Сектор за финансиски прашања
за секторот
Секторот за финансиски прашања, во рамките на општинската администрација на Општина Гостивар, ги следи и ги применува законските и подзаконските акти од областа на буџетското работење, финансиската контрола, сметководството и материјално-финансиските операции.
Секторот се грижи за подготовка, извршување и известување за реализацијата на буџетот на Општината, за управување, мониторинг и контрола на состојбата и движењето на средствата на Општината утврдени со буџетот, како и за подготовка на месечни, тримесечни и годишни финансиски планови за имплементација на буџетот.
Овој сектор врши екс-анте и екс-пост финансиска контрола, ја следи реализацијата на приходите и расходите на Општината, врши сметководствени евиденции за извршувањето на буџетот и ја подготвува завршната сметка и годишниот финансиски извештај.
Исто така, секторот врши подготовка, прием, ликвидација и контрола на сметководствената документација, пресметка и исплата на платите на вработените во Општината, планирање и управување со ликвидноста, како и управување со долгот на Општината.
Одделенија
Работите во Секторот за финансови прашања се вршат во две одделенија:
Одделение за буџетска координација
Одделението го подготвува буџетскиот календар и го координира процесот на изработка, промена и дополнување на буџетот на Општината, врз основа на примените предлози од секторите и буџетските корисници. Исто така, го координира развојот и спроведувањето на финансиското управување и контрола и дава мислења за нацрт-актите што имаат или можат да имаат финансови импликации врз буџетот.
Одделение за буџетска контрола, сметководство и плаќања
Одделението врши контрола на извршувањето на буџетот и финансиска контрола екс-анте и екс-пост, го води буџетското сметководство и ги подготвува тримесечните извештаи, годишниот извештај и годишните сметки. Исто така, врши планирање и управување со ликвидноста, го управува долгот на Општината и врши пресметка и исплата на платите на вработените.