Секторот за поддршка на градоначалникот, во рамките на општинската администрација на Општина Гостивар, ги извршува протоколарните работи за потребите на Градоначалникот на Општината, ги организира состаноците и средбите на Градоначалникот со домашни и странски лица и подготвува белешки и записници од неговите средби и состаноци.

Овој сектор организира и спроведува информирање на јавноста и медиумите за активностите на општинските органи, јавните претпријатија и јавните институции во надлежност на општината, ги извршува задачите поврзани со слободниот пристап до информации од јавен карактер и се грижи за објавување на информациите на веб-страницата на општината. Исто така, ги прима и навремено одговара на поднесоците и предлозите на граѓаните.

Секторот обезбедува поддршка за работата на Советот на Општината, преку подготовка и организирање на сесиите на Советот и работата на неговите комисии, подготовка на материјалите и записниците од сесиите, како и Службен весник на општината.

Во рамките на неговите надлежности се и координацијата и планирањето на локалниот економски развој, предлагањето на развојните и структурните приоритети на општината, координацијата на активностите поврзани со добивање и насочување на донациите за развојни цели, како и промоцијата на политиката на интегритет и еднакви можности за мажите и жените.