Sektori për Punë të Përgjithshme, në kuadër të administratës komunale të Komunës së Gostivarit, përcjell rregulloret në fushën e punës së zyrës dhe të arkivit dhe kujdeset për pranimin, evidentimin, përcjelljen dhe ruajtjen e dokumentacionit komunal deri në asgjësimin e tij, përkatësisht deri në dorëzimin e tij në Arkivin Shtetëror të Republikës së Maqedonisë së Veriut.

Sektori mban librat për shenjat arkivore dhe për shënimet arkivore dhe kryen arkivimin periodik të dokumentacionit komunal sipas afateve ligjore për ruajtjen e tij.

Gjithashtu, kryen punët teknike dhe ndihmëse për nevojat e organeve komunale dhe të administratës komunale, si sigurimi i objekteve afariste të komunës, kujdesi për parkun e automjeteve dhe transporti për nevojat e Kryetarit dhe të administratës, shërbimet korriere, mirëmbajtja e higjienës, punët e kateringut, printimi dhe fotokopjimi i materialeve, si dhe shpërndarja e materialeve të zyrës dhe të inventarit të vogël.

Ky sektor kujdeset edhe për riparimin dhe mirëmbajtjen e objekteve afariste të komunës dhe kryen punë profesionale dhe profesionale-administrative, përfshirë krijimin e procedurave, udhëzimeve dhe proceseve të brendshme.