Sektori për Teknologji Informatike, në kuadër të administratës komunale të Komunës së Gostivarit, kujdeset për mirëmbajtjen e sistemit operativ, të sistemit për menaxhimin e bazave të të dhënave dhe të softuerit aplikativ, si dhe për instalimin, kontrollin dhe mirëmbajtjen e pajisjeve.

Sektori zbaton masat për sigurinë dhe mbrojtjen e sistemit informativ të komunës dhe të transmetimit të të dhënave, përgatit dokumentacionin për bazat e të dhënave dhe zbaton procedurat për mbrojtjen e tyre. Gjithashtu, ofron administrim, mbështetje teknike dhe mirëmbajtje të ueb faqes së Komunës së Gostivarit.

Ky sektor organizon trajnime për punonjësit e administratës komunale për zbatimin e teknologjisë informatike dhe të komunikimit dhe përcjell përvojat dhe përparimin e teknologjive informatike me qëllim zbatimin e tyre në sistemin informativ komunal.

Në kuadër të sektorit kryhet edhe instalimi dhe mirëmbajtja e sistemeve të mbikëqyrjes me video, përmes të cilave monitorohen kryqëzimet, parkingjet, deponitë, parqet dhe oborret e shkollave, me qëllim mbrojtjen e pajisjeve urbane. Sektori bashkëpunon me institucionet në fushën e sigurisë publike, veprimtarive komunale dhe mbrojtjes nga zjarri.