Со Меморијален марш, утре ќе се обележи двегодишнината од трагедијата кај Ласкарци
12.02.2021
Општина Гостивар и оваа година во целост ја поддржува иницијативата на група граѓани/планинари за организирање на Меморијален марш во чест на 16-те жртви кои трагично ги загубија своите животи во сообраќајната несреќа кај село Ласкарци.
На денешната средба, градоначалникот и организаторите, имајќи ги предвид прогнозите на синоптичарите дека утре ќе се задржат многу ниски температури проследени и со врнежи од снег, се согласија истиот да започне од Наплатна рампа во Гостивар (16:30 часот), зачувувајќи ја симболиката и со опфаќање на што повеќе учесници.
Маршот ќе заврши во 17:45 часот на градскиот плоштад, каде ќе се одржи симболична церемонија во спомен на жртвите и солидаризирање со семејствата на починатите.
Општина Гостивар ги поканува граѓаните да бидат дел од овој настан, строго придржувајќи се кон мерките за заштита од КОВИД-19.
Следи Рутата и Агендата на Маршот:
16:15 – Поаѓање од Општина Гостивар со организиран превоз
16:30 – Пристигнување на учесниците кај Наплатна рампа Гостивар
(Изјава за печатот на градоначалникот и организаторите)
16:50 Старт на Маршот
(Наплатна рампа- ул. Илинденска – поранешен „Жито Шар“ – „Дам Ком“ – поранешна „Стопанска банка“ – Градски плоштад)
17:45 – Пристигнување на градски плоштад
(Симболична церемонија – Обраќање на градоначалникот Арбен Таравари и организаторите)
Служба за информирање