Archive for category: Вести

Секторот за Урбанизам при Општина Гостивар со детален извештај за работата во 2024 година

Секторот за Урбанизам, Планирање и Просторно Уредување при Општина Гостивар го објави годишниот извештај за 2024 година, ставајќи посебен акцент на транспарентноста.

Според извештајот, секторот постигнал низа успеси во областа на урбаниот развој и унапредување на услугите за граѓаните.

Главни постигнувања за оваа година се:

168 издадени одобренија за градење и решенија – Од нив, 71 одобрение се за индивидуално домување, 23 за колективно домување и 20 за инфраструктурни проекти, со што Општина Гостивар е една од најактивните општини во земјата во однос на издавање одобренија за градење.
84 одобрени урбанистички процедури – За првпат е одобрен Детален Урбанистички План за Блок 15. Дополнително, одобрени се планови за дел од Блок 20, каде што е предвидена изградба на детска градинка, како и за дел од Блок 4-4a.
Имплементација на електронски услуги – Успешно се спроведени електронски услуги за сите процедури, овозможувајќи полесна и побрза комуникација со граѓаните.
Организирани јавни расправи – Редовно се одржуваа јавни расправи за прибирање сугестии и препораки од граѓаните за урбаните проекти.
Транспарентност и отчетност – На секои шест месеци се објавуваа детални податоци и извештаи за напредокот, со што беше воспоставен нов стандард во работата.
Со овие постигнувања, Општина Гостивар го потврдува својот ангажман за понатамошно подобрување на условите за живеење и услугите за граѓаните,

Општина Гостивар го усвои буџетот од 27 милиони евра, најголемиот буџет во историјата на Гостивар

Денес Советот на Општина Гостивар со 20 гласа „за“ го изгласа буџетот на Општина Гостивар за 2025 година.

Буџетот за 2025 година изнесува околу 27 милиони евра и претставува најголемиот буџет во историјата на Општина Гостивар.

Изработката на буџетот е резултат на јавна дебата на Општина Гостивар со локалните заедници, граѓаните, граѓанските организации, спортските клубови и заинтересираните страни, и опфаќа различни области со цел да се подобри животот на граѓаните.

Општина Гостивар постигна два договори со Општина Гњилане

Претставници на Општина Гостивар денеска одржаа состанок во Гњилане со претставници на Општина Гњилане, каде што беа постигнати два клучни договора.

Потпишување на меморандум за соработка помеѓу градоначалниците на двете општини, со цел зајакнување на институционалните врски и промоција на заеднички проекти во области од заеднички интерес.

Изработка на заеднички проект за програмата ИПА 3, со цел користење на средствата од Европската унија за регионален развој и прекугранична соработка, придонесувајќи кон економскиот и социјалниот напредок на двете општини.

Овие иницијативи се очекува да го зајакнат меѓуопштинското партнерство и да поттикнат одржлив развој во регионот.

Општина Гостивар постојано соработува со општините во регионот и ќе продолжи со соработките со единствена цел – развој на што повеќе проекти.

Општина Гостивар продолжува со инфраструктурни работи.

Станува збор за канализација во село Равен во должина од 120 метри.

+

Работите во општината продолжуваат, асфалтиран е патот во населбата „Малеарди“ до старите гробишта

Општина Гостивар продолжува со инвестиции во патната инфраструктура.

Станува збор за целосно асфалтирање на улицата кај старите гробишта на Гостивар. Тука спаѓаат тротоарите како и покривањето на каналот што претставуваше опасност за граѓаните.

И во наредниот период се очекуваат асфалтирање и инфраструктурни работи.