Ученици од гимназијатa и економското училиште, на посета во Општина Гостивар

27.12.2017

Во пресрет на Новата година, учениците од СЕОУ “Гостивар“ и СОУ “Гостивар” во рамките на проектот “Мировно образование” кој во двете училишта се спроведува во соработка со Првата детска амбасада “Меѓаши”, денес го посетија кабинетот на градоначалникот Арбен Таравари.

Тие имаа за цел на градоначалникот Таравари да му ги врачат Новогодишните честитки, донација од Детската амбасада “Меѓаши“, каде што покрај убавите желби од него во новата година, побараа мерна станица за квалитетот на воздухот, повеќе културни манифестации, спортско рекреативен центар и други активности, а пред сé, учениците од гимназијата и економското училиште, посакаа мир за сите граѓани.

Во отсуство на градоначалникот поради работни обврски, учениците ги прими Сеадин Ејупи – шеф на кабинетот на градоначалникот и Јасин Демири – шеф за протокол и ПР, кои пријатно ги изненадија учениците со обиколка на целиот кабинет и презентација на работата на општинските службеници.

Откако учениците им ги врачија честитките, добија подароци од кабинетот на градоначалникот, при што изразија голема благодарност до сите вработени и до градоначалникот.

Служба за информирање

Прес-конференција: “Претседателот не доаѓа ниту на седниците кои самиот ги свикува“

27.12.2017

Советниците кои во Советот на Општина Гостивар не претставуваат мнозинство, организираа денеска во Прес центарот на Општината конференција за печат, при што на новинарите, во името на советничките групи на Алијансата за Албанците, Движењето Беса, ВМРО-ДПМНЕ, ТДП, ТМБХ, им се обрати општинската советничка Њомза Шаќири.

Во продолжение ви го претставуваме интегрално нејзиното обраќање:

Почитувани претставници на медиумите,

Ја организираме оваа прес-конференција за да ja запознаеме јавноста со следново:

Согласно свикувањето од страна на Претседателот, на седница на Советот на Општина Гостивар за 2017/12/27 (значи денес) со почеток во 10:00 часот, а иницирана од градоначалникот Арбен Таравари, советниците од редовите на партиите на Алијансата за Албанците, Движењето Беса, ВМРО-ДПМНЕ, ТДП и ТМБХ, со оглед на важноста на точката на дневниот ред за оваа седница, како што можете да забележите се одѕваа на повикот.

Иако самиот ја свика седницата, претседателот на советот г.Насир Муслиу не ја почитува истата, како и другите советници од редовите на ДУИ, СДСМ, партијата на Весел Мемеди и Демократскиот Сојуз на Ромите.

Поради фактот што немаме кворум за донесување на правосилни одлуки, денешната седница не може да се одржи.

Вреди да се спомне дека претходно имаше договор меѓу градоначалникот и претседателот на Советот, на оваа седница барем да се расправа по предлог-буџетот на Општина Гостивар и советниците ги добиле потребните материјали за седницата, неспроведувањето на овој договор ќе се одрази со голем број бариери во функционирањето на Општина Гостивар, меѓу другото, со неизвршување на инвестиции, немање нови вработувања итн.

Општина Гостивар е единствена општина каде што победи слободната волја на граѓаните, така што гласачите не го заслужуваат ова занемарување и понижување што им ги прават одредени структури.

На новинарите им беа поделени и материјалите кои во определениот законски рок име беа доставени на општинските советници: Дневен ред и Предлог-буџет за 2018 година.

ДОКУМЕНТАЦИИ:

Rendi i dites – seanca II-Дневен Ред сед.II

Предлог Буџет-mak. 2018

Propozim Buxhet 2018

Служба за информирање

Арбен Таравари го прими шампионот Лабинот Солејмани

27.12.2017

Градоначалникот на Гостивар, Арбен Таравари, го прими во својот кабинет фитнес шампионот на Македонија, Лабинот Солејмани.

Солејмани, во придружба на професорот по физичко образование Бејтула Камбери, му се заблагодари на градоначалникот Таравари за неговото гостопримство и почит кон спортистите и спортските активности.

Градоначалникот Таравари рече дека му е чест да се сретне и да ги поддржи сите оние кои со постигнатите резултати, достоинствено го претставуваат градот Гостивар и нашата земја. Посакувајќи му на Лабинот Солејман уште поголеми успеси во неговата кариера, го увери дека ќе ја има поддршката на општината и на градоначалникот.

Инаку, Лабинот Солејмани е 21-годишно момче од Гостивар, кој беше прогласен за победник во македонското првенство “Men’s physic” во категорија до 23 години. Тој како победник на овој натпревар ја претставуваше Македонија на меѓународни натпревари во Мадрид, Шпанија.

Служба за информирање

 

Сe чисти каналот за наводнување и се уредуваат дворовите од колективните станови

26.12.2017

Јавното претпријатие “Јавни паркинзи и зеленило” во низата акции за уредување на на јавните површини и зеленилото, деновиве работи во уредување на зелените површини кај блокот станбени згради на левата страна од реката Вардар, односно спроти големиот градски пазар.

“Во моментов се работи на блокот колективни згради кај улица Кеј Вардар спроти градскиот пазар, каде што се сечат гранки од дрвја кои го попречуваат нормалното движење на пешаците”, известуваат од претпријатието.

Покрај хортикултурно уредување, вработените во ова претпријатие, вршат и чистење на каналот за наводнување.

“Работиме на расчистување на каналот за наводнување по должината низ градот. Се сече непожелната вегетација и се отстрануваат отпадоците. На овој начин ќе се отстрани лошиот изглед, но и ќе се оспособи каналот за да биде функционален” известуваат од ЈП “Јавни паркинзи и зеленило“.

Служба за информирање

Таравари бара од командирот на ПС Гостивар да се покаже потолернатен и покоректен кон иселениците

26.12.2017

Градоначланикот на Гостивар, Арбен Тараври, муи се обрати со службен допис на командирот на Полициската станица Гостивар, Гази Абдурахмани да се покаже покоректен и полернатнен кон иселениците кои престојуваат во родниот крај за време на новгодфичните празници.

Почитуван командир на Полициската станица Гостивар, г-дин Гази Абдурахмани, сум се обидел да ве контактирам неколку пати, но беше невозможно. Не сакам никако да верувам дека сте ме избегнувате или сте ми правиле опструкции, бидејќи сум склон да верувам во вашата посветеност на зададената задача. Од позиција на Градоначалникот на Гостивар и како граѓанин на овој град, барам вашите полицајци да бидат што покоректни во нивните задачи, особено за кон иселениците кои се дојдени во Гостивар“, се вели во писмото.

Тие се враќаат само неколку дена во својата татковина и даваат толку многу пари што го држат градот и државата со своите приходи! Не е ниту законско, ниту хумано а ниту морално да ги казнувате со парични казни, само затоа што се претпоставува дека тие имаат пари! Прво, тие се заморуваат многу за да ги заработат тие пари, и второ, треба да бидат еднакви пред законот!“ се вели во продолжение.

Ве молам да ги упатите и да им помогнете што повеќе за да се ориентираат на овие празнични денови и да не им го претворите празникот во кошмар!Убеден сум дека ќе го послушате и ќе го почитувате моето барање, не само затоа што Полициската станица е во надлежност на Општина Гостивар, т6уку особено поради тоа што вие сте личност што треба да знае дека вашата работа е да ги штитите граѓаните а не да ги казните, а пред сè Иселениците, што е грев да ги пречекаме со глоби наместо со љубов и почит!“, се вели на крајот на службениот допис на Асбрен Таравари упатено до командирот на ПС – Гостивар.

Служба за информирање

Просветните работници ќе ја земаат ноемриската плата. Таравари на прес: “Мило ми е што проблемот се реши на мое инсистирање и со поддршка на сите советници“

25.11.2017

Гостиварските општински советници, на денешната вонредна седница на Советот на Општина Гостивар, едногласно донесоа одлука за измена на распределба на буџетот на Општина Гостивар, со што се овозможува исплата на ноемвриските плати за околу 1000 вработени во општинските основни и средни училишта.

За да ги расчисти сите дилеми во врска со пречките кои доведоа до доцнење на платите и револт кај просветните работници, преку прес конференција се изјасни градоначалникот Арбен Таравари.

Пред една недела се конституираше Советот на Општина Гостивар, 15-те советници кои не се дел од новото мнозинство, особено советниците од локалната коалиција во Општина Гостивар “Алијансата на Албанците“ и ‘Движењето Беса“, предложивме да се направат измени во буџетот, но тоа беше одбиено од другите 16 советници. Тие постојано така прават, се што ќе биде предложено тие го одбиваат. По моја иницијатива и со мое инсистирање, беше свикана вонредна седница, бидејќи условот беше исполнет со фактот дека се загрозуваат платите на 1000 вработени. Денес беше изгласано да се направат измени во буџетот. Многу ми е мило што тоа се случи по мое инсистирање, но и со поддршка на сите присутни советници, едногласно“, истакна градоначалникот Таравари.

Но, рече градоначалникот, се појавува нов проблем. “Ова мнозинство се обидува постојано да блокира. Согласно законот јас имам обврска до 31 декември да го донесам буџетот на општината за 2018 година. Овој буџет го имаат изготвено професионалци на Општина Гостивар и тој е доставен до советниците во законски предвидениот рок. Буџетот го предложив јас како градоначалник и барав да го дискутираме, барем да влезе како точка на дневен ред на седница на Советот, но тоа беше одбиено од мнозинството. Ова може да ја кочи работата. А дали ќе има последица од тоа? Јас ќе се обидам како градоначалник, ќе зборувам и со Министерството за финансии за да се финансираме времено во првите 3-4 месеци од наредната година. Но сакам да ве информирам, дека успешноста во работата на Општина Гостивар практично се кочи од 16-те советници од ДУИ, СДСМ, партијата на Весел Мемеди и советникот од ДСР- Кашмир Салиу“, нагласи градоначалникот.

Тој објасни дека, тие имаат некои чудни. “Бараат да вработиме партиски војници во образованието. Јас тоа нема да го дозволам, бидејќи јас сум кажал дека се додека сум јас градоначалник нема да дозволам образованието да се политизира. Втора работа е што бараат да земаат плата и лица кои воопшто не доаѓаат на работа. Јас им објаснив дека изминало времето кога вработени кои седеле дома, земале плата. Тие ми се оправдуваа со фактот дека тоа така било. Но, веќе не може така да се дозволи. За овие работи јас нема за што да разговарам со нив“, дециден беше градоначалникот.

Во врска со обвинувањата од советниците од мнозинството дека општинската администрација е неспособна и дека не работи градоначалникот објасни дека администрацијата е отворена и транспарентна како никогаш до сега. “Јас и мојот кабинет работиме и за викенди. Немало сабота и недела да не дојдеме на работа во општината и да не завршиме некоја работа. Ние сме подготвени да работиме деноноќно и администрацијата ќе ги извршува своите задачи за кои зема плата“, појасни Таравари.

На новинарско прашање кои би можеле да бидат последиците од недонесување на буџетот, градоначалникот со одговор:

Ако не се стави ниту како точка на дневниот ред во законски определен рок, а предлогот за буџет е доставен правовремено, јас како градоначалник сум обврзан да го информирам Министерството за финансии и да барам времено финансирање во висина од една третина од буџетот за 2017 како што е пропишано со закон. Ќе чекаме до петокот барем да се стави на дневен ред. Потоа ќе ја разгледаме и можноста за распишување на локални избори, ако не помине буџетот. Бидејќи тоа е една од можностите за распуштање на советот, поради тоа што во таков случај не можеме ниту да функционираме како општина“.

Служба за информирање

Празнична програма за децата со посебни потреби од Гостивар

22.12.2017

На иницијатива на градоначалникот на Гостивар, со поддршка на ресторанот “Вита Аби” и во соработка со Дневниот центар, специјалните паралелки, пејачи и спортисти од Гостивар, денеска се организираше заеднички ручек придружен со свечена програма за децата со пречки во развојот .

“Го организиравме овој скромен но мошне значаен настан, за да се дружиме со овие деца, да разговараме со нивните воспитувачи, да разбере кои се потребите за нивно воспитание и образование, и да видиме што можеме ние како Општина да помогнеме за создавање на подобри услови. Воедно дојдовме да им ги честитаме новогодишните празници и како Општина да им поделиме мали подароци на децата”, рече градоначалникот на Гостивар, д-р Арбен Таравари.

Аслијан Снопче – раководителка на Секторот за јавни дејности при Општина Гостивар, објасни дека на настанот присуствуваат ученици и воспитувачи од Дневниот центар за деца со посебни потреби и од специјалните паралелки на основните училиште “Исмаил Ќемали” и “M.K. Ататурк”.

“По иницијатива на градоначалникот одлучивме да ја организираме оваа активност со цел што повеќе да ги социјализираме овие деца, бидејќи соодветниот третман и социјализацијата, многу им помага во животот. Би сакала да изразам благодарност до ресторанот “Вита Аби”, чиј сопственик секогаш им помага на луѓето кои имаат потреба и поддржува голем број активности со социјален карактер”, истакна г-ѓа Снопче.

Децата имаа прилика да го проследат настапот на гостиварските млади каратисти подготвени од европскиот шампион во карате Берат Јакупи, ги насмеа маскотата “Kученце”, а за нивно добро расположение се погрижи Хајдар Хајдари – Дали и Бетиме Јакупи.

Од дневниот центар и специјалните паралелки им се заблагодарија на сите оние кои придонесоа за одржување на активноста и изразија надеж за поголема соработка во иднина.

Служба за информирање

Направен првиот чекор за суштинска соработка помеѓу Општина Гостивар и невладиниот сектор

Градоначалникот на Гостивар Арбен Таравари ги покани на средба претставниците на сите невладини организации кои дејствуваат во Гостивар. На поканата се одѕваа речиси сите активни организации, здруженија и друштва кои се занимаваат со различни области од општествениот живот.

На средбата, претставниците на невладините организации го запозна градоначалникот со нивната работа и мисија, како и со главните активности што ги реализирале во текот на нивното функционирање. Од градоначалникот Таравари, добија гаранции дека ќе имаат целосна поддршка од него и од неговите соработници и дека ова прашање ќе се стандардизира со конкретни чекори и дејствија.

Состанокот се искористи за воспоставување на суштинска соработка помеѓу Општината и невладините организации, при што двете страни се согласија да формираат заедничко координативно тело.

Беше договорено, како претставник на Општина Гостивар да биде назначен Бесим Догани од Канцеларијата за ЛЕР и имплементација на проекти, а од невладиниот сектор извршниот директор на АДИ Лулзим Хазири.

Исто така, градоначалникот Таравари се обврза дека од наредната година во буџетот на општината ќе има посебна ставка за финансиска поддршка на невладиниот сектор и дека на официјалната веб-страница на Општина Гостивар ќе се постават линкови на сите локални невладини организации .

На крајот од средбата, градоначалникот ги покани присутните пригоден коктел, при што им ги честиташе и новогодишните празници.

Служба за информирање

“Стоп за говорот на омраза” – наградени најдобрите дела

Во средното техничко училиште во Гостивар денес беше отворена изложбата на слики од средношколци, на тема „ Живеј во хармонија со другите“.

Активноста е дел од превентивно-едукативниот проект „Кажи НЕ на говорот на омраза“, чии носители се Отсекот за превенција на СВР Тетово и ОБСЕ, во соработка со гостиварската локална самоуправа.

На изложбатa се најдоа дваесетина слики од ученици од сите гостиварски јавни средни училишта.

Толеранцијата меѓу различните етнички групи е многу деликатна тема. Ние како гостиварци ја негуваме, а треба и пред младите да покажеме колку е таа важна. Токму тоа е и целта на оваа изложба“, рече Аслијан Снопче, од Секторот за образование на општина Гостивар.

На отворањето на изложбата се обрати директорот на техничкото училиште, Гајур Изаири, кој нагласи: „Некогаш и несвесно може да кажеме некоја реченица или збор со кои ќе навредиме некого. Сликите на учениците носат силна порака за тоа што е говор на омраза, а што разбирање и толеранција“.

Авторите на најуспешните дела, по избор на посебна комисија добија пригодни награди и признанија од организаторите.

Претходно, во рамките училиштата беа организирани работилници и предавања.

На Денот на турската настава, се промовираше целосната реконструкција на ОУ “М.К. Ататурк “- Гостивар

21.12.2017

По повод Денот на турската настава во Македонија, со величенствена церемонија во присуство на високи државни функционери од Турција и Македонија, се промовираше денес промоција на целосна реконструкција на основното училиште “Мустафа Кемал Ататурк” во Гостивар.

Со симболична сечење на лента, реконструкцијата ја инаугурираа градоначалникот на Гостивар, Арбен Таравари и првиот вицепремиер на Турција, Хакан Чавушоглу.

Во фоајето на училиштето, пред учениците и родителите поздравен говор одржаа градоначалникот на Гостивар, Арбен Таравари, првиот вицепремиер на Турција Хакан Чавушоглу, претседателот на ТИКА Сердар Чам, министерот во Владата на Република Македонија Аднан Ќахил и директорот на ОУ “М.К. Ататурк” Октај Нуредин, а присуствуваа и многу други високи личности од политичкиот и општествениот живот на Турција и Македонија.

Градоначалникот Арбен Таравари, во поздравниот говор, им се заблагодари на турската влада и на Агенцијата ТИКА, за целосната поддршка за реконструкција на училиштето и други проекти во општина Гостивар. Тој, исто така, на говорот повеќе се фокусира на соживотот во општина Гостивар, особено во блискоста на албанскиот и турскиот народ, истакнувајќи историски личности кои придонесоа за двата народи.

“Една од етничките заедници која живее и секојдневно го гради Гостивар е турската заедница, па затоа сеќавањето и славењето на овој датум е привилегија и задоволство за нас. Судбината пресудила овде во Гостивар да бидеме под околности на соживот, затоа во името на сите граѓани на Гостивар, во името на Општина Гостивар и во мое име ви го честитам Денот на турската настава, oдносно турската азбукаурција е добар пријател за нас! Нека е Турција добар пријател за нас! Нека се секогаш буквите од оваа азбука, знаци кои формираат зборови на мир и почит!”, подвлече Таравари.

Во духот на добрите меѓуетнички односи, соработка и толеранција, дискусии и други говорници на церемонијата, како и уметничка програма на трите националности на ученици кои учат во ова училиште на турски, албански и македонски јазик.

Во знак на почит за соработка помеѓу општината и училиштето, градоначалникот Таравари и директорот Нуредин, разменија плакати со симболот на институциите со кои управуваат.

По церемонијата, присутните направија обиколка низ реновираните простории на училиштето, кое по реконструкцијата се смета за едно од најдобрите училишта на национално ниво.

Целосната реконструкција на ова училиште беше направена благодарение на финансирањето од страна на Турската агенција за соработка и координација ТИКА, во вредност од 700 илјади евра.

Служба за информирање