Секторот за информатичка технологија, во рамките на општинската администрација на Општина Гостивар, се грижи за одржување на оперативниот систем, системот за управување со бази на податоци и апликативниот софтвер, како и за инсталација, контрола и одржување на опремата.

Секторот ги спроведува мерките за безбедност и заштита на информатичкиот систем на општината и на преносот на податоци, ја подготвува документацијата за базите на податоци и ги спроведува постапките за нивна заштита. Исто така, обезбедува администрација, техничка поддршка и одржување на веб-страницата на Општина Гостивар.

Овој сектор организира обуки за вработените во општинската администрација за примена на информатичката и комуникациската технологија и ги следи искуствата и напредокот на информатичките технологии со цел нивна примена во општинскиот информативен систем.

Во рамките на секторот се врши и инсталација и одржување на системи за видеонадзор, преку кои се следат крстосниците, паркинзите, депониите, парковите и школските дворови, со цел заштита на урбаната опрема. Секторот соработува со институциите во областа на јавната безбедност, комуналните дејности и заштитата од пожари.