце Делчев” предводени од страна на професорот по музичко, Басри Ристеми, на кому за дадениот придонес градоначалникот Таравари му поклони кацига за велосипедизам, омилено хоби на професорот.

На крајот на манифестацијата, амбасадорите од Вишеградската група, во придружба на градоначалникот на Гостивар, Арбен Таравари и неговите соработници ги посетија штандовите подготвени од ученици од основните и средни училишта од општина Гостивар, каде што беа презентирани вредностите на земјите на ЕУ и дел од традицијата на Гостиварскиот регион, вклучувајќи ги и традиционалните јадења со кои ги почестија амбасадорите.

Вреди да се истакне дека целата манифестација помина во духот на мултикултурализмот и соживотот како специфична вредност на граѓаните на општина Гостивар.

Информативна служба

Се реновира детскотo катче во големиот градски парк во Гостивар

08.04.2018

Детско катче во големиот градски парк, кој подолго време е вон функцијата за кое е наменето, се реновираше деновиве од страна на Општина Гостивар.

Сите детски игри се поправени, фрлен е песок и поставени се ивичници од бекатон, а вградено е и соодветно јавно осветлување.

“Со потребните поправки, ја вративме оваа игротека повторно на располагање на децата, а со соодветното осветлување ќе може да се користи и во вечерните часови. Би апелирала при оваа прилика до сите граѓани да се грижат за ова катче и да ги пријават сите оние кои евентуално би го оштетиле ова катче”, вели раководителката на Одделението за односи со јавноста при Општина Гостивар, Аслиан Снопче.

Додека Бесим Догани – одговорен на Канцеларијата за локален економски развој и имплементација на проекти, информира дека во рамките на изборната програма на градоначалникот Арбен Таравари, ќе се интервенира и во другите детски катчиња и површините за одмор и рекреација.

Служба за информирање

ООУ “Гоце Делчев” – Гостивар го одбележа патрониот празник

04.05.2018

Со богата културно-уметничка програма, со реферат, рецитали, песни и други точки подготвени од учениците и нивните наставници, ООУ “Гоце Делчев” – Гостивар го одбележа својот патронен празник.

На настанот присуствуваа учениците и нивните родители, просветни ветерани, претставници на Општина Гостивар и други локални институции, како и други гости.

На присутните им се обрати директорот на училиштето Сашо Шарески, при што го увелича ликотна македонскиот национален херој, Гоце Делчев, како личност кој се залагал за цивилизациски напредок.

Во основното училиште “Гоце Делчев“, наставата ја следат околу 1000 ученици на албански и на македонски наставен јазик.

Служба за информирање

Известување

02.05.2018

Се известуваат жителите од населбите во долниот дел од село Чајле, дека денеска во 9 часот ќе започнат работите за поправка на дефектот во главната водоводна линија Ф 80 за тој дел од селото. Како резултат на тоа, додека ќе траат работите, снабдувањето со вода ќе биде во прекин или со намален притисокот.

Од ЈП “Комуналец” бараат разбирање од граѓаните.

Служба за информирање

Аслиан Снoпче: Ученичките екскурзии ќе се реализираат според планот

30.04.2018

Раководителката на Секторот за образование при Општина Гостивар, Аслан Снопче, ги информираше денеска новинарите дека сите училишни екскурзии ќе се реализираат според предвидениот план и дека учениците и родителите не треба воопшто да се грижат. за тоа.

„Би сакала да ја запознаам јавноста, а особено учениците и нивните родители дека ученичките екскурзии ќе се реализираат согласно предвидениот план на МОН и дека ние како општина ниту сакаме ниту можеме да интервенираме тука, во ситуација кога ни се одземени надлежности во образованието”, информираше г-ѓа Снопче.

Таа објасни дека шпекулациите за наводно неспроведување на екскурзиите се појавиле по поднесување на жалба од страна на една туристичка агенција за во гостиварската гимназија и дека постапката ќе продолжи преку судски пат и дека нема да биде поврзана со реализацијата на екскурзии.

“Кога станува збор за интересот на учениците, Општина Гостивар никогаш нема да прави проблеми и ниедено наше дејствие нема и ќе нема политичка заднина.

Служба за информирање

Се одржа меѓународниот натпревар во Параглајдерство “Маврово Опен” 2018, со поддршка и на Општина Гостивар

30.04.2018

Изминатиот викенд , на 28 и 29 април, се одржа меѓународен натпревар во Параглајдерство – прецизно слетувањe “Маврово Опен” 2018 во организација на Летачки Клуб Кондор од Гостивар, со поддршка и на Општина Гостивар.

Свеченото оттварање се одржа во сабота во 10 часот на Спортскиот Стадион Маврово, каде што поздравен говор одржа и портпароклот на општина Гостивар, Јасин Демири.

На натпреварот зедоа учество пилоти на крила од 6 држави, Македонија, Албанија, Косово, Турција Србија, Бугарија и Романија.

Градоначалникот на Гостивар, Арбен Таравари, учествуваше на церемонијата на прогласување на победниците што се одржа в недела во 15 часот.

“Му честитам на клубот Кондор од Гостивар, а особено на претседателот на клубот Ментор Саити за оваа одлична организација. Им честитам на победниците, но и на сите учесници од разни балкански земји и се надевам дека се воодушевени од прекрасниот пејсаж што го нуди Маврово и топлото гостиварско гостопримство. Општина Гостивар секогаш ќе биде на располагање на сите спортско-рекреативни активности како мoшне важен дел од животот младите и на луѓето во општо”, рече меѓу Меѓународниот натпревар во параглајдерство “Маврово Опен” 2018, е дел од календарот на Интернационалната Воздухопловна Федерација (FAI), а се реализира со поддршка на Воздухопловна Федерација на Македонија.

Служба за информирање

Ученици од ОУ “Гоце Делчев“ на посета во Општина Гостивар

26.04.2018

Учениците од четврто одделение, паралелки на македонски јазик, при Основното општинско училиште “Гоце Делчев“- Гостивар, во придружба на нивните учителки, денеска беа во посета на Општина Гостивар, за да се запознаат како функционира локалната власт.

При посетата тие се сретнаа со градоначалникот Арбен Таравари и неговите соработници, а ги посетија и просториите каде што општинската администрација ги извршува своите задачи.
Градоначалникот Арбен Таравари и членовите на неговиот кабинет, ги запознаа учениците со функционирањето на локалната самоуправа со јазик разбирлив за нивната возраст, посакувајќи им кога ќе пораснат да станат дел од општинската администрација, да преземат раководни позиции, а некој од нив да стане и градоначалник.

Учениците од ООУ “Гоце Делчев”, разговараа со градоначалникот Таравари и му поставија многубројни прашања.

Служба за информирање

Општина Гостивар првa ја применува веб-платформата Raporto.mk

26.04.2018

Од денес па натаму, жителите на општина Гостивар ќе можат да ги пријавуваат на лесен начин нивните поплаки за проблеми од категории како што се: отпадоци, дупки на пат, загадувачи на воздухот, јавно осветлување, оштетени тротоари, неисчистени улици и патишта од снег и мраз, како и други комунални проблеми со кои се соочуваат на местата каде што живеат и гравитираат. Ова, благодарение на воведувањето на онлајн платформата Prijavi.mk.

Во денешната промоцијата на оваа платформа пред претставниците на општинската администрација, граѓанското општество и граѓаните во салата на Советот на Општина Гостивар, градоначалникот Арбен Таравари истакна дека спроведувањето на ваквата платформа се роди како идеја за време на посетата на Општина Тирана, каде што веќе се применува слична платформа наречена “Мојата Тирана” и одлучил Општина Гостивар да биде прва пилот општина во Македонија во која ќе се стави во функција платформата Prijavi.mk.

“Општина Гостивар е прва општина која што воспоставува алатка за комуникација на граѓаните со општинските служби користејќи технолошки алатки во Македонија. Ние сме решени да продолжиме со транспарентност и отчетност кон граѓаните преку развивање на други технолошки алатки за развој на демократијата”, истакна меѓу другото Таравари.

Тој им се заблагодари на здружението Nexuѕ СС, Амбасадата на САД во Скопје и НВО Democracy Lab, што го овозможија воведувањето на оваа платформа.

“Наш план е по одреден период на успешна употреба на оваа платформа од страна на граѓаните на Гостивар, истата да се примени и во другите поголеми урбани општини во Македонија, каде што општина Гостивар ќе служи како позитивен пример. Би сакала да му се заблагодарам на градоначалникот Арбен Таравари што ни даде можност да го реализираме овој проект, како и општинската администрација за организирањето на овој настан денес”, истакна претседателката на Nexuѕ СС,Афродита Муслиу.

Поздравен говор одржа и претставникот на Амбасадата на САД во Скопје, Албион Абдулаи, кој рече дека се чувствува горд што поддржува еден ваков проект во Општина Гостивар и верува во успешноста на иститот.

Raporto.mk реално ќе ги одрази сите тешкотии со кои се соочуваат граѓаните на Гостивар, а одлучноста на раководтсвото на општина Гостивар е многу јасна и ќе се тежнее со човечките ресурси со кои располага, да се решат што повеќе случаи кои ќе бидат пријавени преку платформата.

Prijavi.mk. е креиран врз основа на отворената платформа FixMyStreet на MySociety и овозможена преку DemTools на Националниот демократски институт (NDI).

Платформата е дел од проектот “Граѓаните за општината: Заедно за транспарентност и отчетност” спроведен од страна на ГО NEXUS – Граѓански концепт и делумно поддржан со гран од Амбасадата на САД во Скопје, а за нејзина имплементација во Општина Гостивар, на 5 март, градоначалникот Таравари потпишаа Меморандум за соработка со претставниците на Граѓанската органиѕација Nexus CC.

Служба за информирање