Секторот за администрирање на приходи, во рамките на општинската администрација на Општина Гостивар, ја спроведува политиката утврдена во областа на утврдувањето и наплатата на даноците, таксите и другите надоместоци, како и ги следи и применува законските прописи и другите општи акти од областа на изворите на приходи на општината.

Секторот ги утврдува и евидентира обврските за данок на имот и за општински такси, ги идентификува и евидентира недвижностите на даночните обврзници и ги води регистрите на недвижен и движен имот, кои редовно ги усогласува со регистарот што го води Државниот завод за геодетски работи.

Овој сектор ги врши работите за утврдување и наплата на данокот на промет на недвижен имот и на данокот на наследство и подарок, како и за утврдување на пазарната вредност на недвижностите. Исто така, ја организира присилната наплата на даноците, таксите и другите надоместоци и ги води постапките по жалби во овие области.

Секторот подготвува извештаи, анализи и информации за реализацијата на локалните даноци, такси и надоместоци, предлага акти за промена на стапките на локалните даноци во рамките на законската рамка и учествува во изработката на одлуки, правилници и други акти од оваа област.