Sektori për Furnizime Publike, në kuadër të administratës komunale të Komunës së Gostivarit, përcjell dhe zbaton legjislacionin për prokurimet publike, përgatit aktet dhe procedurat e brendshme për prokurimet publike dhe organizon e zbaton procedurat e prokurimit publik për nevojat e komunës.

Sektori përgatit planin vjetor të prokurimeve publike sipas llojeve të mallrave, shërbimeve dhe punimeve, brenda afatit të përcaktuar me ligj, përgatit dhe publikon shpalljet për prokurime publike dhe, në bashkëpunim me sektorët dhe departamentet kompetente të administratës komunale, përgatit dokumentacionin e tenderit.

Ky sektor përgatit vendimet për zgjedhjen ose moszgjedhjen e ofertuesit më të favorshëm, përkatësisht për anulimin e procedurës së prokurimit publik, njofton të gjithë pjesëmarrësit për zgjedhjen e ofertuesit dhe ofron ndihmë profesionale dhe teknike për Komisionin e prokurimeve publike. Gjithashtu, kryen punët në Sistemin elektronik për prokurime publike (ESPP).

Sektori mban evidencë për kontratat e prokurimeve publike, monitoron realizimin e tyre material dhe financiar, kontrollon dhe miraton faturat e pranuara sipas kontratave, përgatit raporte për prokurimet publike dhe publikon njoftimet për kontratat e lidhura dhe të realizuara.