Градоначалникот на Општина Гостивар, г. Валбон Лимани, денес оствари службена средба со амбасадорот на Република Турција, г. Фатих Улусој, во рамките на неговата прва честитна посета по преземањето на мандатот од страна на градоначалникот Лимани.

За време на средбата, градоначалникот Лимани изрази благодарност за посетата на амбасадорот, оценувајќи ја како доказ за блиските и пријателски односи што Општината Гостивар ги негува со Република Турција. Тој нагласи дека оваа посета претставува важна основа за продлабочување на заемната соработка во различни области од заеднички интерес, вклучувајќи ги културата, спортот, образованието, како и економската размена и поттикнувањето проекти за одржлив локален развој.

Од своя страна, амбасадорот Улусој му честиташе на градоначалникот Лимани за победата и преземањето на функцијата, подвлекувајќи дека Турција и Гостивар споделуваат заеднички вредности, историја и интереси, кои можат да се искористат како потенцијал за интензивирање на соработката во иднина.

Во рамките на посетата, градоначалникот Лимани и амбасадорот Улусој го посетија основното училиште „Мустафа Кемал Ататурк“ во Гостивар, институција каде што значаен број ученици ја следат настава на турски јазик. Посетата беше оценета како важен сигнал за посветеноста кон образованието, зачувувањето на културниот диверзитет и зајакнувањето на врските меѓу заедниците.

Општина Гостивар продолжува да го промовира меѓукултурниот дијалог, меѓународната соработка и развојот на проекти кои носат директни придобивки за граѓаните.

Прелистајте ги најновите вести и останете информирани за настаните, соопштенијата и важните информации.