Сектор за правни работи
за секторот
Секторот за правни работи, во рамките на општинската администрација на Општина Гостивар, ги следи законите и другите прописи од областа на локалната самоуправа и се грижи за нивна примена во општината, како и ги подготвува правилниците и актите што ги усвојуваат општинските органи.
Секторот дава мислења за усогласеноста на општинските акти со законите и другите прописи, изработува мислења во врска соц нацрт-законите и подзаконските акти од областа на локалната самоуправа, како и ги подготвува концептите и предлозите на одлуките и другите општи акти во надлежност на Градоначалникот и на Советот на Општината.
Овој сектор ја застапува општината пред судовите и пред другите надлежни органи и институции, го води регистарот на судски предмети и подготвува писмени поднесоци, како предлози, жалби, тужби и одговори на тужба. Исто така, ги врши работите поврзани со имотните и имотно-правните прашања на општината.
Во рамките на своите надлежности, секторот се грижи и за прашањата за заштита на личните податоци, дискриминацијата и интегритетот.
Одделенија
Работите во Секторот за правни работи се вршат во две одделенија:
Одделение за нормаativa
Одделението ги следи законите и другите прописи во областа на локалната самоуправа, дава мислења за усогласеноста на општинските акти со законите и ги изработува концептите и предлозите на одлуките и другите општи акти од надлежност на Градоначалникот и на Советот на Општината.
Одделение за правна заштита
Одделението го организира застапувањето на Општината во правните прашања и споровите пред судовите и другите надлежни органи, го води регистарот на судски предмети и ги изработува писмените поднесоци, како жалби, тужби и одговори на тужба. Исто така, се грижи за обезбедување докази и подготвува одговори и мислења по барање на судовите и надлежните органи.