Аслиан Снoпче: Ученичките екскурзии ќе се реализираат според планот

30.04.2018

Раководителката на Секторот за образование при Општина Гостивар, Аслан Снопче, ги информираше денеска новинарите дека сите училишни екскурзии ќе се реализираат според предвидениот план и дека учениците и родителите не треба воопшто да се грижат. за тоа.

„Би сакала да ја запознаам јавноста, а особено учениците и нивните родители дека ученичките екскурзии ќе се реализираат согласно предвидениот план на МОН и дека ние како општина ниту сакаме ниту можеме да интервенираме тука, во ситуација кога ни се одземени надлежности во образованието”, информираше г-ѓа Снопче.

Таа објасни дека шпекулациите за наводно неспроведување на екскурзиите се појавиле по поднесување на жалба од страна на една туристичка агенција за во гостиварската гимназија и дека постапката ќе продолжи преку судски пат и дека нема да биде поврзана со реализацијата на екскурзии.

“Кога станува збор за интересот на учениците, Општина Гостивар никогаш нема да прави проблеми и ниедено наше дејствие нема и ќе нема политичка заднина.

Служба за информирање

Ученици од ОУ “Гоце Делчев“ на посета во Општина Гостивар

26.04.2018

Учениците од четврто одделение, паралелки на македонски јазик, при Основното општинско училиште “Гоце Делчев“- Гостивар, во придружба на нивните учителки, денеска беа во посета на Општина Гостивар, за да се запознаат како функционира локалната власт.

При посетата тие се сретнаа со градоначалникот Арбен Таравари и неговите соработници, а ги посетија и просториите каде што општинската администрација ги извршува своите задачи.
Градоначалникот Арбен Таравари и членовите на неговиот кабинет, ги запознаа учениците со функционирањето на локалната самоуправа со јазик разбирлив за нивната возраст, посакувајќи им кога ќе пораснат да станат дел од општинската администрација, да преземат раководни позиции, а некој од нив да стане и градоначалник.

Учениците од ООУ “Гоце Делчев”, разговараа со градоначалникот Таравари и му поставија многубројни прашања.

Служба за информирање

Принудните директори од ДУИ објавуваат незаконски конкурси

24.04.2018

ДУИ успеа преку разни притисоци врз владата на Заев, да му ги одземе ингеренциите во образованието на градоначалникот на Гостивар, Арбен Таравари.

Алудирајќи на тоа дека ќе воведат ред во образованието, донесоа принудни директори кои ги кршат законските одредби.

Во средното медицинско училиште, директорот Агрон Алили, на 23.04.2018 објави оглас за работни места на определено време до 31.08.2018 година, за истите работни места во кои претходно беа ангажирани професори и педагогот на училиштето, со договор од 18.01 до 31.08.2018 година.

Со оглед на тоа што директорот објавува конкурс без да има ита потреба или недостиг на кадри, во време кога има наставници ангажиран во истиот временски период, тој прави законски прекршок, што нема како поинаку да се објасни, освен како политички реваншизам, што сериозно го поткопува квалитетот на наставниот процес и правата на работникот кој е во работен однос.

Бараме јавно, а ќе побараме и институционално од надлежните органи како што се Државниот инспекторат за образование, Трудовиот инспекторат, Народниот правобранител итн. заштита на наставниците и на педагогот на средното медицинско училиште “Гостивар“.

Служба за информирање

Ученици од четврто одделение се запознаа со функционирањето на локалната власт во Гостивар

13.04.2018

Учениците од четврто одделение во Основното општинско училиште “Гоце Делчев“ во придружба на нивните учителки, денеска беа во посета на Општина Гостивар, за да се запознаат како функционира локалната власт.

За време на посетата тие се сретнаа со градоначалникот Арбен Таравари, а ја посетија и салата на Советот на Општина Гостивар, како и канцелариите на општинската администрација.

Градоначалникот Арбен Таравари и членовите на неговиот кабинет, ги запознаа учениците со функционирањето на локалната самоуправа со јазик разбирлив за нивната возраст, посакувајќи им кога ќе пораснат да станат дел од општинската администрација, да преземат раководни позиции, а некој од нив да стане и градоначалник.

За време на посетата, 55-те ученици од трите паралелки од IV одделение во ООУ “Гоце Делчев”, на градоначалникот и на неговите соработници им поставија толку содржински прашања, што дури и возрасните би им завиделе.

Служба за информирање

Гостивар го одбележа Светскиот ден за борба против аутизмот

02.04.2018

Светскиот ден за борба против аутизмот, во Гостивар се одбележа со многубројни активности. Во одбележувањето на овој ден, покрај Општина Гостивар се вклучија Дневниот центар за деца со посебни потреби – Гостивар, Општинската организација на Црвен крст – Гостивар, ООУ “Единство“ – Гостивар, бизнис секторот, како и граѓански здруженија и експерти од Македонија и Албанија кои се занимаваат со третман на децата со аутизам.

Активностите започнаа со марш за подигање на свеста за борба против аутизмот, од Дневниот центар до градскиот плоштад, каде што ресторанот “Њу Албис“ од Гостивар, подели 70 оброци за децата со аутизам. Учесниците на маршот беа облечени во маички на кои беше испишано мотото: “Shine on light of autism” (Светлосни зраци за аутизмот).

Во ООУ “Единство“ во соработка со ОО ЦК – Гостивар се организираше хуманитарен пазар, а собраните средства се наменети за помош на едно сиромашно семејство со дете со посебни потреби.

Активностите за одбележување на Светскиот ден за борба против аутизмот се заокружија со предавање во салата на Советот на Општина Гостивар на тема: Да ги надминеме разликите, да запознаеме еден друг“. На предавањето учествуваа претставници од Секторот за јавни дејности на Општина Гостивар, педагози и психолози од општински основни училишта, дефектолози и логопеди од гостиварското подрачје, како и родители на деца со аутизам, а предавачи беа познати експерти од дневни центри за деца со аутизам во Албанија.

Вреди да се напомене дека активностите за отворање на центар за деца со аутизам во објектот на Општинскиот ученички дом “Бранко Станоевиќ“ – Гостивар се влезени во завршна фаза и се очекува наскоро истиот да биде ставен во функција.

Служба за информирање

Во гостиварските училишта се одржуваат дебати за интеграција на младите во образованието

23.03.2018

Во три гостиварски општински основни училишта, во тек е пилот-проектот “Интеграција на младите во образованието”. Проектот го спроведува Американската агенција за меѓународен развој (УСАИД) во соработка со Секторот за образование при Општина Гостивар.

“Првично овој пилот проект се спроведува во две градски основни училишта Единство и Гоце Делчев како и во ОУ “Чајла’ во село Чајле, а во иднина ќе бидат опфатени и другите општински училишта. Проектот го спроведува УСАИД во соработка со Општина Гостивар, а во моментов се водат младиснки дебати, каде што експерти од оваа област, преку разговор ги детектираат барањата и потребите на младите за интеграција во образованието “, објаснува Аслијан Снопче – раководителка на Секторот за образование.

Младински дебати се реализираат со групи сочинтеи од по 20 ученици.

Служба за информирање

Ученици од ОУ “Прпарими” на посета во младинската организацијата “YEP“

16.03.2018

Ученици од деветите одделенија на Основното училиште “Прпарими” од село Чегране, во рамките на наставниот предмет Граѓанско образование, заедно со нивните професори, посетија една од граѓанските младински организации кои дејствуваат во општина Гостивар, “Youth Empowerment Platform – YEP”.

За активностите на оваа организација, зборуваше раководителот Арлинд Муслиу, како и неколку членови на оваа организација, кои информираа дека мисија на организацијата е зајакнување на интелектот кај младите, преку разни активности и проекти.

Учениците, исто така, беа информирани тесно со некои од активностите на организацијата како што беше “Tech up”, како и за разни волонтерски активности во за доброто на општеството. Над се, учениците се запознаа со улогата на граѓанските организации, занивното функционирањње, работата што ја вршат, зачленувањето и како демократијата се става во движење преку нив.

Учениците беа многу љубопитни да ја разберат улогата на граѓанските организации.

Служба за информирање

Потпишан Меморандум за Соработка помеѓу СЕОУ “Гостивар“ и здружението “Мировна Акција“

16.03.2018

Средното економско општинско училиште “Гостивар“ и зрдужението “Мировна акција“ потпишаа Меморандум за соработка за проектот “Поддршка на процесот на интегрираното образование на училиштата“.

Со потпишувањето на овој Меморандум, разбирајќи ја важноста на процесот на меѓуетничка интеграција во образованието (МИО) а со цел понатамошна надградба на постигнувањата на истиот, двете страни се согласуваат на заеднички активности, како што се: анализи (анкети), тренинг програми на тројца професори од СЕОУ “Гостивар“, презентациски работилници на колеги од училиштето (дисеминација), работилници со ученици, како и соработка со партнер училиштето СОУ “Гостивар“, со финансиска и техничка поддршка од 60.000 ден.

Проектот ,,Поддршка на процесот на интегрирано образование во училиштата,, го спроведува Здружението Мировна акција во партнерство со Центарот за мировни студии од Загреб ( Хрватска), а е финансирано од Европската Унија и Цивица Мобилитас.

Служба за информирање

Демири: Еве како управувале во образованието оние кои му ги одзедоа надлежностите на Општина Гостивар

15.03.2018

Тема на денешната прес-конференција во рамките на кампањата “Вистината за ДУИ” беше образованието, односно лошото раководење во Средното општинско техничкото училиште “Гостивар”, за време на мандатот 2013-2017.

“Иако има многу злоупотреби во ова средно училиште, денес ќе ве информираме само за неколку од нив. Дипломиран фармацевт бил ангажиран со полн 20-часовен фонд за математички предмети. Инженер по архитектурата бил ангажиран по предмеотанглиски јазик, а она што е најинтересно, дипломиран кадар во бизнисот бил ангажирана 4 часа за екстерно тестирање, 2 часа за фотокопирање и 2 часа за Фејсбук”, информираше портпаролот на Општина Гостивар, Јасин Демири.

Тој, како доказ, даде на увид фото-копии од решенијата за засновање на работен однос  за наведените случаи на непочитување на законските нормативи.

“Ангажирањето на овие кадри е направено само поради тоа што тие се партиски активисти и послушници на нивниот патрон”, истакна Демири.

Да потсетиме дека Министерството за образование и наука, под притисок на огранокт на ДУИ во Гостивар, му ги одзеде надлежнстите на градоначалникот на Гостивар, Арбен Таравари, во делот за именување и разрешување на директори.

Информативна служба

Предавања за чист воздух во гостиварските основните училишта

14.03.2018

Во три основни училишта во општина Гостивар, во ОУ “Исмаил Ќемали”, ОУ “Гоце Делчев” и ОУ “Единство” се одржаa предавањa за заштита на животната средина, на чиј фокус беше амбиенталниот воздух.

Активноста ја реализираше еколошкото здружение “Еко Герила” – Тетово, а на предавањата учествуваа учениците од седмо, осмо и деветто одделение.

Целта на ова предавање беше подигањето на свеста кај учениците за заштита на животната средина со посебен фокус на воздухот, кој што во Полог според официјалните мерења е најзагаден во земјата и пошироко.

“На денешните предавања присуствуваа над 160 ученици од седмо, осмо и деветто одделение од трите училишта. Целта на предавањата е да се едуцираат и да се информираат учениците за заштита на животната средина. Покрај предавањата, на учениците им споделивме и едукативни брошура со наслов Бидете пример за другите”, истакна Арианит Џафери, претседател на Здружението “Еко-герила“, кој воедно ги одржа и предавањата.

Потсетуваме дека на инсистирање на градоначалникот Арбен Таравари, ресорното министерство инсталираше мерна станица зa квалитетот на амбиенталниот воздух во Гостивар, а мерења покажуваат загрижувачки бројки.

Служба за информирање