Во градот Гостивар и некои села, cе одбележа Светскиот ден на чистењето

21.09.2019

Општинската администрација, некои села каде што се активни месните заедници, еколошки организации и граѓани кои се грижат за здрава животна средина, се вклучени во акцијата организирана од страна на Општина Гостивар за одбележувањето на Светскиот ден на чистењето.

Во чистењето на јавните површини се вклучи и градоначалникот на Гостивар, Арбен Тараваи кој заедно со општинските службеници, активисти и други граѓани собираше отпадоци на улиците и другите јавни места во градот.

– Целта на оваа акција е да се подигне свеста на граѓаните за одржување на чиста и здрава животна средина. Јавното претрпијатие ги извршува своите должности редовно, но за да имаме почист град, сите граѓани мора да се грижат да не фрлаат отпадоци и на различни начини, како што е денешната акција, да придонесат за почиста и поубава средина. Како што можете да видите, се вклучија неколку здруженија кои се фокусирани на заштитата на животната средина, како и некожлку месни заедници, но за жал директорите на училиштата не ни се приклучија и не овозможија оваа акција да биде помасовна и да вроди со љубов кон чистотата кај наредните генерации на кои најмногу тоа им е потребно“, изјави градоначалникот Таравари.

Претседателот на Здружението ГВ Еко, Ахмет Салмани рече дека јавната чистота, не само што позитивно влијае на нашето здравје, туку и му дава поубав изглед на градот. Додека претседателката на невладината организација ИГИ, Сунчица Ѓурчиноска рече дека денес секој родител требаше да ги земе своите деца и да се приклучи на оваа акција, бидејќи навиките за чиста и здрава животна средина се создаваат уште од раното детство.

Градоначалникот Таравари го посети и Чајле, каде беше пречекан од претседателот на месната заедница, Синан Елези, кој го информираше за текот на акцијата. Таравари му честиташе на Елези за одличната организација и генерално за резултатите кои ги забележува оваа месна заедница.

Служба за информирање

Ќе се асфалтира еден крак на улица ЈНА. во населба Ново Маало

12.08.2019

Со средства обезбедени од буџетот на Општина Гостивар, во тек се подготвителните работи за асфалтирање на едне крак на улица “ЈНА“ спроти Приватниот колеџ “Јахја Кемал”.
Улицата е со должина 183 метри, a просечната широчина изнесува 8 метри.

“Иако овој дел од градот е населен од пред неколку децении, досега не била асфалтирана улицата. Проектов е дел од Развојната програма на Општиан Гостивар и се финансира со сопстевни буџетски средства на општината. Проектот тежи 1.627.012 денари, согласно градежна дозвола УА 1 бр.18-112, a градежните работи ги изведува претпријатието „Магнум Транс-Р, според договорот 24-2217/17”, вели Бесим Догани од ЛЕР канцеларијата при Општина Гостивар.
Вредида се напомене дека неколку дена пред започнување на работите за асфалтирање на оваа улица, заврши целосната реконстркуција на улица “Слободан Пепоски“ во централнот градско подрачје.

Служба за информирање

JП “Јавни паркиралишта и зеленило” – Гостивар, ги забележува најдобрите резултати од своето основање

22.07.2019

Јавното претпријатие за управување со јавни паркиралишта и зелени површини од Гостивар, во последниве месеци ги има зајакнато активностите и забележува најдобри резултати од своето основање.

Во големиот градски парк само што заврши вградувањето на автоматскиот систем за наводнување, а во тек е уредувањето на нови површини со декоративни цвеќиња на страната покрај улицата во населба Дутлoк. Кружните текови низ градот добиле сосема нов изглед, а направено е и хортикултурно уредување на дворовите на некои општински училишта.

“Граѓаните го сакаат зеленилото и убавото. Во тоа што го работиме не поддржуваат не само граѓаните на општина Гостивар, туку и од други градови и велат дека нашата работа треба да послужи како пример и за другите општини. Согласно финансиските можности и капацитети со кои располагаме, ќе продолжиме да работиме во градот, но и во селата за да создадеме што е можно повеќе зеленило и хортикултурно уредени површини”, истакнува Беким Челебиу – директор на ЈП “Јавни паркиралишта и зеленило “.

Челебиу вели дека за секоја активност на претпријатeто со кое тој раководи, има безрезервна поддршка од градоначалникот на Гостивар, Арбен Таравари.

Тој ги повикува граѓаните да се грижат за зелените површини, бидејќи тие се заедничко богатство.

Служба за информирање

Се работи интензивно во проширување на канализациона мрежа во повеќе гостиварски села

17.07.2019

Општина Гостивар преку Јавното претпријатие за комунални дејности “Комуналец“ – Гостивар, ја проширува канализационата мрежа во повеќе села, при што прситап до канализација ќе имаат околу 10 отсто од вкупното население во општина Гостивар.

Во село Чајле се работи на канализациона мрежа со вкупна должина од 3022 метри каде што по завршување на работите, сите домаќинства од селото ќе имаат прситап во канализација.

Пред завршување се работите за изградба на канализација во село Горна Бањица во должина од 3199 метри, со што ова село кое досега немаше воопшто канализација, целото ќе биде опфатено со канализациона мрежа.

Од друга страна, продолжуваат работите за изградба на канализација во село Беловиште, а деновиве започна и изградбата на канализација во дел од населба Бањешница во должина од 180 метри.

По завршување на изградбата на канализационата мрежа во село Здуње, во тек е доведувањето во пвобитна состојба, односно се асфатираат оштетените делови од улиците при изведба на градежните работи.

“Ова подразбира дека околу 10 отсто од населението на општина Гостивар, кои досега не биле приклучени на канализациона мрежа, веќе се или наскоро ќе бидат приклучени. Планираме во блиска иднина ќе продолжи проширувањето на канализационата мрежа и во неколку околни села каде нема канализација во одрдени делови, како што е случајот во село Равен, како и во неколку градски населби каде што недостасува канализација во неколк улички“, вели Исак Лазами – директор на ЈП Комуналец.

Ова претпријатие актуелно работи и на инсталација на нова водоводна линија во село Чајле во должина од 450 метри.

Служба за информирање

ИЗВЕСТУВАЊЕ: Во петок ќе се изврши првата терестичка дезинсекција на подрачјето на општина Гостивар

09.07.2018

Се известуваат граѓаните дека на 12.07.2018 (петок), ќе се изврши првата терестичка дезинсекција во подрачејто на Гостивар за уништување на возрасните комарци и останати штетници.
Дезинфекцијата ќе се изведе навечер, после 24:00 часот до раните утрински часови, само под поволни временски услови.

Локациите каде што ќе се врши терестичка дезинфекција, се следните:
Ул. “Живко Брајкоски” – Градски парк од левата страна на реката Вардар, ул. “М.Ч. Филипоски” – Градски парк од десната страна на реката Вардар, Градска болница, ул. “ЈНА” до Здуњска раскрсница, коритото на реката Вардар во атарот на село Равен, каналот од Здуњска раскрсница – Шетса зона – Малеарди – ул. “Борис Кидрич“ – ул. Беличица до населба Фазанерија – населено место Бањица – Булевар “Браќа Ѓиноски“, преку градски плоштад до излезот на градот кон село Чајле се река Јахорка во село Форино.

Во случај на време со дожд или силен ветер, дезинсекцијата ќе се одложи за утредента или било кој друг ден со поволни временски услови.
За дезинсекцијата ќе се употреби средството Aurodil во концентрација пропишана од производителот по упатство за употреба во однос 50 мл/5 л. Раствор.

Се молат одгледувачите на пчели да ги преземат соодветните мерки за заштита, значи да ги засолнат пчелите во нивните сандаци, да обезбедат потребна количина на вода за држење на пчелите затворени минимум 5-6 часа пчела по третманот на подрачјето.
Дезинсекцијата ќе ја изведе Д.П.Т.У. ПЛАНТ МЕДИКА

Служба за информирање

ИЗВЕСТУВАЊЕ

17.5.2019

Почитувани граѓани,

Ве известуваме дека утре (сабота) во 8:00 часот ќе започнат градежните работи за реконструкција на улица “Слободан Пепоски”, која ја поврзува улицата кон градската болницата со улица “ЈНА“.

Реконструкцијата вклучува гребење и ископ на постоечкиот асфалт и поставување на нов асфалтен слој.

Додека ќе траат работите, сообраќајот на возила и пешаци ќе се одвива во потежнати услови, а во одредени временски периоди ќе биде и во прекин.

Општина Гостивар ви се заблагодарува за разбирањето.

Служба за информирање

Општина Гостивар се опреми со возило за собирање кучиња скитници

13.05.2019

Како општина која предводи во справувањето со кучиња скитници во полошкиот регион, Општина Гостивар денеска се снабде со специјално возило за оваа намена. Возилото доаѓа како донација во рамките на проект финансиран од ЕУ и имплементирана од УНДП во соработка со Центарот за развој на полошкиот плански регион за долгорочно решевање на проблемот со кучиња бездомници.

Возилото, градоначалникот на Гостивар Арбен Таравари, му го предаде директорот Центарот за развој на полошкиот плански регион – Фатмир Саити, кој што откако ќе се регистрира, Општината ќе му го предаде на Јавното претпријатие “Комуналец”.

По примо-предавањето на возилото, градоначалникот Таравари и директорот Саити, одржаа прес-конференција.

“Во насока на долгорочно решение на проблемот со бездомни кучиња, Општина Гостивар има направено неколку значајни чекори со отворање на стационар и со вакцинирње и стерилизација на 240 кучиња скитници досега. Благодарение на еден проект со УНДП наскоро ќе биде отворен стациона со трипати поголем капацитет од постоечкиот и се надеваме дека тоа ќе не доведе во поволна ситуација. Птри оваа прилика, му благодарам на директорот на Центарот за развој на полошкиот плански регион г. Фатмир Саити што ја вреднуваше нашата досегашна работа и ја избра Општина Гостивар за предавање на оваа донација “, истакна Таравари.

Директорот Фатмир Саит информираше дека специјалното возило има капацитет за превезување на 10 кучиња скитници и дека возилото всушност е наменето за Полошкиот регион, но додека не се отврои Регионален центар за справување со кучињата скитници, возилото му се доделува на Гостивар како пштина која до сега превдои во справувањето со овој проблем.

Градоначалникот Таравари и директорот Саити, на прес-конференцијата и одговорија на бројни прашања на новинарите, при што најавија дека наскоро ќе почне асафлтирањето на патот до депонијата Русино и дека проблемите во врска со експропријацијата на тој пат се при крај. А во иднина ќе се изгради и пат од кај депонијата до магистралата Гостивар-Кичево, за да камионите со отпадоци кои доаѓаат од други општини, не поминуваат низ градот.

Служба за информирање

 

Се санираат главните градски улици во Гостивар

10.05.2019

Општина Гостивар започна со санирање на главните градски улици на градот.

Првично ќе се закрпат ударните дупки на улица Илинденска и дел од улицата “Живко Брајкоски”, а потоа ќе се интервенира и на улиците каде што интервенцијата е неопходна.

– Од увидот на терен констатиравме дека од главните градски улици, улицата Илинденска од кај поранешен Млин до зилезот од градот, како и на кракот до железничкиот премин, асфалтот е многу оштетен и има многу удартни дупки. Така што започнавме со работите токму во овие делови. По санација на овие улици, ќе продолжиме со санација и на другите градски улици каде што ќе оцениме дека интервенцијата е неопходна “, вели Бесим Догани – одговорен во Канцеларита за локален економски развој и имплементација на проекти при Општина Гостивар.

Од ЛЕР канцеларијата информираат дека во тек се градежните работи за асфалтирање на една улица во населбата Карагач, во должина од 365 метри и широчина од 5 метри. Во периодот што следува, ќе се реализираат и други инфраструктурни проекти во рамките на Развојантаа програма на Општина Гостивар за 2019 година, чија реализација беше во застој поради неможноста на отворање тендери во изборен период.

Служба за информирање

Поправки во Средното техничко училиште во Гостивар

08.05.2019

Во Техничкото средно училиште “Гостивар” во тек се низа работи за подобрување на условите.

Со средства обезбедени од Министерството за образование и наука се врши поправка на дотраениот кров на спортската сала, а се прават и други интервенции со сопствени средства на училиштето.

Во тек е реконструкција на системот за централно греење, односно вградување на два котли за ложење на дрво и пелети.

Исто така се поставуваат безбедносни камери во и вон од училишните објекти.

Служба за информирање

ИЗВЕСТУВАЊЕ

08.05.2019

Ги информираме граѓаните дека утре (четврток) ќе започнат градежните работи за асфалтирање кракот на улица Боге Вељаноски во населба Карагач, со должина 365 м и ширина од 5 м.

Додека траат работите, сообраќајот на возила и пешаци ќе се одвива во отежнати услови, па затоа ги молиме граѓаните за разбирање.

Со почит,

Служба за информирање – Општина Гостивар