Словачкиот амбасадор Хенрик Маркуш ја посети општина Гостивар, се сретна со градоначалникот Арбен Таравари и претседателот на АА, Зиадин Села
07.06.2018
Амбасадорот на Словачка во Скопје Хенрик Маркуш ја посети денес Општина Гостивар, каде што се сретна со градоначалникот на Гостивар, Арбен Таравари. На средбата присуствуваа и поранешниот амбасадор на Словачка во Скопје, сегашен шеф на мисијата на ОБСЕ во Братислава, Роберт Кирнак и претседател на Алијансата за Албанците, Зиадин Села.
На состанокот се разговараше за актуелната состојба во општината и во земјата, како и односите на централната власт со локалната самоуправа во Гостивар.
“Имавме конструктивен и мошне плоден разговор. Нормално, нам ни се пријатели сите претставници на меѓународната заедница и тие секогаш се добредојдени во нашиот град”, рече на прес-конференција по состанокот градоначалникот на Гостивар, Арбен Таравари.
Тој, исто така, им објасни на новинарите зошто на средбата присуствуваше и претседателот на Алијансата за Албанци, Зиадин Села.
“Тоа беше двостран договор помеѓу нас и Амбасадата на Словачка, за да на средбата присуствува и претседателот на партијата Алијанса за Албанците, господинот Зиадин Села, за да се направи анализа на односите помеѓу позицијата и опозицијата. Гледате дека владата има некоректен однос кон локалната власт во Гостивар, но бидејќи сега е актуелно прашањето за името и интеграцијата на земјата во НАТО, тоа го става во сенка проблемот. Но, сите дипломати и нашите пријатели се свесни за она што се случува во општина Гостивар, како една од главните општини во земјава”, појасни Таравари.
Изјавата по средбата даде и словачкиот амбасадор …, кој истакна дека ова е негова прва посета по назначувањето на оваа функција во месец февруари година
“Жал ми е што не сум можел да дојдам порано, но многу сум среќен што дојдов тука денес. Посебно ме радува фактот што имавме многу охрабрувачки разговор со градоначалникот Таравари. Тука имаме и претставници на ОБСЕ, бидејќи следната година Словачка ќе претседава со оваа организација. Посебно сум среќен што тука со нас е поранешниот амбасадор на Роберт Кирнак, кој одлично ја претстави Словачка, ен само во Гостивар туку во цела Македонија”, истакна меѓу другото словачкиот амбасадор Хенрик Маркуш.
Служба за информирање
