Во гостиварските училишта се спроведува проектот “Почитувај ја различноста“
13.03.2018
Со поддршка на Општина Гостивар, Секторот за внатрешни работи Тетово, во гостиварските училишта го спроведува проектот “Почитувај ја различноста“ чија што цел да се надминат предрасудите, да нема насилство и на различностите да се гледа како на придобивка, а не како на проблем.
Првата работилница се одржа во ОУ “Гоце Делчев“ во Гостивар. Работилницата беше интерактивна и во презентациите учествуваа самите ученици кои ги пренесоа и споделија своите искуства и знаења.
„Со ваквите работилници се подигнува свеста кај младите во насока на почитување на мултиетничноста и превенција на насилство. Ние како општина, и во иднина ќе ги поддржуваме ваквите активности“, рече Сеадин Ејупи, шеф на кабинетот на градоначалникот на Гостивар, Арбен Таравари .
„Нашето училиште повеќе години спроведува проекти во соработка со Отсекот за превенција на МВР. Секоја учебна година се организираат работилници кои ги третираат темите како насилство, злоупотреба на психотропни супстанци и слично. Ваквите настани, се од голема корист за учениците“, изјави Сашо Шарески, директор на ОУ„Гоце Делчев“ во Гостивар.
Проектот „Почитувај ја различноста“ ќе се реализира и во училиштата “Единство“ и “Мустафа Кемал Ататурк“, како и во три тетовски основни училишта.
Предвидено е проектот да трае околу два месеци.
Служба за информирање