На Денот на белиот стап, градоначалникот Таравари го посети Здружението на слепи лица “Реалност”

15.10.2018

На Меѓународниот ден на слепите лица, градоначалникот на Гостивар, Арбен Таравари, беше на посета на Здружението на слепи и лица со оштетен вид “Реалност” – Гостивар.

“Денес е 15-ти октомври, Светскиот ден на слепите лица, познат како ден на белиот стап, па затоа го одбравме токму овој ден за да разговараме и да се запознаеме со проблемите и потребите на членовите на ова здружение. Ме информираа дека се поканети на натпревари за Голд бол во Сараево. По тој повод ние како Општина им го овозможуваме патувањето и прстојот таму, а им посакуваме и да извојат што повеќе победи. Исто така ќе им исполниме уште едно барање, односно штом заврши тендерот ќе ги обновиме просториите на Здружението “, истакна градоначалникот Таравари.

Претседателот на Здружението Реалност, Џеват Фејзули, изрази задоволство од втората посета на градоначалникот Таравари и благодарност за континуираната поддршка.

“Нашето здружение брои 62 члена. Му благодариме на градоначалникот што ни овозможува да учествуваме на натпреварите во Сараево и се надевам дека ќе постигнеме задоволителни резултати “, истакна претседателот Фејзули.

Општина Гостивар за членовите на Здружението Реалност обезбеди маички со логото на општината, кои ќе ги користи при учество на натпрварите во Сараево.

Вреди да се спомене дека денес една канцеларија во објектот на ЈП “Комуналец” му беше предадена на Здружението за лица со посебни потреби “Заедно Можеме”.

Служба за информирање

 

Од денес се враќа плаќањето за зонско паркирање во Гостивар, во првата недела ќе има толеранција

15.10.2018

По поставувањето на таблите и претходните подготовки за успешно рестартирање, од денс попладне ќе се спроведува наплатата за зонско паркирање во Гостивар.

Градот Гостивар е поделен на две паркирни зони, “црвена зона” и “зелена зона”. За “црвената зона” односно централното градско подрачје, еден час паркирање ќде чини 25денари, а за “зелена зона” – периферија, паркираањето за еден час ќе чини 10 денари.

Паркирањето ќе се наплатува од понеделник до сабота, и тоа од понеделник до петок од 7 до 21 часот, а во сабота од 7 до 14 часот. Во недела и државни празници паркирањето нема да се наплатува.

– Во првата недела нема да се применуваат казнени мерки, што значи нема да се поставуваат блокатори или да се отстрани возилото со пајак-служба, но сепак бараме од граѓаните од денес да се придржуваат кон правилата за да тоа им премине во навика и да не дојде до санкции. Вреди да напоменеме дека за оние кои нема да пратат соодветни смс-пораки, по блокирање возилото сопственикот ќе мора да плати глоба во износ од 1.000 денари, а ако во рок од еден час пак не плаќа за блокажата, возилото ќе биде отсрането од пајак-службата – информира директорот на ЈП “Јавни паркиралишта и зеленило”, Музафер Зулбеари.

Инаку, за јавните превозници, зонското паркирање не важи. За такси возилата и комбињата останува одсегашната постапка која се плаќа со добивањето на лиценца за вршење јавен превоз и тие нема да плаќаат за паркинг.

Служба за информирање

Заврши уредувањето на стадионот за мал фудбал во Чегране

15.10.2018

Најголемото село на општина Гостивар, Чегране, доби совреме стадион за мал фудбал.

Општина Гостивар обезбеди квалитетна вештачка трева, обележување на теренот, пластични седишта и соодветно осветлување, а изведувањето на работите се должи во главно на ангажирањето на Месната заедница на село Чегране.

“Черане доби модерен стадион за мал фудбал, за што ни завидуваат не само селата туку и градовите во регионов. Со вештачката трева обележана според сите стандарди, со 330 пластични седичта за публиката и со соодветно осветлување, младите од Чегране ќе можат да се занимаваат со овој спорт, но, исто така, да организираат и разни активности од локален и регионален карактер”, вели Сабри Бафќари – претседател на МЗ Чегране, истакнувајќи дека реализацијата на овој проект се должи на непобитната посветеност на месната заедница.

Тој му се заблагодарува на градоначалникот на Гостивар, Арбен Таравари, за поддршката на активностите на месната заедница, но и на локалните жители кои се ставаат на располагање секој според своите можности да помогнат во спроведувањето на разни проекти и сега веќе Чегране личи на урбана средина.

Вреди да се напомне дека Општина Гостивар планира повеќе проекти да спроведе во Чегране во текот на овој мандат, за да се надомести отсуството на инвестиции во ова село во текот на минатитот мандатот, кога иако Чегране е најголемото рурално населено место во општина Гостивар, поради политички причини беше целосно запоставено.

Служба за информирање

Уредено зеленилото на кружните текови во Гостивар

02.10.2018

Општина Гостивар преку Јавното претпријатие “Јавни паркиралишта и зеленило”, иврши хортикултурно уредување на сите кружни текови на булеварите и главните улици.

Претходните декоративни растенија беа или сезонски или подложни на посурови климатски услови, па затоа се заменија со соодветни растенија отпорни на секое годишпно време.

Од ЈП “Јавни паркиралишта и зеленило”, информираат дека во тек е поширока акција за хортикултурно уредување, бидејќи овој период од годината е најсоодветен за садење.

“Есента е идеална за садење на надворешни растенија. Растенијата кои ги садиме не само на кружните текови, туку и на други зелени површини во Гостивар, освен што носат задоволство за очите, тие ја смируваат нашата енергија, и ни помагаат да се одмориме”, велат од ЈП “Јавни паркиралишта и зеленило” – Гостивар.

Служба за информирање

Заврши асфалтирањето на неколку улици во село Форино, решен проблемот за една третина од жителите

02.10.2018

За околу една третина од жителите на селото Форино, деновиве заврши infrasturkturore проблемите со кои се соочуваат досега.

По изградбата на нова линија на вода и отпадни води, за израмнување на постојните шахти и други придружни работи, во саботата заврши асфалтирањето на патиштата во Форино селото. Станува збор за две улици во ова село, која подоцна се спои во една, односно, на мостот над реката и Jahorka на mektebin во насока на полето.

Патишта имаат gajtësi од 1.100 метри, со ширина од 5 метри, додека трошоците за инвестирање само нивните тротоарот е 10 милиони денари, средства од буџетот на општината, без броење на инвестицијата на НП “Komunаlec” за вода и канализација линии.

Со реализацијата во прашање беше решен проблемот во aspoektin патот, kanaliyimit и вода за околу една третина од жителите во Fotinës како еден од најголемите села во општина Gostiuvarit, според последниот попис numëëron околу 4000 жители.

Служба за информирање

Гостивар ќе биде првиот град на Балканот со смарт-систем за зонско паркирање

13.09.2018

Во Гостивар се враќа зонското паркирање. Денес се потпиша договор за јавно-приватно партнерство кој што на претпријатието за управување со јавни паркиралишта и на граѓаните на Гостивар, ќе им донесе многу придобивки, а следната година ќе се применува и смарт-систем, прв од ваков вид не само во Македонија, туку и на Балканот.

Во просториите на Општина Гостивар, денеска беше потпишан договор за јавно-приватно партнерство помеѓу ЈП “јзавни паркиралишта и зеленило” и Електро Софт Инженеринг. Потпишаниот договор оди во корист на Општина Гостивар и нејзините граѓани, и истиот доаѓа неколку месеци по поништувањето на штетниот договор склучен во минатиот мандат.

Договорот беше потпишани во присуство на градоначалникот на Гостивар, Арбен Таравари, а истиот во име на ЈП “Јавни паркиралишта и зеленило” го потпиша директорот Музафер Зулбеари, а во име на “Електро Софт Инженеринг“, директорот Златко Ризов.

“Според претходниот договор склучен помеѓу поранешното општинското раководство и тогашниот приватен партнер, 62% од средствата што се собираат од наплатата за паркирање одеа за јавното претпријатие а за приватниот партнер 38 проценти. Договорот кој го потпишавме денеска е многу поповолен во однос на претходниот, затоа што дури 90 проценти од средствата ќе одат за општината односно за јавното претпријатие, а само 10 проценти за приватниот партер. Очекуваме зонското паркирање да започне со работа во рок од две недели, а новитет ќе биде воведувањето на сензори и светлосна сигнализација со што возачите ќе можат да се информираат во секое време, каде има слободно паркинг-место, така што не ќе треба да талкаат по улиците за да најдат паркинг, да трошат повеќе гориво а со тоа и повеќе да го загадуваат воздухот“, изјави градоначалникот на Гостивар, Арбен Таравари по потпишувањето на договорот.

Директорот на “Електро Софт Инженеринг“, претпријатието што го доби тендерот, изјави дека по две недели започнува првата фаза на проектот, што значи дека ќе почне да функционира зонското паркирање, во втората фаза ќе бидат пуштени во употреба два затворени паркинзи, а во третата фаза , наредната година, ќе започне примената на сензори.

“Примената на системот со сензори подразбира дека возачите преку мобилен телефон ќе можат точно да знаат каде има слободен паркинг, а и без таа апликација на мобилен ќе можат да се ориентираат преку инсталираната светлосна сигнализација. Кога ќе го направиме тоа, Гостивар не само што ќе биде првиот град во Македонија со такво паркирање, туку најверојатно и на Балканот”, изјави директорот Златко Ризов.

“Како што ветивме кога го раскинавме претходниот договор, така и се случи, значи потпишавме денес договор во корист на нашето претпријатие и на граѓаните на Гостивар. Средства од профитот, каде што за нашето претпријатие одат 90 отсто, ќе ги инвестираме за одржување на постојните и за проширување на зелените површини на територијата на општина Гостивар”, истакна директорот на ЈП “Јавни паркиралишта и зеленило”- Музафер Зулбеари.

Вреди да се нагласи дека цените на услугите според зони, остануваат исти.

Служба за информирање

ИЗВЕСТУВАЊЕ

20.06.2018

Се известуваат граѓаните дека утре (четврток) од 23:00 до петок во 07:00 часот, вода за пиење од градскиот водовод ќе биде во прекин.

Водата ќе биде прекината поради полнење на новиот базен во село Вторток, како и поради испитување на втората алтернативна главна линија кон главниот извор. Сето ова, како подготовка за започнување на работите во рамките на проектот СЕЦО 2.

Општина Гостивар и ЈП “Комуналец” бараат разбирање од граѓаните.

Информативна служба

Поради изведување на работи кај пречистителната станица, утре од 9:30 часот водоснабдувањето во Гистивар ќе биде во прекин

27.05.2018

Поради изведување на работи кај пречистелната станица во село Ворток, утре (понеделник) од 9:30 часот до завршување на работите, во градот и во селата што се снабдуваат со вода од градскиот водовод, водоснабдувањето ќе биде во прекин.

Од ЈП “Комуналец” и од Општина Гостивар, бараат разбирање од граѓаните.

Служба за информирање

Се работи интензивно на изградба на нова водоводна линија во село Балиндол

25.05.2018

Јавното претпријатие “Комуналец” – Гостивар, работи со висок интензитет во реализација на проектот за изградба на нова водоводна линија во село Балиндол, поточно во населбата наречена Стар Балиндол.

Досега е отворен каналот во половина од вкупната должина, а се започна и со поставување на цевководот што ќе се поврзе со главната линија на градскиот водовод во близина на големиот пазар.

“Со новата водоводна линија се зголемува преносиот капацитетот на водата за пиење и се одбегнуваат сите загуби кои ги предизвикува досегашната линија. Се надевам дека жителите на Стар Балиндол, големиот празник Рамазан ќе го дочекаат со вода 24 часа дневно. Новата водоснабдителна линиј е долга 1860 метри и од неа со вода ќе се снабдуваат околу 300 домаќинства”, информира директорот на ЈП “Комуналец”, Исак Лазами.

Инаку, наскоро ќе се работи на подобрување и проширување на водоводната и канализациона мрежа во селата Здуње, Дебреше и Чегране.

Информативна служба

Да придонесеме сите заедно за чист и убав Гостивар!

Општина Гостивар преку Јавното претпријатие “Паркинзи и зеленило“ посебно внимание посветува на одржувањето на зеленилото и заштита на животната средина.
Да придонесеме сите заедно за чист и убав Гостивар!