Младите Гостивар ќе го красат паркот и шеталиштето на реката Вардар

09.05.2019

Во рамките на проектот “Интеграција на младите во образованието” учениците од две средни училишта и едно основно училиште во градот Гостивар, ќе спроведат серија активности за дополнително одредување и одржување на градскиот парк и шеталиштето на реката Вардар.

Активностите започнаа денес, при што организаторите поделија маички и опрема за работа за учениците од средното економско и средното техничко училиште, како и учениците од ОУ “Единство”. Во рамките на проектот, учениците ќе ги офарбаат клупите кај шеталиштето, ќе се означи велосипедската и пешачката патека, ќе се постават рамки за паркирање на велосипеди долж шеталиштето и други слични активности во поглед на уредување и одржување на овој дел кој е доста фреквентиран од страна на граѓаните во слободно време, особено од помладите генерации.

Почетокот на активности го проследе и градоначалникот на Гостивар, Арбен Таравари, кој поздравувајќи ја активноста, искористи прилика да им го честита на присутните на 9 мај – Денот на Европа.

“Почетокот на активностите во рамките на овој проект се совпаѓа со Денот на Европа, ден од големо значење, особено за нас кои стремиме да стананеме дел од големото семејство на ЕУ. Посакувам што поскоро да го славиме овој ден како рамноправна членка на големото европското семејство”, истакна Таравари.

Проектот “Интеграција на младите во образованието” е финансиран од УСАИД, а го поддржува Општина Гостивар и ЈП “Паркиралишта и зеленило”.

Служба за информирање

Единствениот “успех“ на министертот за образование е одземањето на надлежностите на гостиварскиот градоначалник

05.04.2019

Одговорната за образование во Општина Гостивар, г-ѓа Аслиан Снопче, на прес-конференцијата што се одржа денес, истакна дека одземањењто на надлежностите на градоначалникот Аребн Таравари во обчаста на образованието, покажува дека на министерот за образование во текот на неговото рабоење, ова му  е единствен “резултат” и дека нема да биде изненадување доколку тоа го стори и по третпат после седум месеци, но сепак ќе ја нема таа прилика, бидејќи дотогаш многу работи ќе се променат во Гостивар.

Нејзиниот говор на прес-конференцијата, ви го проследуваме интегрално.

“Почитувани претставници на медиумите,

Најпрвин ви благодарам за вашето присуство на оваа конференција.

Преку овaa прес конференција сакаме да ве информираме дека по второто последователно одземање на надлежностите од страна на министерот за образование, во делот на именување и разрешување на директори, деновиве следеше продолжувањето на оваа политичка одлука. Замислете, среде предизборна кампања, министерот си дозволува луксуз да разреши директори именувани од страна на градоначалникот и наместо нив ги именува старите партиски директори.

Значи, уште еден скандал во низата скандали чиј извор е токму Министерството за образование. Затоа, пресудата мум ја оставаме на самите граѓани. Соодветната документација ќе биде доставена до антикорупциската комисија за утврдување на оваа неправилност.

Министерот, наместо да се осврне на многубројните проблеми кои го зафатија образованието, наместо да се занимава со обезбедување на настава на албански јазик која е загарантирана со закон, наместо да се занимава со исправка на учебниците во кои Албанците фигурираат како народ кој се спушти од планините, каде што во учебниците по музичко сите песни се на македонски јазик, наместо да се занимава со прекинување на тендери во четири очи што се прават во неговото министерство, наместо да се занимава со подобрување на квалитетот во албанските универзитети, наместо да се занимава со откривање на скандали во универзитетските дипломи, наместо да се занимава со зголемување на инвестициските фондови во истражувачките области каде што Македонија го зазема последното место во регионот … тој продолжува да се занимава само со Гостивар.

 

Би било добро да се занимава со Гостивар, но за уредување на кровот на училиштето Гоце Делчев, на пример, каде што децата треба да носат чадори во училниците. Но, овој министер отако ја презеде функцијата, главна преокупација му бил само Гостивар, но во други аспекти. Тој стана познат по одземање на надлежностите во единствениот урбан град во оваа држава која не е под раководство на актуелната власт.

Во извештај за неговата работа ќе има информации само за две капитални одлуки од негова страна. Првата е одземањето на надлежностите на демократски избраниот градоначалник, а втората, одземањето на надлежностите на градоначалникот во областа на образованието по вторпат.

Тој е многу креативен со овие негови две одлуки. Секаде каде што оди се фали токму со овие одлуки за одземање на надлежностите.

Сега ќе следи период на летаргија од страна на министерството кое тој го води. Но, ние сме убедени дека по седум месеци, повторно ќе има капитална инвестиција од страна на неговото министерство. Таа капитална инвестиција ќе биде одземање по третпат на надлежностите на градоначалникот на Гостивар.

Впрочем, тој не знае нешто друго да направи. Сепак, ќе ја нема таа прилика, бидејќи наскоро ситуацијата ќе се промени, и во Гостивар ќе дојдат нови времиња.“

Служба за информирање

Градоначланикот Таравари не направил пропусти, одлуката на министерот Адеми е чисто политичка

20.02.2019

Во врска со неправедното одземање на надлежностите во областа на образованието на гостиварскиот градоначалник Арбен Таравари, прес конференција денес одржа раководителката на Секторорт за јавни дејности при Општина Гостивар, Аслиан Снопче. Пред медиумите, преку соодветна документација, таа аргументираше дека при последното разрешување и именување на директори од страна на градоначлалникот Таравари, немало поврда на процедурите, и одлуката на министерот за образоивание ја окваликува како чисто политичка одлука.

“Одлуката за oдземање на надлежностите по вторпат не се базира врз законот, туку е само политичка одлука. Државниот инспекторат за образование, по увидот во основните училишта, утврди дека конкурсите за избор на директори во времето на добивање на надлежностите од општина Гостивар не се објавени врз основа на законот, значи на три дневни весници, туку само на два весника“, истакна на почетокот од прес конферемнцијата г-ѓа Снопче.

Таа извести дека поради таа причина градоначалникот Арбен Таравари донесе решение со кое се поргласува неважечко решението за избор на директори, Поради тие причини градоначалникот Арбен Таравари донесе решение со кое се прогласуваат за ништовни решенијата за избор на директори, на ист начин како што постапи и министерот кој сега донесува одлука за одземање на ингеренциите. Како конкретен случај, таа го наведе случајот со ООУ “Перпарими“ – Чегране.

„Исто така, и од страна на Државниот управен инспекторат беше констатирано дека при поништувањето на решенијата, градоначалникот на Гостивар секогаш постапил според законот и не констатирале прекршок“, рече во продолжение одговорната за образование Аслиан Снопче.

Таа информираше дека Општина Гостивар, знаејќи ги целите на министерот за образование, навремено го информирала премиерот Заев и амбасадите на седум највлијателни држави во земјава.

“Ова се доволни аргументи, за кои на увид ви доставуваме и документација, дека одлуката е чисто политичка“, подвлече на крајот од прес конференцијата г-ѓа Снопче.

Министерот за образование и наука, Арбер Адеми, му ги одзеде надлежностите на градоначалникот Таравари во делот на разрешување и именување на директори во период од девет месеци.

Служба за информирање

Градоначалникот Таравари го промовираше реновирањето на јавните детски градинки во Гостивар

28.12.2018

Децата од јавните градинки во Гостивар, со кратка програма, ја прославија Новата година. Во нивното славење им се придружи и градоначалникот на Гостивар, Арбен Таравари и раководителката на Секторот за јавни дејности, Аслиан Снопче.

Денешната прослава во централната детска градинка на ЈУДГ “Детска радост“ се совпадна со промовирањето на неодамнешните инвестиции во оваа и во другите јавни детски градинки во градот Гостивар, со што сега сите ги исполнуваат неопходните услови за дневен престој на децата.

Градоначалникот Арбен Таравари им ја честиташе Новата година на децата со желби за здравје и среќа и им подели симболични подароци.

Служба за информирање

Реновирани двата најголеми објекти на ЈУДГ “Детска радост“ во Гостивар

17.12.2018

Со сопствени средства и со помош на Општина Гостивар, денес завршија работите за реконструкција на двете најголеми градинки кои функционираат во рамките на ЈУ Детска градинка “Детска радост” – Гостивар.

Во главната градинка “Пролет” направена е речиси целосна реконструкција на објектот при што се реновираа санитарните јазли, се уредија занималните – кречење на ѕидовите, поставување на ламинат и паркет, реновирана сала – отстранување на лампериите и керамичките плочки, крешење на ѕидовите и поставување на линолеум. Целосна поправка на водоводната инсталација и осветлувањето на внатрешните простори. Исто така поставени се нови врати во санитарните јазли и занималните, апоставени се и нови завеси. Покрај тоа, се очекува наскоро да се постават нови детски гардероби и табли за цртање во занималните.

Интервенции се направени и во градинката “Цветови”, каде што се искречија внатрешните простории на објектот и дел од фасадата, а се уреди и салата и се реновираше постојниот паркет.

Заради изведување на работите, во последниве неколку недели градинките работеа со нецелосен капацитет. Од утре, тие ќе продолжат да работат под нормални услови. Од Општина Гостивар и ЈУДГ “Детска градинка” им се заблагодаруваат на родителите за разбирањето.

Информативна служба

Вистински празник љубителите на книгата, отворен Саемот на книгата “Гостивар 2018”

26.11.2018

Со прикодна церемонија, денес свечено беше отворен саемот на книгата “Гостивар 2108”.

Ко-организатори на саемот, кој во ваков формат по првpат се одржува во Гостивар, се Општина Гостивар и Здружението на албанските издавачи во Македонија.

Во присуство на стотици посетители во спортската сала “Младост”, пригоден говор одржа градоначалникот на Гостивар, Арбен Таравари кој, меѓу другото, истакна дека најдобар начин за да се развиве имагинацијата е читањето, па затоа апелираше до секој посетител да си купи барем една книга.

“Ви сакал како лекар, невролог, да испратам порака. Најдобар начин за развој на имагинацијата е читањето книги. Се надевам дека граѓаните на Гостивар и поширокиот регион масовно ќе го посетат саемов и дека ќе си купат барем една книга. Да ги избегнуваме што повеќе мобилните телефони и таблетите и да посветиме повеќе време за читање, особено помладите генерации “, подвлече градоначалникот Таравари.

Саемот на книгата “Гостивар 2018” ќе биде отворен три дена, односно до среда. Ќе се претстават 14 издавачки куќи од Македонија и Албанија, со книги на албански и странски автори, современи и класични книжевни дела, стручна и научна литературата, белчетристика, училишни лектири, енциклопедии и дела од областа на културата и уметноста, наменети за сите возрасни групи.

Служба за информирање

Детските градинки, основните и средни училишта на општина Гостивар, подготвени за грејната сезона

21.10.2018

Сите основни и средни училишта, како и детските градинки на општина Гостивар, снабдени се со гориво и од утре ќе започнат со греење.

Некои училишта имаат резерви од минатата година, додека во оние каде што недостасуваше гориво, во петокот завршија испораките на нафта и огревно дрво.

“Во повеќето училишни објекти во општина Гостивар има централно греење со нафта, додека пак само во некои училишта во руралните средини за греење се користи огревно дрво. Повеќето училишта имаа резерви од минатата година, а каде што недостасуваше нафта или огревно дрво, снабдувањето заврши во петокот и слободно можеме да кажеме дека сме подготвени за почетокот на грејанта сезона во понеделникот, кога според најавите ќе се спуштат температурите”, вели Аслиан Снопче – раководител на Секторот за образование во општина Гостивар.

Вреди да се истакне дека пред неколку дена заврши инсталацијата на централно греење во подрачното училиште во село Здуње, а се планира централно греење да се инсталира и во оние неколку училишта каде што недостасува.

Меѓутоа, во пресрет на сезоната на врнежи од дожд и снег, проблемот останува кровот на ОУ “Гоце Делчев”, за што Општина Гостивар ги има завршено сите потребни процедури и се чека одобрување и финансирање од страна на Министерството за образование.

Служба за информирање

Градинките во Форинo и Равен подготвени, се очекува согласност од ресорното министерство

02.10.2018

Општина Гостивар ја исполни својата обврска за подготвување на два Центри за ран детски развој за возрасната гру од 3 до 5 години во село Форино и село Равен, како дел од грантот на УНИЦЕФ во висина од околу 18 илјади евра.

Согласно потпишаниот меморандум за соработка со УНИЦЕФ, Општина Гостивар се обврза за кофинансирање во вредност од 10 илјади евра, со што се исполнија сите неопходни услови за занималните кои ќе функционираат во рамките на постоечките училишни згради.

За овие градинки, во тек се постапките за добивање на согласност од Министерството за труд и социјална политика, по што истет ќе бидат ставени во функција.

Од Секторот за јавни дејности информираат дека Општина Гостивар ќе се ангажира да преку грантови и сопствени буџетски средства, да отвори што повеќе вакви центри, така да со згрижување и едукација бидат опфатени и децата од предучилишна возраст во другите села, вклучувајќи ги и брдско-планинските села.

Служба за информирање

СТОС донираше технолошка опрема за гостиварските училиштата

24.09.2018

Технолошка опрема, поточно 16 компјутери и 16 проектори, беа донирани од страна на Сојузот на турски општини во светот (СТОС), кои во петокот ги дистрибуираа низ неколку гостиварски училишта, градоначалникот Арбен Таравари и генералниот секретар на СТОС, Фахри Солак.

При примањето на донацијата, градоначалникот Таравари изрази задоволство што е домаќин на генералниот секретар на СТОС, Фахри Солак кому му се заблагодари за донацијата и подготвеноста во иднина ваквите донации не само да не отсуствуваат, туку во иднина соработката да се издигне на највисоко ниво за конкретни проекти во различни области.

“Им благодарам на Сојузот на турските општини во светот за донирањето на 16 лап-топи и 16 проектори за јавните училишта во општина Гостивар. Поделивме опрема во средното економско училиште. потоа во специјалната паралелка во ОУ Исмаил Ќемали, како и во други училишта каде што беше потребно. Со генералниот секретар, г. Солак имаме коректни односи и суштинска соработка. Мислам дека нашата соработка ќе продолжи и понатаму и тоа со спроведување на заеднички конкретни проекти во различни сфери “, рече градоначалникот Таравари.

“Гостивар е посебен град во Македонија, каде што ние поддржуваме разни активности. Во овој случај ние донираме технолошка опрема за гостиварските училишта, но поддршка во иднина ќе се зголеми со други проекти, со цел да се подобри квалитетот на услугите во општината “, изјави Солак.

Тој му се заблагодари на градоначалникот Арбен Таравари за неговата подготвеност да соработува во реализацијата на заеднички проекти што се очекува да се спроведат во иднина.

Служба за информирање

 

Градоначалникот Таравари учествуваше на “Штафета за еднаквоста”

24.09.2018

Општина Гостивар во соработка со невладините организации “Заедно можеме” од Гостивар, “Лето” од Струмица и Центарот на ресурси на родители на деца со посебни потреби, организираа активност насловена “Штафета на еднаквоста”.

Беше тоа четврта штафета на децата со посебни потреби, на која присуствуваа градоначалникот на Гостивар, Арбен Таравари, претседателот на Собранието Талат Џафери, активисти, волонтери, ученици, уметници и други граѓани.

Учесниците во овој настан, преку оваа активност ја дадоа својата поддршка и упатија порака до општеството во кое живееме дека децата со посебни потреби се дел од општеството, и дека сите се еднакви.

“Совеста е сеопфатна и целокупна. Јас лично и Општина Гостивар секогаш ќе бидеме на страната на децата со посебни потреби. Тие се составен дел на нашето општество и заслужуваат поголемо внимание за да бидат рамноправен дел од општеството и да го вкусат животот исто како нивните врсници “, изјави градоначалникот Таравари.

Служба за информирање